معليش تعرضت للأغتصاب من مين ؟؟

روح لقوقل وشوف كثرة البنات الي تعرضو للأغتصاب خاصه من القرايب عم خال اخ

وحده تقول أبويه مدمن اغتصبني وانا عمري12 سنه وتوفى وماقدرت اقول لزوجي فقط جلست ابكي وألفق القصص ورجعني لهم وخبرت اخواني وهم يعرفو كيف كان ابوهم فقالو لها قولي له قالت والله ماأشوه سمعة ابويه وهو في قبره

تأكد كويس منها هل قريب الي اغتصبها وفي أي عمر

اذا كان قريب برأيي ترحمها وتستر عليها اما لو بعيد وفي سن كبير هنا معاك حق بالي تسويه

قوانين المنتدى تمنع التطاول على الأعضاء والتعرض لهم بالتجريح

استر عليها ياخي
ومايدريك لعل من اغتصبها من محارمها
لاتخبر اهلها ابدا استر عليها امام اهلها واهلك وامام الناس
واحتسب مااصابك على الله

واذا على اموالك اجلس معها وصارحها
وليكن الطلاق منها حتى ترجع امولك كلها
لان اذا كان الطلاق من الزوجه وليس من الزوج ترجع الاموال
واتفقو ان السبب عدم تفاهم وتوافق هي لم تتفق معك هاكذا اسلم للجميع

وحرام صراحه تخبر اهلها وماتدري لعل من اغتصبها اخوها او عمها او خالها او...الخ
الستر زين وانت تعرف احاديث وجزاء اللي يستر على مسلم يستره الله يوم القيامه

الدنيا ماتسوى علشان اموال تفضحها وانت مو متاكد شنو سالفتها بالضبط
وخصوصا فيه طريقه تاخذ اموالك بدون فضحها
تخيل تتزوج اختك ويجي زوجها ويقول لكم بنتكم مابيها غير عذرا شنو راح يكون موقفكم

وترى فيه كثيييييير بنات تم اغتصابهن بغير رضاهن الله يستر عليهم ويحفظ الجميع من كل شر
الرجل يعمل ويسوي ويتزوج ومحد عارف هل هو عفيف او لا
اما البنت لو تسقط سقوط قوي طبيعي تفقد عذريتها مع انها فعلا عفيفه

اتقي الله ولاتفضحها طلقها واستر عليها وليكن الطلاق منها وانتهت القصه
وهي ربي يعينها ويستر عليها وعلى كل مسلم








ـ

__________________

الاحتمال الاول تعرضت لاغتصاب
هنا من الظلم تطلقها
شي غصبا عنها
وممكن يحصل لاسمح الله لاي قريبه لك

الاحتمال الثاني تكون غلطت مع واحد
ترى لها رب فوق يحاسبها
انت لك علاقه بحاضرها وسمعتها بين الناس
لكن خوافي اعمالها لرب العباد
ولو تابت توبه نصوح لازم تسامحها
العفو والتسامح خلق اسلامي
ولك اجر عظيم عليها وبتلقاها بمستقبلك


واذا انت عايفها مره وحده
طلقها بسكات
ولا تجيب طاري هالموضوع لاهلها
ابدا
ابدا
ابدا
خاف ربك ممكن يذبحونها
او يضطهدونها وتهرب وتنحرف
قضايا الشرف تهد بيووووت

الاخوة والاخوات
قوانين المنتدى تمنع التطاول على الأعضاء والتعرض لهم بالتجريح
وأيضا المشاركات التي لا تفيد صاحب المشكلة
نرجو الالتزام

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

أي استفسار بيكون في اقسام المراسلة

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

أي رد او استفسار يكون في اقسام المراسلة

فعلاً ممكن يكون ابتلاء الله لك وسترك عليها سبب في خير عظيم سيأتيك

عموما انا اشوف انك تخبر ابوك و تفكر معاه

لما كنا ننصح بعض صاحبات المشاكل اللي من هذه النوعيه بعدم التستر على الخطيب اما باخباره او بالاعراض عن الزواج كانوا بعض الاعضاء يتهجمون علينا بــ ليش تفضح نفسها وربنا ستر عليها ... هذه النتيجه .. الزوج صرف ما صرف واتم الزواج وبين ليله وضحاها خسر كل شي .. فلوسه وسعادته ..
والحل مب سهل .. وغالبا ينتهي بالطلاق وفضح الزوجه عند اهلها على اقل قليل .. والا كيف بيسترجع مستحقاته اللي دفعها .. البنت اذا وعدته بارجاع كل مستحقاته الاهل ما راح يرضون الا اذا فضحها بالسبب .. وين الستر في الموضوع ..
لازم نعرف اننا مو عايشين في زمن الرسول صلى الله عليه وسلم والصحابه .. الدنيا غير .. مستحيل رجال في هذا الزمن يستمر في حياته الزوجيه مع وحده مغتصبه ومتستره ..

الله يكون في عونك يا اخوي .. ومحد يلومك ابدا بموضوع الطلاق .. بس لو في مجال انك تفهم منها كيف صار الموضوع ومتى ومع من .. وهل هو فعلا اغتصاب ام غفله من البنت والجري وراء الشهوات .. وان بعدها عندك القرار .. اما ابقائها على ذمتك لو كان الموضوع غصبا عنها او بتطليقها وحاول انك تستر عليها ما استطعت .. ولا تلفت لكلام الناس لانه كلامهم ما راح يخلص .. مهما فعلت بيتكلمون عليك وعليها .. فحاول انك تهدى شوي وتفكر بعقلانيه واستفيد من بعض ردود الاعضاء .. وان شاء الله ما راح يكون الا اللي الله كاتبه لك ولها ..

بكل بساطة اذهب لابوها وعلمه بالامر
لانك انغشيت ببنته للاسف
اذا بتخليها على ذمتك شي راجع لك
ولك الحق باسترادا كامل حقوقك مهر وخلافة
حتى لو على طريق المحكمة لكن حاول ماتكبر الموضوع الا اذا رفضو وانكرو
والتقرير الطبي يخدمك كثير