11-04-2011, 11:58 AM
|
المشاركة الأصلية كتبت بواسطة حبيبة ابوها
وانتي هداك الله عشان كنتي تعرفي قبله رجل وفترة ثلاث سنين كثير .....
المهم فأي رجل يعرف بنت ماهي زوجته ولا حلاله يكون اعظم رجل وتتمناه كل بنت يعني هذا المحترم والوقور واللي محترمك طول هالسنين امكن يكون لسانه بذييء جدا بس من وين راح تعرفي .... ولو كان محترمك ليه ماراح هو اتزوجك....طالما انه محترم ومحب ورومانسي وقدرك.. كان اكبر قدر لك واكبر احترام يسويه لك كان اتزوجك بدل هذي الثلاث السنين اللي صرف على نفسه فواتير...(فيس معصب منك  ) |
|
المشاركة الأصلية كتبت بواسطة حبيبة ابوها
هي هذي مشكلتك الغي ماضيكي عشان تقبلي بحاضرك وواقعكي وارجعي لزوجك من دون ما يرجعك
لان اللي انتي سويتيه لحد الان كافي.... والدليل على انك تبي ترجعي انك تتلككي معاه وترسليله وين ساعتي وترجعي تتأكدي ودقي طيب ليه هذا كله ارجعي ومشي امورك وتحملي وحاولي تفهمي وتغيريه بس باسلوب لان اللي انتي قاعدة تسويه مو لصالحك.. لا اذا تطلقتي لصالحك ولا اذا رجعتي لصالحك لانه راح يحقد عليكي وحيكون صعب عليكي تنسيه اللي صار وتغيريه انتي بكذا راح تخليه اذا رجعتي انه يهينك بعد ماكان عازك؟؟؟والالفاظ مو مشكلة تقدري مع الوقت تغيريه وكثير من الرجال كذا وتغيروا نصيحة ارجعي بيتك بدون زيادة تدخل ولمي الموضوع بدل مايوقع على راسك ويصير بدل ماتوقفبه عند حده انتي راح توقفي عند حدك.... والمفروض كمان ان ابوكي ما يكون في صفك ابدا ويوقفك عند حدك ..وفي نفس الوقت طالما اتدخل كان كلم زوجك بالحسنى وفهمه كيف يعاملك لانه الظاهر ان معاملتك صعبه طالما انك تقارني ومحد عاجبك |
11-04-2011, 12:09 PM
|
المشاركة الأصلية كتبت بواسطة ابغي حل؟
حلاوه يا سكر زيااادة ....~
بسالج اسئلة وجاااوبني ...! في مرة سب والدينج ؟؟ في مرة تعرض لشررفج او باين انه على وشك ..! هل يمتدح جمـــــــآلج ..! تحسين انه منتبه لوجودج كزوووجــــــــــــــــــــــــــــــــــــــــــــ ــــــــــه...! هل لســــآنه فاااارط على اهله سابقا,,يعني عالاقربين منه ...! جاوبي عالاسئلة ولااااا تحاااتين الامووور طيبه ,,, اتصدددقين احس بحرقتج ... انتظررج  |
11-04-2011, 12:18 PM
|
المشاركة الأصلية كتبت بواسطة الاحساس الحزين
حلاوة تذكريني في بعض الأمور بزوجي وكنت زييك أتصرف ويمكن أكثر منك أرد عليه وأعصب وأكسر اي شئ وأخليه يتنرفز لحد الجنون // بنقرب سنتين الان متزوجين وانا تغيرت كثير وقدرت بفضل من ربي يتغير زوجي معايا // 1- أول شئ لاتسمحي لنفسك بالاهانة ولما يسبك لاتردي الين يهدأ وروحي اكشخي واتعطري وتكلمي معاه بالموضوع بهدوء 2- اي طلب تطلبيه ويقلك لا / قولي حاضر بنبرة رضى ونظرة عتاب وبيرجع إن شاء الله مرة عن مرة ويرضى 3- اذا على سمنته اطبخي أكل رجيم ولاتكثري زيوت ووجبات سريعة وقوليله تعال نطلع نتمشى ونشرب كوفي وخليه يمشي والباقي عليكي كلام ومسابقات وضحك وسواليف عشان ينبسط / يعني خليه يوم خاص فيكم مرة بالاسبوع ووضحي له دا الشئ انه شئ بينكم تنسوه فيه كل الناس 4- تبغيه يلبس ويتشيك انتي اشتري له ملابس وامدحي اذا لبس شئ على ذوقه وقوليله ايش رايك تغير وتسوي كدا او تحط كدا وصدقيني بيتغير 5- اذا على الحب والرومنسية اريحك ترى زوجي نفس الشئ لاحضن ولا كلام ولايحزنون حتى في الفراش مافي  بس اتأقلمت مع دا الشئ وصرت لما اطلب يعطيني اللي ابغاه لاني صرت مطنشة سويي حركات فرفوشة وارمي نفسك بحضنه وغصب بوسيه واحضنيه وخليكي جريئة / فاهمة قصدي  6- الهدايا مو لازم / قوليله مو لازم هدية لاني اقدر اخد اي شئ يعجبني بأي وقت / قوليها بمزحة انا زوجي ما اشوف منه هدية ابداااااااااااااااااا الا ماندر !!! حتى بولادتي ماشفت شئ ؟؟ // حبيتي حياتك الزوجية بيدك سعادتها أو تعاستها بنسية 80% احنا الحريم نقدر على أي شئ بعد ربنا وترى حتى انا لما امرض زوجي مايطالع فيا كأني مسوية غلط أو كانه شئ بيدي حتى مايفكر يشيل بنتي عني وانا بموت من التعب امشي واستفرغ مقدر اشيلها وامشي زحف ولاهمه الا يسبني زيادة بس سبحان الله كل مرة امرض ويعصب يمر يومين الا هوا يطيح اشد مني واذكره باللي سواه فصار يخاف لما امرض ويهتم // انتي قلتي بنفسك انه يساعدك بالبيت يعني فيه اشياء حلوة في زوجك / لاتطالعي في الجزء الفارع من الكأس شوفي الجزء الحلو المليان واذا على اهله ترى اغلب الرجال كدا مو بس زوجك حتى لو مزحة مايرضاها وكبري راسك واكسبيهم عشانه وعشان راحتك ومصلحتك // تبغي نصيحتي !! انا وصلت لمرحلة الطلاق لميت عفشي وبروح بس رجعت واستعنت بالله وياربي لك الحمد اول شئ اتصلي عليه وانتي واثقة من نفسك خلييه يجي ياخدك وروحي بيتك وخديها قاعدة انتي ملكة عاملي نفسك بحب وانسيه قومي بواجبتك وبس وباقي اليوم نفسك وبس من اهتمام لجمال لرياضة واتفرجي تلفزيون وكل شئ تحبيه سوييه كانك لسه ما اتزوجتي وخليي يلاحظ حبك لنفسك لاتطلبي منه الان حب ولامشاعر الين تهدأ النفوس اشتري واطلبي اي شئ تحبيه وشيلي وحطي بالعربية وطنشيه وماراح يقلك شئ اللي زيي زوجك لازم تطنشيه يجري وراكي ترى عنادك راح يزيد الفجوة وتذكري النعمة وانك احسن من غيرك ولئن شكرتم لازيدنكم الله يوفقك حبيبتي |
11-04-2011, 12:32 PM
|
المشاركة الأصلية كتبت بواسطة ابو جـــــوري
مشكلتك يا اخت حلاوه تنقسم أربعة أقسام وهي :
الأول : انك مو متقبله زوجك لأنه مو وسيم وجسمه مو حلو . الثاني : انك تقارنيه بخطيبك السابق . الثالث : انك خنتي زوجك وهذي جريمه بحقه . الرابع : انك تطلعي اسرار بيتك وتدخلي اهلك يحلو مشاكلكم . بالنسبه للقسم الأول : زوجك انتي ما تقبلتيه لأنك ماحبيتيه أو بالاصح ماقدرتي تتقبليه لسوء معاملته ولعشرته السيئة وبإمكانك وبذكائك تقلبي الموازين لصالحك 180 درجة بس يبغالها صبر ويبغالها ذكاء وإستخدام الأسلحه الأنثوية وبمشيئة الله راح تتعدل أمورة معاك بمعنى : - قدمي له الهدايا ( ساعه , قلم , نظارة ولو أوضاعك المادية تسمح خذي له جوال على موضته , عطر ) . - حاولي انك ما تناقشيه وهو معصب وتتركيه حتى يهداء . - عقلية زوجك متفتحه بحكم انه درس وعاش بالخارج فحاولي انك تقربي وجهات النظر بين تفكيرك وتفكيره . - أحسست بأن زوجك طيب جداً ( ماقد شفت زوج يكنس الصاله ) وهذا يدل على حبه لكِ . القسم الثاني : الله خلق كل شخص بطبائع وسمات واخلاق وتكوينه يختلف حتى عن أخوه بن أمه وابوه . وأنتي تقارني زوجك بشخص آخر وشخص يعتبر ماضي بالنسبه لك وانتهى بطلاقك منه فلا تقعدي تتعبي نفسك وتتعبي تفكيريك بالمقارنه لانه ماحد راح يعاني الأ أنتي . فكري في زوجك وفكري في مستقبلك معه فهوه شخص طيب وحنون وكريم وفيه صفات حسنه كثير وهذا حسب وصفك له . القسم الثالث : خيانتك لزوجك لو كانت بالكلام فقط هذي جريمه في حقه تخيلي يا اختي الكريمه زوجك عرف انك تخونيه عارفه ايش ممكن يصير لك ؟ - راح ترجعي لاهلك مطلقه خائنه ومحد راح يسامحك لا أهلك ولا مجتمعك . - راح يجر ابوك العار بسببك ويلحق كل افراد العائله . - اذا ربنا ستر عليك في الثلاث سنوات اللي راحت فأحمدي ربك وتوبي اليه توبه نصوح لأنه وضعك الآن اختلف فأنتي متزوجه وأنتي مؤتمنه على شرف زوجك مهما كان ومهما فعل بكِ فعليك بالصبر والدعاء له بالهدايه . - أنتي تعانين من فراغ عاطفي كبير وهذا الفراغ لابد ان يملئه زوجك ولكن للأسف فهوه خالي مشاعر وعليك أنتي المبادرة حتى يتعلم منكِ كما تقدم . القسم الرابع : قال الله تعالى : (فَالصَّالِحَاتُ قَانِتَاتٌ حَافِظَاتٌ لِلْغَيْبِ) . ويقول الرسول الكريم : (ان من اشر الناس عند الله منزله يوم القيامه الرجل يفضي الى امراته وتفضي اليه،ثم ينشر احدهما سر صاحبه ..) إفشاء أسرار الزوجية يزعزع استقرارها إن إفشاء ما يجري بين الزوجين والذي اعتبره المولى تعالى 'غيبًا' لا يليق بمكارم الأخلاق ولا يتفق مع ذوق المسلم في الآية يمدح الله تعالى الصالحات القانتات بأنهن حافظات للغيب أي يحفظن أنفسهن عن الفاحشة وأموال أزواجهن عن التبذير والإسراف، ويحفظن ما بينهن وبين أزواجهن من أسرار وخصوصيات . إن نقل أسرار العلاقة الزوجية - أسرار البيت - خارج نطاق الأسرة الزوجية يعني ازدياد اشتعال نارها، وإضرام نار العداوة والبغضاء بين الزوجين إضراماً يذهب بما بقي من أواصر المحبة بينهما، وكتمان الزوجين سر بيتهما يعقبه السلامة، وإفشاؤه يعقبه الندامة، وصبرهما على كتمان السر أيسر من الندامة على إفشائه . وأخيراً يا أختي الفاضله أصبري على زوجك وحاولي تتقبليه وأسال الله العلي العظيم ان يسخر قلبه لحبك ويسكنك كل خلية في جسمه وعليك بالرضى بنصيبك وأحمدي الله عليه وطبيعي جداً تكثر المشاكل في أول ايام الزواج وهنا يأتي دور العقل والحكمه في وزن الأمور وحل المشاكل بدون تدخلات خارجية موفقه أختي الكريمه |
11-04-2011, 12:39 PM
11-04-2011, 01:33 PM
|
المشاركة الأصلية كتبت بواسطة حلآووهـ
الله يسعدك يا احساس و يعطيك على قد نيتك .. ما شاء الله عليك .. ياليت اقدر اتحمل مثل و اصير مثلك مطنشة .. انا اتعب بصراحة من الفراغ العاطفي .. ما اتحمل احد يطنشني اذكر بأيام الخطوبة سألني وش اكثر شي تكرهينه ؟؟ قلت له انو احد يتجاهلني و يتجاهل وجودي .. و هذا بالضبط اللي قاعد يسويه هو .. و بالتالي مو قادرة احس ناحيته بحب و لا حتى حنان والله العظيم ما اقول لك .. الهدايا و المفاجآت صحيح اقول يعتبرها سخافات و ما يهتم فيها .. حتى اذا بيسوي مفاجأة يقول لي بسوي لك هالشي مفاجأة .. و تخرب طبعا ههههه والله صحيح ما يذكرني بهدية .. بس الله يشهد فوقي اني عندي فلوس و مو محتاجة .. و مع كذا اللي ابغيه اشتريه ما يقول لي لا .. عنده يشتريه لي عادي .. بس مبدأ انه هدية يرفضه .. و أنا العكس تماما .. أما زوجك اللي يخلي بنتك عندك و انتي تزحفين من التعب .. هذا من جد يبغا له شغل جامد هههه الله يسعدك حبيبتي و يعيننا على ما ابتلانا احساس كوني قريبة |
11-04-2011, 09:31 PM
11-04-2011, 10:16 PM
12-04-2011, 12:18 AM
12-04-2011, 01:25 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
