المشاركة الأصلية كتبت بواسطة اسأت الاختيار

بارك الله فيكم وف نصايحكم

بصراحة لي يومين ما افتح الموضوع خفت اشوف رد يلومني واتضايق اكثر نفسيتي ماكنت تسمح

انا لما ابين اغلاطي لاني ماتعودت الوم غيري من راي الوحد مسؤل عن نفسه وله الحق يلوم نفسه فقط وماله حق يحط الوم ع غيره وويعيش دور المظلوم ويدور ع ناس يطبطبو عليه لان ف النهاية ماراح يحل مشكلته

لو احكي عن زوجي وتعامله معي وربي ماحخلض بس اخترت المواقف الي شكيت ان انا فيها خطأ

بالنسبة لصلاته للي سألوني هو مايصلي اهمال منه وهذا الشي لاحظته ع اهله كلهم يكونو مجتمعين يعدي الصلاة ولاحد يقوم اخوانه ووالده زوجي ع الاقل لما نكون لوحدنا يصلي ف البيت طبعا المسجد مايروح بس لما يجو ضيوف الي هم اهله مايقوم ابدا حتى ف البيت ولما اذكره يصرفني

انا وياه من نفس الجيل ونفس المنطقة لكن من عوائل مختلفه انا اهلي محافظين شوي وهو لا بس ماكانت حتكون مصدر خلاف اذا كان هو شوي متفهم او مايتاثر لكلام الناس لان انا مثلا اقعد مع اهله لانهم يقعدو دائما مختلط بحجابي واغلب الوقت عباتي وهو متقبل واي واحد يحاول يعلق انا اعرف ارد عليه لكن هو احس يتأثر يعني مثلا وحدة من حريم محارمه تقول طلعي عبايتك وهي شايفة انو ف رجال بس كل مرة بتعيد نفس الكلام بقولها شكرا مرتاحة لا تشغلي نفسك وانا ابتسم بس هو يمكن يكون يتاثر ماعرف لان كل بنات العائلة يكونو متواجدين ومن غير اي حجاب ولا ستر
واحيانا هو يسالني من نفسه حتطلعي عبايتك او لا خصوصا لما يكون في جمعه فأنا اقوله حسب الموجودين ويسكت ماعمره قالي وجهه نظره في شي معين


واحيانا احس يأيد هذا الشي فيني لما يجي اخوه او شي ينبهني البسي حجابك بيدخل واذا بين شي ياشر لي فما قدرت اعرف اذا هو معاي ف هذه النقطه او لا

اما من ناحية ابجابياته قلبه طيب وينسى بسرعه بطريقة مستفزة يعني ممكن يصارخ ويهاوش ويقول اليوم حننفصل وبعده بكل غباء يطلب منك طلب او يكلمك عادي ويتوقع نفس الشي تكوني ناسيه

اما الشي الثاني ماقد سوى شي من غير لا يشاورني حتى ف قرار الطلاق الود وده انا اقرر عنه ويرتاح وكم مرة قالي خلاص انا ماودي بهذه العيشة وانا قبل كنت مرتاح وبعده يقولي ها وش رايك وش المفروض نسوي اقوله نتفاهم ناخذ ونعطي عشان نوصل لحل يقولي انتي ماتفهمين وانا ماعرف اتفاهم معك عاجبتك هالعيشه معي عيشي ماتبين براحتك وانا اسكت يرجع يقولي ها وش تبغين الحين اقوله انا ماحتصرف من راسي ولا بطلع من بيتي الا اذا انت طلعتني انت جيت خطبتني من اهلي وتقدر ترجعني لهم اذا مو قادر تتحمل انا مابغصبك ع العيشة

اوقات يكلم اهلي ويشتكيني لابوي وامي واوقات بعد هالكلام يسكت وتمر فتره وننسى الموضوع ونعيش عادي لين يجيب مشكلة ثانيه ويقولي نفس الكلام وارد نفس الرد ما بطلع انا من البيت ولا حقول طلقني

ويحتار هو ويسكت وهكذا حياتنا
طبعا ف لحظات الي نعيش فيه طبيعي الي ماتعدي الشهر بالكثير من غير مشاكل يصر ع موضوع الاولاد وانا اقوله امس قلت ماتبيني ومو مرتاح معي خليني نصبر شوي وش ذنب الاولاد نبهدلهم معانا يقتنع وقتها وبعدها لما تجي المشاكل يعيد ويزيد نفس الكلام ويتكلم ف موضوع الحمل الي نكون اصلا متفقين عليه

صراحة تعبني واتلف اعصابي واهلي بعد طفشو من مشاكلنا وكلهم ماقدرو يفهمو زوجي ع كثر مانصحوه وضغطو علي باني اتحمل بس مو شايفين نتيجة لدرجة امي صارت تقولي فتشي وراه احسه يعرف وحدة خصوصا اني ماحكيت لها اني قد كشفته يخوني حفاظا ع سمعته


كوكي معاك حق هو هذا العالم الي يعجبه وعجزت امثل هذا العالم الي يبيه ماعرف له عشان كذا اقول لازم يتقبلني زي ما انا لان اذا ماصرت مثل ماهو يبي حيتم طول وقته يشوف انه ماعاش حياته معاي وبيحس اني معقده وثقيله دم هذا اذا ما خاني او تزوج علي عشان يدور ع الي نفس جوه مع اني والله اوقات اكون امزح واستهبل بس ماحب الاستسهزاء والسب والتقليل من الواحد حتى لو كان مزح وهو يشوف انه هذا عادي


اهله كثير يرفعون ضغطي كثير يتمسخرو عليه ويستهبلو ع كلامه وهو يسبهم وهم يسبوه وانا احس ان فيها اهانات له وهو يشوف انها عادي خصوصا لما اشوف يتريق ع الي اصغر منه المراهقين وكذا من اقاربه ويغلطون عليه ازعل منجد بس احاول ما ابين وهو عادي ويقولون لي الله يعينك كيف متحملتيه قدامه وهو عادي انا احيانا احاول ادافع عنه او ارد بدلوماسيه او اخذ الموضوع ضحك بس باين انه مو عاجبني

وعمري ماقلتله شوف اهلك وش يقولو عنك او استخدمت هذا الشي ضده بالعكس اسوي نفسي ما سمعت ولاكانه صار شي وارجع البيت عادي الا اخر مرة قلتله خفف مزحك خصوصا مع بنت عمه ذيك لانها ماتثمن كلامها ودلوعه وترمي كلام قوي زي اسكت اسكت انت وش يدريك وانت اصلا ماتعرف شي وانت غبي وانت اهبل طبعا لما قلت خفف مزحك زعل وشاف انه هذا مافيه شي واني انا بس الي اشوف المواضيع غلط وان تفكيري مغاير للكل وان هذيلا اهله يعرفهم قبل لا يعرفني المهم قلت انا اسفه بس نبهتك لان هالموضوع ضايقني هو زعل مرة


القرار الاخير هو الي اخذه وقال خلاص ننفصل باقتناع منه وكان يتكلم وهو هادي واول مرة يقول شي مفهوم وواضح ان حنا مختلفين ف كل شي حتى ف مبادئنا وافكارنا ولو جبنا عيال حنختلف اكثر في تربيتهم وتوجيهم فليش نعذب بعض ونجرح ف بعض اكثر ننفصل باتفاق وتراضي احسن وانتي سامحيني ع كل الي سويته فيك

انا استغربت من كلامه المتزن حسيت انو كان ف احد قاله او حفظه المهم قلت له معاك حق ف كل كلمه قلتها وكانك اكتشفت متاخر هذا الشي قال اي بس هذا الي صار حاولت اعاتبه ع تجريحاته لي واتهامه الدائم بالتقصير قال خلاص هذا الي صار

المهم وقتها قلت له طيب طالما انا وانت توصلنا لنفس الاستنتاج الي عدم توافقنا وش رايك نروح لمستشار يساعدنا وافق وهو مو عاجبه وراح قال للمستشار ان مو نافعين لبعض والمستشار يقوله مافي شي اسمه كذا تبي حل انا بساعدك بس لو ف راسك طلاق مايحتاج تجي عندي

المهم بعدها بكم يوم انا رحت وكلمته وقلتله كفاية مشاكل خلينا نعيش بسلام وانا بسوي الي بيرضيك قالي ليش تتحملين قلت لاني احبك قال لا خلاص فات الاوان وحاولت ارضيه طول الليل لين رفض وكسر خاطري مع اني والله ماتنازلت له قد ماتنازلت ذاك اليوم ورحت دخلت غرفتي انام

من قومته الصبح حسيته انه راضي شوي وطلع الدوام وهو لابس دبلته الي كان مطلعها صار له فترة ورجع قاعد طول اليوم يحاول يتكلم بس مو عارف وش يقول وانا بدات الكلام معاه قلت له ها وش قلت خلاص تصالحنا قال بس انتي ماتفهمين يعني لسى يتغلى قلت اوكي وايش كمان انا وصار يتكلم يتكلم لين جرحني ف موضوع جسمي انا وقتها انفجرت وقلت خلاص مابي ماتسوى علي من اهانات وهو ع طول وافق وقال يلا متى تروجي بيتك ومتى اكلم ابوك قلت ماعرف متىى مابغيت كلمه يقولي خلاص بكلمه اليوم قلت براحتك سوي الي تبيه قال طيب بس اهم شي مقتنعه قلت اي



وبس ع هذا الاساس احنا منفصلين صار لنا اسبوعين الان