الله المستعان،

أراكِ تحومين حول خراب داركِ، فاهدئي قليلا ودعي الأمور تسيرُ كيفما كانت وأنا على اعتقاد بأنّ الموضوع سيُفرج عمّا قريب.

ماتفعلينه الآن من شد وجذب مع زوجِكِ سوف يترك فُرجاً واسعة يدخل منها الشيطان. هذه هي الفرص المؤاتية للشيطان وجنده! فلا تتركي لهم طريقاً إلى بيتكِ.

مشكلة مصروف، أثاث بيت لم يتغيّر، طعام لم يُطهى جيدا، أشياء لم توضع في مكانها الصحيح، فوضى مُتناثرة يُمنة ويسرة. كل هذه الأمور الصغيرة ليست إلا شرارات متقّدة ماتلبث أن تضطرم ناراً وفي غمضة عين، لتأكل كل سنين العمر الحلوة.

كما قال لكِ الإخوة والأخوات الأفاضل قبلي، الأمر أبسط مما تتخيّلين، فاهدئي..

وفقكم الله، وسخّر لك زوجكِ فيما يحبه الله ويرضاه،

عبدالله،،،

ى جميع الاخوه والاخوات اشكر كل منوقف معي ولكل من وقف في صف زوجي

لانه حبيبي انا مبسوطه لانكم توصوني عليه والحمد الله اني مو مقصره بس الحياه الزوجيه لازم يتخللها بعض المشاكل

انا مو ملاك انا بشر لي اخطائي وعيوبي والحمد الله ان حسناتي تغطي على عيوبي وهذا الكلام دايما

يقوله لي زوجي دايما يقول لو لفيت الدنيا كلها ماراح الاقي وحده مثلك

وهذا الشي هو الي يخليني اتحمل بقولكم وش صار

امس الخميص صحينا الظهر وقال زوجي يلا بروح قلت وين قال بشتري الفرشه قلت يعني بتروح لحالك وانا مالي راي يعني لازم تروح لحالك لازم اروح انا ونت عشان نتشارك

قال انا بروح اشتري فرشه وانتي كملي نوم قلت اصلا ماراح انام قال خلاص يلا البسي ونروح بس حسيت انه مو متحمس اني اروح معه قلت خلاص انا بتجهز لاني بروح افطر عند اهلي اليوم قال طيب اجلس تجهزي لين ارجع

لما رجع وجاب العمال يفرشون الجلسه بصراحه الموكيت يهبل روعه

قالي وش رايك قلت يجنن ماتوقعت انك بتشتري من النوع الغالي قال ليه انتي عارفتني كريم واحب الزين

قلت ايه بس لانك ماكنت متحمس قلت اكيد بتجيب شي عادي قال افااا عليك وش دعوه اهم شي انها عجبتك قلت له الله يعطيك العافيه وماقصرت ورتبت الجلسه وحطيت الكنب طلعت الجلسه تهبل ياريت عندي كاميرا كان صورتها لكم

قولو مبروك وعقبال غرفه النوم

ت

أسأل الله بأن يوفقكما ويسخركما لبعض ويرزقكما ذرية صالحة مصلحة .

ونصيحتي لك أختي بألا تكرري لزوجكِ (إن كنتِ قلتِ له) بأنكِ تريدين الذهاب لأهلك ... لأنه سينزعج من كلامك هذا وقد يحصل مالا يحمد عقباه ولأنكِ سوف تحسسينه بأنه يقود السفينة لوحده أي لا يحس بوجودكٍ معه بسبب أنكِ سوف تتركينه في أي وقت . وإلا ليش يسمون الزوجة شريكة الحياة .

انا اتمنى ان يعتبرني شريكه حياته نتشارك في كل شي في اثاث البيت وفي كل شي بس هو الله يهديه

مايحب يلفلف في الاسواق كل شي اسويه لحالي الا نادرا نتشارك بس ان شاء الله غرفه النوم نتشارك فيها

واحب اوضح لك شي مهم انا ليه ابي اغير غرفه النوم

لان زوجي كان متزوج قبلي بس ماطول مع زوجته الاولى جننته وماقدر يجلس معها اكثر من كم شهر

وكان ساكن في البيت وهو جديد ولما خطبني وتزوجني كان الاثاث جديد وانا طلبت انه يغير غرفه النوم

لاني ما ابي ادخل على غرفه زوجته الاولى وهذا من حقي

بس هو قال ان ظروفه الان ماتسمح لانه كان دافع في زواجه الاول والبيت جديد ومهر وانا بعد دفعلي مهر
وكلها في سنه وحده وكان داخل مشروع وقدرت ظروفه ووافقت اني ادخل على الغرفه الاولى بس بشرط انه يشتري لي غرفه لي جديده
وانا بصراحه ما ارتحت في الغرفه لانه مو لي لزوجته الاولى

عشان كذا قلت له بعطيها ماما ووافق وعطيتها ماما لاني ما ابي اشوف الغرفه والحين لي سنه انام على الارض وانا تضايقت لانه ماقدر الي انا سويته وقدرت ظروفه لاخر درجه بس في الاخر مليت

ماشاء الله لاحول ولاقوة إلا بالله , قولي آمين , الله يرزقني مثل زوجك لو أنام على الحصير طول حياتي , ماشاء الله تبارك الرحمن .

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

يا اختي انت دلوعة؟؟؟

الحين خيره جايك وجاي اهلك؟؟وبتسوين فيه كذا هذا رد الجميل؟؟


يتضح لي انه يحبك موت ويوم شفتي غلاك تدلعتي؟؟؟أغلب النساء اذا شافت زوجها يغليها شافت نفسها عليه صارت اهي الرجال تهدده بالطلاق والزعل لانها شايفة غلاها...

بعدين ليه تطلعين الغرفه قبل متجي الفرفة الجديدة .. تعبري الدنيا عبر...


ويتضح انك عند اهلك اول مو مرفهة لان الي تكون مدلعة عند اهلها تكون قنوعة في حياتها مع زوجها على اي حال..


المعذرة ان قسيت شوي لكن بصرحة انت قاسيه مع زوجك ..
وبتزعلين عليه اهو ماسوى غلط خافي الله في زوجك وحافظي على ماله ولا تكوني مبذرة..

وفقنا الله لكل خير....

الحين اقولكم اني مقدره ظروفه صابره ثلاث سنين تقولين مبذره

والله انا بالنسبه للحريم ما اعرف التبذير من وين

بس هذا حقي وابيه وسلامتكم

أختي

زوجك يصرف عليك و على أهلك

و هذا الشئ لوحده كفاية

لا تبحثي عن النكد

و بلاش دلع زيادة

ترى الرجال مو مقصر

و بروده لازم تتحمليه دام كل هذه الميزات موجودة فيه

و تحاولي تأقلمي نفسك مع بروده و تتفهميه

يوم قرأت ردك الأخير

و إنه كان متزوج قبل

عذرتك الصراحة

لكن أيضا ما توصل للزعل و تروحي بيت أهلك

لكن بالحكمة و الدلع تقدري تخليه يعمل اللي تريدينه

و الله يوفق بينكم

اشكرك روح الطير لتفهمك
وانا والله احب زوجي ودائما احمد ربي على النعمه الي انا فيها بس برضو هو فيه بعض السلبيات

واكيد انها اشياء بسيطه بس هو بعد لازم يحس فيني ويقدر صبري وانا والله لا دلوعه ولا شي بس هذا حقي وهو وعدني ولازم يوفي بوعده مولازم اجلس انتظره كم سنه عشان يلبي لي شي بسيط