الله يعوض اختك خير ياكويتية حبيبتي
ربك كريم
والله كررريم
ويجيب المضطر إذا دعاه

__________________

صابرة أختي،، ليش تسبقين الأحداث ،، أنتي بعيده عن زوجك لمدة شهرين،، وماتدرين عن وضعه ،،
،، زوجك يمكن عنده شي شاغله هاليومين الي تقولين فيها مايشتاقلك وخاصه وأنتي راجعه له ،،
لاعاد تقولين له شي من ناحية الشوق والحب ،، أذا رجعتي له بتشوفين كله أوهام وأنه مشتاقلك ،،
تقولين هو يسافر على طول،، والي يسافر يجلس يومين مرهق ومتعب من السفر ،، وتلقينه يدور الراحه من بعد التعب ،،

سؤال ،، دائمآ ترددين أبي الأمـــــــــــــان ،، وش الأمان الي تدورين عليه ومالقيتيه ؟؟

بتلقين الأمان أذا توكلتي على الله وفوضتي أمرك للي خلقك ،، بتلقين الأمان أذا قمتي الليل وقرأتي القرآن وتصدقتي،،

__________________
سبحان الله وبحمده ---- سبحان الله العظيم

صابرة ياصابرة أين الصبر يا أختي من أمس أشوف موضعك وما أمداني أدخل

ولما شفت الموضوع حسبتك تدوري أساليب و أفكار حلوه تفاجئين فيها

زوجك إلا وأنت عندك سوالف غير أقول أنت متى ترجعين لزوجك وتحملي

وتنشغلي في حملك وماعاد نشوف مواضيع صابرة إلا عن الوحم تاعبني

الجنين يرافس في بطني آي ذبحني ياحبيبتي ياصابره الحين زوجك جالس محتفظ بالمشاعرعلشان لقائكم بعد السفر وأنت تبغين تشفطينها منه

بسماعة التلفون الرجل جالس يتهرب منك ويحكي لك عن تونس وإللي صار

فيه لأن شكله تأثر بللي شافه وأنت أبغاك تحتويني أبغاك تداريني أبغاك تهتم بمشاعري صابرة ياقلبي أنت المفروض مثل هلكلام تأجلينه إلين وقت

رجوعك لعنده وتجلسين معاه تناقشينه بجلسة حب وتفاهم من الوجه للوجه أفضل وراح يفهمك أكثر وبعدين يمكن زوجك كان متضايق من شئ أو إحتمال زوجته الأولى زافته هي بعد وجا عندك وأنت ماقصرتي إنفلتي عليه أبغاك

وأبغاك وسوي وأفعل والرجل واصلن حده أكيد بيزعل ويتضايق يا أختي كان المفروض تعبرين له عن حبك وشوقك له بمثل هلكلمات آه ياعمري والله إني أشتقت لك وأشتقت لكل شئ فيك ياالله متى يجي الأربعاء وأجيك أحس

نفسي ودي أطير يمك ياعمري وأمتع ناظري بشوفتك مو ضروري تقولي له أنت أشتقت لي أنت مافقدتني ودك أسافر لعندك يا أختي أحيانا الرجل مايحتاج كلام في الحب والمشاعر كثر مايحتاج لإنسانه تتفهمه وتتفهم طريقة

أسلوبه في الحياة مثلا إذا كلمك عن موضوع في حياته عملي مثلا في عمله أو أي مشروع أو حدث من الأحداث إللي صايرة هليومين مع إخوانا العرب والمسلمين أنت كوني مستمعه جيده ومنصته وناقشيه في بعض الأمور

أظهري له إنك مهتمه في كلامه حتى يحب مجالستك ومؤانستك والحديث معك وينبسط معاك وماراح يستغني عنك أبد لأنه وجد له زوجه وصديقه مستمعه لحديثه وكلامه بالله عليك هاذي كلمة تقولين له أخاف المرة هاذي معاك وحده تونسيه الرجل طفش من مشاكل الحريم وطافح كيله شكله يتمنى يرجع عزوبي الحين من سبايب التعدد

ومشاكل التعدد وأنت تذكرينه بالزواج شكله من كلمة زواج عنده الحين فوبيا شوفي أنت الظاهرعندك أسبوع المرور مبتدي وعلشان كذا نفسيتك فوق وتحت ومتوتره زايد على اللزوم علشان إنك راجعه وخايفه ترجع معاك المشاكل السابقه أنت ليش ماتنسي الماضي وتفكري بالمستقبل وتحاولي تعملي مثل ما قالت لك أختنا الغالية روح الطير ليش ماتتعرفي على رفقة صالحه فيها خير

وتخطلطي فيهم وتصادقينهم عندك حلقات تحفيظ القرآن الكريم فيه بنات طيبات وحبوبات صادقيهم أشغلي وقتك أنت الحين الفراغ شاغلك وبالذات وقت غياب زوجك عنك الأفكار السيئة والوساوس والهموم تسيطر على تفكيرك ولمايجي زوجك عندك ماتتحملي نقاشاته وتنفعلين وتعصبين وكل هاذا بسبب جلستك لحالك في الفراغ القاتل تنشحنين زياده عن اللزوم ولما زوجك يجيك بيومك تفرغي شحنتك فيه وهاذا غلط والرجل من كثر الحن والزن يطفش ويتظايق وأحيانا تطلع منه كلمات لا إراديه مو قاصدها غصب عنه وبعضهم يعتذر وبعضهم لا مايحب يعتذر بس في قرارة نفسه حاس بللي قاله لك أنت ليش ماتخلينه على كيفه وتعاملينه بمايرضي الله وتبعدين عن الأشياء إللي تضايقه وتضايقك وتعيشون بسلام .


أختي صابرة الدنيا هاذي تحتاج تنازلات وصبر بالذات في مشوارحياتنا الزوجيه شوفي أنت لازم تفهمي إنك تزوجتي رجل عنده أسرة وعنده مشاغل في حياته واجد
فصعب يتحمل كل الضغوط والظروف إللي تواجهه ويجيك ببال رايق ومبسوط هو تزوجك يبغى راحة البال وراحة النفس مايبغى هم ونكد وإيش يدريك إنه مرتاح في بيته الأول يمكن إنه في مشاكل أعظم من مشاكلكم ويأتي عندك ينشد الراحه وصفاء الذهن وتصير بينكم مشكله صغيره وتكبر وبعدها يصير زوجك مثل المستجير من النار بالرمضاء لافي بيته الأول لقى راحه ولافي بيته الثاني لقى تفاهم
وتجاوب أنت زوجك كلامه إستفزازي وإحتمال يكون الإستفزاز طبع فيه وأنت مافيك صبروعصبيه وماتقدري توازني الأمورفي حياتكم وإلا ترى الكلام ببلاش خليه يقول وش مايبغى يقول أنت أضحكي خلي ضحكتك تشق الوجه لاتعصبين حتى لوقال ماقال قولي عادي مادام إني حبيتك قول وش ماتبغى تقول مالك مني فكه أبد

أ كظمي غيظك عنه وقابلي إستفزازه ببرود وهدوء أعصاب
وصدقيني بيرجع يترك طريقة الإستفزاز وينساهاللأبد لأنه ماعاد لاقى منك تجاوب بهاذي الطريقة الله يعينك ويهدي بالك

وبالنسبه إنك تبغين عيال تربينهم لالا تتعبين نفسك أنا أعرف لك وحده عندكم بجده تكرونيه عندها عشر عيال تعطيك نصفهم علشان يسلونك إيش رأيك ههههههههههههه والله غيريشيب راسك منهم الصغير عمره أربع سنوات لاكنه ماشاء الله عليه دغفل تعرفي معنى دغفل صغير الفيل يطيح على رجلك كسرها ههههههههه من ثقل وزنه فكري وردي لي خبر
خلاص حنا طريقنا بالسفر يمر من جده وبأدور لك ورى أمهم
وأدلها عليك

خلاص يا صابره ياأختي خففي عن أمهم المسكينه لاتقولين لا قولي تم
ههههههههههه إيش رأيك فكرة حلوه .

























‏ ‏



































__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

بنت الحكمي

عندك تعبيرات ، مادري من فين تطلع ؟
بس ليت كل جملة في سطر لإنه عيوني تزغللت @_@

هو أنا أقدر أتملص منك أنت بالذات ما أقدر أسيبك وأروح لأنك أنت الغاليه ماأحد يساويك
الله يهدي بالك ويريح قلبك ويجعل زوجك يموت موت بحبك
أسأل الله أن يجمعكم على خير وسعاده يارب ويرزقك الذرية الصالحه إلتي تقر بها عينك وتؤنس وحدتك وحياتك .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

دنيا الوفا حياك الله
حبيبتي أنا ماقلت انه يسافر كثير
أنا من أجي ديرتي والناس تقعد تسوي معي تحقيق
من كثر ماطول عند أهلي وكل شوي مسافرة أقول ان زوجي عنده دورات برى المملكة
وماحب اقعد بروحي يعني أكذب وأجامل الظروف حفاظا ع صورتي قدام المجتمع لي مايرحم
الشئ الثاني بعلمك وش معنى الأمان
الأمان يأعزيزتي إلي ينقصني مع زوجي اني دوم أحس اني ثانوية بحياته
بكل هوشة يكون مصيري الطلاق لاتقلون وشفيك مركزة ع الطلاق
لأنه مربط الفرس
نعم الطلاق بكل مرة مبيوعة وحتى لو هو يحبني ويطلقني غصبا عنه ع كلامه فأنا أحس عكس دالك
عاد احساسي مضرروب خرطي بس هذا لي يوصلني
نعم ان زوجي كان جدا متمسك فيني بالبداية
لأني بالبداية ممكن تقولي كنت بايعتها ولا كان يهمني شيء
لكن بعد ماحس وتأكد تماما اني مقدر أعيش بدووونه بدأت الأوتار الحساسة تتحرك
الأمان هو حضنه إلي أفقتذه وهو معي
الأمان أهوو يحسسني ان له رغبة فيني
الأمان حركات كثيرة استحي ذكرها أمام الملئ

__________________

ههههههههههاإاإاي أم سلطان مابي تكرونية
أبي بنوتة تسر نظري
الله يرزقني من بطني ياحبيبتي
ياحبي لتس يأم سلطان طلاتك تشرح الصدر
الله يحفظك ويسعدك ويستر عليك دنيا واخرة
أم سلطان يابعدهم هالحين مثلا أروح له فترة وارد لأهلي مو مفروض هالفترة أعيش فيها سعيدة
لأني اعتبر نفسي رايحه له اجازة كما تعلمين مازلنا ماستقرينا وبعد هذا له دورر كبير بتوتر علاقتنا
يأم سلطان اقعد معه شهرين أو شهر وخلال هالفترة البسيطة أطالب بالتحمل كل الظروف !
طيب إذا استقرينا ومرت علينا سنة سنتين بتعود واتحمل وقتها لأني بكون شبعانة من شوفته
وصح كلامك من تقولين خائفة أرجع لنفس المشاكل ويتكرر لي صار
الحقيقة خايفة جدا وفي نفس الوقت صعبة أطول أنا زوجة ولي حقوق في العفة والي .. الخ
صدقيني يأم سلطان ماعاد أسأله ولا أقوله شفيك
بخليه بكيفه
مادريتي روح الطير لقنتني درس لن انساه
بكيفه
بكيفية
يشهد الله اني أحبك في الله يأم سلطان
وافتقد لشيخة البنات وذكريات أسأل الله ان يكونو بأحسن حال

__________________

‏ ‏
ياروحنا الحلوه والله ياروح إني حاولت يا أختي أغير كتابة ردودي بس يا أختي وش أسوي
بوطبيع مايجوز عن طبعه حتى أيام دراستي كان مؤخرة رأسي بلاطه لضرب المعلمه عليه علشان ما أحشر الكلمات جنب بعض إلا وأزيدك من الشعربيت
شوفي مكان الفراغ إللي تحت ردي الأول توني شفته كأنه ساحة مطارمن شدة وسعها مدري من وين طلعت لي
ههههههههه حاولي ياروح الطير تقرأين على مهلك علشان ماتنحولي لأني باقي أكتب من جوالى أبو شاشه عمياء تذكرينه زين إللي قلت لك عنه بقسم التقنيه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ههههههههههاإاإاي أم سلطان
ياروحي دخلي الكلمات ببعضها أهم شيء كلامك درر وحكم
أنا من كبر المسافة أنزل تحت ماقدرت ع بالي الموضوع تقفل ههه هه

__________________

الله ييسر لك الخير أينما كان و حيثما وجد أنت وزوجك
أكثري من الدعاء لله أن يسهل سفرك و يجعله خيرا لكما أنتما الاثنين ...