صدقوها في شي تقوله .. افشاء الاسرار بحد ذاته مزعجني

جميل جدا ردك ياأخي وتفكيرك بإرجاعها ..

انا بقسم ردي لشقين وراح اطول عليك لكن اتمنى تقرا بتمعن :

1-أنا اتمنى في مثل هذه الامور ان تكون اكثر هدوء سواء الان او مستقبلا علشان تعرف كيف تتصرف ، سواء في نقاشاتك معها او اذا وقعت مشكلة او حتى وانت تتناقش مع أحد من اهلها.

2-انت تتحمل جزء من المشكلة كما هي تتحمل ، لان عندك ثغرات كثيره في طريقة تعايشك معها وكان من الافضل يكون اسلوبك اقوى.

3-طريقة إعطائها بطاقة الصراف والثلاجه فاضيه انا ما افضله نهائيا للي مثل زوجتك وقد ما يكون عندها علم ان المبلغ لها وقد تستحي تسحب من الصراف بحكم انها زوجه جديده، لذلك لا تخلي ناقص عن بيتك شي واذا نقص اغراض عبمها تبلغك وتجيبه انت، حتى ما تتكرر قضية الجوع اللي تقول هي.

4-المصروف الشخصي اذا عندك استطاعه كما طلبت 1000 ريال والا فلينفق ذو سعة من سعته، بمعنى انك اذا لا تستطيع فتحدد لها مبلغ اقل مثل 500 واذا عندك قدره فهذي زوجتك وام عيالك مستقبلا وما فيها خساره وايضا احتسب الاجر لانك جالس تنفق على اهلك وهي افضل الصدقه.

5-بالنسبه لبعض الامور فحاول تكون لين مثلا اذا اعترضت على كي الملابس وش اللي يمنعك لو قلت لها من عيوني يا حبيبتي اكويهم برا ترا السالفه مو مستاهله يمكن ما تجي 10 ريال على اربع قمصان او خمس ، والقضيه مو مستاهله الزعل ، يعني تغشل لك في البيت بحكم ان غسيل البيت نظيف وتكوي انت في المفسله بحكم ان الكي برا ممتاز، وقس عليها امور ثانيه.

6- تمنيتك رديت على رسالتها لان رسالتها كانت ايجابيه يوم قالت لك فكر زين فحياتنا ، المفروض كان ردك جميل وان هذي بداية زواج وحنا لازم نتعب في البدايه وانتي غاليه ونيتي طيبه ناحيتك ، لان هي مو قصدها الفراق يوم ارسلت هالرساله كان قصدها انك ترد عليها انها غاليه وعزيزة.

7-لا تفكر في يوم من الايام انه فرض شخصيتك في بيتك وعلى اهل بيتك انه يكون بطريقتك اللي تتعامل فيها مع زوجتك من ناحية أعمال البيت والغسيل والكي وهالامور وصدقني فيه الف طريقه أذكى من الحوار بشده ، وهي في بعض الامور مثل يوم جابت لك الفطور وكانت مجهزه الغدا وذكرت موضوع الغسيل والكي ، كان المفروض رديت بهدوء وقلت ابشري بالخير يالغاليه واللي سويتيه امس واليوم يستاهل التقدير وكي الملابس لا يهمك واعرف ان شغل البيت ثقيل لكن انتي قد المسؤولية، كان شفتها استانست وشفت عطائها يزود.وما حصل تراكمات ولدت هالمشكله.

الشق الثاني لردي اللي هو بخصوص خالها وشروطها ، فالافضل انه تروح لبيت خالها ويكون بحضورها وحضور اخوها وخالها وخليك هادي ورتب كلامك قبل تروح وهذي نقاط مهمه:

1-بالنسبه لخالها قول له الموضوع انتهى بحضورك وحضوري واخوها والوالد ولا كان فيه أي مشكلة واتفقنا وتفاهمنا على كل شي وانت طلبت مني تاخذها علشان نشتاق لبعض وتفاجئت بشروط وطلبات ورضوه، ليه ما طلبتها وحنا مجتمعين؟

2-ارى ان المصروف توافق عليه وبلغهم انها غاليه وتستاهل واحسب حساب انك تعطيها نقد مثل ما فصلت لك في الشق الاول.

3- الرضوه انت براحتك تبي تعطي أو لا مع اني افضل انك تقول لهم انه هذا سوء تفاهم صار بيننا ويصير في كل البيوت ولو اخطيت عليها كان من عيوني واثبتوا خطأي وتبشر بالرضوه لكن اللي صار نتيجة تراكمات سابقه من ناحيتنا الاثنين، واذا قالوا اخطأت قول خلاص جيبوا حكم من اهلي واهلها وتبشرون بالخير.

4-انت زوجها ولك حق انها تطيعك قول انا سمحت لها تروح لاهلها ثلاث ايام وكسرت كلامي وجلست اسبوع ومع ذلك تغاضيت واعتقد اني على حق في هالموضوع اللي ما يرضي الله واخشى انه مستقبلا يتكرر مثل هالتصرف ، وخليك صارم في هالنقطه بالذات.

5-بعد رجوعها للبيت ان شاء الله تعاهدوا ان أسرار بيتكم ومشاكلكم ما تطلع وان سبب تفاقم المشاكل هو خروجها خارج حدود المنزل ، وانه لا تصبرون على بعض قدر المستطاع.

6-حاول تخليها تتعلق فيك بالأسلوب الجميل واللطيف واخلق جو جميل في بيتك من المزح والحب ، لاطفها بأي شي تجيبه معك من برا ، ممكن قطعة حلوى تقدمها لها ما تكلفك ريالين تزيد حبها لك ، وبهذي الطريقه تخليها تتعلق فيك وصدقني بعدها حتى النوم في بيت اهلها تصير ما تحبه.


عموما اعتذر على الاطاله لكن تذكر حديث الرسول صلى الله عليه وسلم ( خيركم خيركم لاهله ، وانا خيركم لاهلي)

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

والله يااخي الراسي .. جوابك جميل جدا .. بس يااخي الى الان وهي تفشي في اسرارنا .. تصور انها قبل كم ساعه متصله ع بنات خالتي وتقولهم عن موضوعنا مع التعييب فيني بطريقه هجوميه وغير تقدريه لي كزوج .. هل هناك صلاح لوضعها ام انها من الشخصيات الحقوده !!! للأسف ماهي راضيه تساعدني اني اقدم ع الخطوات اللي قلتها لي !!

من أسوأ التصرفات إفشاء الأسرار بين عامة الناس أو بين الأصدقاء
وإن كانت هذه الصفة في أحد الزوجين فهي أسوأ صفة على الإطلاق ..

إن أردت التفاهم معها ، فأول الأمور تنبهها على ضرورة حفظ الأسرار بينكما ، وتأخذ عليها المواثيق والقسم على معاهدتك بذلك .
وإن خالفت فيما بعد فحاسبها حسابا عسيرا .

المجالس أمانات فكيف بما هو بين الزوجين ؟!!

اخر الاخبار عن الموضوع : جاء اخوها عند بيت الوالد وعمي واتكلم مع الوالد وقال ابوي ماينفع وضعهم كذا كل واحد يشوف طريقه .. وجاء اخوها كلمني يقولي وش عندك من احتياجات قلت له كل اللي عندي سميتها اتفاقيه وقال كلامك سليم ومن حقك بكل نقطه من نشر غسلينا عند اخواتها واهلها ومهام البيت .. في نفس الوقت زوجتي كلمت بنت خالتي واتكلمت عن موضوع المصروف والمقاضي وبدات بنت خالتي تهديها وتتكلم معاها عن الحياه الزوجيه وظروفها طبعا هي طلبت من بنت خالتي اني ماادخل اهلي ( رغم جاء هالشي من طرفها ) وقالت انها شاريتني وقعدت تبكي وانها كانت تبيني ارد عليها وقت ماكانت تدق وترسل على .. الحين هل ارد عليها واتكلم معاها وقت ماتدق ولا نتظر اخوها لين مايكلمني!!.

على فكره الامور بدات تمشي صح

انتظر اخوها حتى تكسب الموضوع وبعد مايكلمك اخوها كلمها براحتك بس عشان تعرف هي مدى جديتك وحزمك

الله يسخرها لك ويسخرك لها بما يرضي الله

حلوووووووووووو دربك خضر

يوم خصرت خالها راحت الرضوه والكلام الفاضي

أشوف انك ترد عليها وخلك رومنسي بزياده وعطها كلام وحسسها بالاثر اللي في نفسك بعد غيابها كذا بتنكسر زياده
مهد لين تقول لها انك انت واخوها تفقتم على كذا وكذا ( الامور اللي انت تبيها )
ولا رجعت بيتك الصدق لازم تهديها شيء وانت ادرى ماتفضله هي

مستجداتك اسعدتني
مووووووووووفق خير اخوي

الاخوان اللي يقولو الخال محرم ويتدخل

والله اقولها بكل صراحه

ما يخاف على مصلحة البنت سوى ابوها واخوها وامها لانها عرضه

انا أرى تنتظر لحد مايتصل اخوها وبعدها كلمها بس لا تطيح رومنسيات وهديه خلك عادي بدون رومنسية لمدة اسبوع لانه لو رجعت وانت غرقتها هدايا ورومنسيه تحسسها ان الموضوع هين وعادي ويروح تعبك فاضي ... انالو اسوي في زوجي كذا وارجع له ويغرقني حب وهدايا والله لاقول في نفسي مايقدر يصبر عني مهما سويت فيه....

حاجه غريبه : جاتني رساله منها الصباح تقول طلقني خلاص ومستحيل ارجعلك بعد اللي سويته فيني ... انت قتلت فرحتي وطيبتي وعفويتي