عزيزتي.. لا أحد يملك الجواب الجازم .. ولكن مع احترامي للجميع .. أرى أن الاقتصار على إحسان الظن فقط ليس من الحكمة في شئ. شعوره بالإرهاق والملل من عبء المسؤوليات مفهوم .. ومحاولته التخفف منها وتكليف غيره بها أيضاً مفهوم .... ولكن الإجابة الحقيقية لكل ما يدور في ذهنكِ ستجدينها في كل ما قد يطرأ على علاقته بكِ أنتِ. فرق بين أن ينطلق لحياةٍ جديدةٍ ومختلفةٍ تجمعكما معاً .. وبين أن ينطلق لحياةٍ تخصه وحده دون أن تكوني أنتِ جزءاً منها. لذلك ليس أمامكِ إلا أن تحاولي أن تكوني جزءاً من عالمه الجديد .. وانظري هل سيرحّب بكِ أم سيكون له موقف آخر. |
عزيزتي ندى الله يسخركن لبعض ويخليكن لاولادكن بصحة وعافية
حلو انطلاقة زوجك والاحلى انك تكوني من ضمن هالانطلاقة وخاصة انو ما شاءالله ربيتوا اولادكم وكبروا وصار الوقت تلتفتوا لانفسكم اكبر خطأ انو ننسى نفسنا باي عمر كان ولاعطيكي مثال بسيط انا زوجي عمره من شهر صار 49 الله يطول بعمره واعمار ازواجكم وانا هالشهر صار عمري 34 واطفالنا ما كبار كتير بالعمر اكبرهم 10سنوات ونصف واصغرهن 5سنوات ونصف مع انو متلنا متل اي زوجين واب وام ومسؤولية اطفال ومشاكل بتعصف فينا ولحظات عسل ولحظات معارك ولحظات فرح ولحظات الم وهموم الحياة ومشاغلها الا اننا ما بننسى حالنا وبنفصل حياتنا العائلية عن حياتنا الشخصية بلحظات واوقات من السنة الماضية بدلت كل ثياب زوجي والعطورات وطلبت اني بدي دايما شوفو متل ما شفتو اول ما اتعرفت عليه مع انو بيهتم بنفسه كتير وبضل بشوف حاله انو صغير وما عم يكبر بالشكل وصرنا بدخول الاولاد المدرسة واعتمادهن على نفسهن بنروح بنمشي سوا بنقعد بكافيه مع بعض حتى بنتعشى بمطعم حد البيت لوحدنا بدون الاطفال وكأنو مزوجين جديد اوقات بناخد موعد وبنلتقي بمكان وكل واحد بروح لوحده وحتى لو كنا بنفس البيت وكل واحد بغرفة بنكتب لبعض عالواتس آب وكأنو عم نتعرف على بعض ودايما بنقول مهما وصل فينا العمر واذا الله أمد بعمرنا رح نبقى هيك وما نهمل نفسنا وزوحي دايما بقلي انو الاولاد رح يجي يوم ويشوفوا حياتهم ونحنا اللي رح نبقى لوحدنا مع بعض وبنفس الوقت حاطة مخطط لنفسي انو لاقي وقت لنفسي بعيد عن زوجي واطفالي كأني عزباء من ابسط حقوق نفسي عليها وكل هالشي ما بيعني انو ما في بيناتنا مشاكل او مشاجرات ولكن بنقدر نفصل ونستمتع وننسى شو صار وتغير زوجك تجديد للنفسية وانطلاقة متفائلة للحياة وخليه دافع لك لانطلاقتك وتجديد حياتك واهتمامك بنفسك مهما كبرنا بالعمر دايما في طفل داخلنا بحب الحياة والفرفشة وروحنا بتعشق تضل شباب بغض النظر عن الشكل الخارجي اكبر غلط نعكس داخلنا بمظهرنا الخارجي او برقم عمرنا وندفن شباب روحنا والاحساس فيها اوقات بنشوف ناس شباب بس داخلهن كبير وكانهم عجائز واوقات ناس باعمار اتخطت السبعين بس وقت تجلسي معهن بتحسي بالشباب والحيوية استمتعي بحياتك بكل لحظة بتقدري تستغليها الحياة مشوار قصير مهما وصلنا لرقم كبير من العمر والاحزان كثرت والهموم زادت فليش ما بنعمل تحدي وننطلق بأمل واشراق وتفاؤل ومحبة أسأل الله ان يرزقك ويرزق عائلتك السعادة من حيث لا تحتسبون احترامي |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|