كل فترة تذكرني اني إاذا تزوجت راح تتركني لو معها عشر عيال وأنا سبق وهددتها بالزواج
لكن ما أخذت الأمر بجدية

لا الحمد لله ماقد صار لنا موقف قدام الناس

نعم

نعم بسرعة يمكن 3 أيام و ماعرف أحد اني طلقتها إلا أمها ووحدة من خواتها

ما أذكر من بادر بس الغالب هي

أنا طلقتها بعد تكفير طويل ولا ندمت لأني كنت بعطيها درس

أحيانا أندم إني تزوجتها أصلا


الأسبوع الماضي كنا على حافة الطلاق وبيني وبينك أنا أفكر بالطلاق بشكل جدي

على ما أعتقد

لأني قبل أسبوعين وديتها لأهلها وندمت على طول

دايم تقول لي ما أتخيل حياتي بدونك

اقتباس:

المشاركة الأصلية كتبت بواسطة إنسان ثاني لا أختي زوجتني ماهي قليلة أدب و غالب حياتنا باحترام إلا إذا صرات مشكلة من الي قلت لك والا الباقي ماتقصر فيه الله يجزاها خير بالنسبة لأنها ما تحترم الحياة الزوجية أ،ا أعتقد إنها ماتعرف الحياة الزوجية وعدها مفاهيم خاطئة بالنسبة لعلاقة الذكر بالأنثى مافيه أطفال الله يجزاك خير ويفرج همك

شف اخوي انا ماقلت ان زوجتك قليلة ادب من الباب لاطاقه لا ولكن تعاملهامعك يعتبره المجتمع الي حولك انه قلة ادب وين الادب بزوجه تقول لزوجها اغسل المغسله واذا ماغسلها تقعد تصارخ عليه

هذا وشو اجل احترام وأدب

ومعاملتها لك بصراحه مقززه حاطه راسه براسك تقول بزارين مع العلم انه كبيره بسن يعني 26وين الي كبره معهم بزارين

حنا تزوجنا اعمارنا 13سنه ونحترم ازواجنا بشكل خيالي ولكن ترجع لتربية

اناقريت ردودك على اقتراحات الأعضاء لك وهم ماقصرو


بس اكتشفت انه انت السبب لكون زوجتك هكذا الزوج هو يفرض احترامه باالبيت

واذا لم تحترمه زوجته فهي قليلة أدب وتستحق الطلاق

وانت يااخوي طرحت مشكلك ومن غير شعور لقيتك تدافع عنها بكل جنون

وكلامك عنها متقلب مره تقول ماتحترمني ومره تقول هي تحترمني بس لاتهاوشنا ماتحترمني

معناته انك راضي وحتى لو مارضيت انت ماتقدر تسوي شي لان شخصيتك ضعيفه

وصدقني حل مشكلتك مع نفسك اول بعدين تقدر تحله مع زوجتك لانه مافيه فايده من الحلول وانت اصلا ماعندك استعداد انك تحل شي

واقف عند الحد هذا واقول كمل مشوارك وتحمل الي يجيك

وعلى قولتهم من بغى الدح لايقول اح

والله يعينك ويسهل دربك

واعتذر اذا كلامي مااعجبك

ربما عندها قناعات معينة ضد الرجل وانت بطريقتك تستفزها وتثبت لها هذه القناعات وتخليها تتخذ موقف الدفاع

يعني لا شيء خطأ في اللي تقوله بالعكس ربما صحيح لكن اسلوبك هو اللي يخليها تنفعل وتتوتر

يعني أنا أتخيل لو أحد جاني باسلوب معين حتى لو مافيه هواش ولا صراخ لكن فيه نبرة من التحدي

ولا من السيطرة ولا حتى يحسسك انه الأفضل وانت ولا شي حتى لو بنظرة العين

وأن أي أمر جيد لازم يقولك هو عليه

وانك ما تعرف شيء يخلي الواحد ما يبغى يسوي اللي يقوله عنه حتى لو صح

يعني لين عطيتها مفضلة المتزوجين عشان تقرأ اسلوبك خلها ما تبغى تقرأ

ربما حسستها إنك ذكر فاهم ذكي وهي انثى ضعيفة غبية ما تعرف إلا تنفذ اللي انت تقوله

لا تقول إني أكلمها بلطف وهدوء من غير عصبية لكن

ما أدري كيف أشرح

مثلا لين كنت في عمر أصغر أبوي الله يحفظه يجي وبكل قوة ورغبة في إني أتعلم

وربما نبرة الحنية تكون مفقودة في كلامه الهادي المتزن ويسود عليها نبرة التحدي والقوة والسيطرة

في إني أقرأ كتاب معين وألخص له بعدين اللي استفدته

كانت تجيني الصيحة والقهر لكني ما أقدر أقول شيء بحكم انه أبوي

فيصير ما ودي أقرأ الكتاب وأكرهه وإذا اضطريت عشان أبوي لا يعصب أقرأة وأنا أصيح

وهو رغبته إني أتعلم لكن يفرض علي فرضا وباسلوب ما أفضله وطريقة كلام بالنسبة لي مستفزه

وربما يحسسي بعقدة النقص

بالنسبة لي خرج الأمر عن الفوز بمعومات جديد إلى تنفيذ أوامر بحته

هذا وأنا أحب القراءة وما عندي مانع أقرأ أي كتاب بالعكس


صحيح طلعت عن صلب الموضوع

لكن حبيت أوضح انه المشكلة فيكم الاثنين هي بقانعتها وانت باسلوبك اللي ما تدري انه مستفز بالنسبة لها

يعني لين تطلب منها الشيء ما تحسسها إنك ممتن غاية الامتنان

بل تحسسها بطريق غير مباشر إن هذا واجب وفرض عليها وغصبا عنها تسويه وربما هذا

اللي مولد المشكلة بينكم

والدليل إنها تحبك وكل شيء وانت طلقتها وما تأدبت مو عشان إنه الأمر ما زعلها ولا أثر فيها

بل لأنك تستفزها وانت ما تدري وهي لا شعوريا ترجع تدافع عن نفسها وتعبر عن غضبها

وعلى سالفة المعجون يعني ربما انت ما اعتذرت وقلت باسلوب لطيف معليش ماراح خلاص بكره أنظفه

لو صار يمكن من نفسها تجي هي تنظفه قبلك ... لكنك قمت وخليته

يعني هي فهمت انتي يا حرمه اللي بتنظيفنه وهذا شغلك انك تنظفين وراي أنا الرجل السيد الزعيم

وانت منتظر في قرارة نفسك إنها تقول خلاص زوجي أنا أنظفه يعني ما حسيت بمسؤلية المعجون اللي طيحته

فهذا خلاها تقول من نفسها دفاعا والله ما بنظفه


وبعدين عندي عتب بسيط حرام عليها تمن عليها إنك صبرت عليها في عملية الفض

هذا الأمر نفسي ومو بيدها المفروض تحتسب الأجر ولا تصنفه حاليا كمشكلة لأنها كانت عرضية وانتهت وهي مالها دخل


الله يوفقكم ويسعدكم

تصدق اكتشفت المشكله

من ردودك انت متعلق فيها وماتقول لها لا وتسمع كلامها

ومالك شخصيه عليها

والحرمه ماتحب الرجال كذا

الحرمه حايمه كبدها وماله منك

تحبك بس ماتدري وش تسوي تبي قوة شخصيه

الله يوفق الجميع

مرحبا اخوي الكريم

الاخوه ماقصروا كلا عبر عن رأيه واسلوبه في حل المشكله اخي من قرائتي للمشكله والردود

اتوقع انك انسان طيب للغايه وعند العامه يقال ضعيف الشخصيه ولاتزعل اخي الكريم,,

والواضح والاكيد انكم تحبون بعض وبقوه والله يزيدكم اخي ودي اقول لك ان المرأه لاتحب

الرجل ضعيف الشخصيه والمرأه اذاكان زوجها ضعيف الشخصيه وطيب بزياده


فأنها تتمادي وتتصلط عليه ولاتكون قوه شخصيه الرجل بالضرب والشتم,,


ولاكن بالشده احيانا واللين احيانا اخري اي يمسك العصى من النصف..


اخي من رأيي انك اذاصدر منها مايغضبك ماعليك الاان تحرمها من ماتحبه


مثل السفر والنزهه والسوق امااهلها فلاتحاول ان تمنعها من الذهاب


اليهم حتى لواسبوع حاول ان تغير من شخصيتك اماالطلاق,,


فأنه ابغض الحلال فلاتفكر فيه ابدا هذا ماعندي اخي الكريم


وتمنياتي لك بالتوفيق وصلاح الحال