زوجك ماراح يوافق الا انك ترجعي الشقة ووضعك صعب فعلا
وكيف يعني الطاعة العمياء سمحيلي زوجك مستقوي بأبوه ينقاد ما يقود
الله لا يبلانا بمثله ويكفيك شره
المشكلة لا اخت تهدي ولا ام ولا اب
عجيبين هالبشر
لو تجرب وحده من خواته السكن مه اهل الزوج الشديدين وش بيكون وضعها!!

لا تطولي المدة ارجعي لعل الله ان يحدث بعد ذلك امرا
والله يقوي قلبك ويصبرك بامكانك ترجعي لكن ماتطلعي من بيتك ولا تحتكي فيهم عشان مايجيك كلام منهم
والله يعينك عليهم

__________________
يا رب خاتمة حســنة ، وزلفى ، وحسن مآب ..

الحين طلع قولك اسكن في بيت اهله يعني شقه منفصله في عمارة اهله!!
هذي تسمينه سكن في بيت اهله!!
لا يا حلوه هذا سكن منفصل طالما يتقفل عليك بيت لوحدك
انا ظنيتك قي البداية معهم بنفس الشقه وتعاطفت معك وما اتخيل نفسي اعيش ببيت اهل زوجي ياربي كتمه وما فيه حريه ابدا
وطلعتي بالاخير كل هذا الاعتراض على شقه لك لوحدك!!
احمدي ربك بس واقعدي بشقتك لا تروحيلهم ولا يجوك
ليش تكبير المشاكل هذا؟!!
حريم اخواني كلهم في نفس عمارة اهلي كل وحده بشقه والمدخل واحد
وكل وحده عايشه حياتها زيها زي اللي بيتها خارج عمارة اهل زوجها

الله المستعان بس

صحيح كلامك ام عمر مشكلتي في شخصيته !!! لو كانت قويه ويحفظ حقوق الطرفين ان شاء الله اسكن معاه بالمريخ ماعندي مشكله .

ولكن اذا كان شخص غير متزن انفعاليا ويتأثر بوالده والاخرين

هذا الصعب بالموضوع

ادعيلي ي حبيبتي دعوه بظهر الغيب ان يشرح صدره للحق.

__________________
اللهم ألهمني الرشد

جزاك الله خير بياض الديم

اللهم امين ، أسأل الله القوه والصبر .

__________________
اللهم ألهمني الرشد

ياعزيزتي لاتقولين مدخل واحد وحياتهم زيها زي اللي بيتها خارج العماره

هناك فرق كبير !

وانا شخصيا ماعندي مانع اسكن معاهم بأي مكان فقط لوكان زوجي من النوع الهادئ الذي يحفظ مشاكلنا وأسرارنا ، مستعده اعيش معاه بغرفه واحده بين الجميع ولكن مشكلتي تكمن في شخصه! وهذا ماحدت عنه اثناء قراءة مواضيعي.

ولن أعيد سرد طريقة سيناريو حياتنا اليوميه سابقا في بيت اهله باختصار انسان يعشق الجو الدرامي الهستيري ، يحب الجميع يسمع صراخه وصوته ويشعرون برجولته .

هذا سبب عدم رغبتي بالعوده ي حبيبتي .

__________________
اللهم ألهمني الرشد

اتصل زوجي وقال الخميس ترجعين البيت

واشترالي خاتم ألماس هديه وهدايا بشكل مبالغ فيها ( وهذا كله ليس من اهتماماتي )


السؤال : اشلوووون ارجع؟ شعور صعب مو قادره اشوف والده عقب موقفه معاي ومو قادره اشوف اي شخص من اهل البيت


للعلم بالصدفه سبحان الله رأيت اخ زوجي الصغير ( اولى جامعه ) امام عملي قبل ايام سلمت عليه وسلم علي ّ ، وبصراحه فرحت في نفسي انه بادلني السلام

ورجعت وحطيت رقمه بالواتس اب لقيته رفع الحضر عني (اللي حطه لي زوجي بهاتفه )

ورديت مسحت رقمه عشان مايزعل زوجي من جديد ويعيد نفس الموقف السخيف اللي سواه بيني وبين اخوه.


السؤال المهم : اشلون ارجع وراح ترجع المشاكل 😫
انا قررت اني انسا نفسي نهائيا واسخرها عشان اجمع عائلتي وماأفرق ابنائي عن ابوهم

كل ليله ادعي ان الله يسخر مشاعري ونفسي لإصلاح هذي الاسره

بس لما اتذكر ان اول خطوه العوده لبيت اهله انهااااار نفسيا

واعلم شنو راح يصير (والسبب طبيعة زوجي )

__________________
اللهم ألهمني الرشد

روح لو ماجاب لك هدايا او هدايا رخيصه رح تكون الهدايا من اهتماماتك 😅


روح ياقلبي ألبسي الي اشتراه لك اذا قابلتيهم والحمدلله انه زوجك هو الي رجعك بنفسه والهدايا دليل ع إنه شروطه مجرد استرداد كرامه

روحي بيتك وانتي مبسوطه

افهمك جيدا في جزئية سماع اهله بمشاكلكم
لكن كوني على يقين انهم يعرفون ولدهم وطباعه
ارجعي لبيتك وبما انك في شقة مستقلة لست مضطرة لمقابلتهم كثيرا حتى تهدأ النفوس واطلبي من زوجك ان يصلح ما افسد

حبيبتي روح
زوجك هو هو
سواء بشقه بوحدك او عند اهله
بصراحه اذا زوجي من هالنوع
بافضل اسكن عند اهله افضل من الاحراج عند الغرباء
على الاقل الاهل عارفين ولدهم
لكن عند اغراب بيصير الاحراج مضاعف
فالسكن اشوفه مو اهم شي بموضوعك
العله بشخصيتك زوجك
والغريب ياروح
ان كلامك كله ابوه الناس وش يقولون السكن
شلون ارجع لبيت اهله عقب المشاكل
اخوه
ولا مره ذكرتي رغبتك الجاده بانك تسلجين معاه وتخطي النقط على الحروف
تتفاهمين انه لازم يحترمك ويحشمك
انه اذا عطاك كلمه معناته انتي تلتزمي فيها مايرجع يلومك
كيف بتتعاملوا بالمرحله الجايه
فعلا مستغربه ماهمك هذا كله

شوفي اختي هناك مثل اجنبي يقول (يضحك جيدا من سيضحك في الأخير).. يعني.. الأمور بخواتيمها..

انتي خذي كم دقيقة وقفلي عيونك وحطي نفسك مكان أهل زوجك.. راح تشوفي مين المنتصر ومين المقهور فعلا..

زوجك رجعك.. هذا فيه اعتراف انه أحطأ بحقك وان كل التهم باطلة، واعتراف انه يحبك ورجعك غصب عنهم. شو بدك أكثر؟؟؟

ابتدي من هذي اللحظة.. الاخت متفائلة200 يعطيها العافية كتبتلك رد هنا تبينلك كيف تدخلي عليهم وراسك مرفوع.. فعلا معها حق..

حطي خاتم الألماس والهدايا وابد ابد ابدددد ماتظهري زعلاااانة.. بالعكس خليك دوم تضحكين انتي نارجعتي ممسورة ولا رماك شهور ورجعك بعد الطلاق لاجل الاولاد مثلا.. راجعك في العدة وجابلك الهدايا الكثيرة ماشاء الله هذا مو رجوع بالكسر و المهانة..

استغلي البلبلة الي صارت عشان تحطس حدود معاهم.. ما اعرف مواضيعك السابقة بس الآن ماراح يصير تداخل كبير بيناتكم وهالشي استغليه لصالحك..

نصيحة عملية للتعامل مع أبوه... كنت بساويها مع حماتي يوم تغلط علي كثير ونرجع نلتقي..

ادخلي بثقة،حطي مشاعرك على جنب، الرجل شايب وبمقام أبوك، اعملي الواجب والأصل، لما تشوفيه روحي حبي ايده او راسه أو اي شي (طريقة سلامك عليه بالعااادة)، اعمليها من غير مشاعر، واجب فقط. حددي في قلبك ان هذا ولا شي لا بيقدم ولا بيأخر سلمي وانسي السالفة ولا تعطيها اي اهتمام.. لا تعتبري الأمر فيه تذلل منك.. لا.. خذي انتي قرار انك انتي روح بدك تسلمي على هذا الرجل رغم غلطه معاك وما راح يهمك ردة فعله، هذا قرارك راح تعمليه بطريقة ميكانيكية وماهمك رأيهم فيك لما تسلمين او تقضيلهم غرض اذا طلبوك..وخلاص.

اطوي الصفحة.. زوجك اعتذر ورجع اعتبارك بينو وبينك وامام اهله فلا تزني على هذي النقطة رجاءا.. والا بترجعي خطوات للوراء.

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم