بس مانصحك تفكر في الطلاق عشان كدا حتظلم اولادك وكدا حتكون العواقب وخيمة المراة بعد الطلاق ماعاد ليها نفس تهتم باولاد ولا بطيخ والاولى كل ماتشوف اولاد زوجتك الثانية حتفتكر الغلطة دي وما اظن حتهتم فيهم الا يكون تفرقة بين الاطفال وانت شكلك عادل وتخاف الله فتدخل اولادك هذه الدوامة اللي مالها مخرج ارجوك
|
بعدين انتوا الرجال الله يهديكم يوم تقولون نبي نتزوج الثانيه لان نبي ونبي ...وووو...اشياء مالقيتوها في الاولى
طيب وش الي يضمنكم ان الثانيه بتلقون عندها..؟؟الي مو عند الاولى؟؟؟ سؤال محيرني؟؟ وسؤال ثاني لو مايضايقك اخي صاحب المشكله...هل وجدت عند الثانيه الشي الي انت تبيه..خصوصا في العلاقه الخاصه كما ذكرت؟؟وليش مافهمت الاولى الي انت تبيه عشان تسويه لك؟؟وهل كنت تحبها ولا عادي؟؟ والان عنك زوجتين بامانه من تحب اكثر...وليش؟؟وايهم اجمل؟؟للفائده فقط واذا ماتبي تجاوب براحتك |
أخي الكريم أسأل زوجتك عن السبب "الرئيسي " للمشكلة او حاول أن تكتشفه بنفسك.. بالنسبة لي لا أتوقع انه الغيرة . الله يصلح حالكم ويصبركم على بعض... |
اخي الفاضل ابو فهد
زوجتك(ف) %100انها تحبك جدا وتغار عليك وكذلك مبين انها امراه تحب الجدااااااااااااااااااال وانت عكس ذلك((يعني لاتحب االنقاش)) وايضا غيرتها مفرطه الله يعينها ويعينك وايضا عصبيه وتثور لاسباب بسيطه حاورها باسلوب هادئ واشرط شرط عليها عدم الغلط والسب والعصبيه ووضح لها انك رجل يبحث عن الراحه والسعاده واخبرها ^^^ان اسلوبك معي وعدم احترامك لي سبب لي الكثير من التعاسه وان اي علاقه خاليه من الاحترام علاقه مالها قيمه قولها((تحبيني اذا احترميني واسعديني ومالك اي تدخل بالبيت الاول نهائيا)) وانتي بحبك لي تستطيعين جعل يومك جنه لي ولك وقووول لها من(((((باب التهديد)))))))) دوام الحال من المحال وصبري ماراح يطول واسلوبك لو ظل ع هالحال راح يصير شئ انتي ماتبغينه فاصلحي من نفسك وحددي الاشياء اللي ماابيها والغيها من حياتك حتى تعيشي في سعاده وسلام معي نصيحه حاول تطول بالك وتصبر اكثر ان الله مع الصابرين وبرضه عشان عيالك وان شاء الله ((بالحوار الهادئ)) راح تهدئ اموركم وتصلون االى حل والله يعينك |
اللي اتوقعه سبب المشاكل الحين والله اعلم 000انك كنت تستجيب لبعض الامور اللي تقولها لك والحين تغيرت عليها 00
يعني يمكن كانت تقولك لا تسوي كذا من باب الغيره وانت تطيعها عشان ماتزعل00 ولاتبين لها انها مخطيه وهي تعودت على ذا الشي والحين انت مليت و ماعاد جاريتها فبدأت المشاكل وصارت تحس انك ماعاد تحبها لانك ماتسمع كلامها زي اول لانك تقول من قريب تغيرت عليك واللي اعرف مع الوقت تخف الغيره لذلك انظر يمكن طباعك هي اللي تغيرت 00 ويمكن اذا سوت شي غلط تقارنها بالاولى يعني تقولها هي ماتسوي كذا او هي ماتغار زيك فتحس انك تحبها اكثر منها لكن قبل الطلاق فكر بأولادك حرام وش ذنبهم والحلول كثيره غير الطلاق الله يوفقك ويسخر لك زوجاتك |
أخي بو فهـــــــــد عندي سؤال لك : صف لنا زوجتك الثانية في فترة السنتين وقبل أن تنقلب لزوجة عنيفة ما رأيك بها كزوجة ؟ أخلاقها , غيرتها , تعاملها مع الأولى وكلامها عنها , تعاملها معك , سلوكياتها تجاهك , وغيره الكثير أرجوووك ولا تستعجل كانت مثل الاولى بس حبيتها أكثر لأنها كانت جميلة والجمال يجذب كل رجل, بعد العشرة والايام بدت تسوء أخلاقها شيء فشيء وكنت أقول ميخالف,, ويمكنها هرمونات وخرابيط الحريم ويمكن ظغط الوظيفة والبيت وتحمل يارجال ,, ويمكنها حامل وبعد الحمل أصبر عليها غصب تسوء اخلاقها وتحمل في أحشائها جنينك وقطعة منك , وكل ماله الامر يسوء . جابت سارة وفرحت فيها وبدت مقارناتها وليش انت ابو فهد مو أبو ساره وليش ما أشوفك تحب بنتي مع أني بطبعي ما أحب الاطفال الصغار مررررة أحبهم ويستهووني لما يبدون يحبون وتبدي حركات الشطانه هنا أحبهم وما أقاومهم. وأنت ماتاخذ سارة معاك للاستراحة وفهد يروح معاك . وضحت لها سبب روحة فهد معاي قلت لها ياحبيبة قلبي: فهد كبير وبعدين أنا ما أخذته إلا مرة وحدة ومو ميت على وجهه . بس كان تعبان ووديته للطبيب وصار موعدة بعد ساعة ونص . فصعبه ارجعه البيت ثمن أطلع فيه مره ثانية من بين اخوانه عشان أوديه للطبيب فقلت أخذه للأستراحة على مايجي مو عده . قالت أنت كذاب , وربي يحرمك من فهد لو كنت تضحك علي!!! وعديتها , وقلت لها والله لو ماغلاوتك في قلبي كان تصرفت معاك تصرف ثاني. وهذا حنا من سيء لأسوأ .. من نكد لأنكد ,, ومستحيل أصير عندها إلا وتحط فيني ألف عذروب,, هذا غير فظاظتها وتناقضها وسوء أخلاقها. وبعد ما طلقتها الطلقة الاولى قالت لي : والله لأذلك ذل عيالك راح أخذهم وأحرمك منهم! قلت لها كل واحد يتعامل بأحلاقة.. أنا لايمكن أفكر اني احرمك منهم . وأنتي أكيد تهمك مصلحتهم ولا راح تعصلجين عشان شوفت أبوهم. المهم قبل الصلح بيوم : اتصلت وقالت أصلا أنا عيالك ما أبيهم ولا أتشرف بتربيتهم.. خلي بنت الكلـ..... تربيهم لك . وأنا مو مستعدة أضيع شبابي عشانهم!!!!! ولك عندي همسة اخي بوفهد : غالب الآراء النسائية التي تلمح لك تلميحا الى تطليق زوجتك الثانية , لو كانت الآية معكووسة وجئتنا تشتكي من زوجتك الاولى لرأيت هجوووم عنيـــــف عليك والتوسل اليك بالأطفال واتهامك بخيانة العشرة وووووو ولهذا السبب في أول رد قلت لك لا تخاف مادام الموضوع جاي على راس الثانية فلن تجد هجوووم فاطمئن ودربك خضر فالشاهد لا تعتمد كثيرا في اتخاذ قرارك على آراء عاطفية تتصور كل رجل معدد زوجها وردودهن تكون بعيدة جدا عن اعطاء رأي وحل لمشكلتك بقدر ماهو تفريغ عاطفي ونفسي عن مشاعرهن وهن معذورات هذه همسة أهمسها لك لاني تلمست منك عقل وأرجو منك أن يوفقك الله لحل مشكلتك بالطريقة التي يحبها الله حياك الله |
.... بارك الله فيك وفي حرصك ولكن يبدو والله أعلم أنك منذ البداية تميل للأولى ولماذهبت السكره حضرت الفكره
وأفقت أنت بعد العسل على زواج ثان لم تحبه ولم تحب من اقترنت بها ولا يهمك جمالها وتتمنى العودة للاستقرار مع قرة عينك الأولى والحب من الله ولا تلام عليه وكأني فهمت عصبية الثانية ونفسيتها القلقه ربما لأنها رأت أنها لا تثيرك ولم تحبها ولم يغريك جمالها وأن الأولى أصغر منها ويتضح هذا ولو حاولت وربما هي أكثر دقة وحساسية من الأولى فراع هذا الجانب واستمتع بجمالها لماذا لاتحبه ؟ وامتدح هذا الشيء فيها واجعلها تشتغل على التجديد والليالي الحلوه وامتدح شياكتها وجمالها وعدد حسناتها باستمرار واشكرها وهدء روعها ولا أظن أن التهديد يصلحها ربما الاحتواء في ليلتها وابعاد اي منغص أو شيء يذكرها بالغيره ... حاول أن تحبها فهي زوجتك كذلك الق على مسامعها الكلام الحلو وتغزل فيها وحسسها بالأمان والحنان ولا تهددها فهذا مايجعلها تعيش الصراع ... ...... أما زوجتك الأولى فليس هناك ماأعلق عليه بشأنها على حسب مانقلت زادها الله سكينة وأمانا ورفعة ...... وأنت نور الله قلبك وهدء قلبك ورزقك الصواب والحكمة وكتب لك التوفيق والسعادة والاستقرار في بيتيك اللهم آمين |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|