[read]فعلا الكلام معك ضايع اسمحي لي انتي لا تسمعين الا لصوت قلبك وتتجاهلين صوت عقلك والضحيه ابوك ياترى على علم بمكالماتك لزوجك اشك في ذلك على العموم الله يوفقك[/read]

لا ياناس انا اقرأ كلامكم وحدة وحدة واستفيد منه

وكتبت رد طويل على كل وحدة منكم لكن امسح

الله يجزاكم خيرا ويوفكم على وقفتكم معي اللي دعى لي واللي نبهني


اانا فهمت امور كثيرة ماكنت افهمها في المشكلة منكم

اخر تطورات موضوعي

اخت زوجي دقت علي وقول انه امس يقول خلاص ابحلق لحيتي ولا راح ارجعها البيت ابد ولا راح اطلقها الا لما تطلب هي

وتقول انه الظاهر راح يستمر على وضعه في الشرب وراح يتزوج وحدة وهي راضية بوضعه وكانه يقصد اما ترضيني بي كذا ولا بكيفك
والحين على وشك زواج
وتقول انتي عادي تعيشن معلقة وهو متزو ج تراه مايقدر يفتح بيتين قلت لها عادي عندي انا عارفه انه مو طبيعي اكيد مسحور فيه شي
والله ياناس انا متأكدة ان فيه شي يبيني اكرهه والله اني عارفة
انا انهبلت ورحت دقيت عليه وكان معصب يبي بس يهاوشني قلت له الكلام قال فعلا انا ابي اتزوج وهذا حق من حقوقي قلت له انت صاحي من توافق عليك يقول خلاص لقيت وحدة وهي راضية بوضعي
قلت حسبي الله عليك وعليها انا وش سويت فيك ليه مماقلتي لي ا
انت ليه خدعتني كل هالسنوات
تقول لي مستحيل احب غيرك واشوف غيرك او اتزوج غيرك
قلت له اتقي الله حررررام انت ماتخاف على نفسك ودينك قال انا مااعتقد ابطل شرب ابد

قلت له ياحقير ياسافل

سكر الجوال في وجهيي
انا خلالالالالاص ماعاد اكلمه واللي ربي كاتبه لي بيصير

ربي فوضت امري اليك انك بصير بالعباد

هذه جملة قلتيها سابقاً بلسان زوجكِ ... وعندما قرأتها يومها قلت لنفسي: فترة وتعدي؟؟ .. هو يضحك على من؟؟!!!!!

وهاهو يقول لكِ الآن صراحةً إنه لا ينوي ترك شرب الخمر!!!!!



الله يرضى عليكِ يا أختي ... زوجكِ ليس ضحية .. فلا تحاولي إقناع نفسكِ بذلك ... السحر لا دخل له بالموضوع .. ولا حتى المرض النفسي الذي ذكرتيه سابقاً .. والحاصل أن الشيطان تمكّن من زوجكِ والمعصية أعجبته وأصبح يستمرئ الذنب الذي يرتكبه.



أما

فغالب ظني أنها حركة خبيثة منه حتى تطلبي أنتِ أو والدكِ الطلاق وبالتالي يجبركِ على أن تتنازلي عن حقوقكِ المادية!!!



تجاهليه تماماً يا أختي ... فوالله إن البعد عنه غنيمة لا تدركينها ... واجعلي أمركِ كله بيد والدكِ ولا تتدخلي على الإطلاق .. وحتى لو وصل الأمر إلى تنازلكِ بالفعل عن حقوقكِ المادية فهذا خير من أن تعيشي مع رجل كهذا.

أما إن هددكِ وطالبكِ بالتنازل عن حضانة أبنائكِ .. فعندها هو لا يستحق إلا أن تكشفي ستره أمام القاضي .. لأنه غير مؤهل لتربية أبنائكِ.

__________________


اللهم طِيبَ الأثر .. وحُسْنَ الرحيل.

الكلام معاك يا ثبات ما ينفع!!

اعذريني بس انت ساذجة جدا والله يصيبني قهر لما اقرأ ردودك اللي تبين انت كم ضعيفة ومالك أي شخصية ومستسهلة شرب زوجك للخمر بس عشان ما يتركك...والله هاي ما يستحق حتى ظفر منك شو الشي الزين اللي فيه؟ شو اللي مخليك ميتة عليه؟

شربه للخمر ولا مرضه ولا اسرافه ولا تكبره وغروره؟ شو أبي أفهم...؟! أعصابي انحرقت وأنا أقول لك يا بنت الحلال قوي نفسك وصيري انسانة عاقلة وانت ولا همك ما شايفة غير هالسكير اللي ما ينفع!!

اعذريني بس والله قهرتيني..

__________________

مهرة والله انك صادقة شكله يبني اطلب الطلاق
اما عن ابنائي مااظن مستحيل يطلبهم وش بسوي بهم اصلن هو دايم يمل من وجودهم

انا فوضت امري الى الله وهو حسبي واللي يكتب ربي خير لي ولاابنائي

دلوعة

شويش علي لاتعصبين والله اني اصدقك بس مو مستوعبة مصدومه وخايفة في يوم من الايام كنت اعيش وسط جنة خضراء جميلة مهما كنت اتعب الا اني اتلذذ بالتعب في ذمة زوجي وابنائي ومملكتي
كنت ابني معه احلام جميلة حين تخرجي وحصولي على الماستر
ومن ثم الحصول على الوظيفة
السفر في العطل والتخطيط له
تغيير ديكور المنزل
كل شي يمر على خاطري الان
اليوم طفلي يأخذ البطاطس من اختي ويقول لها هذا حقي ويحطه بالشنطة ويقول ماما ناخذه معنا البيت
امس يقول لي ماما ابي اروح غرفتي
اليوم قلت ابغير جو ورحت السوق مع اختي كل لبس اشوفه اتخيل نفسي لابسته وزوجي يشوفة علي
المحلات بس ادخل واتذكر وين وقف واروح اوقف
الطريق اللي مر منه اروح فيه اشم ريحته
عجزت اشتري شي مرررة لان اللبس اللي مايشوفة ماله فايدة
قلبي يتقطع فجاءة انقلبت حياتي
قد اكون فعلا عاطفية جدا لكن لست ضعيفة كل اللي فيني حب جنوووووووووووووني لزوج ماشفت رجال بالعالم زيه

انا وانا اكتب لك هذه الكلمات ابني تضارب مع اختي وجاء يقول لي سنذهب الى البيت
زوجي دمر حياتي وحياة ابنائي

ادعي لي يادلوعة ادعي له

ولاتعصبين علي تكفين مع اني احبك واحب تعصيبك

لزوج ماشفت رجال بالعالم زيه


ما شفتِ مثله؟ ما شفت مثله شارب للخمر ولا مريض ولا مغرور ولا حقود ولا ولا ولا شو؟

يا ثبات لو كان ان شاء الله يبوس الأرض اللي تمشين عليها وهو يشرب ما يستحق حتى تشوفين عليه...

يا ربي وينك من الرسول عليه وعلى آله أفضل الصلاة والسلام والأحاديث الكثيرة اللي تذكر حرمة الخمر وذنبه العظيم!!

لو يكذب لو يسرق لو يشتم كنت راح أفهم موقفك بس خمر!! مرة وحدة!!

الإنسان اللي يشرب حثالة ما منه فايدة...والله لو كنت مكانك لأوريه نجوم الليل ولا عاد يشوف رقعة وجهي لو يصير امام مسجد...

لا ويهددك وحاقد على أهلك ويتأمر بعد!! هاي اللي ناقص شين وقوي عين..

زوجك ضايع صدقيني ولا في أمل منه لو انت ظليت على هالحال...والله تعبنا وعيينا واحنا نفهمك وانت مشاعرك الساذجة مسيطرة عليك وعامية عيونك..

احنا نتمنالك الخير ونريد مصلحتك..بس كيف ممكن نساعدك وانت بروح ما تبين مصلحتك!!

يا حبيبتي فتحي عيونك...يألمني أختي في الله حالتها كي ومو قادر تستوعب الصح من الغلط...بكرة يدوسك ولا يهتم لأنك بعت نفسك لواحد شارب والشارب ما منه امان..

__________________

يا عمري

الله يهون عليكي يارب ..

والله اني مقدرة تمااااااااااااااااااااااااما لمشاعرك


أسأل الله الكريم أن يلطف بيكي ويكتب لك مافيه خير الدنيا والآخرة ..

ثبات . الله يثبتك ... يارب و يربط على قلبك ...

حبيبتي حاسه فيك .... اكيد بيكون بقلبك بعض المشاعر له .. هذه عشرة سنيين
ماهي ايام و لا شهور ... عشرة نتج عنها احلى اطفال .... و يتهيألي انه خلال هذه العشرة
كان نعم الزوج معك اللي ما شفتي منه الا كل خير .. عشان كدا تغيره و تعامله الحين معك و شرب الخمر
و المعاصي الي هو فيها صدمتك ..

لو كان من بداية الزواج يشرب و بضربك و يهينك و يوريك الويل كنتي الحين فرحانه بالطلاق و تتمنين الفكه منه اليوم قبل بكره

لكن لانه تغيره جاء فجأءه صارت زي الصدمه لك .. اقتلب عليك 180 درجة بفترة بسيطة ... مو بالتدريج الي ممكن يكرهك فيه ..

لكن يا قلبي ... التفكير و الهم ماراح يفيدك بشي ... لو كان عنده ولو واحد بالمية رغبه بالتغيير حاليا

كنا قلنا لك ارجعي .. سانديه ... اوقفي جنبه... الخ .. لكن مبين عليه انه سعيد بحياته الجديدة المليئة بالذنوب ..

لا و كمان حصل اللي فرحانه فيه ... خلاص .. هو حر .. رجل بالغ عاقل عارف الصح من الغلط ...

حبيبتي اشوف ما عندك الا حلين .. اما تطلبي الطلاق و تعيشي مع اطفالك و تربيهم و ان جاء لك نصيب ثاني

شوفي حياتك معاه و ربي يوفقك ...

ولو ما ودك تتزوجي و حابة تظلي ام فقط .. لا تطلبي الطلاق و خليك على ذمته و عليك بالدعااء ثم الدعااءء ثم الدعاء

عسى ربي يهديه في يوم من الايام ولو بعد حين و يرجع لك ولاولاده .. و ياما ناس مروا بفتران ضياع و بعدين ربي هداهم

و رجعوا احسن من اول .. بس ماابيك تتعلقي بهذا الامل .... لانه مجرد امل ... وسوسة الخمر صععبببة لكن مابقول

مستحل.. مافي شي مستحيل على رب العباد اذا اراد شيئا ..

انتبهي عل اولادك هم الاهم الحين .. وهو سيبيه لا عاد تتصلي و لا تسألي و ادعي له ..


ربي يعينيك و يوفقك و يهديه لك و يرجعه لك و لاولاده و يبعده عن المعاصي و الذنوب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

الصراحه اختي الغلط راكبك من فوق لتحت ...يختي خلاص انتي سويتي الي عليكي واهلك سووا اللي عليهم ... وهو على ايش شايف نفسه ؟؟؟؟
المفروض واحد غيره يخجل من نفسه ومنكم ....
شوفي ... من قالك انه مسحور ؟؟؟ اصلا وش على السحر من شرب الخمر ؟؟؟ انا ادري انه كان يقرا على الناس ... لكن مومعناته انه كان احسن انسان في الدنيا ولا معناته انه معصوم من الغلط واي شي يصيبه يكون لااراديا ....
انتي عارفه وش معناة يشرب خمر ؟؟؟ يعني ممكن يضربك ,, ممكن يشك فيكي ,, ممكن يشوه سمعتكم وسمعتك ,, معناته بيجر عيالك لطريق السوء بيدمر حياتكم ....
اذكر قصه درسناها بقولك مختصرها ... ان انسان خيروه بين شرب الخمر او انه يزني او يلعب القمار فاختار شرب الخمر ,,, فلما شرب زنى ولعب القمار ... لان يااختي اللي يشرب يفقد ممكن يسوي اي شي يخطر في بالك ,,ممكن يقتلك لان الوساوس تلعب بمخه ويسوي اي شي بدون وعي ...

ابوكي اللي سواه عين العقل ... بس انتي قاعده تخربي كل شي بعاطفتك ...انتي تذكرين بس ايامك الحلوة وياه وتتحسفين عليها وتتمنيها ترجع ... تخيلي معاي ايامك اللي بتجي وتخيليه داخل عليكي سكران كل يوم والثاني ... تخيليه يضربك ويضرب عيالك ويشك فيكي ... تخيلي بيتك السعيد يتحول لجنهم ... وبعدها اوقفي مع مشاعرك وقفه جاده واحكمي انتي ..

اعرف وحده صديقتي زوجها مستواه كويس وملبيلها كل طلباتها ... الكل يحسدها عليه وفجاه صارحتني قالت لوتشوفين الوجه الثاني لزوجي تبكين على حالي ماتفرحين لي ... تقول زوجي يشرب خمر ويجي متاخر ويضربني ويبهذلني قدام العيال والشغاله لدرجة احيان يقول انتي كنتي جايبه رجال للبيت واحيان يقول كنتي طالعه معه ... تقول وربي ضرب واهانه قدام بناتي لدرجة البنت الصغيرة تقول انا ابي اصير رجال عشان اضرب ابوي اللي يضرب امي ... واللي يبكيها تقول تخيلي اهلي يدرون بكل كذا وعادي يقولون اهم شي عيشتك مرتاحه ولااحد داري ينام ويقوم يراضيكي ولاكنه سوى شي... تقول وربي احس لووراي رجال مارح يسوي كذا ... وجد لوكان احد وقف له وقفه جاده زي ابوكي كان تادب وله فراقه عيد...

اذا تبين نصيحتي لاتتصلي نهائي واشغلي نفسك باي شي وخلي كلامه بسمع اهلك ولو تتعلقين مية سنه ارحم ماتعيشي مع انسان موبوعيه ...