احبه
انت جالسة ( تموتي و تقتلي المشاعر الحلوة الي بينك و بين زوجك .. بيدينك ) . . أسلوبك بالكلام باختصار اُسلوب الزوجة ( النكدية ) اقرأي في النت عن الزوجة النكدية ( مين هي !؟ ) و تخلي زوجك ينفر منك بسببك و يضيع من يدك لا سمح الله |
فعلا مبتعثة كلامك صحيح .. والتغيير ضروري بس بجد ماني قادرة .. ماأعرف هل مثل ماقالو الاعضاء تراكمات أو شيء آخر ماأعرف .. بس أقول بنفسي ليه مايعاملني مثل ماأعامله بلطف وينتقي كلماته قبل يجرحني!! وهل هذا هو الحب اللي يتغنى فيه!!
في عضوات طلبو مني تخفيض سقف التوقعات منه .. طيب هذا الشيء مو مناقض للحب اللي يتغنى فيه!! حتى أنا قلت له ترى زعلت منك لاني ماكنت متوقعة منك هالاسلوب .. أبيه يحس إنه شيء كبير في نظري وفي حياتي ومو مثل أي انسان ثاني اتقبل منه الكام القاسي الصعب.. |
جزى الله كل من شارك أو نصح في موضوعي .. والله إني أحاول أغير من نفسي وأسأل الله أن يعينني..
مستجدات موضوعي .. أنا مايرضيني يدوم الزعل بيني وبين زوجي حتى لو أنه صرخ فيني وجرحني بكلامه وبتطنيشه لي وعدم اهتمامه .. بس بعد قراءة ردودكم اقتنعت إني أخطأت وإن حساسيتي زائدة عن حدها لذا ارسلت له اليوم الثاني رسالة اعتذر فيها منه وأوعده ماعاد أطلب منه يسفرني مكان أو يخرجني مكان مثل ماقال هو طبعا لما سمعني كلمتين وحنا مسافرين .. ورد علي بما يلي"لعلمك اي وحده ثانيه بتقوم تضحك لانها متقبله من زوجها كل شي وهذا الحب ثاني شي والله ماهو الفجر او سبع ثمان تسع انا صحيتك 11 واحنا طالعين نتنفس ونستمتع بالجو ومتفقين نصحى بدري فالله يرضى عليك مره ثانيه سوي لنفسك كونترول ولا ترفعين ضغطي بعدم اهتمامك ونومك الزايد بوقت غير مناسب وابعدي عن العناد لان ماهو اسلوب انثى" .. طبعا رديت عليه بأبشر واللي يرضيك راح يصير وقلت له إني صحيت9 وكنت بصحيه بس لما شفته نايم خليته يرتاح لانه في ايام الاسبوع ماينام لظروف دوامه .. وقلت له اني بكون الزوجة المطيعة من باب العشرة والحياة الزوجية أما الحب فالظاهر إنه ماعاد له مكان" أكلمه عادي بس هو ردوده على قد سؤالي .. وعلطول صامت ومتجنبني ومايبي يكلمني .. وأنا مايرضيني هالشيء حتى لو إنه جرحني أو سمعني كلمتين .. ماأحب أشوفه زعلان مني .. وفي المقابل ماني قادرة أقرب منه وأراضيه لسببين .. الاول لان حتى أنا مجروحة منه .. والثاني لاني خايفة من صده لي لانه في المشاكل الاخيره اللي صارت بيننا كان يصدني لما اراضيه واتقرب منه الظاهر تعب ومل من كثر مانزعل .. ماأعرف هل أطنش واضغط على نفسي واتعامل معه عادي .. ولا اراضيه واتحمل منه مايجيني .. ماني عارفة |
اختي هند .. ممكن تسهبين شوي عن الشخصية النكدية
والحلول لها فيدي اختنا احبه وتفيدينا بعد ردودج حلوة وحكيمة |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|