الله يكون بعونك غاليتي روح 00
زوجك من النوع الذي نفسه قصير
وهو بالاكيد نتاج تربيه 000
وهذا النوع غالبا لا يحمل مسؤوليه او لا يستمر في المسؤوليه
ويعيش ليومه ولا يفكر في غده - ودائما يكون إنسان اندفاعي في قراراته بدون تخطيط مسبق
وتجدينه في نص الطريق يتراجع عن ما بدأه بقوه 00
إتكالي درجه اولى -
وهذا النوع عندما يكون زوجا يكون كارثه - لأنه يتملص من مسؤلياته وواجباته
يمكن يحتاج لعلاج نفسي - لأن الامر اصبح متأخر 000
امثال زوجك - يحتاجون لتقفي معه وقفه حازمه لكي يتعود على القيام بمسؤلياته 00

فيه الدكتور الكويتي إبراهيم الخليفي - ياليت توصلين له وتاخذين منه استشاره اسريه 0
له موقع على الفيسبوك - وله عدة محاضرات ومقالات وكتب - ابحثي عنها
الله يكتب لك مافيه الخير

__________________

الله يسامحك حطيتي قنبله و روحتي

بالله لا تتأخري يا روح كلنا قلقانين عليكي

و ياريت تقولي الموضوع بالكامل عشان نفهم المشكله من غير تقاطع و يتبع
(رجاءا لا تعيدي تتكلمي عن سالفة كسله و عدم تحمل المسؤليه,, لا يكفي لأنك منزله موضوع عريض عنه)
اتكلمي عن المشكله الجديده اللي كانت السبب في تفكيرك الحالي و ايش ردة فعل زوجك

ترى والله انتي وحده من اللي اعتبرهم مثال للحياة الزوجيه السعيده,,
لا تخليني اصاب بالأحباط و تتزحزح ثقتي و افكاري من مكانها

الله يهديكم و تتصالحوا ان شاء الله

__________________

الامومة هي ان تضحي بكل شيئ جميل ليكون في اطفالك الاجمل

اسفة و الله لتأخري .. لإنه أمس بعد كتابتي للرد ، دق علي زوجي و جاء عندنا ..
و اليوم كمان بعد الظهر جاء عندنا و جاب معاه غداء .. فما فضيت معاه و لا مع ولدي و لا أمي

بأكتب المستجدات اللي صارت بعد شوي .. و ردة فعله ..
بس أكمل التراكمات بشكل سريع ..

قدرت أدخل دحين ، لإنه زوجي في العمل و أمي نايمة و ولدي كمان نايم ..

.
.

* جبنا السيارة *

الشقة صحيح بيشتغل فيها ، لكن بشكل بطئ جدا .. يوم معزوم على زواج ..
يوم معزوم عند أخوه .. يوم عشان يروح يسأل عن عمال يغسلوا الشقة ..
ثاني يوم عشان ياخذ العمال يغسلوا الشقة .. ثالث يوم عشان يرتاح ..
يوم عشان يدور عن موكيت لغرفة النوم .. اليوم اللي بعده عشان الرجال يجي
ياخد قياس غرفة النوم .. يوم عشان يجوا يركبوا موكيت غرفة النوم ..
يوم عشان الموكيت طلع ناقص .. و يوم عشان يدور عن مكيف لغرفة النوم ..
إلخخخخخخ

لو إني مكانه ، بأخذ شغالة أهلي و نغسل الشقة بسرعة .. و نفس اليوم
أخذ قياسات الغرفة و أروح لمحل السجاد و الموكيت و أخذ الموكيت اللي عجبني
و في الليل يجوا يفرشوا لي الغرفة و المكيف ثاني يوم ..

بس بكيفه ، تركته براحته ..
و كل شوي يتحجج ، نعسااااااااان .. مشغول مع الشقة ..

و يوم يكون مصحصح ماشاء الله ، يا يروح عزيمة .. يا يخرج مع صاحبه يتغدى ..
و نسي كلامه ، بس تجي السيارة و تشوفي كيف تطفشي مني ..
ما اهتميت و شغلت نفسي مع أهلي ..

أنا لا طلبت منه يصرف علي و لا ثقلت عليه بأي شئ ..
بأطلب يعطينا من وقته 10 دقايق نشوفه ، و لا مرات يتصل من حاله و يتطمن
مو لازم أنا اللي أتصل و بعدها يفتكر إنه عنده زوجة ؟؟؟

في الخارج ما كان كذا .. كان يتصل مرات و يشتاق لنا على طول ..؟
هو يقول .. و الله وحشتوني بس مو بيدي ..
( زوجي درجة أولى في الكلام المعسول و الفارغ )

.
.

المهم ..

جات الشقة و السيارة ، طيب إيش عذره لحد دحين ؟
أغراضنا متكومة على بعضها في بيت أهلي ..
لإنه قبل لا نسافر للخارج تركت شوية أغراض لي عند أمي ..

مو لازم أستنى أمي تتكلم و لا أي أحد من أهلي ..
بس خلاص ، هو ليه ما يحس و يتحرك ؟

زوجي فيه طبع هو و أهله ، إذا أخذوا شئ من أحد .. ما يرجعوا له ..
يكون الطرف الثاني ، ساكت - خجل و ذوق - فيطنشوه و يعتبروا اللي أخذوه
عطية لهم و حلال لهم .. و ما يردوه لحد ما تنقطع الحبال الصوتية للطرف الثاني
و لا يقل أدبه عليهم .. يعني يجبروا الناس على إنهم يهينوهم ، ثم يطلع الطرف
الاخر هو الغلطان و ما ينظروا لأغلاطهم ..


++++++++++++++++++++++++++

اللي حصل ..
و سبب القرار اللي اتخذته أمس ..


- الخميس: قلت له خليني أخذ أغراضي من بيت أهلي و أنقلها لبيتنا ..
قال الأسبوع الجاي .. <- ياكثر ما يقول الأسبوع الجاي ، الشهر الجاي ، بكرة ... إلخ

و كانت عنده إجازة و في الليل .. قال إنه أخذ رجال عشان ياخذ قياسات المطبخ ..
( زوجي يوم يكذب علي فعيونه تفضحه و نبرة صوته .. كان بس يصرفني و ما قلت شئ و طنشت )
راح لزواج واحد و سهر في الليل ..


- الجمعة :كانت هناك مشكلة عائلية و أنا اللي في النص بأحلها .. و كنت طفشانة مرة
أصلا و حسيت نفسي مخنوقة و أمي كانت مريضة مرة .. و قمت ترجيت زوجي يجي عندنا
و ينام ، جاء زوجي نعساااااااااااااااااان ، و نام على طول .. مع إنه ماعنده دوام الجمعة ..
مرات الواحد يوم يكون متضايق ، نفسه يتكلم مع أحد .. و زميلاتي نصهم في الخارج
و البقية من زمان ما كلمتهم و اللي ضيعت أرقامهم من يوم سافرت ..


- السبت : مازالت المشكلة العائلية مستمرة و أمي ما نقول لها عشان ما تفكر بشئ ..
و أنا كنت في النص أتفاهم عن الموضوع .. دقيت على زوجي من كثر ما كنت زهقانة
بعد ما خلص دوامه في الليل .. و قلت له ، نفسي أخرج اليوم لأي مكان .. حاسة إني
مخنوقة شوي .. بعدين قلت له ، شكلك ما تغديت اليوم كويس .. تعال أعزمك على مطعم
و عزمته على بيتزا هت .. و يوم رجعني لبيت أهلي ، قلت له اليوم تعال نام عندنا ..
مرة متضايقة و الكل نايم .. جلس يتعذر إنه نعسان ووو إلخ

و ارسلت له رسالة ، إنه قلبي برد خلاص من ناحيتك .. و طنشني و نام ..
انقهرت على حالي ، لإني قلت له اليوم من جد متضايقة و أبغاك تجلس معاي ..

المهم ..
جلست سهرانة لوحدي، و اكتشفت إنه فيه شغلة ضرورية طلبت منه يعملها لي في الظهر..
لإنه مثل ما نعرف ، السبت هو اليوم الأول في الدوام .. و كانت أورااق ضروري تترسل يوم السبت
لجهة العمل تبعي و قال لي زوجي ، خلاص طبعتها و رحت لهم

استغربت ؟ قلت له بالسرعة هذه ..؟؟؟ المهم كالعادة ، فنان في االكذب و التصريف ..
( عرفت إنه يكذب علي ، بس كذبت نفسي .. و في نص الليل اكتشفت إنه كذاب )
لو اعتذر لي إنه مشغول ، فعادي .. بس إنه يتفنن في الكذب و التمثيل و التصوير ؟

زعلت إنه مازال يكذب ، يكذب ، يكذب ... إلخ
و كان من زمان وعدني إنه يترك الكذب اللي اتربى عليه في بيت أهله ..

صحيته قبل الفجر و قلت له بالجوال ( إنت انسان كذاب و طول عمرك بتجلس كذاب ..
و خسارة فيك كل شئ .. و خسارة فيك الثقة )

تخاصمنا شوي و قفلنا السماعة ..

أدري إنه المفروض أستناه يصحى ، بس تقصدت أصحيه من عز نومه .. عشاني مليت من كذبه
اللي شبعت منه من يوم ما تزوجنا لحد ما سافرنا للخارج ..


++++++++++++++++++++++++++


* الأحد و اللي هو أمس *

- ولدي كان شوي تعبان و رافض ياكل أي شئ ..

- كنت متضايقة من الليل و من كم يوم مكتومة .. و صحيت مصدعة و جوعانة و نفسي مسدودة..

- زوجي من الخميس و هو مطنش الشقة و أنا و ولدي عند أهلي من 3 أشهر ..

- أمي راحت المستشفى تاخد مغذي لإنه حيلها طايح و رجعت و تتكلم عن الموت ..

- زوجي ارسل لي رسالة عالساعة 10 الصبح يعتذر في إنه كذب علي و إنه عصب علي في الليل ..
و طلب مني أرسل له الخطاب من جديد و بيروح دحين و يوصل الأوراق ليا ..

- خرج زوجي الظهر من عمله ، و راح مع صاحبه يتغدوا و يتمشوا ..

- دقيت عالبنك أشوف إيش صار في الإستقطاع ، لقيت مافي شئ اتحول عالحساب ؟
قلت لزوجي مافي شئ اتحول ؟ ( و افتكرت كذبته لي أمس و قلت بداخلي أكيد كذبة جديدة ؟ )
بعدين سألته ، معليه .. طيب مافي أي شئ يثبت إنه السيارة اشتريتها بالمبلغ الفلاني ؟
( لإني شايفته مبحبح على نفسه في الفترة الأخيرة ، فقلت لا يكون حط الفلوس في جيبه و ضحك
علي ؟ )

- أمي في العصر تتريق على أغراضي و تقول كأننا في الحراج قدام بيت عمي ..
و أمي مررررة موسوسة نظافة و تحب بيتها يكون مررررة مرتب وو ما تحب زحمة الشنط ..
عاد تحسست و عصبت بس مسكت حالي بسرعة .

.
.

- يوم حسيت حالي مخنوقة مرة ،، قمت صليت ركعتين و بكيت و دعيت ربنا و استخرت ..
ثم دقيت على زوجي بعد ما ترك صاحبه و قلت له تعال أبغاك ضروري .. قال لي ، مو جاي ..
قلت له ، تعال أبغاك .. و لا أنا أنزل عندك .. أبغاك في شئ ضروري ..

يوم جاء عندي .. كأنه يمنّ عليا إنه بيجيني عشان أشوفه، سألته أول شئ عن الإستقطاع ، قام
و رمى المفتاح علي و الإستمارة .. قلت له تعامل معاي بإحترام مثل ما بأتعامل معاك .. و يبغى يعصب
و يقل أدبه .. يعني خذوهم بالصوت لا يغلبوكم .. هذا اللي كان بيعمله ..

- قلت له اجلس ما خلصت كلامي و لا تخرج .. قلت له ، بكل هدوء .. طلقني ..
لا تتعبني معاك و لا أنا أتعبك .. و أنا مصرّة على قراري دحييييين ..

قلبي برد منك ، و عافك .. و إنت و لا تسأل عننا و تاركني في بيت أهلي 3 أشهر ؟
لحد هنا و كفااااااااااااااااااااية من جد .. أنا ما أبغى أعيش معاك ..

صليت و دعيت و استخرت ، و ارتحت للقرار هذا ..

اعطيني حقوقي اللي أخذتها ، و فكني خلاص ..
تعبتني في الخارج ، و قبل لا نسافر للخارج ، و دحين كمان .. و مافيا أتعب أكثر ..

روح ياقلبي والله اني بين كتابي وبين المنتدى ..
حبيبتي ..........
كلها ضغوط ؟؟
صدقيني ظغط علي ظغط على ظغط ...
اتركية يروق وروقي انتي وصفي الي ببالك وارتاحي
اخويا عريس وزواجة بعد شهر من الان ومن ظغط التاثيت والعفش ومستلزمات الزواج صاير شرارة بكل شي
والان قبل لشوي سامعة صوتة متضااااااااااااايق
من ظغوط البيت وحتى عروستة مايزورها الا كل فين وفين ..
وهذا انا اختة ومتحملتة لان الوضع مو سههههههههههههههههههههههههل
فما بالك بزوجك انتي ..
ومن ناحية ان الغربة يسال وهنا لا
والله الكل يقول على الغربة المرة والبعد عن الاهل لكن لها فوايد
وللمتزوجين خصوصا يكونو حول بعض وهو لها وانتي لة مو بوجود الاهل اكيد
بنت عمي راحت الرياض تقول ماعد برجع جدة زوجي صاير حنون وبيتوتي وكل شي
لانهم بس لحالهم يهونو علي بعض وشايفين بعض ..
روووووووووووووووووح
ترى بعيد واكرر انا كنت ولا زلت اشوفك زوجة رائعة الله يحميكي
وكنت اقول لنفسي لو بيوم تزوجت بتكوني لي كمثل في التصرف والحكمة بحياتك
لاتخيبي ظني وتنكسر الصورة الحلوة لك والرائعة والبيت السعيد ربي يحفظكم لبعض ويسخرة لك ويسخرك لة ..
ويسعدكم ويرضيكم ...
طمنيني ان كل هالي تمر فية بس ظغغغغغغغغغغغغغغغغغغغغغغغغغغغغغط
وبينتهي
ويروح

الحب الي بينكم والطفل لة حق انك ماتستسلمي للظغوط ...


ربي ييسر امرك حبيبتي ...

__________________
[ ]

صدمت وربي صدمت جدا جدا

حبيبتي

واضح ان زوجك ما يحب المسوليه ولا يحب يتحمل مسووليه

يعني

يبيله نفس طويل
وصبر وحزم

ماادري وش ارد لك كثر ماادري اخاف اائيدك واخاف ارفض انتي اعلم واحكم
ولكن

فكررررررري زييين لاتتسرعي
حس لو رجال من اخونك تفاهم معه كان حل امور الشقه والسياره من زمممممان هو يتثيقل .

__________________
اللهم فرج همي وهم كل مسلم ...

* ردة فعله *

جلس ساااااااااااااااااكت و ما يقول شئ و يطالع فيا.. و بعد ما كان مكشرّ عشان يخوفني منه..
لإني قلت ، أخلاقه بتخرب كل شوي و خاصة يوم يشوفني - ميّتة عليه و هادية و طيوبة و مسالمة - ..
( انسان عجيب بجد ) ؟؟؟؟؟ ما قدرت أفهم له ؟؟؟؟؟

المهم ..
قام عدّل وجهه .. و تركني أخلص كلامي ..

.
.

للأسف ، إنه زوجي يعرفني .. ما عندي ما عند جدتي .. يعني أتكلم كلام وقت الزعل و أرضى
بكلمتين بعدين و أنسى ، فياخذني على قد عقلي و يسايرني لحد ما أهدأ .. بس بعد ما يطفح الكيل
<- هذه إيجابية من إيجابياته .. مع إنه هو اللي يخليني أوصل للمرحلة هذه ، بس أحسن من لاشئ

حاول إنه يضحكني بكم جملة كان زمان يوم يقولها ، فكنت أعلق عليها و نجلس نضحك عليها ..
بس المرة هذه كتمت ضحكتي بالقوة ..
و جمدّت وجهي و ملامحي و جلست افتكر أشياء سيئة و محزنة عشان ما أضحك ..

.
.

يوم شاف إني من جد أتكلم و ملامحي جادة بالفعل ، و أصريت على طلبي و كنت من جد ماخذة
قراري .. قال خلي أحد من أهلك يكلمني ، و رديت عليه أمي مريضة و أخوي اللي فيه كافيه
و أنا المسؤولة عن نفسي .. و ما مسكت حالي و صرت أبكي و بسرعة مسحت دموعي ..

قال لي ، إنت استخرتي ، أنا كمان خليني استخير كم يوم ..
قلت له ، صلي دحين و استخير ، ما بتاخذ منك وقت .. و بعدين إنت يوم تزوجتني ، قلت إنك ما
استخرت ، عشان خفت نتيجة الإستخارة تطلع العكس ؟ فمو لازم تستخير ..

قال ، لأ .. الإستخارة لازم لها 3 أيام ..
قلت له ، هذه أول مرة أسمع بها ، و ناس مطلعينها من راسهم ..

قال لي: بس أنا عندي الإستخارة 3 أيام ..
قلت له ، خلاص .. يعني الثلاثاء ترد علي ..

قال لي ، لأ .. الثلاثة ايام تبدأ من يوم الإثنين ، ثلاثاء ، أربعاء ..
قلت له خلاص .. الأربعاء و لا تأخرني أكثر من كذا ..

خرج من البيت و لا تكلمنا بكلمة .. و لا طالعت فيه ..
و كنت من جد مصممة على قراري و مرتاحة له ؟


+++++++++++++++++++++++


شغلت حالي كم ساعة من الظهر لحد العصر، حاولت أنسى و أقوي نفسي و أشيله من راسي ..
جيت نزلت الموضوع .. عشان أمسك نفسي أكثر و أستمد طاقة أكثر .. و كنت مقررة ما أكلمه أبدا

ضعفت و اتصلت على عمل زوجي و طلبت من السنترال يحولووني على مكتبه ..
ما أعرف إيش اللي جاني وقتها ؟؟؟؟
كنت مخنوقة ، و كنت أبغى أسمع صوته بس و أقفل الخط على طول .. من غير ما يدري إنه أنا ..

.
.

شكله كان مشغول و ما يردّ على مكتبه ، فالموظف تبع السنترال الملقوف .. يوم ماحد رد علي ..
دخل في الخط و قال لي : إنتوا الأهل ؟ قلت له إيوة .. قال خلاص دحين أبلغه يتصل عليكم ..

دق عليا زوجي من جواله ، قمت تورطت ، لإني ما كنت أبغى أكلمه و لا يعرف إنه أنا ..
و قلت له .. بس كنت بأسألك .. الشيكات اللي بإسمي و تبع الحجوزات لسى ما وصلت ..
و مرة تأخرت ؟ قال لي ، ادخلي على ايميلي و ارسلي لهم و لا كلميهم إنت ..

قفلت الخط ..


+++++++++++++++++++++++++


شغلت حالي كمان ، و فيه ضيوف جايين عند أمي .. و وجهي مقلوب و عيوني محمرة من البكاء ..
و خفت انفضح عند الضيوف و عند أمي .. و دقيت على أختي أبكييييييييييي و أشهق من البكاء ..

<- ما أدري إيش صابني ؟
دقيت على زوجي ، و قلت له : كيف أبيع السيارة و هي بإسمك ؟ <- حجة عشان أكلمه ..
قال لي : اعرضوها في الحراج و لو جاء مشتري ، خليه يكلمني ..

قلت له مع السلامة ..

و قبل لا يقفل الخط .. ما مسكت حالي و صرت أبكييييي و أقول له .. إنت اللي خربت بيتنا بيدك ..

و كم مرة قلت لك محتاجين لك أنا و ولدك ، و إنت ما تهتم فينا .. كم مرة أنا اللي أسأل عنك و إنت
ما تهتم ..؟؟؟ رامينا في بيت أهلي من 3 أشهر ، كأني مسيار .. و إذا كلمتك تقوم تتأفف و تعصب
إنت ما كنت كذا هناك .. و كمان ما بتبطل كذب أبدا .. و من حقي أسأل عن الإستقطاع ، و ماحد
يزعل من الحق .. و كل شوي أترجاك تجي تنام عندنا كأني ثقيلة على قلبك و أرمي نفسي عليك ؟

الشقة موجودة ؟ إيش باقي ..؟؟؟
خلاص بترتاح مننا مرة وحدة ..


+++++++++++++++++++++++


راجعة شوي ، بأقيس ضغط أمي ..

طبعا وقتها .. رد عليا - زي زمن أول - بكل رومنسية و هدوء و سمعني للأخير ..

جلس يقول خلاص اليوم تلمي عفشك كله و بدون نقاش .. و ننام في بيتنا و من اليوم خلاص نروح
البيت .. و قبل ، يعني في الفترة الأخيرة .. يا يتأفف ، يا يقول مشغول ، يا نعسااااان ، يا يطنش .. إلخ ؟

.
.

راحوا الضيوف ،.
زوجي صار يتصل و يتطمن علي و يسأل عني من غير ما اتصل عليه و لا أدور عنه ؟

يتصل علي بعد ساعة و يقول لي ، ما لقيت عمال دحين عشان يشيلوا الأغراض ،
بس بأخذ السباك عشان يركب سخانات الموية كلها في الحمام - الله يعزكم - و المطبخ ..
و أركب المرايا في الحمام ، و يصير بكرة نروح للشقة ..

ثم بعد ساعتين يتصل و يقول ، أنا جاي عندك .. أجيب عشاء معاي ؟
قلت له شكراً .. تبغاني أجهز لك شئ تاكله ؟

كنت فاتحة اللاب توب و كتبت ردي أمس .. جاء من حاله و دق الباب، و جلس معايا أنا و ولدي ..
و لعبوا مع بعض و ما خاصم ولده أبدا .. و حكيت له عن مصر و ( وائل غنيم ) ..

و صار يلزق فيا ، و مرررررة حبوب زي زمان .. و مرة ذوق و رومنسي ..

نام عندنا من غير ما أطلب منه ، و صحيته الفجر يصلي .. قام صلى و راح يشتري معصوب لأمي ، لإنه أمي
نفسها فيه من يومين ، لإنه حيلها مهدود و أخوي مسافر .. و جلس معايا بعد الفجر .. و بعد الظهر خرج من
العمل و دق عليا و جاب بروست البيك و قلت له لا يحسب حساب أهلي ..

و جلس يمزح مع ولده و يتكلم معاه و يأكله و يشرح له أشياء، و خليته ينام ..
ثم صحيته عشان يروح لدوامه

حسيته من جد .. رجع مثل قبل ؟؟؟؟

.
.

قبل شوي متصل علي ، إنه معزوم عالعشاء .. و إنه ننقل لبيتنا يوم الخميس هذا ..
و طوووووووول في المكالمة مرررررة ، حتى إني ساكتة و هو اللي يتكلم و يقول أشعار مرات و مرات
يغني، حتى استغربت في داخلي ( من زمان ؟ و كل شوي أقول دحين يقفل ؟ ) ؟؟؟

و شوي إلا يقول لي ( غريبة ؟؟؟ من زماااااااااااااان ما طولت قد كذا في الجوال معاك ؟ و صار يضحك )
بس أحس إنه قلبي ميت صاير ، و ما بأهتم .. و أستنى متى يقفل الخط ؟

و من حاله يعرض علي يخلص أشغالنا من إجراءات الفيزا و تسجيل ولدي في روضة ..
و قال بأعزمك على المكان الفلاني بمناسبة استلام الراتب ..

.
.

أنا بأقول كذا ..

لإني عجزت من جد كيف أتعامل معاه ؟ و كيف أفهمه ؟

و أنا من جدددددددد استخرت و دعيت ربنا ، و قررت أمس إني خلاص مستحيل أعيش معاه ؟
و كنت من جد خلاص تعبت منه ، جرحني كثير في الفترة الأخيرة ..

اليوم حسيته رجع للإنسان اللي كنت أعرفه ؟؟؟؟

.
.

أختي اتصلت علي أمس، و كل شوي تقول لي ..
يمكن هنا غصب عنه بيتأثر بتعامل أهله ؟ يمكن لإنه بعيد عنكم فيسمع لكلام أهله ؟
يمكن بيشوف كيف تعامل أخوه مع زوجة أخوه ، قاسي و جاف .. و تعامل أبوه مع أمه .. فيتأثر لا شعوريا ؟
يمكن يوم تكونووا في بيت واحد بيرجع مثل قبل ؟ يمكن و يمكن و يمكن ... إلخ ؟

.
.


صرت أخاف أقول له كلمة حلوة ، و يرجع ينقلب و يطنشني .. إلخ ؟


و طبعا كلامه عن عزيمة الخميس ، و عن إننا بننقل لبيتنا يوم الخميس ..
بأدخله من أذني و أخرجه من الثانية .. لإنه مو أول مرة يعملها ..


ما أعرف إيش النهاية ؟ و هل كل مرة أقول له ما ننفع لبعض .. لحد ما نمل من بعض ؟
و فين الصح و فين الغلط ؟ و إيش المفروض أعمل ؟ و كيف المفروض أتصرف ؟


اسفة جدا عالإطالة

بأقرا الردود من جديد .. و أشكر للكل مساندتهم ..
و كل كلمة انكتبت بتشيل عني الكثير ..

.
.

إيوة ، حكاية إنه يستخير ..
فهذه طريقته عشان بس يسكتني فيها ، لإنه يقول : كنت أخذك على قد عقلك ..
و يقول ( مافي فكّة مني لحد ما تدفنيني بنفسك تحت التراب )

ياعمري عليك ياروح ياطول صبرك
الله يصبرك كمان ويعينك ويختار لك اللي فيه الخير
بس انا عندي احساس مليون بالميه انه شاريك ويحبك عشان كذا طول في الاستخاره
بس المشكله انه ماهو راعي مسؤليه
وباين انك تحبيه بجنون
حاولي ماتتسرعي في اتخاذ القرار
وحاولي بعد تطلعي انتي وياه بمكان هادئ وتتناقشوا
ع الاشياء السيئه وتغيروها
الله يسخره لك

__________________
اللهم صلي على نبينا محمد وعلى اله وصحبه اجمعين

رده علي ، في الصفحة رقم 6 ..

++++++++++++++++++++


اميييين ..

++++++++++++++++++++

السبب كتبته ، بس كلها تراكمات و حسيت ما ننفع لبعض ..
و بأريحه مني ..

++++++++++++++++++++

يا قلبي ، أحب زووجي ..

بدأت أتأقلم - غصب عني - و كل ماله يزيد أكثر ..
يعني حسيت نفسي زي المعلقة في النصّ .. ؟

و ولد واحد أتحمل مسؤوليته، أفضل من 2 أو 3 بعدين ..

و تسلمي مرةة على مرورك حبيبتي ..

+++++++++++++++++++++++

هي قنبلة بسببه ، كم مرة أقول له .. سبب الخلافات الزوجية كلها - تراكمات - ..
و مرات أقول له ، البعد يسبب الجفاء .. و أنا قلبي بدأ يقسى ..

و كنت جادة أكثر من أي وقت فات ..

و لو استمر وضعنا كذا ، فراح أخلي أخوي يتكلم معاه و يتصرف ..
و راح أستنى لحد يوم الخميس ؟

رد زوجي في الصفحة رقم 6

ألف شكر حبيبتي ..

+++++++++++++++++++++++

زوجي اليوم يقول ( لا تكوني بس حامل ) ؟؟؟؟

__________________

الامومة هي ان تضحي بكل شيئ جميل ليكون في اطفالك الاجمل