مرحبا ،، حابه استشيركم بشغله

اهلي بعد أسبوع ان شاءالله مسافرين لأداء العمره
وانا بخاطري اروح مكه ،، عندي رغبه شديده اروح معاهم
بس المشكله كل الأثباتات تبعي وتبع بناتي مع زوجي
أمي قالت كلمي ابوكي وخليه يكلم زوجك يجيبهم
وانا خايفه من ردة فعله لأن قبل كذا أبوي كلمه بخصوص
كرت التطعيم حق بناتي بس زوجي طنش وماجابهم للحين ..

وعلى طاري مكه والعمره :
من يوم تزوجته ماعمري رحت معاه لأداء العمره ،، رغم أني كنت ألح عليه كثير
احيان يفاجأني انه مسافر لمكه مع اصحابه اقول له حرام عليك شوف كم لي
اطلبك نروح مع بعض ،، خلينا نروح وندعي ربي أنا وانت يبارك لنا ف حياتنا وبناتنا
يمكن هالمشاكل اللي تصير دايما تنزاح عنا .. يقول لي خليها مره ثانيه
وبعد كم شهر يتكرر نفس الموال ويروح مع اصحابه او مع اخوانه ويخليني
وهو عارف وش كثر نفسي اروح معاه بس ما ادري ليه كذا ..

أشعر بكِ يا عزيزتي .. وأشعر بمدى اشتياقكِ .... ومن منا لا يشتاق لبيت الله الحرام.

لكنني أرى أن تتحاملي على نفسك ِوتصبري قليلاً .. أخشى بالفعل أن يتجاهل زوجكِ هذا الموضوع كما تجاهل كروت التطعيم.

وأخشى أن يعتقد أنها حجة قد يجرحكِ بها فيما بعد.

وأكثر ما أخشاه أن يرفض سفركِ أساساً فتشعري بمزيدٍ من القهر والضيق.


اصبري يا عزيزتي .. ولعل الله يرزقكِ زيارة بيته بعد الفرج بإذنه تعالى.

__________________


اللهم طِيبَ الأثر .. وحُسْنَ الرحيل.

الله يجزاك خير اختي مهره كلامك صحيح ،،
ب المناسبه زوجي البارح اتصل على ابوي وقال انه راح يمر يجيب كروت التطعيم
اليوم .. الحمدلله كنت شايله،،
بس وصلني خبر انه يبي يسافر وهالشي رفع ضغطي مدري ليه ،،
المره اللي قبل بعد لما تركني 3 شهور كمان وصلني خبر انه بيسافر
وفعلا سافر ،، ما ادري ليه ما يحلا له السفر غير لما نتزاعل واروح لأهلي ،،
هل هو تهرب؟!!

اخر المستجدات :
جاب الكروت قبل شوي ودخلهم من تحت الباب وراح ،،
تفسيركم لهالتصرف ! !

jتفسيره انه مش عاوز يشوفك .. مش عاوز مواجهه
بعدين طبيعى انه يسافر امال حايقعد لوحده ..
الراجل لما يبقى فى مشكله وعاوز يهرب من المواجهه بيبعد ويسيب الزمن يحلها وكما يعرف مراته انه مش متضايق وبيتفسح ..
بس صدقينى الراجل بيعانى من الهجر كما المرأه لكن الشيطان هو من يوسوس له بالعناد
بخصوص سفرك مكه خلى ابوكى يبلغه انك حاتروحى معاهم لان مافيش حد فى البيت وحاتقعدى لوحدك ازاى .. كده أأمن .
حتى لو فيه حد بالبيت .
يحسسوه ان ذلك صيانة لك ..

وحده من خوات زوجي تتواصل معي بين فتره وفتره وعارفه بكل
اللي صار بس واقترحت علي اكلم اخت زوجي الكبيره لانها عاقله وهو
يحب يسمع منها لان كلمتها مسموعه ف البيت وماحد يردها ،،
قالت فكري وشوفي بس أنا مترردده اخاف زوجي ياخدها عناد لو اشتكيته
لأخته وتكبر المشكله اكثر مع أني لو فكرت اكلمها ب اللي صار راح اكلمها بعد فتره
إذا استمر زوجي بعناده وغيابه ،،

اذا اخته الكبيره العاقله تبي تحل المشكله عندها اخوها تدق عليه وتفهمه وتوعيه انتي ما غلطتي عليه لا تكبرين راس زوجش وتدقين تدورين حلول هو مسافر ولا عالباله

انا اشوف انه زوجك يتزاعل معك عشان يطردك وبعدها يسافر براحته من غير حن وزن منك
وشكله متعود عالسفر .. والخرابيط لان الشكاك غالباً يخربط .. ويشك بزوجته ويجيه وسواس
واحد طلق زوجته يقول رحمتها لاني مستحيل اعيش بدون شك اتخيلها تسوي مثل خوياتي .. والبنات اللي اطلع معاهم

وانا اقولك روحي مكه مايحتاج اوراق ولاشي.. اذا كنتي سعوديه ورايحه بسياره
وهو دامه بيسافر يجيب اوراقكم اجل يستانس ويترككم ؟!
واياني واياك تترجينه ولا تكلمينه
حتى اخته لاتكلمينها كفايه انذليتي بمافيه الكفايه
نسيت اقولك
الرجال مايحب اللي تركض وراه وتتذلل له .. يحب اللي عندها كرامه
يقول هذي تركض وراي خايفه تتطلق ومحد يبيها
لازم يعرف ان كلن يتمناك.. وانك موهامك طلق ولا ماطلق
وتقدرين ترسلين له رساله ...
بعدين لما يجيب اوراقكم وكذا
قوليله الله يوفقك بحياتك ويوفقني باللي يستاهلني
كثير جاو يخطبوني ويبوني.. وانا ماعاد اتحمل اعيش مع انسان بايعني وكل مره طاردني ع اتفه سبب ويطير يسافر الله العالم وش يسوي..

وابوك يحل مشاكلكم .. لاتسوين شي من وراه ولاتتفقين مع خواته لانهم اكيد بيقولون له انك تبينه

الملاك يونا زوجي من النوع اللي يتخذ قراراته بشكل مفاجئ ،،. هو مو النوع اللي يسافر
عشان بنات وسهرات ووو ... الخ
لا لا ابدا وانا متأكده من هالشي لدرجة اوقات إذا صارت عليه ضغوطات ف العمل
فجأه يقرر يسافر لأهله لانهم عايشين في بلدنا الأم ،، ويروح هناك اسبوع ويرجع
واوقات يتذكر ان له صديق عزيز من زمان ماشافه ف يقرر فجأه يسافر له بدون سابق انذار ،،
يعني مثلا اوقات اكون جالسين أنا وهو وناخذ ونعطي ب الكلام شوي كذا يقول لي وش
رايك نسافر للمنطقه الفلانيه نغير جو ،،
يعني اللي حبيت اوضحه انه اغلب سفرياته لكسر الروتين فقط ،،
اما عشان خرابيط وسهرات لا هو مو كذا ابدا بالعكس يخاف ..

اهله مايعرفوا ب مشاكلنا ابدا الوحيده اللي تعرف هي وحده ومن خواته
لانها دايما تتواصل معي ،،. وولاحظت انها هي بعد تخاف من زوجي
وتقول انه عنيد ومزاجي وما يسوي الا اللي براسه وقالت لي خليه براحته
وراح يرجع لك بس اتركيه هالفتره مع نفسه شوي ،،


بالنسبه أني ارسل له رساله فكرت فيها بس هو للأسف ما يتجاوب معي
جربتها معاه ب مشاكل قبل بس لاحظت ان هالطريقه تخليه يكابر ويعاند اكثر
،،. مع أنه فكرت ارسل له رساله اوضح له فيها انه مش بس انت بايع ومستغني
أنا كمان نفس الشي ،،
بس ما ادري وش بتكون ردة فعله ..

كل اللي عليك تتركينه لارسايل لامكالمات ولاشي
وترى الرجل حساس لمسأله الطلاق اكثر من المرأه
يعتبرها انتقاص لرجولته وانه ماعرف يدير حياته بالشكل المطلوب وللمره الثانيه !

الهي عنه وانسيه ، واتركي الموضوع على ابوك
ويارب يصير لك الخير ويكتب لك الهناء والسعادة ويخلي لك بنوتاتك