لماذا نتزوج ؟
ماعليه متقبله كل كلامك وصدقا انا ابغى اتغير
مو ذنبي انه مشاعري بحجم مشاكلي

ايش فايدة التغيير اذا من داخلي انكسرت وتألمت ؟

اوقات أفكر اقول لما بنتي تنام 11 والاوضاع تكون زي ماهو يبغى .. هل اقدر اديه اللي هو يبغاه وقتها ؟
والله هالفتره مو طايقه اشوفه بصراحه ..

لماذا نتزوج
انا من لما ابويا الله يرحمه مات فقدت الحياة اللي ابغاها واللي أحب اعيشها
يعني اخويا قرفني حياتي بتصرفاته .. وتوقعت حياتي مع هذا الانسان بتكون افضل
يعني مو طالبه منه انه يحط لي القمر بيد والشمس بيد
ع الأقل اعيش بسلام براحة بدون خصام وتهزيء على أتفه الامور
يعني زوجي طول وقته ينق مايطل بالشئ الكويس .. دائما نظره ع النقص ..


وانا والكلام هذا لمتفائله لما قلتِ ما كان المفروض تبوسي راسه .. بست راسه ابغى ارتاح ابغاه يحتويني زي زمان
ياناس تقشف بالعاطفة وجفاف وبرود واستفزاز يقتل والله تعبت وانه كثير أفكر اقول انا ايش حادني على هذي العيشه ..
هو لو يدري انه ورايا رجال تحاسبه على تصرفاته معايا ما كان تمادى لكن هو عارف انه ماورايا سند بالحياة ..

يعني علشان عاطفيه وبعيش براحة وعندي اخطاء زي اي انسان بهذي الدنيا خلاص اخذ على راسي ؟

انا خضعت له نعم لعيشة نامي بساعتي واصحي بساعتي والاكل بساعتي وحتى المشاعر بساعته بس خضعت مجبره مو بكيفي

اكرهه وأكره استغفر الله بس

قول الحق يا لماذا نتزوج مو ظلم اللي واقع عليا الان ؟

لكن انا بتركه لحساب يوم القيامه امام الله العدل والله ثم والله ثم والله ماراح أسامحه على كل دمعة نزلت مني وكل عنف نفسي مارسة معايا راح اخذ حقي يوم الحق

__________________

اختي منفردة ،، لم اطلع على مواضيعك السابقة لكن اقول لك ،، انت مكبرة الموضوع
كثير ازواج فجاة تطق في راسه ويخترع قانون في البيت بدون سبب ،، طالما هذا القانون ليس مضر لك ولاطفالك كان من الافضل من البداية قلت ابشر وسم وغيري جدول نومكم واللي كنت تسوينه في الليل سويه ساعات الصباح المبكر ،، حتى لو ما كان سبب وحتى لو كان حط القانون عبط ،، نفذيه بدون اي شعور انه ظالمك او شيء مو من حقه
الاسلام امر المراة بطاعة زوجها بالمعروف ،، وهذا ليس لان الزوج اعقل واحكم او اعلى درجة عند الله لكن لان العائلة كشركة او موسسة لابد ان يكون هناك قايد مثل مدير في العمل مهما يقول ننفذ طالما ما فيه ضرر واضح والهدف استمرار العائلة واستقرارها،، ويتعلمون الاطفال منكم كيفية تنفيذ توجيهات القايد ،، سواء كانت دولة مدير عمل او زوج
انظري للموضوع على انه اختبار من زوجك لك لمقدار محبتك لك ،، ما يقولوا المحب يسوي اي شيء عشان حبيبه ،، خلاص نفذي
بعض الاحيان تكون عبارة عن وساوس من الشيطان او من الانس ترا زوجتك شايفة نفسها او او او فهو يبغى يسكت هذه الوساوس ،، بطلب زي كذا عبيط وغريب ،، اذا انت نفذتي صدقيني بيقول في نفسه هذه الزوجة الصالحة وكل هذه الوساوس خطا لكن لما تتعنتين وتدققين و و تخلين هذه الوساوس تتخول الى حقايق في عقله
مشاعر وفكرة انه ظالمني ومو من حقه و و و اراها توثر سلبا على حياتك لشيء ليس بالحقيقة منطقي ،، فكم من زوجات تعرضن لظلم حقيقي لا يقارن بما طلبه منك زوجك
ايضا ،، تعنتك في الموضوع بخليه يفرض قرانين وشروط عليكم اكثر واكثر لانك انت عنيدة ،، لكن لو قلتي سم وابشر وكلامك صح ونوم الليل مفيد متاكدة افضل من النهار تلاقينه بعد فترة نسي السالفة لانك نجحتي في الاختبار

تبغين الكلام الجد ..
هذى ماهى حياة !! نسال الله العافية
زوجك مايبغى معه بكاء و لا استعطاف و لا حبة راس
زوجك يبغى وقفه جاده ،.
و بصراحه هو قاعد يدور عذر لتغطية امر بنفسه
بيشتت تركيزك و يقلب الطاولة ..
ايش تهديد و انتى الخسرانة ؟!! وبنتك اخذها ؟.
ناقشى بعقل و قوة ..
و الحياة كرامة وانا اختك ..
اول يناقرك على قدر الضغط بعدها على الرز بعدها نوم بنتك
بعدها المخزن و بعدها و بعدها وماراح تنتهى ....!

ما ينفع يحتويك وانت بهالضعف
اعذريني

فوق اللي سمّك به من كلام تقومي تودعيه ببوسة في الراس يعني افهم يافلان انا غلطانة وانت زيدني من التجريح وانا بزيدك بوسة في الراس بعد

نعم مع رغبتك بالعودة إلى حياتك السابقة معه وتغيره اثر فيك سلبا

لكن احس لسى مامعك خبرة في التعامل مع الاخرين وتغيراتهم ترضخي بسرعة وتبي الامور ترجع مثل اول بدون جهد منك

عيشي حياتك مثل ماتحبي رتبيها عدل لما هو ركز على بنتك ونومتها

يا اختي مش صعب عوديها وبتنام وبترتاحي انتي بالاخير

نامي بالليل بدون سهر نفسيا راح ترتاحي

اظن لما هو كان يكلمك كل تركيزك بالعاطفة وكيف يحتويني

اللي اشوفه ان زوجك يحبك بس بطريقته يبي انسانة ثانية قدامه قوية لها اهداف بالحياة مش منصب كل تفكيرها فيه هو
نمي تفكيرك وعقلك لا تخليه ياخذ كل تفكيرك والله شي متعب لما افكر بشخص واحد واهمل حياتي وبكل مافيها
يأسك ودموعك بيأثروا في بنتك خلك أم يتعلم منك عيالك القوة والصلابة

الله يريح قلبك
ركزي في دراستك وغيري من طريقة تفكيرك لمجريات الحياة

__________________
يا رب خاتمة حســنة ، وزلفى ، وحسن مآب ..

كتبت لك رد طويل ورجعت حذفته لكن مفاده انه زوجي مو كل اهتمامي الحمدلله بس مايحتاج أبرر واكتب الادله

هو قاسي جدا ولو ما اثرت فيه طيبتي معاه بوقتها بتجيب اثرها بوقت ثاني

قبل شويا كلمني قال تجهزي بعد العشا اذا بتطلعي معايا مشوار

__________________

كان الله في عونك
واعتقد على ما اذكر لك موضوع او اثنين زوجك شاريك لكن بطريقته واعتقد لترتاحوا ارضخي له بدون ذل هكذا لتسير المركب