أحس النصيحه هذي كانت تتطبق ع حريم الطيبات

أما اليوم ربما تعاند وتزيد ويظل مشغول باله منها

السلام عليكم
هذي كانت مشكلتي اذا فيه احد كان ناسي
ي اخواني واخواتي كثير منكم قالي خللي الشك على جنب وانا ماشكيت فيها ولكن اي رجل راح يضايق من نظرات زوجته !
وكثير منكم قاللي انه انا هدفي الطلاق ومالقيت الا هالشي التافه وانا اشوفه انه ابدا مو تافه لكن مارح اجي هنا واطرح مشكلتي من الاساس

ثالثا كثير قاللي يمكن هي متعوده على هالشي وماقصدها ابدا اي شي ثاني لكن المشكلة اني نصحتها كثير و قلت لها بالعبارة الصريحة ( نظراتك تنرفزني )
تناقشت انا وهي ... صرحت لها .. عاقبتها ... حرمتها .... واخر شي قلت لها اني بطلقها اذا ماتعدلت والوضع مثل ماهو تتعدل شويات وبعدين ترجع مثل ماهي

وانا رديت من بلجيكا كنا مسافرين فترة لها ونفس تصرفاتها
اما الشخص اللي يقول تزوج عليها والله وانا اخوك انا احب وافضل اني اعيش مع وحده
ابي اعيش حياتي مع وحده وماودي بوجع الراس والشاكل

هي مااقولك انها ( تبصبص ) او تتعمد او تسترق النظرات او انها تشوفني لاهي وطالع
لا لا ولكن هي تسوي scan على المكان والاشخاص ولكن نظراتها تزعجني لربما هي متعوده مادري ايش وضعها ولكن ماهو شي مستحيل اذا ماتغيرت وعدلت نفسها ماهو شي صعب

اتمنى محد يفهم كلامي الاخير غلط ويقول انت مكبرها ومادري ايش
انا لما اتكلم احب انصف في كلامي

اذا في احد عنده اي حلول اخرى ممكن ينورني او يفيدني فيها يتفضل مشكور يقولي
وشكرا لكم

الحل الوحيد تلبس عباية وغطوة
تغطي وجهها كامل...

مافهمت ؟؟ واللي تغطي وجهها كامل ماتقدر تشوف !!

براي المشكله فيك
بدليل تركيزك على السفره لبلجيكا
و ذكرت مسءلة التتنيحه للنادل في سفرتكم للخارج
من كلامك انها تتنح للبره
وشايل هم انه مسافر بره وخايف من نظراتها
كانه في بلدكم مافي رجال تطالع فيهم
ومن كلامك يوضح انها ما تطالع للرجال اللي في بلدكم

لما تغطيها بتحل نص المشكله الرجال ماينتبهو لنظراتها

وهي بتعدل من نفسها لانه بتحس إنه نوع من العقاب

رغم عدم تأييدي لهذا الاقتراح لكنه حل مناسب بما إنك كلمتها كثير وماتبغى تتغير

نعم اعتقد ان هذا هو الحل المناسب انها تتغشى او تتنقب ، بس و الله غمضتني ، يمكن تعودت على كذا انها تتمقل ، كنوع من إثبات الشخصيه او انا هنا و زياده عليه انك تتضايق ، بس مع الوقت راح تتغير .

معك حق اخوي الموضوع فعلاً يضايق واللي يقول انك مكبر الموضوع لو شاف زوجته عيونها طايره على كل رجال بالشارع ماراح يقول الموضوع عادي وحتى لو كانت على نياتها مع اني استبعد ان فيه امراءه على نياتها هاليومين ولكن لو فرضنا هذا فـ راح يعطي انطباع للرجال اللي تناظرهم انها معجبه فيهم
وفيه حريم هنا طرحوا مواضيع يشتكون من رجالهم انهم عيونهم على الحريم وحتى لو كانت المراءه اللي يناظرها زوجها بالتلفزيون مو جنبه
والله عزوجل يقول ( وقل للمؤمنات يغضضن من أبصارهن )
وانتم تقولون عادي
فـ ياليت يااخوان واخوات اننا مانسفه مشكلة اي عضو لانه لو انه مو متضايق ماجا وحط موضوع هنا ويطلب حلول

اما عن الطريقه اخوي اعتقد ان زوجتك يبي لها شوي حزم وتحس ان الموضوع مو عادي حتى لو عن طريق عقابها بعدم اخراجها مع توضيح لها السبب الا بعد ان تتعدل وتترك هالصفه السيئه