أختي أم وقاص ... ممكن تشوفي الردود من الاخت أم جمانة بموضوع عنوانه زوجي يمارس العادة السرية ..

الرد 10 والرد 28 ...وهذا الرابط ....

http://www.66n.com/forums/showthread.php?t=210961

اغلب ظني انكم شفتي الموضوع بس حبيت أنبهك في حال ما شفتيه

حبيبتي اناآىسفه على كلمة..ماعندك احساس..بس قلتهاغصب عني لاني مقهوره على حالك..

يوم ارسلك هذاك المسج وانتي في الاربعين...ماصرختي ماكسرتي مابكيتي ماقلتي ردة فعلك لدرجة اني شكيت انك عديمة الاحساس وانت متأكده انك تملكين احاسيس مواحساس

حبيبتي لقب مطلقه باالنسبه لك انتي ماحيأثرفيك لأنك انسانه متعلمه مثقفه مقتدره ماديا...متحمله مسؤلية نفسك...من عائله غنيه..وطيبه والناس عارفين اخلاقك..

وزوجك متمسك فيك لانه خايف انك تفضحيه عند اهله واهلك فقط لهذاالسبب مستحملك...

محرومه من ابسط حقوقك معه وهوالاحترام وعدم الوفاء..ام وقاص العمريجري والسنين تمرفي لمح البصر..

وتلاقين نفسك محرومه من متعة الحياه الزوجيه..الطبيعيه..زوجك يدعي انه مريض وفي الحقيقه المرض حجه يتخذها اوشماعه يعلق عليهااخطائه وانتي مصدقه

ام وقاااص اتخذي قرارصارم اختاري واحد من العيله مثقف فاهم يكون من اهلك او من اهله..يكلمه وازعلي على الاقل شهرفي بيت اهلك عشان يحس انك جاده فهميه انك ممكن تتركيه لانك مانتي مستفيده شي منه...لاعلاقه زوجيه طبيعيه ولاحب حقيقي

حتى لوزوجك فكرانه يتغير يعني يمكن بعد 5 او10 سنوات كم وقتهاحيكون عمرك كم طبعاكم من الهموم راح تحملين...هذا اذافكريتغير..واعتقدانه خلاص من المختومين على قلوبهم من كثرالمعاصي

الان معك طفل واحد بكره يكونوااثنين اوثلاثه وقتهامالك الاالاستسلام ..طفل واحد احسن من ان يكون معك ثلاثه

وانتي مالك القدره على تغييره لاانتي ولاغيرك مهماكان..هذاشي راجعله هو..

واي راي يخالف رايي معناه ظلم لك واعجاب بمايفعله هذاالزوج

واخيرا...ياليت ماحد يعقب على ردي غيرام وقاص..

مساء الخير
اخيتي اسمحيلي حاولي مراجعت حسابتك

فغريب جدا ان يمارس العاده السريه بجانبك

ويجالس اخر او يزني وانتي تدعين انهو مدمن العادة السرية

لكنهو ربما لا يجالس اخرى الا لنقص فيك حاولي ان تكثري من مداعبته على الفراش

لا تخجلي ابدا

__________________

حبيبتي بيتا2 مشكوووره يالغاليه .. ما شفت الموضوع من قبل و راح اقرأه الحيييييين =)
تسلمين يا عيوني ..

ليه الغرور:
فاهماك ..... كلامك صح .. يالله ... حاسه انه خلاص ما باليد حيله .. لازم و ضروري اتصرف ..
اليوم المسا طلبني اطلع معه , راح اكلمه بكل شي .. و اقوله اني ما عاد استحمل .. و اشوف بعدها - لو ما نفع الكلام , راح اعلم الوالد بالموضوع و خليه اهو يتفاهم وياه .. ما عاد فيني صبر ..


البعد قتال:
أخوي -- اهو من شهر العسل يمارس العاده و انا وياه , معقوله يتوقع مني اسويله حركات و انا في شهر العسل .. الله شاهد اني سويت بلاوي معه .. انا واعيه و فاهمه , و من النوع الجرئ في تصرفاتي .. كل شي يباه سويتله .. و هذا بقولته اهو ..
بعدين ماكو عذر .. يعني لو ما سويت اللي يباه يروح يخون و ينام مع غيري؟! عيل فهمني ايش تباه , علمني .. لكن اهو يقولي لا انتي كل اللي ابيه و ما عليكي قصور .. اجل شسوي ؟!

يا عزيزتي ...يا غاليه ... صدقيني انه مرييييض ... مريض بالادمان ويلزمه علاج ... هذي المشكلة الاساسية واذا انحلت بتنحل معاها باقي المشاكل .......ومعاكي حق انك تدخلي حد ثاني بالموضوع اذا ما اقتنع انه بحاجة لعلاج .... هو اعترف انه اللي فيه مرض ... باقي انه يقتنع بمدى تأثير مرضه على حياته وكيف انه ممكن يهدم حياته كلها لو ما تعالج ...

أتوقع انه شخصيتك قوية وهو يحس بهذا وأحس انه على الاقل يحترمك لو ما قلنا أنه يحبك ... خلي كلامك معاه لين وبدون هجوم واختاري كلماتك حتى ما تكون قاسية ويعاند أكثر ... هدفنا يقتنع بأهمية العلاج واشلون ممكن تصير حالة العائلة لو ما تعالج وبالمقابل اشلون تصير العائلة لو تعالج ... وانك مقدرة انه يمارس العادة من سنين وظروف الغربة والوحدة اللي حدته على هالغلط لكن الظروف الحين تغيرت ونقدر نصحح الوضع ... وضحي له انك شاعرة بصعوبة التغيير وصعوبة ترك أي عادة الواحد متعود عليها وفاهمة معاناته لكنك بتوقفي معاه ..
خليه يحس بتقديرك لوضعه لكن بنفس الوقت ما تقدري وما يصير انه يظل الحال على ما هو عليه ... مو بس عشانك ولكن عشان صحته وعشانه هو كمان وانه ممكن يفقد قدرته الجنسية نهائيا اذا ما تعالج الحين ووقتها راح يلجأ للعلاج ...

حبيبتي والله ما كنت متخيله ان العلاج لهالدرجه مهم .. راح يحس بصعوبه انه يتقبل الفكرة, لكن راح اشوي مثل ما قلتي , احسسه اني فاهمه ان السالفه مب هينه ... لكن ما ادري .. احس عنده اكثر من مشكله .. يعني ممكن بعد ما يتعالج يبطل حركات بنات و خيانه؟ -- صعبه صح؟

ليش صعبة ؟؟؟؟ اذا كان اللي حاده على البنات والخيانة هي عادته مثل ما أتوقع فراح تروح مشكلة البنات مع العلاج .......
ما عندي الصورة كاملة عنكم مثلك لكن تخميني وتصوري لمكالماته مع البنات اذا كانت رؤيتي للصورة صح انه هذي المكالمات حتى يتخيل معاهم أمور تساعده بالعادة السرية ...

أي واحد يستعمل العادة السرية يحتاج محفز حتى يوصل للنهاية ..منهم من يلجأ للنت والصور ومنهم من يلجأ للخيال ...

أظن انه جملة "كنتي عجيبة " اللي بالمسج اللي وصلتك غلط كانت عن خيالها معاه مو أكثر ... أعرف وشفت بعيني وسمعت باذني الطريقة اللي تتم فيها مثل هالمكالمات .. العملية الجنسية تتم من الالف للياء بالسمع عشان كذي أقول لك انه ما صار زنا أو خيانة جنسية بالمعنى الجسدي ...

هذا اجتهادي وعسى ربنا ييسر أمرك ويهديه يا رب

افهم من كلامك انه الي يسويه عادي يكلم بنت ويمارس معها العاده السريه عادي مومشكله من وجهة نظرك مش خيانه جنسيه اجل ايش تسميهاهذي لمايمارس باالمكالمات مع البنات..

يااخي الخيانه موبس باالجسد الخيانه تجي حتى لوباالتفكير...اناماني قاهمه ليش بعض الاخوه هنايلتمسوا الاعذارللتاس الخونه الي مايخافون الله ويبون الزوجه تسكت وتتغاضى ويشجعون على نشرالفساد

بلا علاج وكلام فاضي...لوالخيانه لهاعلاج كان مافي شي اسمه خيانه في هاالدنيا...وبعدين عمرك سمعتي دكتوريعالج عن الخيانه والمكالمات التلفونيه...

اساساالزواج هو علاج وحيد ومن ربي للاشكال هذي اذاانتي حلاله وموراضي يبطل حركاته ايش تتوقعين شي ممكن يعالجه

حبيبتي عاجبك الوضع خليك معاه ولاتضيعين عمرك تدورين علاج للخيانه وتضحكين على نفسك وتفكرين انه متمسك فيك عشان يحبك..

موعاجبك الوضع عندك اهلك الله يحفظهم مااعتقدحيقصروامعك خصوصااذاعرفوا حقيقته الي تفشل

لا..... ما تفهمي كلامي بالطريقة اللي تعجبك وانا ما قلت انه عادي فأرجو انك ما تحطي كلام على لساني ..واتمنى عدم التحامل علي لاني قرصت أذنك قرصة خفيفة .

ولعلمك ما حد عارف وحاس بسكين الخيانة مثلي لاني واقعة فيها حاليا وشاعرة بشعور اختنا أم وقاص.

ما قلت انها تسكت أبدا لكن أقول انها تحاول اصلاح الحال قبل ما تخرب بيتها مثل ما انتي تبين ...

وأتمنى عدم تعقيبك على كلامي لانه غير مسموح لاحد بالتعقيب على كلامك ... والمعاملة بالمثل

تحياتي