بس يا توتا الموضوع مر عليييه 5 سنين .. يعني بهل 5 سنين ما صارت بينكم أشياء حلوه .. يعني خلاص انسي الاشياء المره .. انتي تقولي تركني وراح لامه .. اهوا يقول تركتني ونامت ولا على بالها .. وكل واحد له عذره .. فخلاص انسوا الموضوع اقلبوه ضحك .. وبالنسبه للجمله الي قتلها .. يا اختي والله هالكلام قالي اياه زوجي ... مره صار بينا موقف .. وقتله لو قايلي جان اهتميت وسويت .. قالي بشوفه من نفسك .. الريال ما يحب يقول .. يحب يشوف الاهتمام الي ايي من نفسه من الحب .. مع انه يدري اني أموت فيه .. بس هم الرياييل جذي .. ما يحبون يتكلمون اهتمي فيني داويني نومين .. عرفتي قصدي يا أختي ..

والله يا أختي الحياه فيها الحلو والمر .. جم مره راح نعيش .. مره وحده وبعدها راح نموت .. خل نحاوول كثر ما نقدر نخلي هالمره الي راح نعيش فيها حلوه مو مره وننسى المر

طبعا اكيد صارت اشياء حلوة بس واله اني تذكرت الموضوع وحبيت انزله واشوف ردودكم ؟؟...ورأيكم بهكذا موقف لا اكثر ولا اقل صح انه حاز بنفسي وماخذه على خاطري بس الحمد لله على كل شي

يعني بالاخير طلع الغلط الريايل يحبون الاهتمام بدون ما يطلبون ؟؟؟طبعا كل انسان يحب الاهتمام وبدون ما يطلب بس مو اذا غفل او كان مو متعلم او لسه ما مكتسب خبره في الحياة الزوجيه تكون ردة فعل الطرف الاخر قاسيه لهالدرجه

اشكر تفاعلك مع الموضوع وانا مثل ما قلت حبيت اشوف ارائكم ومدى توافقه مع تصرفي مع اني وقتها ما اتخذت اي موقف ولا زعلت ولا اي شي لاني كنت لسه ما اعرف ازعل على زوجي وادلع عليه او ابين له انه هالتصرف غلط ؟.....شفتي يعني كنت على نياتي على الاخر بهذيك الايام ....كل اللي قلته ليش ما صحيتني وطلبت مني اسويلك كل اللي تريده وانا راح اكون ممنونه ومبسوطه لاني اهتمت فيك

شكرا لك اختي