اقتباس:
المشاركة الأصلية كتبت بواسطة ريتــــــاج
أختي الغاليه ,,apple-green
أشكرك على مرورك الاكثر من رائع,,ولكن لا أعلم ما سر الحزن الذي أصابني بعد قراءة ردك,على أية حال أنتي ذكرتي بضرورة اغير شخصيتي,,فأنا أسألك هنا ماهي التغيرات التي ترينها مناسبة للتدارك ماتبقى من عزتي؟؟
كذلك ذكرتي ضرورة معرفة سبب الخيانه ,,وأنا أقول لك بحسب كلامه وشخصيته التي تحب الضحك والمرح,,أنه ذكر أنها كانت لا تتمتع بإي شي ما عدا أنها تضحك وخفيفة دم!!!!!بلإضافة إلى تجميل الشيطان عمله,,
وأحب اداخل على جملتك هذي
أش المفروض اواللي تشوفين أني لازم أعمله؟؟؟؟
وأخيرا أبغى أسألك حبيتي ,,هل لك خبرة بتحليل الشخصيات؟؟؟؟لأني ارغب بمساعدتي لتحليل شخصية زوجي..
ولاتخافين ردك ما راح يقراه لأنه بسوي نسخ للردود على الوورد,,وبسوي حذف للرد ثم طباعتها ,,
أسأل الله العلي العظيم أن يرزقك من خيري الدنيا والاخرة,,وأن لا يريك مكروه
|
هلا بك اختي ... اول شي انا مالي خبرة بتحليل الشخصيات بس انا اقرا قصص الاستاذه ناعمه وصرت حافظه كل قصصها واكثرها عن الخيانه الزوجيه وفي كل خيانة او في كل قصه تحلل الشخصيات من مواصفات زوجك قدرت ابني له شخصيه على ضوء كلامها ...
قلتلك وشرط ان فيكي نقص واضح يمكن شي انتي غافله عنه .. وانا اشوف ان سبب تكرار الخيانه انه عارف ردة فعلك ...
اذا تبين رايي انا اشوف انك تحاولي تضغطي على نفسك وتنسي كل مافات ... خليه ملكك المتوج وعيشيه كنه امير اضحكي وسولفي عادي بس في نفس الوقت خليكي بالمرصاااااااااد ..لاتراقبيه بس خليكي حريصه ... طبعا انتي مقهورة اللحين على اللي فات وكل شوي يمر في بالك الموقف ... لكن انتي كل ماتفتحين الموضوع بتذكرينه انتي بعد فيه وممكن يحن للذكريات او يتعب ويمل من الحنه فيرجع لعلاقاته عشان يريح راسه ..
جددي حياتك ... عيشي كنك عروس حاولي تنسي ولاتنكدي على نفسك وتمتعي بحياتك قد ماتقدرين ...
طبعا بتقولي انك كنتي ناسيه وممشيه الامور طبيعي ... لاياقلبي انتي كنتي تحاولي تنسين .. نظراتك له فيها عتاب وقلبك فيه الم ... لكن وش استفدتي من كل هالاحزان ... جربي تسعدين نفسك وتسعديه وبتشوفي التغيير ...
طبعا انتي تحسين كلامي صعب ومومنطقي ... لكن لو تبين زوجك لازم ترجعيه لحضنك وتحافظي عليه... يااختي لوعندك عقد غالي وانكسر ... بسالك بالله راح ترمينه وله راح تصلحينه وتحافظي عليه من جديد...
فمابالك بزوجك شريك العمر وحبيب القلب تراه اغلى من الذهب والالماس..
اللحين بنجي للشي اللي ان شاء الله مايصير ... وش تسوين في حالة انه خانك وكرر عادته ... اول شي لاتواجهينه الابيدك دليل قوي على ادانته ... ذيك الساعه خذي ولدك وروحي بيت اهلك وخللي الدليل معك ولاتفرطين فيه ابد... هو بيتصل وبيحاول يعرف وش السبب ؟؟ وامسسكي اعصابك ولاتبكين اوتبيني انك ضعيفه..ووريه الدليل وقولي مافي امل لرجعتي ولاتحسب الامر بسهوله ولي اهل وتفاهم معهم ... طبعا انتي لاتطوللي معه في الكلام ... ولازم احد من رجالكم يوقف له عشان يعرف ان لكي ظهر وسند... اول شي ممكن يكابر ويسب ويلعن ويهاوش ... انتي تجاهلي كل هذا بس صدقيني بتكبرين في عينه وبيعزك اكثر لانك عزيتي نفسك ...ترى الرجال مايحب الحرمه اللي ترمي نفسها عليه ... واكبر دليل ان عشيقته الاوليه كانت رافضته وهو اللي يلاحقها ... ولاتنسي ان عندك ولدك سلاح قوي وشي ثاني انتي بيدك الدليل على غلطه ... والثالث والاهم حبه لكي ... ترى يالغاليه موكل زوج يخون يعني مايحب زوجته ... بس يمكن انه مالقى الحب اللي يشبعه ...
ولماترجعي بعد ماتخلينه يذوق الفراق والالم ارجعي بشروط وصعب اقولك وش الشروط انتي اللي لازم تحطينها...
في اشياء نسيت اقولك عليها... تراكي لازم تحافظي على حقوقك الماديه كزوجه لاتراعينه وهو يصرفها على غيرك ... لان يكون في علمك مافي عشيقه ببلاش وانتي فاهمه هالشي من مشكلتكم الاخيرة ..
الشي الثاني خللي شخصيتك قويه في كل شي في حياتك ومومعنى كلامي انك تقللي من شخصيته لكن خللي لك رايك الشخصي وتمسكي بمواقفك طبعا في حدود المعقول يعني لاتحاولي ابدا تفرضي رايك عليه لان الرجل يحب المرأه اللي تحسسه برجولته وفي نفس الوقت تحسسه بشخصيتها موتابعه له وخلاص ...
وركزي على نقطة انها كانت تضحك وخفيفة دم ... يعني لمايجي زوجك للبيت ابعديه عن اي مشكله حاولي تكون حياتكم مرحه ...
وبقولك شي لوسالك زوجك ليه التغيير الفاجئ... قولي له انك تغيرتي عشانه وعشان تحافظي على حبه
.. انتبهي انك تعلقي حبك على شماعة المجتمع والناس وله ان تحملتي وتغيرتي عشان ولدك ... تغيرتي عشانه وبس ... ودايما عبري له عن حبك بدون حدود لاتكابري ابدا...ان كان زوجك شخصيته جنوبيه فعلا فهو يحتاج للحب والرومانسيه ...
ومدري اتمنى اكون افدتك ... ويمكن رايي مايعجب البعض بس صدقيني اذا تماديتي في جفاءك لزوجك فانتي بكذا تقدميه على صحن من ذهب لغيرك.