الحين قررت ما اعطيه وجه و اقوم بواجباته وبس ما اكلمه ولا شي و اذا كلمني ارد ع قد السؤال .. هذا تصرفي من امس وراح ابقى كذا لحد مايفرجها ربي

__________________
تم تغيير النك .. < ريتاج2016 سابقا

موضوعك زي اي موضوع سواه غيرك, اللي هو نقل الاخبار لنا, بدون تطبيق ماينصح به الاعضاء!

صار كذا وكذا ..وو وبعدين قررت اسوي كذا وصار كذا..وهكذا...والاعضاء وش دورهم؟

وبعدين تقولين فيه امهات تركن اطفالهن, طيب مو انتي فكرتي في الانتحار ذه مو ترك؟ شي غريب.

احنا مانحتاج نسمع عن جانبك اللطيف وايجابياتك الرائعة وماهي مقدار محبتك لبنتك والمبالغة في التعبير, طيب هي الصفات اللي ذكرتيها موجودة والمشاكل موجودة؟ يعني وجود الصفات اللي ذكرتيها لم تفيد في حل موضوع!

اكتبي عن الاشياء التي ترينها سبب في مشاكلك وليست ايجابياتك بارك الله فيك..

.

__________________
الجنس: ذكر

من الاول يا اختي وتصرفاتك خاطئه وغير ناضجة
اولا لستِ ملزومه ان تخدمي اهله بالشكل المبالغ كما ذكرتي
جزاك الله خيرا على خدمتهم لكن لا تدعي احد يستغلك
اخدميهم بالمعقول
ثانيا زوجك مضغوط نفسيا كما ذكرتي من الامتحانات وقلة النوم
وعندما كان يدور الزله عليك فهو بسبب اهمالك له والله اعلم
هو لديه امتحانات ويريد منك ان تقفي بجانبه وتخففي عنه
انسي الموضوع حبيبتي وبادري بالكلام معه وملاطفته
ليس ضروريا ان تعتذري
لأن الغلط منكما
وعاتبيه على السب الذي تلفظ به لكن بعد ماترجع المياه الى مجاريها
الزوج لا يحب المرأه التي تكرف بهذا الشكل
حمل الزباله وغسل وكي وللبيت كامل
منذ ان عرفت نفسي وإلى الان لم اذكر انني حملت الزباله واخرجتها !
حتى الغاز والاشيا الثقيله
الرجل يريد انثى لا تقوم باعمال شاقه
حتى لو مدحك على السناعه
لكن الذي تفعلينه كثير بحق انوثتك
سددي وقاربي يا اختي
لا تجهدي نفسك

_____

بخصوص بنتك وتعلقك بها
كلنا متعلقين باطفالنا
لكن لم نفعل مافعلتي
وانحرمنا منهم وصبرنا
شيلي ببالك فكرة الانتحار
واياني واياك تذكرينها مرة اخرى لزوجك
فهو بداية سيخاف عليك
وبعدها لن يعير للموضوع اية اهميه
وبنفس الشيء بخصوص ذهابك الى اهلك وقت الزعل
بكل زعله بروح لأهلي!
رح يداريكي مره مرتين اربع مرات
وبعدين هو بنفسه رح يوديكي لعندهم
ولن يهتم ابدا
اجعلي لنفسك قيمة لديه
ولا يستطيع الاستغناء عنك
عندما تلفظ بالسب
ازعلي منه لكن ليس بالشكل المبالغ خروجك من المنزل وبالشارع وامام الناس
بكذا راح تطيحي من عينه
وبنتك لا تبيني له انك متعلقه بها بالشكل الجنوني
لانه سيشعر انها اخذتك منه
وسيجعلها ورقة ضغط عليك في كل زعل
يمكن نعذرك بسبب الضغط الذي انتي فيه
لكن نصيحتي هذه للمستقبل 🌺
الله يسهل حملك وتولدي بالسلامه
ويصلح حالكم
ويحفظ لك بنتك
الله يوفقكم بحياتكم ويسعدكم

تربل لايك و ريتويت..

.
.

وعلى فكرة يا صديقتي هالدراما والاكشن اللي قاعدين تسوونه
اذا استمريتوا فيه راح تخسرون احترامكم حق بعض
وشوي شوي راح تنتقص من محبتكم لبعض
وبتوعون يوماً ما بتلاقون رصيدكم صفر عند بعض...


وترى كلمة الطلاق وباروح بيت اهلي مو شيء حلو ترى!
كل كلمتين يلا خلاص بتطلق ..
او كل كلمتين روحي بيت اهلج
ترى الحياة الزوجية والأسرية مو تي شيرت ما عجبني قطيته
ترى كثر التهديد به أصلا يفقد قيمته


جم اعماركم ؟

__________________

حاجة الناس إليكم من نعم الله عليكم ، فـ لا تملوا النِعم ☁✨

اووووولا .. بالنسبه للي يقولوووا تبالغين بحب بنتك هذا فيه واحد من الاسباب .. يا اما انها أم عديمة الاحساس او انه رجل ماجرب الحمل والولادة ماجرب يحمل روح بأحشاااءه 9 شهور ويوصل الموت وتطلع روحه مع طلعة الراس ماجرب الطلق ولا نفاس ولا سهر ولا تربيية .. انا حبي لبنتي غير انا احبها بشكل مبالغ وترى ماعبرت عن حبي لها زين بالعكس اختصرت قد ما اقدر .. انا بنتي هي روحي واحبها بالطريقه اللي ابيها ماحد يجي ويحكم علي ابالغ وما ابالغ ..

ثانيا اللي يقول تعددين صفاتك وايجابياتك ومدري ايش .. انا ما اعدد من الباب للطاقه انا اجاوب الاعضاء اللي يسئلوووني عن التقصير .. بعضهم يقولوا يمكن مهتمه بس بالبيت يمكن بس بالبنت ويمكن ويمكن .. انا اعدد اللي اسويه والله يشهد اني ما ابالغ و اني قايمه بكل شي .. لان زوجي من النوع الدقيق وكان ازووود من كذا بس انا علمته ان لي طااااقه محدوده وان اول مره اكون ربة بيت وصار يتغاضى عن امور كثيره الحمدلله بس لازم اقوم بواجباتي ..

ثالثاا .. موضوع الزباله مو بيدي وقلتلكم ماعرفتها الا هنا شسوي فيهم اجي اغير نظام عيله بكبرها ! مايطيعون يحطون عامل حاولت ياكثر رافضين ويقولوا عمارة عياة مايصلح يدخل عامل فيها ممكن الحريم يكونوا مكشفات عالدرج ووووالخ .. حتى بقالات مافي يوصلون وحتى مطاعم وكل شي عند اهلي انحرمت منه هنا و اللي ابيه اوصي زوجي يجيبه وتأقلمت ع نظامهم ..

رابعاا .. اناا ما اكتب مشكلتي واحلها من راسي ولو مابي حل ماكان كتبت .. بس ميييية مره سئلت وش اسوي وش الحل كيف اتصرف بسسسسسسسس ماني شايفه حل الكل يجي يتفلسف او يسئل واجاوب مع ان من كثر ماجاوبت صرت اعيد نفس الكلام .. ما ابي انا ابدأ بالصلح هو هاااانني و زعلني كثير .. اروح احضنه وابوسه ليشششششششش !!!! لو كنت غلطانه ممكن بس ماني غلطاااانه ..

خامسا .. انا ما اخدم اهله و فجأه صاروا يجوني ولو رفضت بتصير مصيبه علي وانا بغنى عن المشاكل .. تعبت اتمشكل معه عشان الصغار ..

__________________
تم تغيير النك .. < ريتاج2016 سابقا

افكر بكره اعزم عمي "ابوه"

واقوله ع تصرفات ولده ..

واقول انه قال بيتزوج او يرجع الاولى و انه مد ايده علي و انه اخذ بنتي و طلعني من بيتي غصب وكل شي بالتفصيل واقوله اذا مايبيني خله يطلقني و اذا يبيني عشان البنت خله ياخذها واللي ببطني من اولد خذوه من المستشفى ماراح اشوفه ..

وش رايكم اعزمه بكره ولا لا

__________________
تم تغيير النك .. < ريتاج2016 سابقا

ليش مصرة تصعدين على أمور لا تستحق!
هالاشياء حليها بينج وبينه
كلميه هو.. تفاهمي مع ريلج
تراه مو طفل تشتكين عليه عند أبوه


تهدمين حياتج

__________________

حاجة الناس إليكم من نعم الله عليكم ، فـ لا تملوا النِعم ☁✨

انا والله تعبت من هالتصرفات .. مانتكلم مع بعض ولا شي ولا نطالع لبعض ويطلبني اشياء مثلا شاي عصير وكذا اسوي له وانا ساكته و اذا سئلني عن اوراق او شي اجاوب او اجيبهم وانا ساكته .. وهو كذلك لما اوصيه ع شي من برا بس يقرا ويسكت ويجيب وهو ساكت ..

انا مدري فيني تناقض عجيييب .. من جهه كارهته بسبب تصرفه ومن جهه اششششتقت له .. وبالحالتين ابكي لان والله قهر اشوفه قدامي ومقدر المسه ولا اقدر اسولف معه .. لو كنت عند اهلي ارحم وهنا لي يومين ما اكلت شي لان شهيتي رايحه فيها مهما حاولت اكل مقدر وهالشي قبل المشكله بس زاااد هاليومين صرت اكل لقمتين كل ماحسيت بدوخه او هبوط كله عشان ما اطيح وتبقى بنتي لحالها وهو يكون طالع ..

الحين هو نايم جنبي ودي ابوسه بس اخاف يحس علي ويقول ها جت تبادر بالصلح .. واذا كان صاحي لسا راح يرد لي البوسه عشر ويحضنني .. بس انا مابي الصلح يجي مني

لين متى ابدأ انا .. وخاصه هالمره جرحني كثير وهو اللي غلط بحقي ..
قلتلكم لو اني غلطانه كان تركني اروح مثل اللي صار قببل لما لحقني اخوه ..

بس هالمره اوول مره يلحقني ويحبسني و طلقني بعد اذا طلعت .. يعني كان حيل حريص لانه عارف انه غلطان وعارف اذا رحت وانا زعلانه ماراح ارجع

__________________
تم تغيير النك .. < ريتاج2016 سابقا

ابوه ياقلبي حيل يحبني و دااايم يوصيه علي و دايم يمدحني ويقول له لاتزعلها و و و الخ ..

يعني عشان كذا متردده بهالامر لو علمته راح يعصب عليه ويوقف معي .. كذا راح يكرهني زوجي يمكن ..

ودي بعد اطلع من البيت واروح لهلي حتى لو انه حلف بالطلاق اروح احسن من هالعذاب النفسي ..

ماني عارفه وش ابي او ايش اسوي
مادري وش الحل وكيف اصبر على الجفا بيننا كأننا اصحاب بالسكن وبنفس الوقت مابي ابدأ انا .. لو غلطانه كان بديت بالصلح بعد المشكله ع طووول بس هالمره جرحني وابي ارجع كرامتي اللي هو طيحها بمعاملته المفاجئه

__________________
تم تغيير النك .. < ريتاج2016 سابقا

بادري انتي بالصلح ولك الاجر ع ذلك
وانتي ماقصرتي معاه بعد كلاكم متوترين
أعرف ان الحمل يسوي اكثر من كذا بس لازم الوحده تحكم عقلها
والا راح تخسر كل شي
وحاولي تضبطي انفعالاتك وردود أفعالك المرات القادمه


اذا زعلك ازعلي بدلع ونعومه وفي بيتك بدون وديني لأهلي وطلقني ومدري ايش
الله يهدي سركم