طيب انا اخااف مااا اكلمه بالتلفون او بالحياه .. وغيره .. يتعود ويلقى له مخرج من الحياه وينساني


يارب اهديني .. وسخر لي زوجي
والله والله والله ان نفسي طابت منه

__________________

تدلعينه وشابلته من الأرض شيل وحالتك حاله وهو حتى مايهتم فيكي وش تركتي له يحاول عشان يكسب رضاكي اثقلي يابنت الناس الخفه مو زينه. انا بقولك تجربتي انا كان مدمن استراحات ومايجلس بالبيت وكنت خبله اذا جاء أحضر العشاء وانتظره لو الساعه 12 واجوع نفسي كله من نصايح البنات. المهم ثقلت عليه يرجع انا نايمه اطلع مع صديقاتي ومطنشته اللحين هو يراكض وراي بي أنا أنشغلت بحياتي. خخخخخخخ أهم شي طولت البال

هل مع كل الناس هكذا .. اخرص .. ام معاك فقط تعالي شوفي زوجي وهو جالس بين زوجتي اخاويه واحدة على يمينه والثاتية على شماله يحكي ويهرج ولا يصمت ابدا وانا بالمطبخ لاكثر من ساعة لا يحس بغيابي عن اللمة ولما ادخل عليهم واجلس معهم لا ينتبه لي .. لا ينظر اليا يستمر في هرجه معهما طبعا بوجود اخاويه وكاني غير موجودة تماما وكاني كائن شفاف غير مرئي او كاني لابسة طاقية الاخفى
الله يصبرنا ويعوض صبرنا

هلآ خيه .., شوفي جلسي دقي وطئمني عليه ها وصلت لدوام ؟ فطرت ؟ تغديت ؟ كل شي دقي عليه وسئليه واذ قالك ازعجتيني قولي له وحشتني وبكيفي تكلمي معه بهالكلام وبالدلع وبالمزح واضحكي وحتى لو قالك كذا ماعلي صبري عليه وعامليه نفس اي زوجه خلوقه وطيبوبه زيك صدقيني والله راح يفكر بكل هالاهتمام وبيحس فيك اكثر .., لاتقولين مابدق وكذا صدقيني الرجال يحب هالاهتمام وحتى لو انه مايسئل بس مرده بيحس فيش ., اذ تبين تبني حياتك سعيده تعاملي معه باسلوبك بـ صفاتك بتربية امك ومهما قهرك ترا هو يفكر وبيسترجع انتي وش تسوين وهو كيف يعاملك ؟.! اتمنى لك التوفيق بس انتبهي انك تسوين نفس مايسوي خليك الاحسن بس نفس ماقالو لك البنات الصبر ثم الصبر والله يغير حياتك الى الافضل

انا عااد موو هبله .. بس مرحه .. لكن من جد ببدأ اطنشه .. حسبي الله عليه ونعم الوكيل

__________________

والله هو ثقيل دم .. بس صراحه الحياه قصيره .. وهو مقصرها ازود

__________________

بحااول اطنش بس مدري

__________________

يا اختي لا .. والله ما طيح قدري عنده الا اني ادور رضاه .. وكله ابشر وتفااهم

انتوا ماا تتخيلون شلون انا تعبانه والله ان الدمعه من القهر صايره عسررررره

احس ماا في يدي حيله بس حسبي الله عليه ونعم الوكيل .. جد كرهته

الاسلوب هذا مااا جابه .. ابد

__________________

اهم شي لا تمثلين أنك منشغله وانتي تفكرين فيه لأنك كذا راح تملين بسرعه لازم تنشغلين بشي أنتي فعلا تحبينه انا انشغلت بالطبخ فتره ومليت وهو ما يسأل ورجعت أطارد وراه أكثر من أول بعدين صرت اسوي رياضه وفعلا أنبسطت وطنشته بس وربي مو قصدي بس صدق مو من زين مقابل وجهه ..والحمدلله أموري تمام التمام مبسوطه وابشرك صار يتصل كل شوي ويرسل وش جالسه تسوين ...وأنا أسحب خخخخخخ. الدنيا دواره. وربي يسعدك أن شاء الله