لا حول ولا قوة إلا بالله ..!
ضرب وإهانة بهذا الحجم لآ اتمناها لعدوي ، فمابالك بزوجي وأب أبنائي ...
سبحان الله ، حصل معي الكثير من المواقف ولم أفكر لحظة واحدة ان احكي ( كلمة )
واحدة سيئة في حق زوجي .. فكيف بضرب في الوجهة وتمزيق ملابس وإهانة وفي بيتكم ..
والله اشفقت علية كيف رجل يهان بهذة الطريقة ...!
الآن عليك التفكير بحل لإرضاءة ورجوعة إليك .

__________________
سبحان الله وبحمدة .. عدد خلقة .. ورضا نفسة .. وزنة عرشة ..ومداد كلماتة

أذكر قصة الرجل الذي أتى إلى رسول الله صل الله عليه وسلام معترفاً بوقوعه بالزنا ورده الرسول ثلاثاً وفي الرابعه أقام الحد ،،
هنا الرجل أتى معترفاً بجرمه طالباً إقامة الحد الشرعي عليه ويتجاهله الرسول ويرده يريد له الستر ولايريد أن يوقع عليه العقوبه رحمة به ورأفه وربما توبته غسلت كل خطاياه وربما يكون به خيراً كثيرا،، الله أعلم ،،
اذن لم يبادر الرسول عليه السلام لاقامة الحد مباشرة حال الاقرار ، إذن لايؤيد العنف بل الستر والنصح والتوجيه ،، العنف لايأتي الا بالعنف بشكل مباشر أو غير مباشر ،، اذا كنا لانعاقب الاطفال بالضرب حتى لاتكون ردة الفعل عندهم عكسية ويمارسوا العنف على من حولهم فمابالك برجل بالغ عاقل يبلغ من العمر ثلاثون عاماً ،، هل سيتخلى عن كرامته وينسى لا أعتقد وإن سكت وأعادك إلى منزلك فلا تأمني جانبه فربما يستوطن الحقد قلبه ،،
نعم مافعله خطأ كبير ولايختلف على هذا اثنان ولن تجدي له مؤيد أو مدافع لكن طريقة معالجة الأمر خطأ أكبر فالضرب تلقاه شخص ومن سيتضرر منه أشخاص ربما أسرة كاملة سوف تتشتت وقلوب سوف تغلق ونفسيات سوف تتأثر وإن لم يظهر الان فحوادث الطفولة تؤثر على المرهقه وعملية النضج النفسي والعاطفي ،، التسرع والغضب خطيئتان مهلكتان ،،
لا أقول سوى أن يختار الله لكم مافيه الخير

من غير الحقوق الشخصيه بين ابوك وزوجك

هاذي فيها قبايل يعزم الرجال ويضربه في بيته
ابوكي الله يهديه ليس مسئول عن تصرفاته

زوجك طيب لكن اذا كان غير ذلك فأتته فرصه من ذهب

لي عوده ع الموضوع

كان الله في عونك

والله الموقف قوي ومؤلم جدا صحيح الخيانة المها قوي ولايمكن تنتسي او تغتفر ويظل اثرها ماراح يزول لكن ماتصل اني اغدر بزوجي واخلي ابوي يضربه وانا ساكتة اكيد بدافع عنه
اذا سامحك يعتبر شهم
الا يقولون يستاهل ترون هذا رجل مو امراءة تسامح ةتصبر وتتنازل
انا تعرضت للخيانة بعد زواج 16 سنة مو 8 سنوات اكثر من ثلاث مرات وفيه وحدة منهم كان رسائل الحب والغزل والصور الا ارسلها له يرسلها لها وصدمتي كبيرة جدا منه والى الان مازلت في الصدمة لكن مافيه احد يعرف غيري لاني ماحب افضح سره حتى لو القلب ملئي بالطعنات والم الخيانة
مهما اعتذرتي انتي وابوك ما راح يمحي اثر الضرب يضل مثل مكان اثر المسمار في الخشب او الحائط
لو جاء واحد وقال شكيت لأبوي خيانة زوجتي واستدرجتها تكلمه وضربها ايش بيكون ردة فعلها وردة اهلها وكمان زوجها
الله يهدينا ويهدي ازواجنا ويربط على قلوبنا

الله يهديكي بس ،،، طلعتك لحالك من البيت مع السواق لحالها غلط وسالفه كبيره
كمان تشكويكي للوالد غلط اكبر كان صبرتي يابنت الحلال وتعوذتي من ابليس وفكرتي صح
البسي عبايتك وارجعي البيت وحاولي باابو الاولاد يمكن يسامحك،،،يمكن هاااه مو اكيد لاان الحركه تقهر الله يكفينا شر قهر الرجال
اذا سامحك ابو العيال هاتي ابوكي بيتك وخليه يتعذر بدون اهانه للوالد بعد قولي لزوجك اعتبره مثل ابوك وكبير بالسن واسامحه واحتسب الاجر عند الله
اقرائي موضوع ناعمه الهاشمي عن استراتيجية التصرف مع الزوج الخائن يمكن تستفيدي منها
مع انه لو كرر خيانته وتبجح فيها قدامك انتي الملاااااااااااااااامه كسرتي عينك قدامه الله يهديكي بس
الله يكفيكي ويكفيني ويكفي كل عفيفه بنات الحرااااام

لو انا زوجك ماجلستك عندي وجيت اجلدك واجلد ابوك
حنا البنات ضربه بسيطه نعتبرها اهانه
كيف رجل وكبير وقدام عياله وزوجته واهلها
خان الله اكبر لعب بالدردشه اسبوع وبحذفهم
الله يهديك كانك تقولي غصب حبني
شوفي وش ناقصك بدال الجلد اللي ماله داعي
لاشرع ولا قانون يبيح لكم فعلتكم ..
ولو اشتكاكم الحق معه مليون بالميه
طيب ياست هانم لو فرضنا كشفتيه وجاك وقال دام كشفتيني بتزوجهم اجل
الطامه طامتين
بتروحين تقتلينه !
الحمدلله والشكر
الوحده تعرف نفسها ايش تكون بعين زوجها
واذا دخل دردشه وسوالف عابره ماتدوم وهو صدق حبها !
الله يديم نعمة العقل
وزي ماقالت الاخت الله لايكشف ستر مسلم قدامك
مدري كيف رضيتي بالاهانه لزوجك ابو عيالك
انتي فكرتي بساعتها انك تنتقمي لكن مافكرتي بالاثار السلبيه علي المدي البعيد
ان عيالك من بين عيال خالاتهم ابوهم مهان !
لاسمعه لاكرامه بسببكم وفعلتكم الشنيعه ..
يقدر بسهوله يطلقك ويرتاح من هالعائله الغشيمه
ودام عارفه ابوك ليه تشكي له
وليه تكذبين علي زوجك تعال افطر !
الحمدلله والشكر
وضنك لو رجعتي لزوجك هذه هو الحل !
الله المستعان بس

لا حول ولا قوة الا بالله

من جد ان كيدهن عظيم

اخواتي هذا وبكل بساطة ما يحدث حينما ترقص المراة مع الشيطان

لن تحل المشكلة بتفكير الشيطان وتاخذ حقها ولكن سيستدرجها الشيطان في مشكلة اكبر من حيث لا تعلم

الله يهديها بس والله موضوع يرفع الضغط لمجرد التفكير في كونه الرجال انهان من الشخص الوحيد الي كان متأمل فيه خير انه يكون ذو حكمة وعقلانية في المشاكل لا حول ولا قوة الا بالله

نصيحتي لكي يا اختي ان دخلتي الموضوع مرة ثانية

انك ترجعي بيت زوجك مرة ثانية لحالك ان شاء الله بتكسي وحاولي تعيشيه طول عمره ملك احتمال وفكري لمن اقول لك احتمال انه ينسى ويرضى مع العلم انك اشعلتي جهنم لم تعلمي ثورانها الان انتي مالك حق في اي شئ

عزة النفس الى كنتي تملكينها وقت ما ترجاكي انك تقعدي في البيت وانتي رفضتي هذة انتهت الان هوا بيده كل شئ

بيده انه يطلقك او يعلقك او يقدم شكوة على ابوكي المسن في نظرك اما في نظر القانون هوا معتدي وله جزاء

او ممكن ينتقم بمثل ما عمل فيه ابوكي وانا جاد في كلامي لازم تحتاطي يا اختي الرجال انتي قلتيها انداس على كرامته اتوقعي منه اي شئ

ما اقول الا الله يعين زوجك ويلهمه الصبر والحكمة

^
اخي جزاك الله خيرا
ان شاء الله << هكذا تكتب
وليس انشاء الله
للتنبيه فقط لأن المعنيين يختلافان كثيرا.

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

بالنسبة للي يقولون الخيانة لا تغفر

يا جماعة الخير الرجال ما زنى الموضوع مقتصر على الكلام ولا ازداد على هذا حسب ماهو منشور

يا بنات حواء لا تكيلوا ظلما كي تبرروا فعلة اختكم هذة

^^ فعلاا كلام من ذهب ..