رد: حماتي وكلامها عن زوجي
بسم الله اخووووي سلطاااااااان .. فعلا كلامك صحيح .. لما زوجي طلق زوجته وهي جت وهو مطلق وجلس سنه واكثر شايل فكرة الزواج .. ولما بدأ يتهيأ من جديد وقال لاهله اوك الحين دوروا لي .. هي اقترحت بنت خالتها مدري اختها لكن عالاغلب بنت خالتها .. وبما انها هي الثانيه واهلها بمدينه بعيدة هي تبي تجي وحده من طرفها عشان توقف معها ضد جارتها وعشان تونسها ووالخ .. زوجي رفض و اهله رفضوا بعد لان مايبغون قرايب لبعض وتصير مشاكل وكذا وقال ابوه انا بزوجه بنت عمه قرابته احسن .. زوجناه غريبه وماتوفق معها ماني غريبه بعد.. وجو خطبوني وتمت الحمدلله .. وبعد زواجي سئلته ليش ماتزوجت وكذا وقعد يقوللي وقال لي حتى فلانه كانت تبيني لقريبتها وحنا رفضنا والخ منها فتحت عيوني وجلست افكر بتصرفاتها لي وانا توني عروس .. وكمان اخوانه كلهم معددين الا زوجي ماعنده غيري عشان كذا هي حاسدتني على هالشي دايم تقول لي ياحظك ماجربتي الجاره ياحظك لحالك ببيتك ياحظك زوجك احسن طبع باخوانه .. وفجأة تغير اسلوبها الى استفزاز و الى ان تتغزل بزوجي وتشككني بأثاث بيتي ..
وبقولكم على موقف تذكرته ..
لما جت اسبوع < الاسبوع الاقشر > ولما عزمناها وكنت اطبخ العشا وخلص الغاز راح زوجي جاب اسطوانة فجأة دخلت علي المطبخ حاملتها مع زوجي مسكت اعصابي اوك عادي تساعده بحملها مع ان دايم يشيلها لوحده بس هي لقفت له .. ولما جا يبيي يركبها وانها تزاحمه عليها وتحاول تركبها معه وتقرب وزوجي يبعد ويقول بعدي بعدي انا اركبها وهي تبعد ومن يقرب تجي تقرب لا مو كذا وهو يقوللي هاتي المفتاح الثاني وهي تقول هاتيه بسرعه قلت هذي ماتحتاج مفتاح قال ايي صح بعدي بعدي وبعدت وركبها .. بالله هذي حماة ؟ هذي وحده تستحي ؟ كيف بصبر عليهااا
__________________
تم تغيير النك .. < ريتاج2016 سابقا
التعديل الأخير تم بواسطة روح هادئه }~ ; 16-04-2017 الساعة 03:00 AM