كان الله في عونك اختي

سالت زوجي مرة

كيف تكون ردة فعل الرجل اللي عنده ضعف جنسي؟؟؟

قال لي ...يا انه يصبح عنيف جدا مع زوجته ...او يصبح مثل الخاتم في اصبعها ...

لا يستطيع ان يكون طبيعي

شوفي عزيزتي ...سواء عند زوجك حالة نفسية او ضعف جنسي

هي في كل الاحوال مؤثرة على اداءة الجنسي

واهم شي عند الرجل هو ان يكون قادر على ان يؤدي واجبة بالكامل من هذه الناحية

اتذكر في عائلتنا قريبة لنا ...كان زوجها عنده ضعف جنسي شديد ...ولا احد يعلم عن مشكلتها شي

فهي بسرعة بعد الزواج خلفت طفلين

وبدأت المشاكل تطفوا...بدأ يشك بها...بدأ يذلها ويقسوا عليها

الى ان طفح الكيل ... ثم اعترفت انها في خلال تقريبا ثلاث سنوات من مدة زواجها ..لم يأتيها زوجها سوى عدد مرات لا يتجاوز عدد اصابع اليد الواحده

تقول انا صابرة وقابلة ولم اتكلم مع احد ...ولكن هو من بدأ بالمشاكل ... مع ان معروف عنه وعن عائلتة الطيب والاخلاق والتدين

ولكن حالته النفسية وخجلة من نفسة امام زوجته جعله يعاملها بعنف شديد الى ان وصلت انه لم يستطع و طلقها


ربي يعينك

روح الطير،اول شي بشكر الاهتمام بكل تفاصيل ودقائق المشكلة، وهاد اذا بدل عشي ، فهو بدل عالوعي والدقة، شكرا مرة تانية.
بالنسبة لكلامك عن مشاركات الاعضاء، مزبوط هالحكي، بس بعض الاراء ممكن تعتبر اضاءات ممكن يسترشد فيها، ومش شرط نقبل اللي مش مقتنعين فيه، وزي ما اتفضلت الانسان صاحب المشكلة بستفتي قلبو وما بيضحك عحالو، ومو مجبر يصدق الراي اللي ما بيعجبو، شكرا لجميع الاعضاء.

بس بحب اوضح انو في سوء فهم، ويمكن انا ماعرفت اوضح الصورة ، ما ناقشتو بموضوع الضعف الجنسي ابدا قدام اهلي، ولعلمك كل الاهانات اللي كان يوجهلي اياها واللي حكيتلكم اياها كانت قبل ما ازعل عند اهلي وقبل ما يقعد معهم، وانا ما حكيت لاهلي عن مشاكلنا الا بعد اهاناتو الكتيرة اللي بطلت قادرة استحملها، اما والله واقسم بالله موضوع الضعف ما حكيت فيه امام حدا لاني اصلا ما بعرف اذا ضعف او لا، وهاد واضح من عنوان المشاركة، انا عرضت المشكلة عشان انتو تحكولي اذا في ضعف او لا.

اما عن سؤالك مين فرح باتمام الدخلة؟؟ اهلو بصورة رئيسية لانو كلهم كانو عارفين شو الكلام اللي حكتو عنو الزوجة الاولى وحتى امه واخواته حكيو معي عشان يطمنو مني شو صار، اما بالنسبة لاهلي ، فمتل اي اهل بحبو يطمنو شو صار مع بنتهم، بس مش من باب المخاوف، والا ما كانو وثقو فيه من البداية ولا كان خاطرو هالمخاطرة، صح ولا غلط؟؟؟

وبالنسبة لرفضو الرد عمكالمتي، بأكد كمان مرة هاد( يعني تجاهل مكالمتي وعدم الرد ؤعلى اتصالاتي) كان قبل ما اروح لاهلي وازعل عندهم وقبل ما يقعدو معو، يعني هاد الكلام وتصرفاتو كلها كانت قبل ما اني اروح عند اهلي واصارحو قدامهم بكل الشغلات ما عدا موضوع الجنس لاني ما حبيت اجرحو، يعني انا رحت لاهلي وحكيتلهم بناء على تصرفاتو مو العكس.

اما بالنسبة لاني براجعو بموضوع الضعف وماسكتلو اياه وبعايرو فيه، لا والله ما عمري راجعتو فيها واصلا هو بيرفض النقاش والحوار بهالموضوع.

حكيت معو بالمواضيع التانية غير الجنس وما زادو هالنقاش الا عناد وافترا، وحكيت لحالي خليني احكي لاهلي يمكن يحسبلهم حساب، بس والله صار عنيف اكتر واكتر.

امي والله حكت معه بكل لطف ولين، ولعلمك هي اول مرة اهلي براجعوه بشي من اول زواجنا، واللقاء لم يتجاوز النصف ساعة، وبالعكس هو اللي كان فظ مو هم، والله ما بتجنى عليه ولا عم بظلمه.

وليش ما نحكي انو هو كان يرفض ييجي لعند بيت اهلي ويرفض العزايم لانو ما عندو شي يواجه فيه؟؟!!! لو هو عارف انو مو غلطان او انا اللي غلطانه كان بيواجهني قدامهم بس هو ما عندو الشجاعة، لانو غلطان. ليش ما نحكي هيك؟؟

والله شلتو على راسي وطولت بالي عليه بس ما زادو الا تجبر، وبحب اوضح انو هو ضربني واهاني عند اهلو، ومسح في كرامتي الارض. وما حد منهم حكالو اتقي الله فيها.

يا ترى بعد كل اللي وضحتو لسه انا الغلطانه؟؟؟؟
ياريت اسمع رد منك.. بتمنى والله..

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

والله مشكلة قريبتك بتشبه كتير مشكلتي، يعني جزاء سكوتها انو طلقها؟؟ طيب تزوج غيرها؟؟

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

اعانك الله وفرج مابك ومابزوجك

اطلعت على بعض الردود ومنها مايعينك على ايجاد الحل بعد توفيق الله

هل مازالت مشلتك قائمة اختي الفاضلة ؟؟؟

هناك بعض الطرق يتوجب لها رسائل خاصة في كيفية التعامل مع المشكلة
لانها تحمل خصوصية بحته .

ونتمنى من الادارة فتح المجال في هذا الخصوص مع مراقبة الرسائل من قبل الادارة

واتمنى ايضا تشكل فريق استشاري اسري تحال اليه القضايا التي يصعب حلها

اه والله المشكلة قائمة، ومش بس قائمة بل متفاقمة، ياريت والله بالنسبة للخاص والاستشاريين، بس ما بعرف مدى امكانية هالشي، لاني مش على علم تام بشروط المنتدى..
شكرا كتير إلك.

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..