ياسمينا حبيبتي بنصحك وياليت تسمعين نصيحتي


1-زوجك يحبك ماعليك من كلامه اذا الرجل مايحب المرة يطلقها لان الرجال مايتحملون بس اقولك نوعية زوجك من الرجال اللي يعتبر الحب ضعف ومايبي يعترف لك



2- من قلتي مايمدح اي شي فيك صدقيني انا مجربه هالوضع لدرجة ان اذا طبخت طبخة يسال من طبخ ان قلت الشغاله مدح وان قلت انا سكت


ترى زوجي مثل زوجك مايمدح تدرين ليش لانك حلوة ومرتبه وشاطرة ببيتك وبنفسك ويخاف انك يصيبك الغرور او بصراحه فيك شوية غرور وخايف تزيدين


3-انتي بتخربين حياتك عشان كلمة انسيها اعتبريه يمزح اعتبريه معصب مشي حياتك


4-لايصير زوجك محور حياتك لاحبيبتي اول عيالك وعشان عين تكرم مدينه عشان عيالك تحملي ابوهم عشان كلام بتخربين بيتك


5- زيدي اهتمامك بعيالك عشان تنسين هالكلمة ومايقعدالشيطان يلفها براسك وتعوذي من الشيطان وقيسي كلام زوجك ترى ام عيالي معناها حبيبتي وكل حياتي لكن حبيبتي معناها مؤقت فهمتي الفرق يعني انتي ام العيال وراس المال



6-اثبتي لنفسك وله انك ام عيال وراس المال وطيريه بين السما والارض سوي له حركات ورومانسيات ادخلي بتحدي مع نفسك ولاتقصرين بالعكس زيدي اهتمامك وخلي هدفك مرضاة ربك مو حب زوجك



7-حافظي على بيتك وعيالك ولا تطفشين زوجك وتندمين انسي هالكلام وابدي من جديد اجل ليش الجنةتحت اقدام الامهات--------الصبر-------السكوت--------الرضى------والله يسعدك انا من زمان ماكتبت بس موضوعك شدني وحاسه فيك

__________________
لا اله الا انت سبحااااااااااااانك اني كنت من الظالمين

يا جماعة عم تحكي لكم انه لا ياتيها الا مرة في الشهر كيف يكون رجل محب انا لو في مكانها لا سمح الله لا اصبر على العيش معه دقيقة واحدة لان هذا عمر طويل فكيف ساقضيه مع انسان لا يحبني او لا يعبرني على الاقل ولو بكلمة حلوة

الله يهديك يااختي الورده السوداء من اسمك متشائمه هههههههههههه ظني ظن حسن يمكن الرجل رغبته قليله او ضعيف او او او هو وظروفه لاتحكمين عليه بعدين الرجل تعبيره عن الحب مو بالكلام اكثرهم بتصرفاته ------ المطلوب الاصلاح وليس التفريق

__________________
لا اله الا انت سبحااااااااااااانك اني كنت من الظالمين

اسأل الله العظيم ان يحنن قلبه عليك

وان يجعلك قرة عينه

ماعندى غير الدعاء

امنوا يا اعضاء

ااااااااااااااااااااامين

__________________
الحمدلله علي أنعم الله الظاهره والباطنه

البيوت لا تقوم جميعها على الحب

العشره الحسنه و الإحترام بينكما كفيل بأن يقيم بيت أساسه متين

انا مع اختي ريمية نجد و خذي بنصيحتها

تحياتي

__________________
يا رب افرجها من عندك ،،، يا رب ريح بالي و بال زوجي
سبحانك اللهم و بحمدك اشهد ان لا اله الا انت أستغفرك و أتوب إليك
حسبي الله الذي لا اله الا هو عليه توكلت و هو رب العرش العظيم

شكله زوجج كان كاتم شعوره طوال هالسنين وكان يتصرف معاج بشكل عادي, الان وبعد ما المخفي بان وما عاد في حاجة يكتمها بدأ يظهر مشاعره الحقيقة دون تكتم...

طبعا لا تنسين بأن هالموقف مأثر في زوجج ومسبب له حزن مثل ماهو مأثر فيج... لانني لا اعتقد انه كان وده انج تعرفي هالشئ والا ما كان عاش معاج طول هالسبع سنوات... لكن غصب عنه اضطر انه يقولك اللي في داخله واللي انا متأكدة انه كان اخر شئ يتمنى ان يقوله لج.

وطبعا في موقف مثل هذا لا اعتقد ان بأمكان اي رجل ان يكذب ويقول احبك لامراة في الواقع هو لا يحبها.

هذا هو تحليلي المتواضع اللي توصلت له واللي اتمناه ان هالتحليل يساعدج على انج ما تكرهين زوجج. لانه ليس انسان سئ بدليل انه ما رضى ياخذج وثاني يوم يطلقج ولا رضى ان يجيب عليج ضرة وانما فضل انه يدوس على قلبه ويعيش مع زوجة ببساطة لا يحبها.

اختي.. الموقف اللي مر عليكم انتوا الاثنين تراه موقف مو هين ابدا. انتوا الاثنين متأثرين وانتوا الاثنين مشاعركم مضطربة وقلقة....

انت الان تفكرين بأيش راح تسوين وهو يفكر بماذا بعد الان... بعد ان اعترف لج بأقصى شئ كان في داخله

انت حاولي الان في هالفترة انك تجمدي عواطفك شوية وحاولي انك تتصرفي بعقلك عالاقل حتى تنقذي سفينة زواجكم...

خلى زوجك الفترة هذي على راحته لين يهدأ...

يطلع من الصبح لليل... يتغدى عد امه... كل كلامه معاج بعصبية... مو مشكلة خليه براحته لا تحاولي انك تكلميه ولا تفتحي هالموضوع معاه مرة اخرى... الين هو يجي من روحه ويفتح معاج الموضوع

اهتمي بنفسك وملابسك وببيتك وعيالك ولا كأن صاير شي...

كوني عادية معاه من يسألك عن شي اوكي جاوبيه بشكل عادي ولا كأن شي صاير

يعني بالمختصر... تصرفي ولا كأن شي صاير (ادري انها صعبة جدا... لكننا اتفقنا انج تركني عواطفك جنب هالفترة) واكثري من الدعاء الى الله وقراءة القرأن بس من دون ما تحسسيه بشئ

خلي الفترة الحساسة هذه تمر على خير ويهدأ زوجك... وبعدين عاد بعد ما يهدأ زوجك حيبدأ يراجع نفسه وممكن يكتشف في داخله عدم جدوى مشاعر الكراهية المزعومة هذه ويرجع لج مرة اخرى لكن بمشاعر حب هذه المرة

وفقك الله وازال عنك هالغمة يارب...

تدرون امس ايش قال لي؟؟انتي مهمله في عيالج!انصدمت...انا اللي اودي عيالي المدارس واجيبهم وانا اللي اوديهم كل مكان واشتري لهم وهو مايدري عن اي شي!!!!!!!! ولما جيت اقول له انت على اي اساس تقول هالكلام وانا متاكده مليون في الميه ان امه اللي حاشيته علي قال مب لازم من اقول لج شي ترادديني سكت وقلت مابي اكبر السالفه وانا اعرف ان زوجي مب هاي كلامه لان عيالي حتى لو اروح موعد مستشفى معاي...اليوم ولدي جاب تقريره ماشاء الله100% كلته قلت له شفت التقرير قال اي الولد ذكي!!!!!!!!وانا وين راح تعبي وتدريسي للولد؟؟؟؟؟؟؟!!!!!!!!
على فكره نسيت اقول لكم ان انا من تزوجت وامنه تغار مني من كثر حبها لولدها فتحاول تسوي اي مشكله عشان تبعد زوجي عني والمصيبه انها تشتمني وهو واقف مايتكلم ولايوقفها عند حدها!!والمصيبه الاكبر ان مافي سبب يعني هي تخترع السبب..وتقول له انا شاكه انها قالت كذا فتتهاوش معاي!!! او تشك اني سويت اي شغله ان هالشغله ضدها او اني ابعد ولدها عنها!مع ان عمري ماتدخلت في علاقتها بولدها
واخر مشكله صارت من سنتين ولحد اليوم ماكلم اهله بسبب المشكله لانهم جرحوني وانا تعبت من المشاكل وهو من كم شهر حاول يخليني اكلمهم بس قلت له مابي خلاص كفايه مشاكل...
فانا تقريبا متاكده ان اول الاسباب في اللي يصير له بسبب علاقتي مع اهله لانه متعلق فيهم بشكل كبير..
يعني اول شي شغله وعقب امه وابوه في الدنيا..

على فكره امس وانا كنت اكلمه قلت له عن كلامكم ان مب شرط لحياه الزوجيه تنبني على حب كفايه العشره اللي بينا تخليني اتمسك بهالزواج..بصراحه عن نفسي احس الحب مهم وضروري بس بشوف اللي تقولونه هل العشره وحدها كفايه اول لا...هل راح اتحمل منه الكلام والفعل اللي يضايق او بطفش في يوم من الايام؟؟؟واذا رجع مثل قبل ونسينا اللي صار كيف بينام معاي؟؟مستحيل اكون مع واحد مايحبني!!لاتقولن انسي ماقدر انسى!!حتى لو تناسيت طيب وقتها بمثل عليه اني احبه؟؟؟او بس اكون مثل اللعبه في يده وبدون مشاعر؟؟

شئ طبيعي ما دمتي ما تحبين اهله كيف تبينه يحبش لازم تحبين اهله وتنسين الماضي وتبدئين صفحة جديدة مع امه لانه اذا احترمتي امه اكيد بيتغير شعوره من ناحيتش يعني السالفة واضحة ما فيه حرمة ثانية في حياة زوجش انما هي المشاكل اللي مع اهله هي اللي خلته يقول لش انه ما يحبش حتى لو كانوا اهله هم الغلطانين تأكدي انه محبته لهم كبيرة نصيحة لش حبي اهله علشان يحبش ..رسلت لش رد مع بداية المشكلة وكنت متعاطفة وياش لكن الحين احس انش انت السبب في انه زوجش يقولش انه ما يحبش اعذريني يا اختي لكن حبيت اساعدش والله مع الصابرين اصبري على امه واحترميها بكذا بتحسين بحبه لش من غير ما يقولها