الله أكبر ألحين البنات عندنا مره مستانسات
بصراحه هالرد وأغلب الردود لين قريتها تخيلت عندنا البنت عايشه في جنه
الحمدالله علي نعمه الإسلام هاذي نعمه وأهم شي ماقلنا غير هالكلام لكن الواقع

لو نرجع لحياة البنت بالله وشلون حياتها ؟!
تنوم وتقوم وتسدح وتطبح في البيت وتروح للمدرسه ولين تخرجت من المدرسه كان تكرمت الجامعه دخلت البنت وإلا تكمل حياتها تسدح وتطبح ويمر الشهور ماشافت حتي الشارع كله أربع جدران في البيت

بالله وين الوناسه والهدف والإنتاج من هالحياه
أغلب أغلب بنات السعوديه هاذي حياتهم وبس تتزوج وأهم شي تتزوج وبعدين تبداء مشوار تكثير الذريه والحمل ولاده والله يقويها لين وصلت لعمر معين أنتهت صلاحيتها ووخلاص لازم وحده جديده وهاذي خلها لعيالها
بصراحه عندنا الحياة للرجال والوناسه ومن حقهم يقولون أحنا في نعمه من جد الرجال عندها كل شششششششي له وكل الصلاحيات له وبس أنتي خدامه عنده يسافر يتزوج يطلق يتزوج له مدري كم يصارخ يطردك من البيت وأنتي مالك إلا تسكتين
البنات حياتهم كلها سجن في سجن تروح من سجن أهلها لزوجها

ورحو لقسم المتزوجين أكبر دليل
ولا بعد من زينهم ولو ماحبك وإلا مااعجبتيه الوسيم هذا خلاص خذي ورقتك وعند أهلك بعد ماخذ منها إلي يبي وصارت بلقب مطلقه

شوفو المطلقات وشلون مسحوب عليهم والله أرحمهم ومواضيع والإقبال علي المطلقه ومن هالكلام ليه حرام طيب وش ذنبهم كله عشان هالرجاجيل وهو مستانس وفي شهر العسل

روقو بس وجالسين تذمون في المجتمع الغربي بصراحه هم يقدرون المرأة لو نروح لهم ومشاكلنا كان خمو نصف هالرجاجيل حقوق الإنسان
ألحين بتجون تقول أنها لعبه في يدي الرجال طيب هم كذا ماعندهم دين
وحتي الرجاجيل عندنا لو تحصل لهم خلو الحريم لعبه في يدهم وأنا ألحين بقوانين ودين وشوفو حال الحريم الطلاق زي السلام عليك جعلك ماصلحتي غدا ها يفكر يطلق وإلا يخليك
وتكرم عليك الله يجزاه بالخير خذاك من عند أهلك وشراك بفلوسه
والبنات مكثرهم الله بصراحه الله يعين البنات علي حياتهم أنا عن نفسي ماأتمني يكون عندي بنت ليه أجيهم أعذبهم في مجتمعنا السقيم هذا

يعني أحنا زينتا الإسلام وانا مسلمين وإلا مجتمع الله بالخير أنواع الكذب وأنواع الخداع وكل المصايب عندنا

__________________

,,,


المرأة في الغرب مجرد سلعة للبيع !!
والمرأة في الإسلام لها كااااااااااااامل حقوقها

اللهم أعز الإسلام والمسلمين وأذل الشرك والمشركين ..~

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

لله درك كم نحتاج لمثلك في مجتمعنا .................شااااب

أختي قلتي أنها سلعه

هالكلام بدل المره مليون سمعت هالكلمه
طيب وشلون سلعه فسري ؟
هل مثلا في الشارع تباع الحريم وإلا غصب تعالي
إهي برجليها وبرضاها تروح للفواحش وعندهم شي عادي جدا وأصلا إلي مو عادي انها مالها علاقات
عادي قدام أبوها أمها
بصراحه أنا عارفه النقاش من أول ماقريت الموضوع
وعارفه هالكلمه بتطلع وكل الكلام المكتوب هذا بنعاد بإختلاف الاشخاص إلي يتكلمون
ولو مقارنه بس بسيطه أحسن مافينا مسلمين
وبعد مسلمين ولا فينا من الإسلام شي
ولو بكتب عن حالنا بزيد الموضوع كم صفحه ولا راح اخلص

__________________

نعم ..صدقت
اصبحت تستخدم وتتحرك وفق شهواتهم
حتى وصل الحال بهم إلى أن جعلوها دعاية يسوقون بها بضائعهم..

__________________

ما قلنا شيء ..

المراة سلعة لها مقااااااااااااااابل .. وروحي شوفي المشاهير عندها تررف باااذخ و حياة ووووو
و تعالي عندنا المرأة سلعة ولا تحصل ريال واااحد فوق القهر النفسي ..
صارت تتنازل عن حقوقها مقابل شيء يسسسسير ..
اله يرحم حالها بس ..

الله اعز الإسلام ماقلنا شيء ..
بس هالوقت تشوفين العزة لميييييين ،، للهمج اللي مخربين بلادهم بيدهم ومظاهرات و قتل ووو

مادري انتم تستعبطون ولا شو ..

و المرأة عندنا تتحرك وفق أراء الرجال ايضا ورغباتهم ..
و لا يكثر الهرج ..
متزوج و مطلق ومعدد و مسيار ومتعة و ما خفي كان أعظم وكلها باسم الدين ..؟!!!

سوف اجيب بدلا عن الاخت بشرى..اذا سمحت لي ..
وارجو ان يتسع صدرك لما سوف اقول
المراة مستخدمة لدى الغرب ومتاجر بها في كل الاغراض ..
هي بلا شك اداة جنسية ..ووسيلة لجمع الاموال من خلال امتهانها في الاعلانات وغيرها..
اختراع الموضات لاجلها و دعم العري والسفور والدعوه اليهما ..
كل هذا اليس بدافع لها لارتكابها الفواحش...وتلويث المجتمع ..
نعم اخيتي ..هي هكذا عند الغرب
لكنها في الاسلام شقيقة للرجل ومهمتها مشاركة المجتمع من خلال وظيفتها كامراة.

__________________

نعم قد يكون صحيحا ما ذكرتي..
لكن يبقى الفرق بيننا وبينهم انهم يستعملون المراة لحاجاتهم الدنيئة
ولاغراضهم المشينة.. عكسنا نحن المسلمين
فهل رايت مثلا اب يحرض ابنته عالدعارة وارتكاب الفواحش
كما هو الحال عندهم ..

قضيت سنين في ديار الغربه...
في فرنسا مثلا تحريض علني من الام لبناتها ومن الاب لاولاده
للممارسة البغاء بشتى انواعه..
في مجتمعهم...عيب ان الوحدة تبقى عذراء ..
شفتي شنو التحرر بالنسبة لهم..
تحطيم كل القيم حتى ولو على حساب
العفة والطهارة التي نعتز نحن بها.
الحمد لله على نعمة الاسلام .

__________________

أختي سؤال
هل المرأة لها عقل أم لا ؟
المراة أهي إلي إختارت هالطريق وأهي إلي تبي تسوي نفسها وسيلة للإعلانات وتاخذ تدريبات وكل السبل وأهي بكامل قواها العقليه
طيب عندنا أكبر دليل الأسواق أكبر دليل علي الإغراء والمناظر هل أحد قال للنساء عندنا روحي خلي نفسك منظر وأداء للفتنه لا أهي إلي راحت برجليها
وأشوف المواضيع كلها التبرج وحث النساء علي عدم التبرج
وكذالك حتي النساء إلي يشتغلون راقصات والعاهرات هل أحد أجبرهم لا طبعا أهي من راحت برجليها وكذالك النساء في الغرب أهي إلي تبي تسوي كذا

,’

أما مسألت سلعه المراة في الغرب
إذا علي موضوع المرأة سلعه وتعبر سلعه هذا الشي عندنا المرأة سلعه مو عندهم
تقولين كيف ؟
شوفي أول شي في موضوع الزواج عندنا رجال في الستين في السبعين صاحب مال الأب يبيع له بنته ممكن قاصر وصغيره في السن عشانه تاجر وبيدفع مهر
والمهر هذا من يروح له للأب والبنت ماتشوف منه ولا ريال
وحتي المهور إلي مشغلينا فيها نسبه كبيره من البنات كثير ماياخذونها ياخذها الأب
وهذا دليل المرأة عندنا سلعه تباع !!
والمرأة مستغله ماديا لو أكتب موضوع كامل عنه عشان نعرف حجم الإستغلال المادي للمرأة الواقع اكبر من كلام ولا احد ينكر إلا جاهل أو مكابر
,’

نقطه ثانيه المراة عندنا مكرمه وملكه
للأسف للأسف عندنا البعض عند ذكر المرأة يقول " الله يكرمك " يعني كانها نجاسه شي نجس
شفتي أقل من هالإهانه للمراة وهذا كله في مجتمعنا
حتي إسم المراة شي عار عندهم البعض ونادر إلي يقول إسم أمه أو أخته
لاتجين تقولين الرسول اللهم صلي وسلم عليه والإسلام لأنه مو موضوعنا وإكرام الإسلام للمراة
لكن أتكلم عن واقع المراة عندنا وحياتها عندنا


شي ثالث إستغلال المراة أتوقع عندنا جرائم الإبتزاز وجرائم إغتصاب البنات بإسم الحب والزواج
إستغلال العواطف في المرأة
يعني قهر عندنا البنت جدا مسكينه حتي لو تحب شخص يكون لها مخادع
لو حبته تبيه يكون زوج لها في الاخر يتنكر لها ويشوفها دنيئه ولايتشرف فيها أم لعياله
وكأنه الشريف أهو

طيب لو كانت شريفه وتزوجت رجال بالحلال وتطلقت بشي مو في يدها لا هاذي المجرمه هاذي الزواج منها يحتاج نظر وسبق انها كانت مع رجال ومدري إيش كلام طويل

أحنا مانتكلم عن الإسلام
الإسلام لم يظلم المراة ولا نقول أحنا مانبي نكون مسلمين والله أكبر نعمه عندنا مسلمين
وصح الإسلإم لم يظلم المراة لكن فضل الرجل علي المرآة
والدليل (( وليس الذكر كالأنثى))
((وللرجال عليهن درجة))
سبحان الله في كل شي الرجال مفضل علي المراة ولله في ذالك حكمه وماقلنا في هالأمر شي

لكن عموما مختصر الكلام المراة مجتمعنا في الغالب المراة مأكلو حقها مهانه عند البعض
كثير من مجتمعنا عندهم الحرمه ولاشي
سوى انها اداء للمتعه وعندنا الرجال كل شي

واتمني الكل يكون واقعي في كلامه ولا يكون كلامنا إسطوانه نكررها والمراة معززه والمراة يحسدونها الغرب ومن هالكلام
لأني بصراحه احس بعض الردود كأنها تتعامل مع أطفال

__________________