مشكوورة سقيا ... والاخ .. رجل طيب جدا

اول مرة اعرف تاثير هالادوية
بس شو لزمتها مب عارفة

خايفة يكون كلامي هو اللي أثر فيه .. لانه من قبل ما عنده اي مشكلة
وما بيخبي عني ان كان اخذ من قبل .. لانه هالمرة هو حط الدوا بالمكان العادي ويعرف اني ما اطوف شي وعادي اقرا الورقة اللي داخل العلبة

اهلا ، ما اعتقد منطقيا شخص يتجه لطبيب وياخذ علاج بناء علي كلمه سمعها ،
ما اعتقد كلامك السبب ، لكن من وجهة نظري هي ضغوطات الحياه الطبيعيه
وبدلا من ان يجد حلولا طبيعيه اتجه الي الادويه ، ربما شعر بضغط العمل والحياه وتقصيره اتجاهك وربما لديه قلق وتفكير مستمر فاخذ هذا الدواء ليبتعد عن القلق والضغوط بانواعها حتي وان كانت طبيعيه مع كل البشر ،

كان بودي تساليه ويجيبك افضل من انك تقراي الورقه فقط
لان اجابته لن تكون شامله سيخبرك غالبا بالسبب مباشره ،

معتاد ياخذ عمره هذا التوقيت ؟ احيانا الانسان ياخذ عمره ايضا للراحه
هذا حل طبيعي علي سبيل المثال ، اما علاجات لا ،

السلام عليكن ورحمة الله وبركاته ..
أختي الكريمة أميرة هل زوجكِ أخذ السبراليكس قبل المشكلة هذه أم بعدها ؟!
بما أنك تعرفين الدواء الذي يأخذه لما لم تسئليه ؟!
هل تتوقعي لو سألتيه وأخبرتيه بما في الروشتة هل ستكون ردة فعله قاسية ؟!
ماهي التغيرات الأخيرة التي ضغطت عليه ؟! اسهبي في الحديث عنها ..
وماهو الدواء الثاني الذي يأخذه ؟!
فرج الله همك .

يمكن يكون ياخد هدا الدواء من قبل و توقف و رجع له مع زيادة الضغوط.

من الغير المنطقي أن يتعاطى عقار نفسي هدا فجاة و من غير استشارة طبيب مختص

__________________

(انما يوفي الصابرون اجرهم بغير حساب )

السلام عليكم ورحمة الله وبركاته ..
نعم صدقتِ ..
أغلب الأطباء يبدأ في علاج الإكتئاب للمريض بإعطائه هذا الدواء ويُعتبر عندهم الأخف وفيه جرعات 10و20 وغير ممنوع ومتواجد في الصيدليات بعكس بعض الأدوية النفسية لا تصرف إلا بتوقيع من المستشفى والهوية وعدد محدود .
لهذا أود أعرف ماهو الدواء الثاني ، في البداية تجعله جداً متعبة وإرهاق وحتى عندما يتركها ..

ارى انك تطرحي اسئله مهمه ولعلها تصل بنا الى الحل
اضم صوتي الى صوتك , واشعر ان فهمك للامر اعمق

وفعلا يجب ان تتكلم باسهاب وهذا لا يعتبر اطاله على العكس
معك حق , جزاك الله خير

اميره .....صدقيني زوجك ماسك الخط صح حياتكم قبل مالها طعم حياه انسان مكتئب ..

زوجك لما تقدم للطبيب واستخدم الحبوب رح تتفاجئي من مفعولها بإذن الله بيطلع انسان مختلف ان شاء الله يحب الحياه ويستمتع فيها ....


اميره شجعي زوجك لا تكثري أسئله انتبهي

خاصه ايش فيك ؟
لايكون أنا السبب؟
الطبيب ماعنده سالفه ؟

واياك تخوفيه من الاعلجه ؟؟

لو ماحب يفضفض لك اتركيه ع كيفه لكن حسسيه انه مختلف انه تغير عشان يستجيب اكثر مع العلاج .....

االي صاار ذكرته لكم قبل و هذا نسخ له

كملت الاربع اسابيع الماضية .. بالتطنيش . اخدمه واقوم بواجباتي لكن بدون ضحك وسوالف
ردة فعله .... الصمت وممشي الحال

قبل يومين مرضت بنتي ووديناها العيادة .. ونحن رادين اشوف الطريق غير .. شوي الا نحن قدام مطعم
وللعلم .. كل ما توتر الوضع بينا يسكت و بعدها يدويني مطعم و نرد طبيعين

ففهمتعلى طول انه يحاول يعدل الوضع بس بصمت
تعشينا وردينا .. وشوي بديت اكلمه ويكلمني
لانه هو من يشوفني زعلانه يسكت وما يسوي شي

اليوم الصبح قلتله اهل زوج اختي مسوين لها حفلة لانها عروس .. و اريد اروح
الجواب مثل كل مرة ( لا .مب ضروري )


حاولت وياه . مارضا .. قلتله زين باجر اهلي بيؤوحون الحديقة وبسير معاهم رفض


بصراحة انفجرت وقلت ربع اللي داخلي ..

من اللي قلتله
- انا دابما اتنازل وانت ما تتنازل ..
- انسى اني احبك وامسح هالشي من مخك
- عيش عزوبيتك مثل ما تبا و لما تحس انك محتاج زوجة دور لك غيري
- وجودك في حياتي صفر .. طول وقتك برع و الا فاعد مع التلفون وحتى عالفراش فونك معاك وتنام وتعطيني ظهرك
- طلعت من الغرفة غسلت بنتي ورجعت وانا البسها . قلتله .. ليش ماخبرتني هالاطباع قبل لنتزوج ؟ بس الحين خلاص

كلامي هذا كان بهدوء وهو يقول كلمتين و يسكت ..
قال .. انتي مثلا زوجة كاملة .. قلتله لا لكن اي شي تباه مني قول او شي مضايقك تكلم

و انتهى الحوار



االيوم الللي بعده نش االصبح وراح العيادة
وما سألته ليش .. لأأني كنت مضايجة منه

بعدها بأسبوع أهله كانوا رايحين لعمته وما رضيت اؤوح معاهم سألني ليش ؟
قلتله انت دايما تمنعني من الزياؤات اللي من صوبي وتحرجني مع الناس فاي حد من صوبك ما بؤوح له

ومن الكلام شدبت شوي و قلتله انت دايما ما تخليني . وحتى زيارة اهلي تماطل فيها وتاجل
وخبؤته انه وحده من الاهل قالت لي انتي من متى وافق زوجج دايما يخليج ويطلع يتمشى ويستانس

بعدها سكتني ومارضى يسمع
اقوله ليس تسكتني .. خلينا نحل مشاكلنا و نرتاح .. واشياءنا لسيطة
و طول الوقت يسكتني وتمدد ومسك تلفونه

ربما ضغوط ..
رغم انه لو يترك تلفونه ويعيش معانا . و ينظم وقته كل شي بيكون تمام
كل شي متوفر عنده .. الحمدلله ابوه شايل معاه وايد اشيا وامه موجوده والاوضاع المادية الحمدلله

خبرتكم اني قبل شفت الادوية لكن ما سالت .. وظنيت شي عادي لانه هو دايما يهتم بصحته وكل دقة يؤوح للعيادة

كان راد من الدوام وتغدى و شفته ياخذ الدوا .. سألته مال شو هالدوا ؟ قال يوم بقوم من النوم بخبرج
قلتله لا الحين .. قال بعدين وطبعا هو ماسك تلفونه وشغال عليه

ففتحت الورقة وقريت وانصدمت .. بس كلمته بمزح على اساس الدكتور ملخبط بالادية و عاطينه ادوية مالها داعي
اقوبه شوف شو كاتبين مال الاكتئاب .. من صدقك تاخذ اي دواء يصرفونه لك

قال شفتي يبتيلي اكتئاب وهو يتكلم بمزح .. قلتله شو فيك؟ مارد
زين شو قلت للدكتور ؟قال قلتله عطني دواء .. هو يمزح

وبس ما تكلم اكثر ونام
و بعدها نش طلع اشترى كم من شغله ورجع رتب شنطة السفر ونام
وثاني يوم راح الدوام ورد بدل وشل شنطته وسافر
فما مداني اتكلم معاه اكثر

و هو مسافر شل الادوية معاه .. قلتله حطهن لا تاخذ مافيك شي. حط تلفونك وعيش معانا وخلاص ومب زين تتعود عالادوية
قال لي صار لي اسبوعين اخذه .. وما فيني شي تغير وما يضون

هاللي صار

اما العمرة فهذي اول مرة يسافر من تزوجنا