هل بالغت في زعلي..وجهوني..قلبي محروق - الصفحة 6

11-05-2011, 12:20 PM

#51

الملاك يونا

قلم وفي

تاريخ التسجيل: Jan 2005

المشاركات: 1,221

اقتباس:

المشاركة الأصلية كتبت بواسطة روح الطير

العنوان :
هل بالغت في زعلي ؟؟؟

يعني الأخت بكل ذوق جاية تستشير ..
مو جاية تتحدى و تثبت إنها ( صح ) 100 بالمية ..
فليه ما نراعي الشئ هذا في النصيحة ؟؟؟

..................................

ثم قالت في العنوان :
وجهوني

مو كذبوني و أدخلوا في ( نيتي ) و اشتموني و عايروني ... إلخ ؟؟؟؟

..................................

ثم أخيرا في العنوان :
قلبي محروق

يعني اللي فيها كافيها ..
هي ما جات و عارضت أي رد و هاجمت أي شخص هاجمها ..

.
.

لو هي غلطت بشئ ، نوجهها و ننير بصيرتها ..
لو هي مقصرة في شئ ننصحها ..
لو لها ( حقوق ) نعلمها و نوجهها كيف تاخذها

..........................................

كنت بأشارك من بداية الموضوع بس سحبت نفسي و ردي حتى لا يصيبها الإحباط ، بس استفزني الهجوم الصارخ عليها
و كذلك سؤالها أسئلة شخصية و إجبارها على الإجابة عليها ، كأنه الأخت جالسة في تحقيق الـ FBI ..
و كويس إنها ما قالت ( مالكم دخل في الشئ اللي مالكم دخل فيه )

كنت فقط بأقول التالي :

عزيزتي .. زوجك جنوبي
و تعاملك معه و فهمك لكيفية التعامل معه ، يحتاج منك وقت طوييييييييل و طولة صبر
حتى توصلي معه لنقطة اتفاق

ابتعدي عن العصبية و الصراخ مع زوجك و العناد ، لإنها راح تخليه يهرب حتى لو كان يحبك
و طالبي بحقوقك ( بطريقة ذكية فقط )

يعني بيني له دايما إنك بحاجة له
و تحججي بأي شئ في موضوع راتبك، أو خذي لك إجازة 6 أشهر من غير راتب

المهم ، لا تكوني ( صريحة جدا و واضحة جدا أمام زوجك )

أما ما يخص علاقته مع أبناءه و طليقته ، فالأعضاء ما قصروا

كلامك عــسل .. ومنطقي ...^_^
توقعت انه بس انا اللي نرفزني الهجوووم عليها ..

كيف حالك يالغاليه ؟ ..عساك تذكريني بس ..

11-05-2011, 04:39 PM

#52

فضلا ادخلوا

عضو جديد

تاريخ التسجيل: May 2011

المشاركات: 40

اقتباس:

المشاركة الأصلية كتبت بواسطة ليه الغرور؟

قالك..لاتعتذري انتي ماخطأتي...طيب مبروك...<<.والدليل انه تارك البيت..<<

عموما الله يهديك بس...

وانا حتى لو انحطيت في موقفك...ماراح اسوي مثلك..لاني غير عن شخيصتك....والناس مو مثل بعض

واكرر للمره المليون...طلبك يقطع عنهم المصروف..معناه انهم محتاجين ابوهم..ومحتاجين المصروف..وكلامك وتبريراتك ماتمشي علي..

وانتي هنا مشكلتك الاولى والاخيره...ابنائه ..راجعي ردودك وشوفي كيف اغتبتيهم..وتكلمتي عليهم..حرام عليك ياشيخه..

والي يقصدوني..بكلامهم..ترى .مافي داعي للمثاليات..يعني لازم نشجع على الاخطاء..؟؟

يا بنت الحلال من أي طينة بشرية انت؟

ماني لاقية مبرر لكلامك معي كأني يهودية اغتصبت أرضك وقتلت أحبابك

بسلامتك ما أعرفك ربما مريت بظروف عقدتك نفسيا

ربما أنت من الأساس مريضة نفسيا

ربما أنت من النوع اللي مستسلم لأفكارك مصدقة تفكيرك وبانية للشيطان قصر في عقلك وقلبك.

اتقي الله

إنت عايشة واقعي ولا انا عايشته؟؟

إنت تفهمي الحقوق لطرف واحد وحقوق الطرف الثاني ماتفهميها

طلبي قطع المصروف غلط بغض النظر إنهم محتاجين او غير محتاجين

لوجود اتفاق بيني وبين زوجي...

و ماله دخل بإتصالها عليه.

اتصالها على زوجي بالنسبة لي مشكلة ثانية وحلها يكون بطريقة أخرى...

يابنت الناس الغيرة أعمت قلبي وعقلي....ولوجود تراكمات سابقة والخوف من الغد طلبت الطلب...

فهمت خطئي وقدمت الإعتذار لزوجي..

وإنت متي كمدا وقهرا ليش رد علي رد لطيف.

أظنك كنت تتمني أول شي يطلقني ثم يفرمني بفرامة اللحم .. ويحرق رمادي..هذا الشي الوحيد اللي يبرد قلبك.

من أي نوع من البشر أنت..؟

يابنت الناس أنا انسانة فاهمة ايش اللي لي وايش اللي علي..لكني بشر ممكن أخطئ.

والحمد لله فاهمة الحرام والحلال..وإن ماخفت الله في أولاده كله مردود لي في اللي عندي..

ولا تتوقعي زوجي بعواطفه الجياشة نحو أولاده يعاشرني لحظة واحدة لو عنده ذرة شك انا كارهة أولاده أو

كارهة الخير لهم.

ثم إنت تقولي اغتبت الأولاد

هذه مو غيبة أنا اشتكيت من ظلم واقع علي..أبغى حل..افهمي أبغى حل محتاجة نصيحة محتاجة توجيه

محتاجة دعوة.. حتى لو أخطأت أوخانني التعبير.هذا مايبرر لك الهجوم الشرس.

الرسول عليه الصلاة والسلام سمع للمرأة اللي جاته تشتكي زوجها..ما قال لها اسكتي هذه غيبة

(قد سمع الله قول التي تجادلك في زوجها وتشتكي إلى الله....................).

أنا مو ملزومة أتحمل تجريحك وتكذيبك وتفكيرك المحدود وردودك التافهة.

ولو سمحت احترمي نفسك وريني عرض أكتافك و اطلعي من موضوعي ولا تردي.

التعديل الأخير تم بواسطة فضلا ادخلوا ; 11-05-2011 الساعة 04:42 PM

11-05-2011, 05:13 PM

#53

شروق السعودية

عضو متألق

تاريخ التسجيل: Aug 2006

المشاركات: 1,245

ماشاء الله الأخوان ماقصروا انا
مع راي الأخ أو الأخت
أنا مندهش

__________________

التسامح والتغاضي والتغابي

تخلي القافلة تمشي

11-05-2011, 06:19 PM

#54

% قلبي حنون %

قلم مبدع

تاريخ التسجيل: Mar 2011

المشاركات: 1,292

مع كثرة الردود.. إلاّ أنني أريد أن أدلي بصوتي وبرأيي..
وأقول ..لا تكلميه غير لما يرجع بنفسه.. واستحملي..
موضوع زوجته.. يمكن كانت تبغى تقوله حمدا لله على السلامة.. بس
مافيها شي.. يعني برضو هو أبو أولادها..

أنا من وجهة نظري المفروض يكون في تواصل بين الطليق وطليقته.. عشان الأولاد بس..
أنا من الناس الي عانيت للأنه .. أبويه وأمي مايكلمو بعض نهائياً لانهم منفصلين.. حتى في أمور تخصني..
ولما جا وقت زواجي..نفسيتي تعبت مره.. صرت مرسال .. وعشان أقنع بابا بمستلزمات الزواج..
ولانه عايش في مدينة تانية..ولا يدري ايش المفروض نسوي في الأعراس وايش احتياجياتي..الخ
عزيزتي..
انتي لاتعطي الموضوع أهمية كبيرة.. عشان لا تحسسيه إنها مهمة..
طنشي.. أنا معاكي هو احساس مؤلم وبايخ..

الله يفرج همك..ويحنن قلب زوجك عليكي

__________________

>> لا إله إلا أنت سبحانك إني كنت من الظالمين <<

11-05-2011, 06:32 PM

#55

% قلبي حنون %

قلم مبدع

تاريخ التسجيل: Mar 2011

المشاركات: 1,292

عزيزتي..
انا ماقرأت كل الردود .. وماعرفت المستجدات
الإحساس الي انتي عشتيه زي ماقلتي يعور القلب..
بس أتمنالك من كل قلبي راحة البال .. وعيشة هنية انتي وزوجك..
هدّي نفسك..
الله يجمعكم على خير إن شاءالله..

__________________

>> لا إله إلا أنت سبحانك إني كنت من الظالمين <<

12-05-2011, 12:42 AM

#56

دنيتي بنتي

عضو نشيط

تاريخ التسجيل: Apr 2011

المشاركات: 146

للأسف بعض العضوات ردودهم شرسه فقط لانهم يعتبرونها زوجه ثانيه والاولى حتى لو مطلقه تظل الاولى !!

وكأني بذاك المنتدى النسائي اللي يجمع انواع النفسيات "الله يشفيهم"

تراني زوجه اولى ووحيده لكن اكره هالتفكير في بعض الحريم ..

وموووفقه خيتووو

التعديل الأخير تم بواسطة دنيتي بنتي ; 12-05-2011 الساعة 12:52 AM

12-05-2011, 10:44 PM

#57

الماضي الدفين

كبار شخصيات المنتدى

تاريخ التسجيل: Oct 2010

المشاركات: 2,316

اقتباس:

المشاركة الأصلية كتبت بواسطة روح الطير

.
.

بالمناسبة ..
الماضي الدفين ..

اشتقنالك و طالت غيبتك عن المنتدى ،.

هلا يا روح

تسملين حبيبتي وأنا بعد اشتقت لك , وأنا عادتي يوم اني أحس بضيق أنعزل فترة عن المنتدى ثم أرجع بنفس طيبة ومرتاحة ..

الله يوفقك ويتمم أمورك على خير

__________________

يَا ذِكْرَيَاتِ الصِّبَا عُودِي لِذاكِرَتِي

فَقَدْ يَجِدٌّ إِلَى لُقْيَاهُمُ أَمَلُ

13-05-2011, 02:18 AM

#58

زهور المدينة 22

عضو جديد

تاريخ التسجيل: Jan 2011

المشاركات: 42

أختي لا تهتمي لبعض الردود الهجومية الشرسه لأن اغلبهم يضعوا نفسهم في مكان الزوجة الأولى
الله يفرج عليك ومدام ان رد عليك بلطف ان شاءالله راح يرجع لك ..
الله يوفقك ..

__________________

13-05-2011, 05:46 PM

#59

زحمة ذكريات

عضو نشيط جدا

تاريخ التسجيل: Mar 2011

المشاركات: 270

تأملي رد الاخ انا مندهش وسيدة الموقف والردود الايجابيه...وحاولي قد ماتقدري تسيطري على غيرتك وعصبيتك علشان تفكرين بطريقه صحيحه وسليمه في المرات الجايه وان شاء الله ربي يكتبلك الخير

18-05-2011, 03:35 PM

#60

فضلا ادخلوا

عضو جديد

تاريخ التسجيل: May 2011

المشاركات: 40

السلام عليكم ورحمة الله وبركاته

الشكر لله ثم لكل من سطر بيديه نصيحة أوتوجيه أو دعوة.. الله يجزبكم عني خير الجزاء وأحسنه.. ويثقل بها

موازين حسناتكم..

الله يسعدكم في الدارين ويصلح لكم نياتكم وذرياتكم ويرزقكم من خيرات الدنيا ونعيم الآخرة..

الله يرزقكم طمأنينة القلب وراحة البال وسعة الرزق..

اتأخرت عليكم أطمنكم لأن الردود القاتلة أتعبتني جدا وصرت مو قادرة أكتب ولا أرد..والحمد لله الردود

الإيجابية استفدت منها كثيرا كثيرا....

المهم

بفضل الله زوجي رجع واليوم كملنا تسعة أيام مع بعض..

وبعد رجعته بيومين أخذني السوق اشترى لي هدية..وخيرني فيها..وهذه أول مرة يسويها.

يمكن حس بتأنيب الضمير خرج من البيت في الوقت اللي أنا شايلته فيه على كفوف الراحة..

يمكن حس بالغلط المفترض كان يمتص غضبي بطريقة غير ترك البيت..

بإيش حس الله أعلم

مدري المهم أول مرة يجيب لي هدية بنفس.

أنا طلبته أولاده ما أشوفهم ولا يدخلون بيتي حتى تهدأ نفسيتي..

طبعا هو زعل وقال مايدخلوا عندك مدى الحياة...

قلت له افهمني ولا تضغط علي..أنا محتاجة وقت..

تخيل الوضع كان بالعكس (مافي شي ضروري ولا أمر مهم) واللي عندي يمهدوا لي اتصال بأبوهم في الخفاء

ايش يكون شعورك وردة فعلك..؟؟!!إنت ماترضاها لنفسك..

ثم

هي وأولادك عارفين من يوم تزوجنا ما أرد على أي اتصال منهم بجوالك..لكن في فترة مرضك أنا اللي بأرد..

اتعمدت الهانم تتصل في هذا التوقيت وهي عارفة مسبقا ممكن أنا اللي أرد بحكم إنك مريض!!

طليقتك لو ناوية خير لما اتصلت وأنا اللي رديت كان كلمتني عادي وطلبتك وكلمتك بكل ثقة؟؟!!!

الأصول أصول مايختلفوا عليها اثنين..

ليش تخبي اتصالها بك عني؟؟

الحركة اللي سوتها استفزازية بحتة حبت تقهرني وتخرب العلاقة بيننا مو أكثر...خصوصا بعدما الأولاد شافوا

عن قرب علاقتنا مع بعض.

أنا حرمة وأفهم كيد الحريم..محد اجبرها تتنازل عن عرشها..ولما صار لغيرها حلي في عينها.

واللي يقولوا مافيها شي هذا أبو أولادها تحمد له بالسلامة..

إن كان من باب حفظ العشرة كان أرسلت له سلام مع الأولاد وانتهينا..لأنها صارت أجنبية عنه.

ثانيا من وقت اتطلقوا وزوجي رسم معها خطوط العلاقة..

أي شي يخص الأبناء هم يتصلوا يتفاهموا مع أبوهم بأنفسهم..حتى في أحلك وأصعب الظروف والمشاكل اللي

تمر بيهم هم يتصلوا بأبوهم ويرسلوا رسايل.. هم رجال مو أطفال..

حتى لو في شغلة والأمر يتطلب حضورها في دائرة حكومية هو يبلغ الأولاد وهم يبلغوا أمهم وتروح.

عمره زوجي ما كلمها مباشرة لا على رقمها ولا على رقم أولادها ولا أرسل لها..

فكيف تتجرا تتخذ خطوة كهذه وطليقها راسم حدود التواصل..

اليوم تحمد له بالسلامة وبكرة تشتكي له من الولد وبعده تشاوره وبعده تطلب مساعدته

وبعده وبعده وبعده

إلين قلبه يحن وأنا أجلس زي الهبلة متفرجة..أغني ياليل ياعين .

ليش أنا مو شايفة كثير من المطلقات ميتات يتشققن يدوروا الحيل عشان يرجعوا.

قسم المطلقات بكل المنتديات بلا استثناء تعج بقصصهن ورغبتهم بالرجوع..

غير الأمثلة الحية الواقعية اللي قدام عيوني.

ليش أنتظر أسكت اتفرج الين يطيح الفاس بالراس..وأعدي اتصالها على خير وسلام..

ما أقول الي سويته صح.. بس سكوتي غلط.

واللي يقول لي فكري يمكن رجعتها أفضل..أقول

أنا ما ضحيت تضحيات مالها أول من آخر عشان أتكافأ بحرمة يجيبها ويحطها فوق راسي..

كان ممكن من البداية آخذ واحد متزوج ساعتها أكون عارفة أنا داخلة على ايش وأتحمل الغثاء اللي يجيني..

أنا ماعندي استعداد أتحمل غثاء حرمة ثانية بعد ما اتزوجت مطلق فاضي...

والطلاق أرحم لنفسيتي في هذه الحالة..

إما هي وإما انا.. والخيار له... ماني رامية نفسي ولا فارضتها عليه..

بعد ما ذقت الحرمان (المادي) بكل صوره و أشكاله آخرتها يرجعها ههههههههههههه حلوة.

واللي يقولون نفقتهم على أبوهم

نعم نفقتهم عليه لما كانوا صغار محتاجينه..وقت الحاجة الفعلية انتهت.الحين هم بالغين راشدين أصحاء أشداء

بكامل وعيهم وعقلهم يشتغلوا المفترض هم اللي يصرفوا على أنفسهم و يعطوا أمهم..وأبوهم رد للجميل.

دحين محتاجين أبوهم عشان يكونوا أنفسهم ويترفهواعلى حسابي..(بحرماني من حقوقي الشرعية كزوجة)

وأمهم بصراحة مو زوجي مسؤول عنها لا شرعا ولا عرفا ... وليها يتكفل بها..

وكلها كم سنة واالأولاد حيكونوا في عداد المتزوجين

لا أنا ولا زوجي مو مسؤولين نأمن لها حياتها..

إن كان من باب حفظ العشرة يبغى يحسن إليها..ما أخالفه بس يكون بعدما يقوم بواجباته نحوي..

زوجي زي اللي يصلي النوافل وهو الفرض ما أداه..

أنا ممكن أجلس زوجي مجلس رجال وجبرا راح يصرف علي

لكن انا مو حابة أحطه بهذه الموقف ..

حدي معه أصبر عليه المدة اللي وعدني بها .. بعدها لو ما صرف علي وأعطاني

يكون لكل حادث حديث..

واللي يقول مالك دخل في علاقتهم بأبوهم..

أنا ماتدخلت في هذه العلاقة من قريب ولا بعيد..لكن بقولكم ليش تدخلت وإنتوا نوروني
لما زوجي سوى العملية ...وقت خروجه من المستشفى المفترض واحد فيهم يجي يوصل أبوه للبيت الكل

اتملص وماحضر ..أنا صراحة انصدمت جدا من موقفهم..

هذا أبوهم ليش القسوة ليش؟؟

يعني لو أبوهم مقصر يكون سبب للقسوة

لكن بقسوا عليه وهو مدلللللللللللللللعهم آخر دلع....

زوجي يحبهم وقلبه يتشقق عليهم وشايلهم وحامل همومهم كأي أب..وقت حاجته يتخلوا عنه..!!!

زوجي بتلك الحالة والآلام ساق السيارة 80 كلم ورجعنا البيت (( رفض نركب أجرة أو نرجع مع سواقي))

يكابر ويعاند إنه متعافي مافيه شي..ومو بحاجة لأحد..

ثاني يوم رجوعنا انتكست حالته وصار وضعه سئ جدا ..

يعني لو زوجي محتاج مستشفى أولاده أولى يشيلوه..انا ماعندي أحد غير سواقي.

صراحة ماقدرت أتحمل الوضع نفسيا.ليش يهملوا أبوهم وهو محتاجهم وربي حسيته مكسور وحزين..رغم إنه

ماباح لي بشئ.

أرسلت لهم كلهم رسالة واحدة مضمونها:

(((( اتوقعت زيارتكم بس ماحد فيكم جاء ولا اتصل يطمن على أبوه ..

أبوكم يحبكم ويموت فيكم لا تحرموه من طلتكم الحلوة عليه وأنتم مأجورين من الله..))))

الكبير اتصل بعد رسالتي بعدة ساعات ..أبوه فهمه وضعه منتكس..برضه مافكر يجي يشوفه..

الثاني اتصل ثاني يوم وطلبني وكلمني وهذه المرة الأولى يطلب يكلمني.. حب يفهمني إنهم مو مقصرين وحبوا

يتركوا ابوهم عشان يرتاح ووو........الخ

قلت له صحيح مو مقصرين وفيكم الخيروالبركة بس الإنسان لما يكون مريض يحب يشوف أحبابه حوله وأنتم

في الاول والأخير اجركم من الله.

والباقين حتى اتصال ما اتصلوا..

وماجوا كلهم إلا عاشر يوم العملية..

حبيت أوضح هذا الشي عشان تكون الصورة واضحة..وهل هذا يعتبر تدخل فيم لا يعنيني؟؟

أرجوا أن يكون ماكتبت شمل تساؤلات الكل..

لو سمحتوا اللي يبغى يرد بكلمة طيبة ودعوة ونصيحة يكتب . إذا غلطانة في أي شي انصحوني نوروني...

واعفوني من قراءة الردود الجارحة المميتة القاتلة..اللي في مكفيني ومو ناقصة هم..

شاكرة وممتنة تفاعلكم..الله يجزيكم بجنات النعيم.

لكم مني أطيب الأمنيات وأصدق الدعوات ودمتم بخير

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه