كنافة ربي حطك في اختبار للصبر اعتبري نفسك دايما في تحدي مع اعصابك ارجوك
وادعي دايما لك و له بالحلم والبرود
كان يكفي لما قال لك مع انك ما تستاهلي
تعطيه نظرة.. انك مو راضية
هو رجال وعنيد وعنده كبرياء انه يكسب النقاش
خلاص مشيها و تقبلي طبيعته
والله يا كنافة حبه لك واضح وبحثه عن رضاك بس عنده مشاكل في شخصيته وفي ردود افعاله هو المتضرر الأول منها.
بخصوص ردة فعله على هديتك لازم تفصلي هالمشكلة عن هديته الله يرضى عليك
متكلف وجايب لك شغلة قيمة وعنده أمل انها بتصلح الامور بينكم
كملي معاه للآخر و البسيها واشكريه عليها
لا تعاندين ماخرب عليكم الا العناد
تعاملي معاه برقي وذوق ولاترضين على نفسك انك تسوين مثل أغلاطه ويصير الموضوع انتقام وتعامل بالمثل في موضوع جميل مثل الهدايا
هو يحاول يصلح الاحوال و انت تحاولين لكن مع شخصيته يبغى له وحدة حكيمة وصبورة ومشغولة عنه

وياليت تقدرين تقنعينه يروح اخصائي نفسي يساعده يضبط اعصابه ويعدل ردات افعاله المتطرفة
قولي له اذا تبغى تخسر حبي استمر بهذا الاسلوب
واذا بتحافظ على ما تبقى من ود التحق بجلسات سلوكية

الله يكون بعونك بس خلاص انتي عرفتي طبع زوجك حاولي تتناسين الموضوع واذا جاب طاري الهديه عادي قولي اكيد ماتقارن بهديتك انا ماعندي وظيفه وهذا اللي قدرت عليه وانت الخير والبركه واكيد باخذ فيزتك لانك زوجي ومسؤول عني
والهديه بمعناها

انا ارى ان زوجك يحبك

ومستمتع باغاظتك مع تأكده التام من نقاوة وصفاوة معدنك

__________________

اللي يقهر اني تجاوزت احداث ذكرى زواجنا
ورجعت طبيعي
وامس زايره اهله وطابخه لهم
واسولف واضحك
القاه فجأه استفزني على شي قبل امس
اشك انه يستمتع باستفزازي
مثل ماقال لماذا نتزوج
وهذا معنتاه انه انسان غير طبيعي

اجل يذكرني بحسابي ويتهمني بالبخل
وحسابي فيه مبلغ بسيط
فلوسي زمان لما كنت موظفه
وهو يقول ليه صاكه عليها !!!

واول لما كنت اصرف على نفسي
كان يتضايق ويحس اني مو محتاجه له
ولما صار يصرف علي صار يتمنن ويتهمني بالبخل


وكل هالاتهامات لما عطيته هديه
يقول عنها: اقل من مستواي

والله اني قاصره الشر


دايما اندم اذا عطيته شي
دايما اندم اذا عطيته اكبر من حجمه
انا تحملي له هو اكبر هديه
مشكلتي ماقدرت نفسي صح
وعطيته وجه زياده عن اللزوم
وصار كل شي مايملى عينه ابدا

والاغرب ان فيه رجال يبررون له
ويقولون اني اصعد والمفروض اسايره
اكثر من كذا يعني؟؟!!
سمعت كلام اللي قالوا عديها وانسي
لقيته هو فتح الموال بعد يومين
وبحقد وعتب وزعل

انا احس زوجك لو شايف ان اللي صار غلطه كبيره ع شخصيته مستحيل يسكت ويضبط نفسه ويصبر الى الفجر
كان خربها من دخل البيت
بس احس انه من داخل مقتنع ب مبرراتك بس يستمتع بدور الزعلان يحب يعاتب يحب يصعد الموقف
ومهما قلتي وبررتي الزعل بياخذ وقته معه
بس حكاية بخيله وهديتك مو من مستواي عيييب واسلوب اطفال
زوجك يفجر بالخصومه مع انه يحبك بس اسلوبه وطريقته غلط ما اعرف لك الا حل الا الصبر والدعاء ان الله يهديه

كنافة هديتك ب 600 ريال ، ممكن أعرف عبارة عن إيش؟!
وزوجك لما أهداك آخر مرة كانت هديته بالآلاف؟!
وكيف مستوى عائلته أغنياء؟!
ووظيفته ممتازة والا الراتب يا دوب
متأكدة من كلامك عنه إنه ممن يقال عنهم " عائل مستكبر"
عموماً نشوف من ردك

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

__________________

صح كلام اخوي لماذا نتزوج


وانا للاسف كنت مثلج كنافة

ولما بنتي كبرت صرت استفزها وأستأنس من ردة فعلها لانها عسسسسسسسسل تنوكل كربونة

انتي اذا طفرج مثل ما قال ( لماذا نتزوج) مثلي وجه الزعلان وبس وطوفي

__________________
لا اله الا انت سبحانك اني كنت من الظالمين

ياشيخة روحي الله يفتحها في وجهك وينولك مرادك من الخيرات



الحمد لله لقيت احد مستوعب كلامي مقابل الكم الهائل من اللي هنا اللي مش مستوعبين كلامي

__________________