09-04-2008, 09:34 PM
|
المشاركة الأصلية كتبت بواسطة غلا 2005
منتظرة فرج ربها
اعذريني يا قلبي ما فهمت عليك..والله راسي مليان نوم ممكن تعيدين؟؟؟ فضلا لا امرا ومشكورة مقدما حبيبتي الأزون الله يوفقك مع زوجك ويسعدك دنيا واخرى نفسي والله اني اسوي نفس خطواتك وقد فكرت فيها بس زوجي ما عنده ذرررررررررررررررررررررررررررررررررة صبر ..وقد قال لي ..روحي عند اهلك واذا ما تبغين ترجعين..في ستين داهية...انا ما ابغى كل يوم مشاكل ..مع ان ايامنا مو كلها مشاكل..وهو اصلا اذا زعل ..لازم يقول هالكلمة انت منكدة علي وما تبيني ارتاح ..لا ليلي ليل ولا نهاري نهار بعدين انا ما عندي اب واخواني كلهم اصغر من زوجي بسنوات وبعضهم يمكن لو اخوي هذا اللي توفي رحمه الله كان اختلف الوضع لآنه طيب معي ولا يرضى علي واتوقع اخواني ما يرغبون بالطلاق لآنهم ينظرون لزوجي نظرة احترااااااام يحسبووووووووونه فوق العلالي انا فكرت اهدد زوجي بالطلاق بس خايفة يتهور ويسويها لآن كما قلت ما عنده صبر وكما قلت هو قال لي كم مرة انه غبي انه تزوج وان العزوبية افضل من الزواج الله يهديه آآآآآآآآآآآه يا قلبي ..صبرك صبرك..احس ان حبي له ضعف لكني لا اقدر استغني عنه |
09-04-2008, 09:50 PM
09-04-2008, 09:53 PM
|
المشاركة الأصلية كتبت بواسطة منتظره فرج ربها
حبيبتي غلا كلامي واضح ومختصر
وبالنسبه ان راسك مليان نوم هالشي مامنعك من الرد ومناقشه باقي الردود الي تعجبك والي ماتعجبك تقولين تعبانه ههههههه الله يسامحك عموما انتي تطلبين مشورتنا وتتهربين من الاراء الي تقولك شدي عليه شوي وطالبي بحقوقك واضح انك ماتبين تحلين مشاكلك فقط تبين تلعبين دور الضحيه والكل يطبطب عليك عزيزتي لآني اعرف زوجي واعرف لو لمحت له بالطلاق مجرد تلميح رح يقول توكلي على الله وعيشي حياتك لآنه قد قال لي خليني اطلقك وتتزوجي واحد تجيبي منه عيال لآني مو مستعد على خرابيط المستشفيات و و و وياليت نطبطب كلنا على بعض احنا مهما كان اخوان في الاسلام ومن فرج عن مسلم كربة فرج الله عليه كربة من كرب يوم القيامة..وأتمنى ان اول واحد يطبطب علي هو زوجي المحترم هداه الله وانا شخصيا اعتذر وبشده اني دخلت موضوعك وابديت رايي فيه ولن ادخل موضوع اخر لك ابدا أقدر لك هذا الشيء واشكرك ادعوا الله ان يرزقني واخواتي واياك وكل محروم ماسال في رعايه الله |
09-04-2008, 10:06 PM
09-04-2008, 11:19 PM
10-04-2008, 01:12 AM
10-04-2008, 01:51 AM
10-04-2008, 03:12 AM
10-04-2008, 03:37 AM
10-04-2008, 06:33 AM
|
المشاركة الأصلية كتبت بواسطة جنّة الدنيا
والله ياأختي مانبي نجرحك ولاودنا نزعلك لكن الحق حق وإنتي طلبتي راينا ..
الي يقولك انتبهي من الطلاق تقولين صح عليك .. والي يقول شوفي مستقبلك تقولين ماأقدر !! وش نسوي طيب ؟؟؟؟ تقولين خابزته وعاجنته ،، أجل ياوحدة من هالثنتين: *إما إن زوجك مافييييييه أمل من إصلاحه والله قادر على كل شيء .. * أو إنك لاخبزيته ولاعجنتيه ولاهم يحزنون !!! يعني مافهمتيه ولابعد عرفتي مفتاح قلبه مثل ماقالت أم جمانة .. مايصير كذا يالغلا !! حبيبتي احنا ماعرفناك إلا من 3سنوات ،، وكل مشاكلك مع هالرجال تدور في فلك واحد وإنتي تدورين في حلقة مفرغة !!! كل فترة تستشيرنا في مشكلة ويكون واضح فيها سوء أخلاق زوجك وضوح تااااااااااااااااااااام مايخفى على أحد !! بغضّ النظر عن أسبابه ومو معقول إن كل مشكلة تصير تكونين إنتي السبب فيها !! ثم إذا ناظر في وجهك وابتسم أو حتى ماابتسم تجينا والدنيا مو سايعتك من الفرحة وتقولين ((أبشركم رضى هو طيب بس عصبي شوي )) ثم تنقل المشكلة للمحلولة وبعد فترة يسويلك مشكلة ثانية وتنتهي بنفس النهاية بالضبط إن ماكان أردى بعد !!!! الله لايرضي عدوه !! ياحبيبتي ليش ترخصين نفسك لهالدرجة ؟؟؟ كيف تهونين على نفسك ؟؟ إنتي انسانة ربي خلقك عزيزة ومكرمة يجي بشر مثلك يذلك ويحقرك ويستكثر حتى يناظر في وجهك !!!! وإذا كان مالك أبو تصيرين ذليلة وتعضين على شحمة وتنطمين ؟؟؟؟؟؟؟؟؟؟؟؟؟؟؟؟ يالغالية زوجك ماأرخصك وقالك روحي لأهلك إلا لأنك أرخصتي نفسك ولالو كنتي حازمة ولاتنازلتي عن حقوقك إن كان مشى على الصراط المستقيم وعرف حدوده !! ماأقولك تمردي على وضعك !! لا !!! لكن أقلها حافظي على انسانيتك مع هالزوج واحفظي لك حقوقك ..! ياغلا أقسم بالله قلبي يتقطع عليك !! من يوم عرفتك وقريت كل مشاكلك وأنا ودي أقولك هالكلام بس قلت خلينا نصبر والله يفتحها بوجهها .. 14سنة !!! تحسبينها سهلة ؟؟؟؟ ياغلا إنتي ماقصرتي أبدا عطيتيه الفرصة وزيادة وهو ولافكر فيك !! كل الأساليب والطرق جربتيها معه على مدى 14سنة ،، حصلتي شي ؟؟ تغير شي ؟؟ إلا كل ماله الموقف يزيد سوء .. والله أنا أدور بس موقف واحد يشفع له في كل مواضيعك ومالقيييييييييييييت ولاموقف !!! تقولين الحب والعشرة والـ14 سنة ماتهون !! لكن وربي لو أنا مكانك لأقول ((( عشان كلمة ماما تهون ونص ))) .. ولو كان زوجي طيب وحنون ويطبطب علي ويحاول بالعلاج وأخلاقه زينة معي إن كان كفاني عن كل أطفال الدنيا .. بس عيشة كذا ؟؟؟!!!! أضحي بكل الي عندي عشان أفتك منها ... ولاتفكرين إنك يمكن ماتتزوجين عقب ،، احنا نبذل الأسباب والباقي على ربك سبحانه .. ،،، وللأفاضل الي يستنكرون الردود الي فيها حث على طلب الطلاق أقولهم: الطلاق من شرّعه ؟؟ وليش شرّعه ؟؟! ياأعزائي إذا ماكان الطلاق حل في هذي المشكلة أجل وين يكوووووون ؟؟؟ والي يقولون لاتحرضون الحرمة على زوجها: والله نعرف حديث الرسول صلى الله عليه وسلم (لعن الله من خبب امرأة على زوجها) وأعوذ بالله أن أكون منهم ،، لكن أنا ماجبت كلام من عندي ولاهولت القضية كل كلمة قلتها أخذتها من مواضيع غلا السابقة وحاولت أتجاهل أشياء كثيرة خوفا من أن أقول شيء يحاسبني الله عليه .. الهي في هذه الساعة المباركة وفي هذه الليلة المطيرة ،، اسألك ياإلهي أن تفرج عن أختنا غلا وأن تلهمها من أمرها رشدا وأن تيسر لها كل عسير وتذلل لها كل صعب ،، اللهم اكتب لها الخير في عاجل أمرها وآخره ولاتكلها إلى نفسها طرفة عين ولاأقل من ذلك ،، اللهم أقر عينها بالذرية الصالحة البارة وارزقها من واسع رزقك ولاتحرمها فضلك ياذا الجود والكرم .. غاليتي ،، يعلم الله أن هذه الكلمات تختلج في قلبي من عرفتك وقرأت مشاكلك وماكتبتلك إياها إلا بعد تفكير عميق واستخرت الله في ذلك وأعدت قراءة كلامي فوق 10 مرات وحذفت منه كثييييير مراعاة لك ولو إني ماأحب أجامل .. أنا كتبت وهذي كتبت وهذا كتب وإنتي حائرة مشتتة ولاألومك أبدا لكن الفاصل في هذا كله ((( الإستخارة والدعاء ))) داومي عليهم والله يقدم لك الي فيه الخير .. |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
