ترى أنا اللي قاعدة أموت كل ساعة و دقيقة و ثانية ..
بس كويس ماسكة حالي ..
احمد ربي أني اجلت دراستي عشان اكون جنب أمي، حتى
لو وجودي ما بينفعها بشي .. بس كنت اكثر وحدة جالسة عندها
و اكثر وحدة امي تتكلم معاه ..
هي بس من شهر ، اللي مرررررة ماصارت تتكلم مع احد ..
و تغيرت كثير ، عايشة بعالم تاني ..
مرات اذا غبت عن أمي يومين و ماسمعت صوتها، نفسيتي تتعب ..
و بالغربة كنت دايم اتصل لها ، و هنا ببيتي ماعندي تلفون و جوالي
مرة خلص رصيده يومين، أمي دقت علي و تخاصمني لأني يومين ماسمعت صوتها
كيف اذا خلصت فترة الاربعين باروح بيتي ؟ و الشهر الجاي بابدأ أداوم ..
لو مو أمي الي قالتلي روحي بيتك، ما كنت تركتها ..
أبلة بيتا .. اميييييين يارب و الله يجزاك كل خير ..
خالة جرين .. اميييييين و سامحيني، غبت كم يوم .. لانه أمي بالمستشفى ..
مهرة .. امييييين و الف شكر لك ..
نورة .. هي تدري بمرضها، من يوم بدأت بالكيماوي .. بس صعبببببببة
كيف تقولي لشخص عزيز عليك و امك كمان مو اي احد .. انك ما حتعيش كثير ؟
هي اصلا مافيها حيل تقوم تصلي، هذاك اليوم تعبت بالليل كثييييييير و في الصباح
سألتني ؟ أقدر أخرج صدقة بدل ( الصلاة ) تقصد زي الصيام .. لانها ماهي قادرة
تقوم من فراشها ..
قلتلها،، اممممم ،، للاسف الصلاة ما يصير .. و ماله كفارة ..
قلتلها،، بس حتى لو مريضة، اتيممي و صلي جمع و تقصير ، حتى لو انت راقدة
عادي، يصير تصلي ..
يعني يارب بس تقدر تقوم ووتصلي .. و ربي يثبتها يااااااااااااارب ..
لانه واحد من إخواني يقول لها مو لازم تصلي .. انت مريضة، و لو عارضته بيزعل
فاتجنب النقاش معه بالأمور هذه، بس مع امي لوحدي أكلمها ..
----------
إحساس عمري .. الله يجزاك خير يارب
اخوي شااااااب .. الله يجزاك كل خير عالدعوات هذه ..
المتفائلة.. الله يجزاك كل خير ..
روح المسا .. امييييييين يارب
سيدة الموقف .. نصايحك عالعين و الراس .. و وعد مني، انها لو خرجت من المستشفى بكرة ان شاء الله
بأكتم بنفسي لو ايش عملت فيا و في ولدي .. و بأكلم الكل انه لا أحد يجي عند امي بمشاكله .. و اللي
تجي تزور امي، تخلي ولدها او اولادها عند التانية ..
المشكلة، خالتي هذه تشحن امي علينا .. و نحن متحملين و ساكتين، لانه امي ترتاح مع أختها .. و ماترضى
امي انه احد يتكلم عن اهلها .. و هذا اللي مخلي امي تتأثر بها بكل شي ..*
و فكرة الصدقة الجارية، بأعملها بإذن الله هذا الاسبوع، حأفرحها بكرة ان شاء الله و اقول لها بأكفل يتيم لك
و يتيم لبابا الله يرحمه .. : )
صفاااااااء .. امييييين يارب
احب زوجي .. الف شكر لك و ربي يرزقها القوة و الصبر و يخفف عنها الام مرضها ..
بنتعذب و نحن نشوفها كذا قدامنا، يوم تتأوه او تجري للحمام الله يعزك تستفرغ او ماتقدر
تأكل اللي تشتهيه او او او ... الخ
Arab-pearl .. الله يجزاك كل خير
أنيسة الروح .. امييييين ووالف شكر لك
ألوان .. امييييين و الله يجزاك خير
سحابة الصحراء .. الله يجزاك كل خير يارب
Ammmmal .. الله يجزاك خير يااااارب
نوارة .. الله يجزاك خير
خالة جرين .. مشكورة ياقلبي ..
و بجد انشغلت عشان امي بالمستشفى، و اختي نزلت تشوفها .. ماتحملت يوم سألتني عن امي
و قلتلها مرة تعبانة .. فكانت هنا و انشغلت معاها ..
Colors.. الله يجزاك كل خير ..
و اللي مصعبها اكثر كمان، دوام زوجي .. لانه الكل مشغول مع امي، تمنيت انه يكون متفرغ شوي،
يساعدني بالنونو .. او عالاقل ياخد ولدي الكبير معاه او اطلب منه يجيب لنا شي من برة .. و الله يكون بالعون
ربي معانا و دعواتكم الغالية
حنين الأمل .. الله يجزاك كل خيييييير يارب
بنت الحكمي.. من زمان عنك، الف الحمد لله عالسلامة لك و الله يجزاك كل خيييييير
اليوم اختي تقول لي انه امي بتتضايق من صوت أي شي .. و اختي حست انها ماتبغى احد ..
حتى انه اختي ما طولت عندها..
اخوي اليوم يقولي انه امي بتجلس كمان يومين بالمستشفى ..
اكتافي تكسرت و ظهري من كثر ما أشيل النونو ..
و ماقدر اخليه بيد الشغالة و لا بيد اي احد ..
نفسي اناااااااااااام ..
.
.
افتكر باللحظة هذه كيف يوم كانت امي بصحتها، ما كانت تخليني احتاج لشي ..
يوم جبت ولدي الاول، هي اللي كانت تغير له، تشيله، تجهز رضعته، تنيمه،
تجهز لي فطوري و غداي و كل شي..
يا الله ،، دحين بس اللي عرفت ليه أخواتي يوم كنت امزح وواقول لهم أنا ( المسكينة بينكم ..
بنت البطة السودا ) .. كانوا دايم يعلقوا علي، امشيييي انت دلوعة ماما ..
تويي اللي جالسة استرجع أيام ماكانت امي بصحتها ( عن قريب ) و كيف كانت ماتخليني احتاج
لأحد ،،
كنت احلم اخلص الدكتوراة و الغربة، و ارجع اعوض امي عن كل شي .. و ارجع أعيش بحضن بلدي
و حضن امي .. عشانها تعرفني ما احب اكل الاسواق، و احب اكلها.. كانت دايم تشيل ليا من طبخها
حاسة أني لسى عايشة بوسط حلم .. لسى بأوهم نفسي انه امي بترجع لصحتها و ترجعلنا مثل زمان
المشكلة انه زوجي دوامه يخلص بعد الفجر،، و انا مجرد ما يناموا اولادي الاثنين، خلااااااص .. ابدأ اجلس
مع نفسي و اعيش الواقع و افتكر امي و مرضها ..
ارسلت لزوجي رسالة ( تعبانة ،، محتاجتك جنبي .. )
رد عليا ( و الله حاس بيكي )
قلتله ( امي بتموت .. ماني قادرة أتحمل اكثر .. )
سامحوني.. حاسة حالي مخنوقة و ماني قادرة أتحمل اكثر ..
صورة امي بكل مكان، أشوفها بالحلم و صورتها قبل المرض و بعده
مايفارق خيالي ..
امي اذا ربي ماكتب لها عمر .. فبإذن الله انها تكون شهيدة ..
لانه مرضها كله بالجهاز الهضمي، تعبها كله بالامعاء و المعدة
و الكبد و القولون .. يعني ( مبطونة ) ..
محرومة من آكلات كثيرة .. و عايشة بس على شرب المرق ..
و كل ما اكلت شي، تعبت ايام و ليالي ..