الأمر بيد الرجل يقدر يروض أشرس لبوه ...
.................................................. والله انها حسوفه تصير زوجه لأحدهم من حماقتها وسوء تصرفها وتدبيرها .. بس انتا ركز في اختيار شريكتك تكون بنت متربيه من بيت دين وخلق والدتها انسانه محترمه ومتعلمه لان الوالده الجاهله والضعيفه نقمه ... انا لو الله ثم تدخل والدتي وحكمتها في كثير من مشاكلي كان قد رجعت لهم من زمان ومو المسأله ماتبيني لا والدتي مدللتني الحمدلله وموظفه وظيفه ممتازه تقدر تلم عشره مو بنت بس ماتبي خراب البيت و تبين لي حسنات زوجي اللي مغمضه عنها حتى مرات مواقف تبكيها من زوجي تجلس تهداء وتجيبه وتناقشه وتحوسه لما يرجع لي حقي ويطيب خاطري وهو على انها كثير تخاصمه الا انه يحبها ويحترمها لانها حقانيه وفاهمه ماتناقش من عبط ولا تهتم بالسخافات ... الامر الاخر ركز على عمر البنت فوق ال 23 افضل شيء 25 ناضجه تماما وانا تزوجت وانا بعمر عشرين كنت سفيهه وسويت بلاوي كويس زوجي متحمل والله لو غيره يرميني بلا رجعه وكل ماكبرت نضجت وفهمت حقوق الزوج واقتنعت ب امور كثيره وصرت اجيه بالحيل والمسايس بدال الدموع والصراخ وحركات المراهقات 😂 كمان تكون زوجتك متعلمه واحلى موظفه ماتتعبك بالطفش والتشكي من البيت ... وتصير تقدس لحظات جمعتكم سواء ... الاختيار مهم جدا لطريق السعاده وعندك فترة الملكه تفحص وتمحص البنت عدل جازت لك كمل ماجازت لك اقطع الموضوع .. وادع بالزوجه الصالحه وادع بالسخره وطبعا تثقف في امور الزواج ومتطلبات الزوجه خليك هاديء وحنون ورومانسي وشخصيه قويه فقط في المواقف الصعبه .. وربي يوفقك ... انا زيك بس نظرتي سلبيه من مستقبل الزواج اخاف من المستقبل وهذا خطاء نفروض نتوكل على الله ونعم بالله بس غصب اقراء بلاوي الازواج واخاف زوجي يعمل لي زيهم واتعب كثير يعني اعاني نفسك من النظره التشائميه الله يهديني ويهديك |
انا مستغربة ان الاتهام الاول يكون للمرأة في سبب الطلاق
ثم يأتي احدهم ويقول الحمدلله ان الطلاق بيد الرجل طيب ليش الحمدلله الطلاق بيد الرجل لان الرجل اعقل واحكم وماشاء الله عليه طيب الأعقل والاحكم والماشاء الله عليه ورآه طلق زوجته يوم اصرت على طلب الطلاق مو هو الأحكم ، يعني من الخطأ انه ياخذ برأي زوجته في مسألة طلاق !! خلاص يضرب بطلبها عرض الحائط دام انه احكم مشكلة الطلاق اعتقد سببها جهل بعض الرجال لمعنى القوامة يعتقدها أوامر وبس وسمع وطاعة رجلين زوجاتهم خرجن لأهلهم غاضبات وكلها على ماقيل اسباب هينه ، وفترة زواجهم قصيرة الاول راح لأهل زوجته التقا فيهم سمع منهم سمعو منه، وسمعو من بنتهم وسمعت منهم اهل البنت اخذو كلام الرجل على محمل الجد في كل سلبية ذكرها الزوج عن بنتهم وناقشوها في الامر ، البنت اعتذرت لزوجها عن خطأها ومدري اذا هو اعتذر او لاء النهاية الرجل أعاد زوجته الى بيتهم واستقبلها خير استقبال والآن لهم سبع سنوات حياتهم مستقره و لله الحمد نفس السالفة حصلت مع رجل اخر ، اهل البنت التقو بالولد سمعو منه ومن بنتهم ، عاتبو بنتهم باللي صدر منها ، البنت اعتذرت لزوجها ، زوجها ما اعتذر ، زوجها تركها عند اهلها وتدق عليه وجاحدها ، استمر هذا الامر شهووووووور ، تعال وش تبي وتصلح اموركم ، يرد انا الحين قاعد أدور زوجة ، بنتكم اذا تبي ترجع ابيها وأبيها تفعل وتفعل ، ماطلب اعتذار طلب أمور تمس كرامة البنت واهلها قد لا يرضاها لاخته ، مع إرسال عفشها. (هجر ، إرسال أغراض ، تسفيه ، أدور زوجه ، وش يفهم من هذا ) الا ان الرجل بايع ، بعدما حصل الطلاق وتفرق الطرفين ، قال ماكنت ابي الطلاق كنت بأدبها!!!! ايهم الان افهم بالقوامة |
مع كامل احترامي اهل البنت مالهم علاقة يجي يتفاهم معاهم وتعالوا شوفوا سبب ان بنتكم طلعت من بيتي وجات عندكم زعلانه
وين كلامكم مشاكلكم تقعد بالبيت ماتطلع لان اهل الزوج واهل الزوجة يكبرون السالفة بما انك عطيتيني سالفة الرجلين خذي عندك رجل ثالث زميلي بالعمل زوجته تلح عليه نبي نسافر قالها السنة القادمة ان شاء الله جات السنة القادمة وقالت بنسافر طبعاً خارج المملكة قالها تونا انتقلنا وتأثيث البيت اولى رفضت واصرت على السفر وهو اصر على التأجيل لان البيت والتأثيث اهم من السفر راحت عند اهلها زعلانه قالت بسافر مع اهلي قالها اوك مافيه مشكله غيرت رأيها وقالت بروح مع صديقاتي رفض وقال لست بلا غيرة علشان تسافري الحالك اصرت على السفر وقال لها لو سافرتي مالك رجعه وورقة طلاقك توصلك سافرت ولما رجعت جلست فترة تحاول تراضيه لم تستطع وسطت امها وعزمته على قهوة ولم تستطع وسطت ابوها وابوها لم يستطع ثنية عن قرار الانفصال كلموا اهله وهو خلاص ماعاد يبيها الآن من الغلطان هو لأنه تسرع وطلق او هي لأنها كسرت كلامه وسافرت الحالها ؟ مع العلم سألته ليه مالغيت تصريح السفر وخليتها تتورط بالمطار وترجع لك غصب عنها قال كنت بشوف هل تسمع كلامي برضاها او بتهون من السفر غصب عنها لان التصريح ملغي واكتشفت انها ماتحترمني ولا تحترم قوامتي ؟؟ وش رايكم ؟ |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|