الله يسخره لك وبس..الامر يبي له حزم .. لاتتخذي أي موقف وأنتي بهالتوتر..صلي ركعتين وأطلبي ربك يهديك للرأي الصحيح..وأجلسي مع نفسك..وحتى لو قررتي ترجعين له خلي عندك موقف .. حسسيه بشخصيتك .. قللي من اهتمامك فيه خليه يحس إنك تغيرتي .. إن لك رأي ومشاعر وأحاسيس ..ترى الشيء إذا زاد عن حده ينقلب ضده وكثر الدلع بدون تقدير من زوجك لهالشيء وبدون عطاء منه وبدون تلبية لرغباتك فيه مضيعة له ولحياتك معه..

شي واحد بس مخرب عليه الغيره يبيني بس في البيت 24 ساعه

من يسويها الحين حتئ العجايز يوسعون صدورهم

لمتئ الحبس

انا هالمره مب راجعه البيت مش لانه طردني لاني خلاص تعبت


كرهت البيت قلت يمكن حامل حللت ما في حمل

مب راجعه

الله كريم ولو اني افكر فيه حييبيييل

قلبه قاسي

لا قلبه مو قاسي بس هو يكابر هذا من جهة ومن جهة ثانيه ضامن حبك له..بس إذا شاف موقف منك صدقيني راح يبدأ يحس بمشكلتك وراح يفقدك وراح يحاول المستحيل عشان يرجعك لانه يحبك ومايقدر يعيش مع غيرك دام هالغيرة فيه بهالشكل ولأنه يحب بناته ومايتحمل فراقهم .. وقتها أختي تكلمي معه وقولي له أبي أعيش حياتي الاجتماعية مع أهلي وصديقاتي زي باقي الناس..على فكرة هة ليشيغار عليك كل هالغيرة هل يخاف إنك تخونينه؟ولا من كثر حبه لك يبي يخس إنك ملك له؟

هو يبيني ملك له

والدليل ملابسي يتحكم فيها

انا وحده احب اتزين واغير من شكلي كثير واحب كل جديد واتسوق معاه كثير

اذا وافق اروح مناسبه يغار من لبسي ويحن اغيره

اذا اروح بعبايه وما بنزل العبايه يتحكم حتئ باللي تحته مع انه محد يدري انا لابسه بنطلون او بيجاما او او


اذا تعرفت علئ وحده عن طريق النت يعمل المستخيل اقطع علاقتي


ما يثق في احد

ودايما يقول انا ما اشك فيك ولو اشك ما بتكونين في ذمتي انا اعرف اخلاقك زين

انا اغار وبس


هذه غيره هذه تملك وتسلط وبس

يدري اني ما اخونه ولا بخونه

أجل الرجال يموووووت فيك وبدل مايكون هالشيء نقطة قوة لك صارت نقطة ضعف..خليك عند موقفك الحازم منه وخليه يحس فيك

يعني لو يمووووت فيني اتوقع بيتنازل شوي صح

يعني يغير طبعه علشاني صح

انا تنازلت كثير

كيف يعني استغل هالشي لصالحي

والله تضررت كثير من هالشي

هو عنده بنات في العمل ما اتحكم فيه وفي مكالماته مخليته علئ راحته

بس اخلي اخوي يراقبه ههه

تدلعي عليه..تزعلي منه عشان يتنازل .. مو تخافي تنه يتزوج عليك..يا اختي إذا بيتزوج بيتزوج ما أستنى يهددك فلاتخافي من هالمسألة وقوي قلبك..ترى مايجيبها إلا ستاتها..

انا ما اشجع ان الزوجه تتكلم عن مشاكلها ابداااا و لكن في حالتج المسأله وصلت للطرد و هني الموضوع يحتاج وقفه حازمه معاه.... صحيح هو بيتج مثل ما هو بيته و لكن انه يطردج هالكلام ما يصير... اهلج وااااضج انهم ما يعرفون انج مطروده من بيتج.... مافي اسره تتحمل هالشي على بناتها اوترضاها.... ارى ان الموضوع مصخ بزياده... كلمي ابوج وبلغيه انج موجوده في بيتهم لانج مطروده... اختي زوجج محتاج وقفه حازمه عالحركه اللي سواها و لو ما سويتي حسابج لحياتج معاه من الحين توقعي الطرد مرات و مرات...

نصيييحه اخت.. كلمي ابوج بكل هدوء ان في مشاكل بينكم و انه اكثر من مره كان يطردج وانتي ما تطلعين بس هالمره تعبتي من الموضوع ورجعتي بيت اهلج مطروده.... قولي له انا ما ابي الطلاق بس ابيك تكلمه شوي.. موضوعج يحتاج ابو الحين يا اختي

كم صار لج بيت اهلج؟

ابي اقول كلام للرجال:

الاب او العم او الاخ يوم حط يده بيدك يا "الزوج" و قال زوجتك ابنتي و انت قبلت الزواج.... عطاك امانه لازم تحافظ عليها.... ما زوجوك اياها علشان تهينها او تضربها او تطردها.... البنت كانت معززه مكرمه في بيت اهلها.... فخلها معززه مكرمه في بيتك.... و اللي ما ترضاه على اختك و بنتك.... لا ترضاه على زوجتك.... لان زوجتك هي بنت و اخت لرجال غيرك... *