نصيحه لاتطلق

الحمد لله رب العالمين بما إن مافيها لاسحر ولاشيء فبإذن الله الموضوع بسيط

واللي فهمته من كلامك انكم توكم بادئين العلاج النفسي فإذا كان صحيح فأبشر ياأخي بالخير

فالعلاج النفسي يأخذ له وقت علشان تظهر نتائجه

يعني الأسبوعين الأولى بتكون زوجتك جسمها طاااايح وتبغى تنام طول الوقت ووبعدها بيتعود جسمها على العلاج وتبدأ تصحصح وتصير عادية

وبإذن الواحد الأحد بعد 3 أسابيع بتبدأ بوادر العافية شيئاً فشئياً حتى تتشافى بحول الله

المهم في الموضوع أن تستمر على علاج الطبيبة بحذافيره وماتوقف العلاج من نفسها أبداااااااا

لأن توقيف العلاج يسبب نكسة وترجع أردى من أول

لازم يتم إيقاف العلاج بمتابعة الطبيبة وبالتدريج


الله يسعدكم ياااارب وربي ماراح يضيع صبرك وبإذن الله بعد شهر تبشرنا بالأخبار الحلوة.

__________________

الحمدلله ان ما فيها سحر والعلاج بالنسبه له كانت تستخدمه لمدة شهرين مو اول مراجعه للدكتوره


لكن الفتره الاخيره هاذ قالت لها تزود الجرعه من ناحية الحبوب لان ما اشوف انها متغيره معاي وشرحت

للدكتوره وقالت يبغى لها جلسات لابد منها فقلت لها انتي شوفي وضعها ااذا فيه تحسن لانها معاك

راح تقول كل ما في خاطرها لك وقالت اصبر ان شاءالله وبتحسن بأذن الله


وان شاءالله ابشركم بالامور الزينه يارب وجزاك الله خير

الله يجزاك خير على النصيحه

تفائل خير صبرت الكثيرهانت ان شاءالله

يالبى ابوي نقل من ديرتة عشان امي صكوهابعين وصارت تكرة بيتناونقلنامن المنطقة وعشنابسلام الحمدلله

ان شاءالله تتعافى وتقوم بواجبتك وتحطك بعيونهاالله يسعدكم

__________________
دعواتكم لي
الله يجزاكم خير

الله يديم عليك الاستقرار والسلام جميعا

والله يسمع منك ان شاءالله ويجزاك خير

الله يجزاك خير على صبرك عليها فعلا مافيه مثلك الله يفتح لك ابواب رزقه

__________________

الله يجزاك الف خير


والله يصبرني يارب والله احس الشيطان يزن علي طلق وارتاح وريحها

الله يصبرك ويفرج همك ويزيل حزنك
أسالك ياألله ياودود يارب العرش المجيد يارحمن يارحيم ألطف بأخينا مظلوم ويسر أمره
وأسالك يالله بأن تشفي زوجة أخينا عاجلا غير أجل وتقر عينه بها
والله يأخي كل ماأدخل المنتدى أستبشر خيرا وأقول إن شاء تزين الأمور وتستقر حالتها
ماتدري لعل الله يغير مابها في لحظه
آآآه من بعض الحريم اللي ماتقدر الحياة الزوجية ما تدري أنه لها ثواب في طاعة الزوج
إن شاء الله مابعد الضيق فرج ومابعد العسر إلا يسر ان شاء الله

الله يجزاك خير على دعواتك وكل من دعاء لي الاخوان والاخوات جميعا

حتى والله النوم ما عاد اقدر انام زي اول شايل هم احس اني حتى اعصابي مشدوده واعصب اكثر

الاحيان

ونفسيتي والله تغيرت حتى لما اطلع مع العيال احاول ارفه عن نفسي تجيني حالات اهوجس بوضعي

حتى احيانا اقول بتصل اسولف معاها مدري كيف اشرح احاول افتح مواضيع معاها واسال عن وضعها

واقولها مثلا اي شي واتطمن عليها واسالها عن معنوياتها ومتى تصحي وتنام وزي كذا او طلعت تتمشى وكلمه حلوه مثلا حبيت اسمع صوتك ما احس انها تتفاعل معاي ابد او ابجي

تقول تعال عادي عندها واسولف لها انا عن وضعي وكيف اقضي اليوم وعن دوامي هي ما تسال ادري

انها تعبانه وما عندها جراءه مو معقوله كذا لكن ما توصل لكذا لهالدرجه الاكتئاب يخلي

الوحده ما تتقبل اي شي من زوجها ولا تجي بالسلامه ولا تحاول تساعد نفسها وتجرئها

هي بنفسها تقول انا مقدره كل شي تسويه وعارف اللي قلت واللي بتقوله وتعبتك معي بس والله

اظغط على نفسي انا انا مقدر اخذ راحتي معاك ولا قادره اتكلم واذا سالتني عن شي اتضايق

مع اني قلت لها انتي حابتني او لا واحنا بالسياره قالت ايه مدري هو صحيح او لا او شي بغير ارادتها

حتى انا قبل فتره ارسلت لها قلت حسبي بس على الظروف اللي ابعدتني عنك وانا راضي عليك مها

صار وبيصير ردت علي الحمدلله على كل حال والله يرضى عليك

بس الحمدلله على كل حال صابر واحاول اعيش نفسي كاني عزوبي وانا فعلا ما عمري

حسيت اني متزوج وفيه شخص يهتم بحالي حتى الشاي لما تجيبه واحنا جالسين مع بعض

ما تقول اصب لك الشاي اذا قلت انا لها او ما تصب ياناس ما تقدر حتى الكلام انا احاول معها لكن

احيانا تجاوب على قد السؤال باختصار واذا ما تكلمت ما تتكلم ابد ناخذ لنا ساعه او اكثر تعودت

مع اني ياما وياما جاولت افتح واعلق واضحك بس ما فيه واذا راحت بتنام تقوم عادي وتروح تنام من غير

اي كلمه صرت انا اذا شفتها قايمه اسالها بتنامين تقول ايه لعل الله يفرجها يارب ويشافيها مع اني

كتبت رساله لها قبل كذا ان شاءالله ترتاحي واسمع منك احلى كلام حتى مسكة اليد احاول بالتدريج

معاه مو متقبله مع اني احيانا اقول لا تحبني بس فيه شي يمنعها والا ماراحت للشيخ او الدكتوره مع

قبل كانت رافضه تروح معاي انا وبالنسبه للموعد الجاي انا كلمتها وقلت لها ان شاءالله بجي وبنروح

للموعد مدري انا اخذها معاي لشقه او اجي واخذها للموعد وارجعها لاهلها لاني اذا اخذتها معاي

بيصير نفس الوضع حالنا مو قادر اقرب منها ولاتبي فعلا احترت