عندي سؤال


هل تحبها ؟؟؟؟؟

__________________

الان ... مدري

قبل ... ايه ... بحكم الارتباط وتونا متزوجين طبيعي ان الحب يكون هو الطاغي ... وبعدين انتقل الحب لأجل انها ام أولادي ... ثم تحول الحب لأجل أولادي لكي لايعيشوا الشتات ... ومن ثم قل منسوب الحب وأصبحت احب ذاتي وأفكر في نفسي وظهر سؤال في خاطري ... انا رجل وصابر على الحرمان ؟
لكن السبب اللي جعلني لم افكر بالزواج ... هو عدم اقتناعي بفكرة الزواج الثاني وأقول في نفسي لعل وعسى أن تتعدل ... ولكن اكتشفت انني ضحكت على نفسي يعني الفرصة تعطى سنه سنتين بالكثير 3 ماهو 15 سنه .

للأسف لاتزال الأمور مكانك سر يعني دوران في حلقة مفرغه ....
واذا كانت الفرصه تحتاج زمن فأنا الأن أنظر لهذا الزمن بأنه مجرد زمن يضيع من عمري ... ولكي أكون صادق معك أنا الآن لا يعنيني اعتدالها ورجوعها للعقل والمنطق في شيئ لأني اعطيتها من عمري ما كفى ...

انا سالت هالسوال

ختى تعرف انت وش الي تبغاه

اذا انت فعلا تحبها راح تستمر معاها وراح تسعى انك تغيرها وماراح تقدر ترتبط بانسانه ثانيه

لانك راح طول الوقت تقارن وتتذكر وتتخيل انها هي الي تعاملك كذا

انت لازم تعرف انت وش الي تبغى

وكمان لازم تعرف وش اخطاءك لانه لايوجد انسان خالي من العيوب

اكيد فيه سبب مخلي الوضع كذا

الله يسر لكم الي فيه خير لكم يارب

__________________

صح كلامك مافيه احد الا فيه عيوب وبقول لك عيوبي بمواقف كان مفروض اني ما اسويها وهذي بعض من عيوبي مدري وش العيوب اللي مفروض اقولها عن نفسي اذا تحبي اتبلا على نفسي ما أقدر أتبلى على خلق الله أروح أتبلى على نفسي ... لست متعاطي خمر ولا مخدرات ... لا أكل مال حرام ... لا أكذب ولا أحب من يكذب ... أحترم أي شخص أقابله حتى لو كان كثير من الناس لا يقيمون له وزن إما لفقره وإما لقلة تعليمة وإما صغر وظيفته فأنظر له بأنه بشر ومكرم من الله ... احب والدي وبار بهم ولله الحمد وبار بوالديها واخوانها واخواتها وان ماقلت فيهم خير ماجبتهم بشر وأفكر فيهم اكثر مما هي تفكر أو ان لم تقل فأمرها بمساعدة اختها التي تعيش ظروف الله اعلم فيها وما قدمته لأختها لا أحب ذكره انما ارتجي اجره من الله ... لست براعي السفريات ... محب لأبنائي وحريص على مصالحهم بأقصى درجة ولله الحمد ... لست بالبخيل ... بل قد اتدعى الكرم وأدخل معها بالتبذير ... حساس ولا أجرح شعورها ولا كرامتها بشيئ ... منصت جيد لها اذا تكلمت مشارك لها بالرأي لست بمن يمشي ومعه مكبر أكبر أخطائها أو البحث عن هفواتها وزلاتها ولا استعجل المحاسبة ولا العقاب ... نسااااااااااي ومتسامح فوق ماتتصوري ... وأزيدك من الشعر بيت كنت الأب وأقوم ببعض واجبات الأم وأغطي جوانب يفترض أن تكون من صميم أدوارها أقوم بها أنا واضعاً لها أعذار من عندي بحسن نيتي ... ومن بعض الأدوار التي أقوم بها وأكتشفت انها لا ترى انها مقصره فيها اذا كلمتها فيها وتكتفي بقول اني مشغوله أو ما انتبهت أو أحد البنات هي السبب حسبي الله عليها ( حسب ماتقول ) مثلاً كنت اذا رجعت البيت قبل لا أتجه إلى غرفتي اتجه إلى غرف أبنائي إذا كنا في الصيف أتأكد من أنهم لم يزيدوا تبريد المكيف وفعلاً اجدهم مزودين عليه وبردانين وهم نايمين فأخفف على التبريد وأترك الباب مفتوح إلى أن يعتدل الجو في الغرفه ثم أذهب لغرفتي وفي الشتاء اتجه الى غرفهم لأتأكد من أن أغطيتهم عليهم ... وتناقشت معاها كثير في الموضوع هذا انها ليش ماتتأكد قبل ماتنام هي وتسوي مثل اللي أسويه تقول هذولا مجنن أنا قايله لهم لا تزودون على المكيف بس مايسمعون كلامي أقول أقول لها وانا طيب اقول لك ليش يسمعون كلامي والا ليه مايسمعوا كلامك أنا عمري قلت لهم لا تزودوا على التكييف أنا أجي وأتأكد قبل لا أنام وأقول لك ليش ماتسوين كذا يعني اناقش في شي ترد في شي ثاني ...
موقف آخر .... الأدويه الموجوده في البيت دايم الاقيها على المكتبه بس قريب في متناول يد البنت الصغيرة وهوشات انا وياها على الشي هذا وهي مجرد ما أقول ليش مخلينه قريب على المكتبه والا احيان على الأرض تقول وحده من البنات الكبار اخذت منه و تركته أقول لها أنا مالي شغل بالبنات لأنه حتى لو هم ما اهتموا انتي مفروض تنبهينهم وتقولين على الشي هذا وهن يتعودا منك هذولي بناتك انتي مسؤله عنهن وتربيتهن ومهما كان البنت لأمها أقرب والكلام لما يجي لها منك تتقبله على أساس أنه تربية وتنبيه وممكن لو أتكلم مع البنات واتناقش معاهم ممكن يعتبرنه هواش لهن .... وأنا شغال بس أرفع الأدويه اذا لقيتها .... وسافرت ليومين فقط اليوم الأول لسفري البنت الصغيره أكلت حبتين ووداها أخوي للمستشفى وعملوا لها غسيل معده ... وللعلم الحبوب اللي أكلتهم حبوبها هي ....
مثال آخر دايم أقول لها لا تتركون شي في الأرض أي شي ممكن ينبلع لا تلاقيه الصغيره وتلقطه وتروح فيها ... وتلاقيني وانا ماشي لا شعورياً اذا شفت شي اخذته ورميته وأنبهها عليه اني لقيت كذا ولقيت كذا لأجل تشوف وتفهم وتحس لكن أكتشفت انه لا حياة لمن تنادي بعد ماجتني البنت الصغيره من المطبخ وواضح ان في فمها شي قلت افتحي فمك وش لقيت حبة زيتون طلعتها من فمها ورحت لأمها وكانت وقتها تسوي العشا وقلت لها شوفي وش هي آكله حبة زيتون قالت ايه انا عطيتهياه قلت تعطيها حبة زيتون وهي ماكملت سنة ونص ماتطلعين النواة اللي فيها قالت هذي مجنونه ماتبي الزيتون الا كذا ... قلت اجل منتي ملزومه تعطيها ... وتنرفزت عليها وتهاوشنا بس وش افضل النرفزه قبل لا يصير شي والا النرفزه بعد مايصير الشي لا قدر الله .... وجيت مره لقيت البنت الصغيره نايمه على ظهرها بالصاله على الأرض وتتابع التلفزيون جيت جنبها الاعبها وضحكت أول ماضحكت الا في فمها زيتونه قمت على طول عدلتها وطلعت الزيتونه من فمها ورميتها ... وهاوشتها على الشي هذا .... بعدها أيست منها وصرت اجيب زيتون بدون نوى .....
مثال آخر الاكياس دايم اقول لها لاتكون مرمية بالأرض لأنه ممكن الصغيره تحط الكيس على راسها وتختنق لأنها ماتعرف كيف تطلعه .... لقيت مافيه فايده تصرفت تصرف اقرب للجنون وقتها ماكان فيه شغاله ... لقيت كيس مرمي اخذته وجبت مقص وقعدت اقص الكيس قطع صغيره وانثر شوي بالصاله وشوي بالأسياب وقلت شوفي مو مشكله اي كيس الاقيه راح اقطعه كذا واجيب كيس ثاني من عندي وأوزع بالبيت كله وانتي اللي بتنظفي واذا ماهمك الكنس عادي لا تكنسي وخاي اللي يجي يشوف وماعندي مشكله قولي ( .... ) هو اللي سوى كذا عشان العالم تدعى لك ان الله يعينك علي ...
رد قد يعتبر طويل ولكن والله ليس من الطول بالشيئ على أرض الواقع ...

الله يوفقك ويصلح حالك ياكريم ويحقق لك ماتتمنى ويهدي زوجتك سبحان الله دنيا غريبة

اخي ولهــــــــــــــــــــــــان

..افهمك جيداً ..والغريب أنني لا استطيع مساعدتك ..سوى بالدعاء والتهوين عليك ..

لو لم تقول ان ابنتك الكبرى في الرابعه عشر من العمر " الله يخليها لك " لما شككتُ ابداً بأنك والدي

كان الله في عونك ..

زوجه قياديه بطباع خاطئه .. نكديه .. وأتوقع دووووووم تتحلطم .. الاشياء اللي تشتريها حتى لو ناقصه البيت ما تعجبها ..

مقصرة في واجباتها سواء الزوجيه او واجباتها تجاه الابناء .. شكاكه فيك درجه أولى .. وفي كل الرجال ..

واتوقع مهما قدمت لها لتملىء حياتها العاطفيه او الرومانسيه "تتجاهله " او بمعنى اصح لا تصدق بأنه نابع من قلبك .. تس

انك غلطان وجاي تكفر عن خطأك

أسئلك سؤالاً " ألم تسافر في ذالك العام بمفردك ؟؟


وفي النهايه " كلاماتي مجرد توقعات ممكن اكون قد اصبت ..وممكن أخطأت " واتمنى ان تكون حياتك افضل من وصفي ..

ووفقك الله .. ووهب لك نعمه الحياة الهنيئه المليئه بما تحب دنياُ وأخرة ..

حوراء الحسين .... اثرتي في داخلي أسئلة كثيرة أولها من أنتي ؟ واخرها ... يا ترى من تكوني ؟

الأشياء التي ذكرتيها لم أتذكرها لأسجلها فقمتي بكتابة مانسيته مما أعانيه ...

مالونته هو ما قد أكون نسيت أن أذكره .... وهو واقع للأسف ....

لم أعرف ما تقصديه من هل سافرت لوحدي في ذلك العام ؟! .... اتمنى التفصيل أكثر ... فما ذكرتيه في

ردك جعلني أقول ... ان الدنيا ممكن تكون أصغر مما نتصور .... وان الصدف ليست من نسج الخيال فقد تكون

حقيقه .

اشكر لكي ردك الذي اثار في داخلي عدة اسئلة ....