انتي تهاوشتي مع الكل يوم تزوجتي اكبر غلط ارجعي حسني اوضاعك معهم واتأسفي من حسن الخلق ابعدي الاهانه والكرامه هذي ماراح نفيدك بتمرضك اكثر لان كلنا بعدين تحت الثرى اطلعي وانبسطي بنات عمك بنات خالتك زوجك له الاحترام حتى لو اخطا حاولي تسكتين لين يهدى وقولي اللي تبينه لو في رساله عشان مايعصب اكثر وانتقي كلماتك كلمة وحدة تاثر والله يعينك كل هالدنيا مشاكل ماتصفى لاحد انا فيني العصبيه مثلك الله يثبتنا يارب ويوفقك وتشوفين النونو وانتي ب1000 خير يارب رحبي فزوجك اذا جا عوضيه الايام اللي فاتت خليه كانه امير دامه محافظ على الصلاة انسي يخونك اكرميه خليه يشوف فعايل فيك صدقيني بيموووت فيك ولاراح يهجرك لانه بيفقدك

ام عزام الله يجزاك الجنه.. انتي تقولين انتي تهاوشتي مع الكل ما تها وشت الا مع اخواتي والبلاء منهم ما يبون احد واخت زوجي لاانها متكلمه من وراي ومن كثر ما يزن فوق راسي اتركيها اتركيها ..ووو
ابشرك كنها بدت تنطحن الحبه الي براسه قبل امس وداني المطعم وقعد يقرب لي الاكل ويقطع لي لحم بصحني ..
واذا بغينا ننام يحاول يقرب مني
بس انا لاحضت عليه شي اذا شافني قويه وما جبت خبر له حاول يتقرب لي
وخاصه اذا شاف تلفوني يدق كثير وبدت علاقاتي تصلح كذا مره شفته يتجسس علي ويتسمع من اكلم مدري لاانو مستغرب من وضعي الجديد.
الله ييسر لي والكل مسلم ومسلمه .
وربي كبير ما يترك منهو بحاجته..

.................................................. ..ز

اختي سارة ان شاء الله تتحسن اوضاعك وتنعمين بالراحة والسعادة مع زوجك واولادك

فقط لا تجادلي زوجك ابدا ابدا مادامه لا يتقبل ابدا نقاشك معه
وبالنسبة لعلاقاتك باهلك واهله لازم تقويها حتى تخرجي من القوقعة التي وجدتي نفسك فيها
واني مازلت اتتبع اخبارك وان شاء الله دائما الى الافضل

معليييييييييييييش ... اختي
كيف يجيلك قلب تقطعين اخواتك
صراحه وضعك مع زوجك بكفه... وقبولك لمقاطعة اهلك بكفه
مهما جرى وحصل من خصام واختلاف وتشابك حاد ... يجب ان تذللي نفسك لأهلك وتطلبي السماح
ويمكن زوجك قرأ سلبيتك من خلال موقفك مع اهلك واصبح لايثق فيك
اختي الكريم من يصفح
من ناحيه اخرى انتي اندفاعيه الى درجة عدم التعقل
لا ابرر زوجك واراه مصيب لكن نحن نحاورك ولا لنا يد بزوجك
زوج عنيد ومكابر وفض... لكن انتي تساهمين في سكب الزيت على النار وتشعلين الحريق بدل اخماده
كيف بحياة يملأها الغضب ويمتد الى اشهر كما ذكرتي
اين العاطفه....
اختي لابد من ان تعدلي من اسلوبك الذي اجزم ان زوجك لايطيقه فيك
هو لايكره شخصك لكن طريقتك معه لاجدوى منها
احكمي عقلك وشدي على نفسك فالانسان يستطيع ولاتدعي الوقت يفوتك وتصبحي نادمه
اشعريه بأن انسانيتك ترغمك التجاهل... وانك تجاهدين لتسير الامور
هذا مالدي اليك
واسأل المولى القدير ان يفتح لك من واسع فضله ويقر عينك ويهدي سركم
حفظك الله

اهلين اختي ساره

قريت موضوعك ..من يويمن وانا اقراه شوي شوي

مسألة خواتك ..انهم يكلمون شباب ..مو معناته تقطعينهم ..انصحيهم ..وبالعكس انشبي لهم ..
تعالو نتقهوا ..تعالو نطلع نتعشى برا ..تعالو شوفو معي هالبرنامج ..مروض اسبوعيا وانتي عندهم


واذا عن زوجك مواعيد نومه بالعطل زي الاجازات ..
انا زيه ..من سنوات وانا كذا ..اول كان الكل يضحك علي ..بس الحين تاقلمو معي
زياراتي ابداها احيانا من الظهر واجيب غداي معي

محتاجه اغراض اطمر الصباح اجيبها

الزواجات من اول ماتجيني بطاقة الدعوه اشيل هم ذاك اليوم وسهرته ..

اختي ساره ..
اسلوبك بالتعامل مع زوجك خااااطئ

انتي معتبره زوجك هو كل الحياه ..لا خطأ ..الزوج على العين والراس ..بس يبقى جزء مهم من حياتي
مو كلها
وانتي قدامك النت ..خليه اداة انك تطوري ذاتك ..مو تهدميها بتشااتينق وخرابيط ..لا تنجرفين مع الخطأ

على فكره زوجك جدا طيب ..انا سافرت شغالتي سنه ..زوجي مافكر يساعدني لا بغسيل ولا باي شي ...ومع ذلك اعتبره طيب ..وطيب جدا
انا اكلمك هنا ..وحياتي فيها مشاكل ..بس مايمنع اني اتعايش معها ..ومع اني مايمر يوم بدون خلاف ..الا اني اعد نفسي سعييييييييييييده

لاني مع كل خلاف ..اكتسب خبره بكيفية حل المشاكل ..
تحياااتي ..توفي وفيصل

__________________

توفي فيصل جزاك الله خير ما قصرتي على كلامك الحلو
بخصوص اخواتي سويت الي قلتي لي بحذافيره وكنت اذا طلعت معهم السوق تخيلي يختفون كل وحده الله العالم وين تروح له اقعد ادور انا وبنتي الحالنا وقعد العبها لين يجون ما يفوتون فرصه ابد بذيك الامور.
وكنت اجيهم شبه يوميين وانصحهم وانو عمر البنت مو شي اذا ما تزوجتو الان متى بتتزوجون والى يومك هذا وهم يرفضون الزواج ويكرهون طاريه.
وبخصوص زوجي انا ما انكر انو يساعدني بالبيت وهذي علامه تحسب له
بس الي قاهرني انو اذا زعل ماعاد رضا والشهر عنده يوم يعني راحت حياتي على زعل في زعل.
وانا عارفه انو بكل البيوت مشاكل بس انا جا يتني المشاكل من جميع الاتجاهات من زوج واهل وعلاقات خارجيه
الله يسخر لي الي كلمتهم اقصد صداقاتي القديمه وهذي البدايه انشاء الله .

حبيبتي اختي الكريمه ..ساره

الحين تقدرين تطلعين لكل العالم وانتي بمحلك

في قروبات دينيه ..بالبيبي ماسنجر ..انا جربتها بنفسي ..اكرر قروب ديني ..
ومنها تتعرفين على صحبه صالحه

واجتماعات خيره ..
وتاكدي ان البرنامج الي تجملينه اامن ..ومايستعمل غالبا من جهة المنحرفين والمراهقين ..

ونفس الشي ..حلقات تحفيظ القران ..بالعصريه ..صحبه رائعه ..
ونفس الشي انا جربتها وكانت مرحله انتقاليه مميزه بحياتي

تحياااتي ..توفي وفيصل

__________________