03-02-2011, 11:32 AM
|
المشاركة الأصلية كتبت بواسطة روح الطير
هم ما يقولوا .. بس شكله العيب مني أنا ..
فيني طبع صعب  لو زوجي مو عندي ، ما أقدر أكل .. لو زوجي مو عندي ، ما أقدر أنام .. فأشوف أختي ماشاء الله تبارك الله .. زوجها غايب عنها يومين مثلا و تاكل بشهية ، و تضايق لو جلس في البيت طول اليوم  و لا مثلا زوجة أخوي ، زوجها من العمل للبيت و العكس و هي تنقهر ، تبغاه يخرج و يسهر مع أصحابه و تبغى تخرج كل يوم .. و حتى هنا أقرا مرات رجال يشتكوا من حريمهم إنهم يسهروا و ما يناموا معهم أبغى أصير مثلهم ( باردة )  --------------------------------- مشكلتي تتلخص في نقطتين : 1 - بروده في المسؤوليات : يعني هو شايفني خلاص عند أهلي مرتاحة أنا و ولدي ، و يعرف إنه أهلي كرماء ماشاء الله ، و حتى يوم أطلب منه يشتري شئ لولدي ، أمي تخاصمني و تقول ليه مقصرين معاك ؟ و وقت ما يبغاني ، يجي يزورني عند أهلي في أي وقت ؟ يعني بيقول أكييييد .. مصيرنا بنكون في بيت واحد عاجلا أم اجلا .. و يعدي يوم وراه يوم و كل شوي يتحجج بحجج حفظتها من قبل ما يقولها .. 2 - جفاء المشاعر : في الخارج تعودنا نكون مع بعض ، حتى مع المنغصات اللي تصير .. ما ننام غير و نحن متصالحين ،، و ما تعودت على الفترة هذه من البعد و هو من جد زودها .. و إذا قلت له أحرجتني مع أهلي ، يقول لي خلاص ما أزورك عشان لا يتضايقوا أهلك مني ؟ يمكن لو بديت أهمله و أطنشه ، يبدأ يتحرك ؟ المشكلة يوم يدق ، ما أتحمل ما أرد عليه .. و أخاف أطنشه و أتعود و يتعود .. و ما صارت حياة من جدددد .. عشان كذا ، ودي ما أفكر و لا أهتم فيه .. و أعرفه ، بيبدأ يهتم وقتها .. |
04-02-2011, 09:07 PM
|
المشاركة الأصلية كتبت بواسطة احلاهم واتحداكم
يختلف الوضع ياصابرة.. برود المشاعر هو اللي يذبح المرأة.. فننصحها بطنشيه وكوني غامضة..
لكن روح ما تعاني من برود مشاعره تجاهها.. هي تعاني من تحمل مسؤولية البيت لحالها.. هنا ماينفع التطنيش والغموض.. لأنه التطنيش والغموض يعني لا تطلب منه شي.. تتركه لحاله ماله شغل من شي .. وبكذا ماحلت شي.. كلام نورا حلو.. الوحدة فعلا تشيل أيدها من المسؤلية.. تسوي اللي عليها وهو يسوي اللي عليه.. ماجبت دجاج بكيفك مافي غدا.. ماتصلح الغسالة ماراح أغسل الملابس.. ماتركب اللمبة نقعد ظلمة.. |
04-02-2011, 10:21 PM
|
المشاركة الأصلية كتبت بواسطة أنين_الروح
انا صراحه أؤيد نوره بشده ... خليه يتحمل المسؤوليه واي نواقص كبري عقلك وبردي اعصابك وخليه هو يتحمل مسؤوليتها يا اختي ولدك على ما تربينه وزوجك على ما تعودينه .. انتبهي يتعود انه يعتمد عليكي .. هو مرتاح لانه عارف اذا ما عمل الشيء اكيد انتي راح تعمليه .. فشوفي طريقه نوره جميله جدا .. خصوصا انتِ الآن ابن وحيد .. تخيلي لمن تكبر العائله صعب جدا .. كمان كلام لمني بشوق جميل جداا .. والكره وعدم الطيبه فعلا مثل ما قالت لمني بشوق ليس بحل
|
05-02-2011, 12:05 AM
| شفتي معناته انه زوجك عنده قابلية للتغيير.. بس يبي لك شد لفترة شوي طويلة لمين يعتاد على الوضع وبعدها ماتحتاجين تصيرين وراه.. فهمتيني |
|
حبيبتي ما في إنسان ماوده بالراحة وتفريغ راسة من المسؤوليه.. طيب تخيلي العكس .. لو أنه ماسمح لك تروحين ولا تجين وش راح تقولين عنه؟؟ تبي تقولين يالله فوق رداته وفوق أنه مو متحمل مسؤوليتنا له عين ويمنعني راح تتظايقين وتنقهرين صح ولا لأ؟؟ |
|
المشاركة الأصلية كتبت بواسطة احلاهم واتحداكم
شوفي حبيبتي الوضع اللي انتي فيه صدقيني لانكم مو مستقرين.. أنتي مو قادرة تظبطينه .. وهو مو
قادر يتحمل مسؤوليتكم.. والله لو تستقرون تنتهي مشاكلكم .. وتصيرون أسهل في حل المشاكل.. بس يبيلك شوي صبر.. يمكن صح كلامك ، لإني في بيت أهلي و هو هناك عند أهله ؟؟؟؟ بس لمتى أجلس أفكره ؟ متى نستأجر بيت ؟ ليه ما يتحرك من وحده و من غير ما أتكلم ؟ وأنا من رايي انكم ما تأجلون الدراسة.. لأانكم كذا بتطولونها على غير فايدة.. لأانه مو معقولة تأجرون لكم بيت مدة كم شهر او كم سنة وبعدين تتركون البيت واثاثكم وحوسة مالها أول ولا تالي.. مدام وراكم دراسة خلصوا عشان ترجعون وتستقرون.. ولا خلاص بكيف الدراسة حياتكم اولى استقروا وخلاص.. |
|
المشاركة الأصلية كتبت بواسطة احلاهم واتحداكم
شوفي غاليتي..
بالنسبة لموضوع صرفه على نفسه وانتي تحرمين نفسك.. زوجك طيب ومو سيئ وقابل للتغيير.. مثله مثل اغلب الرجال.. إذا حس انه في مجال أحد يسد محله أتكل.. فالغلط غلطتنا أحنا.. غلطتنا ، و غلطة ( أهله ) .. لإنه أتربى إنه ( الزوجة ) مالها حقوق .. و عرف غلطه يوم تغربنا و اعترف لي إنه كان فاهم الحياة الزوجية غلط .. و أهله كانوا دايما يقولوا له ياخد مني .. و مرة أهله جابوا ورقة عشان أوقع عليها عشان يتحول من راتبي كل شهر مبلغ معين لحسابهم ؟؟؟؟ و الحمد لله إني صح ( طيبة و أسكت بمزاجي ) .. بس ماني ( مغفلة و غبية ) -------------------------------------------------- بس ما عليك بقولك عن موقف بحياتي عشان تعرفين أنه الرجال إذا صاروا اتكاليين فهذا طبعهم.. وحنا نساعدهم.. لكن إذا وقفتي وقفة جد صحوا وتغيروا.. أول حياتي مع زوجي كنت له الكل بالكل.. مولعه له اصابعي العشرين مو العشرة.. حاطه له الشمس بيد والقمر بيد.. مدلعته على الاخر.. ما اتصور انه في أنثى سوت اللي أنا سويته له!! تخيلي بالشتا أول مرة بحياتي أشوف برد وشتا الرياض كل يوم كنت اصحى من النوم قبل الفجر بوقت.. اشغل الدفايه بالحمام عشان يدفى الحمام وأوزن الموية عشان يتوضا بموية دافيه.. وبعدين اقومه للصلاة >>>>>>أنا مو ملزومة اسوي هذا كله!! هههه ،، لا لا إنت أكثر مني بكثيييير .. صح أدلعه ، بس مو بالطريقة هذه .. يمكن لإنه زوجي ما يبرد أبدا ماشاء الله لكن تركت كل شي وتفرغت له هو وبس.. عمري مانكدت عليه ولا ارهقته بطلبات.. ماعمري قلت له عطني ولا أبي .. أبوي االله يطولي بعمره ويخليه لنا فاتح لي حساب وكل شهر يحول لي رصيد.. فيعني عندي رد ومصرف خاص من ابوي.. بس طبعا زوجي مايدري عن ابوي.. اذا صار ودي بشي المح له او اطلب الشي منه مرة وحدة ولا اثقل عليه.. سواه لي الحمد لله ما سواه عادي بكيفه.. و الله كأننننننننك تحكي عني .. بس الفرق إنه أبوي الله يرحمه ميت و كان عندي حساب و رصيد و زوجي ما كنت أسمح له يتدخل في رصيدي مع إني كنت أساعده دايما - بس بمزاجي - -------------------------------------------------- حسبالك زوجي تعلق فيني!!! ما اقولك ما حبني.. لا يحبني لكن مو باللي أنا ابيه.. كنت احس أني اخر اهتماماته.. وش هي الاهتمامات؟ الاهتمام انه ودي بيوم يجيني يقولي يلا نطلع نغير جو.. ودي بيوم من الايام بنهاية الاسبوع يطالع وجهي ويقعد معاي.. (بس يوم مو كل نهاية اسبوع).. ودي إذا طلبت منه شي.. وعنده قدره يجبه لي لو كان نفسي فيه يجيب لي ياه من نفسه.. طبعا كان كله بالاستراحة عند اصحابه مستحيل يقعد معاي بالبيت إذا قعد بالبيت فهو نايم.. ودي يدخل علي بوردة .. ولا يفاجئني بشي احبه.. اقوله ودي احس باهتمامك فيني يقول أنا كلي لك  وين كلك لي وانت طووووووول الاسبوع عند اصحابك؟؟!!! وين كلك لي وأنت راتبك كله مصاريف للاستراحة من قطة اجار وراتب الحارس ومقاضي الستراحة من عشا ومن شواهي وسكر وقهاوي وادوات مطبخ من كاسات وفناجيل وبيالات ووو الخ وانا مالي مصرف خاص.. كنت راضية لو 200 بالشهر!!! ماتسوي شي الـ 200 بس على الأقل احس انه لي جزء من اهتمامه.. طبعا هذا كله داخل نفسي ماطلعت له ولا شي من اللي بداخل قلب.. كنت فقط اقوله مثلا : ودي اليوم تقعد معانا طبعا بدلع وبعدين على طول اضحك واغير السالفة.. بعدها بشوي يقول تبون شي أقوم ابوسه على خده واقوله سلامتك يا أحلى ريال بالدنيا.. ولا كاني طلبت منه يقعد قبل شوي.. اقوله وانت جاي أبي جالكسي .. وأشغل السوني واقعد ألعب ولا أحسسه أني تظايقت من تجاهله.. مرة من المرات شفت كرسي بإيكيا ومرررررررة دخت وانسطلت عليه.. فقلت له شرايك بالكرسي ؟ قال حلو وغريب.. قلت والله ودي فيه بس غالي.. ((يعني اقصد لو عندك امكانية قول مايغلى عليك)).. ((ولو ماعندك امكانية قول الشهر الجاي اجيبه لك ولايصير بخاطرك إلا طيب)).. أنا بوقتها ما كان عندي رصيد ولا كان شريته..  لاني خلصت رصيدي شريت غلاية براون ومكيفين سبلت وأخته تزوجت وجبت لها هدية .. ومرت اخوه ولدت وجبت لها هدية.. طبعا هذا كله من الرصيد اللي عندي.. فخلص رصيدي.. المهم- بعدها بيومين من (إيكيا وقصة الكرسي).. شفت بجواله رسالة لواحد من أصحابه يقول له حولت لك 2500 حقت مصاريف الاستراحة!!! أنا أنقهرت الكرسي بـ 850 تحسفته علي .. والأستراحة تقط ولا تبالي!!!!! طبعا خبيتها بنفسي ولا قلت.. صبرت صبررررررررت أليــــــــــن انفجرت .. طبعا صار الانفجار بسبب مشكلة وقررت اني اتركه فيها.. المشكلة ماكانت كبيرة لكن انا خلاص ماعاد اتحمل.. اعطي أعطي واظغط على نفسي بدون مقابل.. هو انهبل انجن يترجاني اعطيه فرصة.. يحب أيدي يبيني أسامحة.. وأنا ثقلت عليه .. وكنت مصرة على موقفي.. طبعا هو طلع كل الكلام اللي كنت اتمنى اسمعه منه: انتي كل شي بالنسبة لي.. أنا أموت بدونك.. أنتي إذا قررتي الطلاق فأنتي قررتي أنك تنهيني من الدنيا.. طز بالدنيا واللي فيها مدام انتي معي.. هنا بديت أطلع كل اللي بقلبي قلت له بالله عليك أنا عمري قصرت عليك بشي؟؟ قال حاشاك.. قلت له : كم مرة طلبت منك اهتمام؟؟ كم مرة طلبت منك انك تقعد معاي..وأنت تطنش وتسوي نفسك ما سمعت؟؟ كم مرة طلبت منك مصرف خاص.. ؟؟ ماعمرك سمعت انه نفسي بكرسي إيكيا؟؟ >>>>> ياذا الكرسي اللي طفشتكم منه ليش ما قلت والله زوجتي مو مقصره معاي وتستاهل أجيبه لها؟؟ قال: لا بس كانت ظروفي ماتسمح!!! قلت له ظروفك؟!!! طيب حنا متى شفنا الكرسي؟؟ قال برمضان.. قلت طيب عطني جوالك.. عطاني ياه .. فتحت الرساله حقت القطة -وكانت برمضان-.. قلت هذي شنو؟؟ 2500 للأستراحة .. وأنا 850 تقولي ظروفي!!!! هو طبعا طايرة عيونه مو متخيل اني شايلة بقلبي كل هالسنتين ونص.. المهم- أعطيته فرصة وتسامحنا وتعالي شوفيه الحين.. خلاصة القصة.. كل اللي كنت أتمناه يسويه من حاله قام يسويه.. - يقعد اسبوع 10 أيام ما يطب الاستراحة وإذا راح ما يتأخرالساعة 11 هو عندي.. -كل بين فترة وفترة شوفي الورود اللي يتنقاها لي. - مصرفي الخاص 2500 كل شهر وساعات أكثر.. بيني وبينك بعض المرات يصير عنده ضغوطات وأقول حرام الشهر هذا ماني ماخذه منه شي.. حرام يكسر خاطري.. بعدين أتراجع واقول لا ليش ما أخذ وبعدين أعاتبه أنت ما سويت وما فعلت.. خلاص هو رجال وهو يدبر نفسه .. الحين لنا سنتين مثل الحلاوة.. وأنا صرت له أكثر من أول.. عطني أعطيك .. فزوجك على ماتعودينه.. لا ترحمينه وتخففين عنه المسؤلية وبعدين تطالبينه على شي هو ماتعود عليه.. بالاخير اتمنى اني قدرت اوصل لك أللي أبيه يوصلك.. |
05-02-2011, 02:38 AM
| طيب هي تقول يا احلاهم اذا طنشته يركض وراها! |
|
المشاركة الأصلية كتبت بواسطة صابرة بدنيتي
حبيبتي روح الطير
سوي ماعلمتيني اسويه انا حاسة فيك والله |
05-02-2011, 02:46 AM
|
المشاركة الأصلية كتبت بواسطة العابده
الغاليه روح الطير
عذريني رديت على موضوعك قبل لا اكمل موضوعك بالكامل شكلك ما شاء الله طيبة الله يرزقك ويبارك في حياتك شوفي ردود أخواتنا "نورا" و"احلاهم واتحداهم" وغيرهن ردودهن حلوة وعمليه تعرفي موضوعك لفتني لشيء كنت اشوفها احيانا في خواني ونعاني منه كثير وطبعا حلها الحين صعب كوننا خلاص تعودنا على طباعهم لكن ان شاء الله اذا الله رزقني بالزوج الصالح راح اتعلم من قصتك الله يهدي بالك ويبارك في حياتك ويقر عينك بزوجك |
05-02-2011, 03:13 AM
|
المشاركة الأصلية كتبت بواسطة الغربه مره
تعرفي و انا اقرا كلامك و تصرفات زوجك
كانه زوجك حالف يمين ولا عامل نذر انه من يرجع للسعوديه يعوض سنين الغربه ،،، ويعوض كل الاشياء الي انحرم منها من استراحه و جلسات شباب و خروجات و سهر ،،، و اكل الغربة مرة .. مررررة إنت طيبة أية انحرام شافه زوجي في الخارج ؟ هو في السعودية عند أهله ، كان محروم من كل شئئئئئئئئئئئئئئئئئئ و في الخارج مرتاح .. لا دراسة و لا وظيفة و لا مسؤولية و لاشئ .. ؟؟؟ نوم و أكل و كل شئ يتمناه هنا ..؟؟؟ و لو فيه فرصة إني ( أتوظف هنا ) .. بتلقي زوجي يطير من الفرح نفسه إننا نعيش في الخارج ..؟؟؟ يمكن حتى انت فيكي هذا الشي اول ما رجعتي رحتي تعملي نيو لوك و تسهري مع اهلك و اخواتك و تاكلي الي نفسك فيه ما اقول هذا الشي مو من حقكم بلعكس هذا هو الطبيعي فيه هذه صدقتي ، لإني من جددددددد .. شفت في الغربة اللي ما عمري شفته بحياتي بس الحمد لله إني خرجت بدروس و استفدت كثير .. و تشتري كرسي ايكيا ،،، ههههههه مع انك لسه ما مستقره في بيتك يمكن هو كمان يشوف طلبك غريب  ومافي بيت يجمعكم  و الله من كم يوم أقول لزوجي لو استقريبا ، فأبغى أروح ايكيا .. شكله حكاية أحلاهم ،، بتتكرر الله يهنيكم ببلدكم ويريح بالكم و تستقروا مادام انتو بعيدين عن بعض وما مجتمعين في بيت واحد هو يزداد عزوبيه و انت عارفه هلشي و لهذا كتبتي اسم موضوعك انك حابه تصيري مثله شكله من جد كلامك .. اجرو لو شقه مفروشه المهم تعيشو مع بعض او انك تسكني معاه بلمكان الي هو ساكن فيه و تقررو بترجعو للاغتراب ،،،،،،، فورا وتكملي دراستك او تستقري و ترجعو لاعمالكم و تجربو الاستقرار وتنفيذ وعوده هو ما يقدر يحصل ابتعاث مثلك او حتى دوره من مكان عمله حتى ما يمل من وجوده معك في دراستك بلخارج هو يقدر يدرس بفيزة مرافق .. لكن اهماله في البداية في دراسته هي اللي سببت له مشاكل بعد كذا .. لان الي وصلني من كلامك انت ما حابه تكرري تجربه ابتعاثك الاولى و مرافقته لك و تحملك انت لمسؤليته و انك تشوفيه مرافق بس |
05-02-2011, 03:16 AM
|
المشاركة الأصلية كتبت بواسطة أبو سعودالتميمي
أولا زوجك ماهو مثل ازواجهم زوجك افضل بمراحل
ثانياً :ساكتين ويحترقون جو طبعهم ما يتكلمون |
05-02-2011, 03:47 AM
|
المشاركة الأصلية كتبت بواسطة صعبة المنال
روح الطير
استشفيت من ردودك بالمنتدى إنك قوووية وعندك التطنيش زي السلام عليكم للي ينرفزك ويضايقك لكن طلعت خطأ !! مادري ؟ كلهم يقولوا ( قوية ) .. بس أبدا ما أشوف حالي كذا ؟؟؟ أشوف نفسي جدا ( حساسة ) .. و هذا عيب فيا يمكن التطنيش زي السلام عليكم عندي ( لكن ظاهريا ) فقط .. و مع زوجي ( صعب ) .. لإننا في مركب واحد .. و تربطنا علاقة ما نقدر نتجاهلها : ( شوفي ياروح إنتِ تقولين زوجي مافيه أمل يتغير لأنه طبعه كذا ! يتغير بمزاجه ، و بعد ما ياخد ضربة على راسه و أنا معاه أخذ ضرباات و صدمات منه فقلت ، ما أبغاه يتغير .. كفاية اللي شفته منه وأنا أقولك ماراح تتغيري لأن طبعك كذا وتفكيرك كذا وشخصيتك كذا ! ما فهمتها ؟ : ) لذلك ياعزيزتي بما إنك فاهمة طبع زوجك وتفكيره واسلوبه في الإهتمام وحتى رغباته حاولي شوي شوي تسوين اللي يتمنى منك تعلمت من حياتي معاه ، إني أفكر في الشئ اللي أنا أبغاه و أتمناه ليش تبغين تكرهينه ؟ وتقهرينه ؟ صدقيني بعديــــــــــن راح تكرهين نفسك لأنك سويتي شي مو طبعك وراح تنقهرين من نفسك بعد هذا زوجك مهما كان ما دامك مو جاي في بالك الإنفصال الأفضل إنك تضبطين حياتك ونفسك معه ما أبغى أقهره .. أبغى أتعلم كيف أشيله من بالي و ما أفكر فيه .. عشان هو يرتاح و ينبسط و ما أظن راح انقهر من شئ ؟ لإني فقدت أغلى شئ في حياتي ( أبوي ) .. و تجاوزت الأزمة بمجهود و سنوات فكل شئ أحس يهون من بعده .. اللي عرفته منك إنه رجل صامت والرجل الصامت بنظري أصعب شي لأنه غامض وكتوم لكن تقدرين تعرفينه من التجارب .. اعجبه الشي الفلاني وانبسط منه وتكلم عنه عندك حاولي تسوينه له شاف تصرف وسكت ماقال شي هذا الشي مايعجبه ابتعدي عنه فاهمته ، كأنه كتاب مفتوح و فاهمته أكثر من نفسه .. و أعرف إيش يحب و إيش ما يحب .. بس مو عارفة كيف المفروض يكون تصرفي معه و تعاملي ؟ أو بالأصح .. ما أٌقدر أكون مثله ( أكذب ، و أوعد و أخلف ) احلى صفة بزوجك إنه يحب الإهتمام يكون منه وأشوفك مو معطيته فرصــــة !! كنت معطيته فرص و لإني كنت أدرس و مشغولة مع دراستي .. بس كنت ألوم نفسي إني مضغوطة مع الدراسة و أتمنى أتفرغ له .. فاكتشفت من قريب إنه زوجي كان مبسوط بإهتمامه لي و مو العكس .. ياأختي وش أحلى من زوج يهتم فيك ويداريك وإنتِ تتغليـــن عليه اضغطـــــي على نفسك وخليكِ مثل مايتمنى صعبة المنال مثلي حلو اسمك .. بأحفظه حتى المسؤوليات المفروضة عليه اتركيها بطيب نفس ولو سأل عن شي ناقص قولي له ليتك تسووويه لأني ماأقدر ! بعديييييييييييييين .. هذا رده خليه يحس بأنه رجل مسؤول وإنتِ تلجأين له عملتها مليون مرة .. بس مرات هناك شغلات ما تتأجل و خاصة في الخارج مو مثل هنا هناك نتأخر، على طووووول غرامة مسألة إنك تقولين هو امرأه بجسد رجل وأنا رجل بجسد امرأه .. اسألي نفسك لأني ماأدري كيف وصلتوا لهالمرحلة .. هل هو اللي تنازل وتغاضى عن كل مسؤولياته في وقت إنتِ اللي بادرتي فيها وإنتِ ساكتة ومبسوطة بعملها ؟ ماكنت مبسوطة .. بس هوو كان عنده الكذب من قبل لا يتزوج مثل ( السلام عليكم ) و هو عاش وسط بنات و كان مرررررة ناعم و ضعيف شخصية يعني إيش اعمل وقتها ؟ أتطلق و لا أقول .. أعطيه فرصة و أمسك بيده ؟؟؟ : ) يعني تعود عليك كل شيء إنتِ وترك كل شي عليك وبنفس الوقت متضايق منك إنك أخذتي مسؤولياته أو فعلاً مثل مافهمت إنه من عند أهله وهو لا مبـــالي ومطنش الدنيا وعجّــــــاز !! و إنت الصادقة ، كان مبسوووووووووووط إني أخذ مسؤولياته ، بس رميتها عليه خلاص نصيحتي ياروح لا تسوين شي يخليك تحسين نفسك مو إنتِ ، ابدأي حبة حبة بالتغير لـ تتلائمين مع زوجك وطبعه كما هو أكثر من كذا ( تغيييير ) عشان عيونه ؟ بالعكس .. بأرجع لطبيعتي أفضل .. و ما راح أجامله مثل زمان مو علشان تكرهينه أو تقهرينه لأنه الحياة أولاً وأخيراً حياتك والسعادة سعادتك اتمنى تكوني فهمتي قصدي وأكون فهمتك مثل ماتتمنين .. |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
