صحيح انها قالتلك ما تحبك وهذا الشئ يزعل ويجرح جداً ، بس ما يحتاج لا قدر الله انها توصل طلاق أو انو يسبب مشاكل ومشادات بينكم ..
الحب يجي مع الوقت والتعامل الطيب من الطرف الثاني .. كمان في الواقع إنت مستحيل تبقى تحبها دايما بنفس المقدار والشدة ، في ايام راح تحس نفسك تحبها كثير وفي أيام لا عادي وأيام حتى ممكن توصل انك تحس نفسك تكرهها وايام بعدها ترجع تحبها وتموت فيها وعلى دا الحال ، نحن مشاعرنا وأحاسيسنا تتغير مع الوقت ومو دايما على نفس الوتيرة .. زي مثلا لما نحب صنف من الأكل وبعد فترة يصير عادي وممكن حتى نصير نكره.

وإذا لاحظت ياما نعرف ناس اتزوجوا بعد قصة حب قوية ويحسسوك انهم راح يموتوا لو ما اتزوجوا بعض ،
وبعد فترة سمعنا انهم اتطلقوا ولا عندهم استعداد يرجعوا لبعض ..

هل زوجتك :
تحافظ على صلاتها ودينها تمام
تحترمك وتقدرك
ما تسبك او تشتمك
ما تفشي اسراركم الزوجية
ما تكذب عليك
طيبة العشرة ورحيمة
ما تخونك
أو بأختصار قايمة بجميع واجباتها وحقوقك عليها ..

إذا فيها كل الاشياء الي انا ذكرتها فوق فاحمد ربك عليها واتمسك بيها ، الحب مو كل شئ ولا أهم عنصر في الحياة الزوجية ، أذا في بينكم مودة ورحمة فإنت انسان محظوظ وحياتك معاها تمام ..

كمان لو انها قد كدا تكرهك ليه ولا مرة ما قالتلك طلقني .. ؟!!!
فلا تخلي الشيطان يدخل عليكم بسبب كلمة وحدة صغيرة ..


والله يصلحلك زوجتك ويجعلها قرة عين لك ..
بالتوفيق ..

المشاركة الأصلية كتبت بواسطة البليغ بشرني عن أمورك يا أمين؟