وعليكم السلام ورحمة الله وبركاته
اذا قصدك على الباب السحاب الخشبي ما جربت أقفل الباب بالمفتاح , حتى لمن اروح لأهلي . ومن فتره وضعوا للباب الخشبي قفل ومفتاح بعد ما لاحظ زوجي استغرابي انه مافي قفل للباب . اما غرفة النوم وبقية الغرف عندي , ما اقدر اقفل مثلا غرفة النوم واخذ المفتاح معي لأن المفتاح يكون لاحم في قبضة الباب , ما اعرف اذا فهمتيني وعشان اقرب لكِ ( زي غرف المستشفيات ) |
سقيا
صحيح فعلاردودك مثاليه !! لا تهاجمي قبل ما تتفهمي موقفها ؟ انسانه تًُقتحم خصوصيتها و انتي عيشي مع اهل زوج ما تدرين مين يدخل غرفتك و ما تعرفين متى تتدبسين في مشوار و ما تدرين يجيك الكيد من فين !!! و بعدين جاوبي اصابعك مو مثل بعض ليش تظني ام الزوج مثاليه ؟؟ و اذا ماهي مثاليه ،، مين يظمن لمرت الولد حقها ؟؟؟ ليش المشايخ ما يتكلموا في حقوق الزوجه من اهل زوجها ؟؟؟ هل لا سمح الله الزوجه مسخرتهم ليها يعني و لا ايش ؟؟ |
السلام عليكم ورحمة الله وبركاته .. مرحباً أختي الكريمة .. لن أناقش معكِ ، إذا كانت ردودي مثالية لستِ بحاجة للنظر إليها .. أم زوجها ليس مشابهة لمن رأيتها في حياتكِ ياأختي الكريمة .. الإنسان يخاف الله في الأخرين وفي تصرفاته .. كلنا محاسبون .. لاأريد تردي عليّ لأني لستُ بحاجة لردكِ ، هداكِ الله ... الكل قال بأن تسايرها وشوفي من الرد الأول أوراق ـ أم خالد وووووو الكثير .. لما تفعل شيء ليهز الأخت الكريمة .. وشوفي ردي سابقاً عندما قلنا لها أققلي الباب الحاجز بالمفتاح وهي ستتفهم هذا الأمر ..! نحن لسنا أولى من أم الزوج ..! وفقكِ الله .. |
وفقك الله انتي ايضا يا سقيا نحن لسنا أولى من ام الزوج في ايش ؟؟ لسنا أولى منها في عيش حياة كريمه ؟؟؟؟ سقيا انا اكلمك و انتي عاقله و اتكلم مع انسانه ممكن ترد بتفهم !! لكن انها ام و حقوقها واصلتها من ولدها كل الناس ما عندهم نقاش في هذي النقطة ؟؟ و الحمدلله احنا كمان امهات و انا عندي ولد يا سقيا !! |
وعليكم السلام ورحمة الله وبركاته .. أختي الكريمة عاشقة .. ماقصدتِ عالحياة الكريمة أبداً ياعزيزة ، بالعكس من حقكِ أن تعيشيها لكن نتعامل مع الخطأ بوجه يليق بنا دون أن يؤذينا ولا يؤذي من حولنا سواء كان زوج أو غيره بالنهاية نحن من نتأثر وهم لا شيء .. عارفة بأنه عندكِ ولد الله يسعدكِ ، لكن وضعها ووضعكِ يختلف كثيراً .. كلنا مررنا بمعاناة مختلفة لكن لانجعل هذه المعاناة نظن بأن الكل متشابهين ، أفهمكِ وأقدر ماتشعرين ..! عفكرة لاأزعل منكِ مهما قلتِ تظلي أخت في الله .. أغلب أمهات الزوج ، يغارن تعتقد بأن أم ولدها ستأخذه وتحرمه عفكرة كثير قصص سمعنا عن هؤلاء الزوجات وبالأكيد كان هذا الأمر في داخلها وتحاول تستعمل أسلوب الكيد لتخبرها وترى وهكذا الله العادل ضعي هذا الأمر أمامكِ دوماً .. |
جزاك الله خير يا سقيا الله يسعدك دنيا و آخره و آسفه من صاحبة الموضوع ع الردود الخارجيه |
السلام عليكم ورحمة الله وبركاته ..
أختي الكريمة .. نعم فهمت عليكِ .. أقفلي الباب الخشبي وجربي ماذا ستكون ردة فعلها ؟! وأخبرينا .. الله يوفقكِ أنتِ انسانه طيبة وسيعيطكِ الله على قدر طيبة قلبكِ .. |
نعومة اقصر طريق الصراحه تكلمي !! ما ابغى اروح بصريح العبارة و اذا على اللي تمدح فيها اخته اعطيها كلمة وحده مدام و الله هذي كلها مميزات فيها ليش ما اخذتوها لأخوكم ؟؟؟ و اسكتي اذا هي فهمتها و الله جزاها الله خير ما يجوز تمدح في صاحبتها قدام اخوها حتى انا اخت زوجي كانت تمدح في وحده على اساس انها واااااااو قلتلها و الله كان خطبتوها لأخوكي قالت ما يرضون ،،، ما يزوجون الا منهم ؟؟ و بعدين البنت انخطبت من غير جماعتهم ههههه قلت سبحان الله و الله ربي يوريك نصرك و لو بعد حين !! ام زوجك بنت حلال ترا بس انا اتكلم ع موقف اقولك ام زوجك طيبه بس الصراحه راحه و زمان قالوا الكلمه اللي تستحي منها بدها انتي ارتاحي و طلعي اللي في قلبك يمكن لو ام زوجك عرفت باللي في قلبك ما كان ضغطت عليك ؟؟ يعني ممكن هي محتاجه تفهمك اكثر ؟! |
شويا شويا عليا ي ام خالد
والله شغلت عقلي بقد ما اقدر وقلت لنفسي بما انك فاضية ي نعومه استقعدي لأم زوجك وحاولت اطنش في البداية واجامل بس الى متى .؟! هي تغار بكيفها .!! مع اني احاول اكون معاها عادي في لبسي وشكلي واقول في نفسي حرام يمكن عشان عمي موجود فتغير هي بزيادة فراعيت هالشيء و يشهد الله انو ماحمل لها الا كل خير في قلبي انا ماوسوست على قولك من فراغ , تصرفاتها خلتني مليون مره افكر واحلل يعني افهم من كلامكم انا ابالغ في مشكلتي , اصلا فين المشكلة !! فضاوة عادي تدخل لغرفتي وقت ماتحب وتدخل أي احد سواءً كنت موجوده او لا .! عادي اذا اقولها لا والله كان نفسي اليوم اجي معآكي بس المرة الجاية ان شاءالله , روحي وانبسطي وهي تحرجني وتحطني قدام الأمر الواقع قدام زوجي وابو زوجي وبناتها ومحدده لي ساعه معينه اكون جاهزه فيها كأن مالي رأي في الموضوع .! عادي لمن اقول لها ي خالتي والله مقدر اتصور ولدك مايرضى ومحلفني , تسكتني وتقول ليا طيب ماعليكي عادي وتنادي فلانه وعلانه وتصورني صورة وفديو وعادي لمن اكتشف انو صوري عند بنتها تصورني وانا مدري وهما عارفين انو ولدهم مايرضى ابداً احد يصورني اكتشفت هالشيء بالصدفه .! عادي لمن اكلمها في موضوع او اعزمها على عزيمة من ناحية اهلي تطنشني وتغير الموضوع وماترد عليا وما اعرف اذا هي بتجي او لا الا من عند اختي .!! واكيد عادي لمن اتفق معاها ومع بناتها (مثلا نروح للصالون او سوق ) اتفاجأ اليوم الثاني انهم راحوا بدون مدري ,!! وعادي لمن توصف قدام زوجي البنات , بنت فلانه النحيفة , او الدبة ولا الطويله او الرشيقة بنت صاحب ابوك حلوة , جميلة , ماتت , ولدت حيه ترزق , وبنتها تمدح صوت صحبتها الجميل وتسمعنا صوتها الشجي ..! واكيد عادي , لمن تعرف انو انا وزوجي خارجين من البيت , تجلس زوجي وتقهويه وتعطيه من الحلا واذا جاملناها شوية , صبت الفنجان الثاني والثالث , اقول لها بنمشي عشان لانتأخر تقول لسا الوقت بدري او زوجك قاعد يتقهوى .!! وعادي لمن اقول لها محتاجه وحده تجيني في البيت ( كوافيرة ) بما اني جديده في مدينتهم , تسوي نفسها ماتعرف , ولمن اجيب ارقامهم , تسألني من فين جبتهم , اقولها دورت وبحثت وسألت تقولي طيب , يلا خذي رقم فلانه شاطرة ورقم علانه ممتازه .!! انا مدري اذا كنت ابالغ او ما يحق لي احرص منها .! انا كل اللي طلبته , ابغى احط حدود بينها وبين اهله, واعرف كيف اتعامل معاها بدون ما اغلط عليها او ازعلها , ابى اتعلم كيف اعرف ارد عليها .؟؟ ابى اتعلم كيف اقوي من شخصيتي , لأني احسها مستصغرتني والله ماعمري لها قلت لااا وتقول لي طيب براحتك بسهولة , واذا قالتها يبان الزعل عليها بسرعه وفي اليوم الثاني تدقني بكلامها صح انا في بيتها بس برضو ابغى استقل عن اهل زوجي لي حياتي ولي خصوصياتي ولي طباعي غير عنها |
من جد
احسها هي عرفت كيف شخصيتي , وعارفه اني من النوع اللي يستحي واجي على نفسي بعض الاحيان و ما اقول لا لأنها مره قالت لي انتي طبعك كذا وكذا , واحسها برضو خلاص ماتحترمني بعض الأحيان فسارت عادي مثلا انها تضربني مثال للفشل قدامي وقدام بناتها , او تتكلم قدام زوجي عن بنات , مع انها ماكانت كده في البداية .!! اخاف تحسب خلاص انا ساكنة في بيتها معناته تتحكم وتحركني زي ماتبغى , وبحكم اللي شايفته مع ناس واخواتي كانوا ساكنين في البداية مع أهل ازواجهم , شفت كيف حياتهم كانت صعبة ولاتطاق لحد ما استقلوا لحالهم وانا شايفة نفسي قاعده امر في البدايات والمراحل اللي مروا فيها , وعارفة انو غلط اقيس حياتي واقارنها بحياة غيري , بس ما انلام والله حياتي مع زوجي تعتبر ان شاءالله تمام صح مايحب يزعلني وفي نفس الوقت احسه ما يحب امه تزعل و يلمح لي , وحتى لو كان على حسابي , انا طبعا ما ابغاه يتعود على هالشيء وفي الاخير اسوي الشيء اللي يرضي امه حتى لو كان هالشيء يضايقني , والله يرضى عليكم انا ما اقصد انه مايبر أمه و ابوه أو مايهتم فيهم او يكون ضدهم , انا بعض الأحيان انبهه انه سوا غلط مع اهله في كذا وكذا . مثال : زي لمن اقول له ما فيا اروح مع مامتك العزيمة اليوم , يقول لي طيب بس ممكن انها تزعل ويكررها لي ! وهي من ناحية داهية داهية لماحه ودقاقه في الكلام , يعني تعطيني بالكلام وماتقصر انا ابغاها تعرف من البداية اذا طاوعتها مره ومرتين , ما اطاوعها كل مره .!! ومو كل مره اجي على نفسي واضغطها واجامل , كيف ااوصل لها دا الشيء بدون مشاكل وحروب |
يا نعومه يا بنتي يا عيوني يا روحي ام زوجك مو قويه ولا شي
بس الحياه اعطتها خبرات لا اكثر وانت مو ضعيفه ابداً بس لسى ماشفتي من الدنيا الا وجهها الحلو انا عن نفسي اول زواجي كنت بريئة زيك كذا واتضايق من ادنى حركه بس مع الايام والوقت تعلمت ما ادقق ولا اساير احد على حساب نفسي والشي اللي يرضي الله ورسوله سويته واللي مو جبوره فيه دخلت في عين اللي مو عاجبه وقلتله ذا الشي مو جبوره فيه شرعاً اذا محد له حق لا يحاسب ولا يزعل ........ انت بس جمليها ومشيها لحد ماتنقلي من عندها والله يسهلك وتكون ذكراك طيبه في نفسها....ولا تقولي ما تحسب حسابي ويلعب عليك ابليس ... انتم اهل وفي بيت واحد وعمرك شفتي ام تحسب حساب بنتها!!! والامور دي عاديه كبري مخك وامشي بكره اذا نقلتي وكان بينكم تاتش تتمني الايام ترجع عشان تعدلي .... وخليك مزوحه وبشوشه خصوصاً اذا رفضتي لها طلب خذيها بالمزح والضحك عشان تخف على نفسها كلمة لا..... بالتوفيق يا قمر... |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|