بس هالمرة راحت عشان الضرب فالامر يختلف.
هي كم مرة راحت زعلانة بيت اَهلها
و ماذا كانت الأسباب
و كيف ترجع لك؟
اتوقع والله اعلم انك هالمرة منحرج من اَهلها فقلت اتركها

__________________

الله يفرج همك ويصلح زوجتك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

ان شاءالله بصبر كم يوم ونروح نشوف

اكثر اوقات الي تحصل مشاكل بيننا تروح بيت اهلها
لاي سبب او مشكله
اهلها يكلموني وانا اروح ونتفاهم
ولكن اخر مره قلت لها قدام اهلها اذا حصلت مشكله ورحتين عند اهلج مابرجعج

شكرا لك ياخوي والله يسمع منك

خير البر عاجله
ورح أنت وابوك وإذا رحت مثل ماقلتلك لاتشتت الموضوع ولا تكلم في المشاكل القديمة
خلك في هذه المشكله فقط
واعتذر عن أخطائك وعطهم من الكلام الزين
وبشرنا وبالتوفيق

خلاص نشوف بكره وش يصير
الله يجزيك خير

اخوي باين ان زوجتك تعاني من امور بصمت ولا تشتكي وتتخذ قرارات بصمت كذلك

كثير اسمع من حريم يقولون والله لن انظف البيت وسوف اهمله وأجعله يرى المكان قذرا حتى يحس ويشعر بمعاناتي من غسيل بالبرد وتنظيف وتلميع وتعب وبعدها يأتي بالخادمه

وبالنسبه لإسلوبها المتغير معاك اشعر بأنه ردة فعل على اهمالك لها حيث اشرت انك بالبيت فقط تلعب بالبلاي ستيشن

زوجتك والله اعلم فاقده الجوانب الماديه والعاطفيه وغرقانه في عالم المقارنات بينها وبين الاخريات وانت لا تعلم او تلحظ .

__________________
اللهم ألهمني الرشد

الحمدلله يا اخواني
رحت عندهم وتكلمت مع اهلها ومع البنت
وتناقشنا وحلينا الموضوع
واتفقنا ان كل واحد يعدل اغلاطه
وانا شرطت عليها ان ماتروح عند اهلها مره ثانيه على اقل مشكلة وهي شرطت ان مامد ايدي واتفقنا
واشكركم كل الشكر على وقفتكم انتو كنتو لي اهل الصراحة وبتوفيق من الله وثم مشورتكم ونصايحكم انحل الموضوع

شكرا لكم جميعا اخواني واخواتي ❤

ماشاء الله اخبار جميله
ربي يتتم عليكم التفاهم والسعاده ❤

__________________
اللهم ألهمني الرشد