وققققققققققح لأبعد حد ..

ليت تحتفظي برسائله ( أدلة ) لك ..

لم اجرؤ على الرد مسبقا فقد أمرضني عدة ايام
اختي ... هناك شيء جلل لم تجرؤي على بوحه ، وكان يجب ان تبداي به.. افرغيه حتى تكفي من الحشرجة

__________________
الحمد لله..اللهم صل على محمد و ال محمد

التفريغ المنهجي

الله يبتليك. فإما ان تتجاوزي البلاء والاختبار. ويرزقك من فضله وهو. الغني
وإما ان تنساقي له من اجل المال ! ولو بدافع الحاجه !

فتخسرين الخسران العظيم


احظري رقمه. بخدمة كنترول ولن تصلك منه رسائل ولا اتصالات
وسوف تكونين آمنه مطمئنه. لن يدب فيك خوف. يسببه لك ابليس لتنساقي وراء هذا الخبيث

وسيضن انك. قمت بتغيير. رقمك وسوف يمل. ويتركك

في الدوام والاماكن العامه لايستطيع فعل شيء لك

__________________
..

كأني أشوفه وهو يرسل أول رسالة وهو مرتبك ومتردد
وكأني أشوفه وهو يرسل آخر رسالة بحماس

أتوقع ارتبك بأول رسالة لأنه كلام قووووي
لكن لما شافك صامته أمام هذا "السخف" صار يرسل بشكل عادي ومتكرر
والله مدري وش اللي يجبرك على احتمال كل هذا الكلام
الرسائل إثبات قانوني ضده خصوصا أنها متكررة
الجإي الى الله وافعلي الاسباب
ولا أرى بدا من الشكوى الرسمية سواءا عن طريق الكلية أو عن طريق الهيئة
اكتبي خطاب رسمي للكلية
أو بلاغ خطي للهيئة
أو على أقل تقدير هدديه بأنك ستبلغين عنه
او على الاقل الاقل هدديه انك ستخبرين تعيسة الحظ زوجته
أما صمتك فهو طريقه الممهد لك ...
حسبنا الله وكفى،،،

__________________

=
بإختصار شديد جدا بدون تنميق !





صاحبة الموضوع. هل اقمت معه علاقه. ولو مكالمات. حتى !

لأنه لم يساعدك. الا لحاجه في نفسه.

__________________
..

عزيزتي

فصل عضو هيئة التدريس من الجامعة ، بحالتين ..

قضية ( أخلاقية ) كهذه ..

أو ( غياب لفترة طويلة بلا عذر ) ..

و بيدك الشي اللي يدينه ..
ليه ساكتة ؟

الله يثبتك على الحق ويحفظ عرضك
أختي أحتفظي برسائله ولا تجارينه بالرسائل
ونصيحه لوجه الله تعالى أعرف بنت تعرضت للي تتعرضين له
لكن استعانة بعد الله سبحانه وتعالى بالهيئه و أحد الشيوخ لااتذكر من بالظبط هل عمر المقبل أم العريفي
وكل هذا بسريه تامه لا والدك ولاعمك ولااحد يعرف سواك انتي وهم
يأختي البنت هذي كانت صورها عند مجموعه من الشباب وساعدتها الهيئه بسريه
أنتي الحمدلله صاينه نفسك أعتصمي بالله واستخيري بأمر الهيئه واتصلي لا تترددين نهائياً
جربي يأختي ماأنت بخسرانه شي تكفين جربي
المؤمن القوي خير من المؤمن الضعيف
لازم تتصرفين بس قبل اي تصرف صلي ركعتين واطلبي العون من الله

لاحول ولاقوة إلابالله العلي العظيم الله يكون في عونك ويصرف كيد وشر الفاسد عنك ويشغله بنفسه يارب بالنسبة لرسائل اللي يرسلها لك هي رسائل قوية وجريئة وتدينه في حال إن الرقم اللي يرسل لك منه هو الرقم المعتاد على استخدامه في عمله او إنه مسجل بإسمه لأنه في الغالب اللي يمشون ورى هالسوالف تلاقين عندهم رقمين او ثلاثة ارقام واحد منها يستخدمونه في قذارتهم وفسادهم بالأول تأكدي إنه الرقم اللي يراسلك منه هو رقمه المعروف في محيط عمله وثانيا لا تهددينه برسائله ولا تقولين له بأفضحك عند زوجتك لأنه إحتمال يدعي فقدان جواله في مكان ما وانه توصل رسائل لأصحابه من رقمه المفقود وبيقول لزوجته كتحذير لو وصلت لك رساله او إتصال من رقمي لاتردين عليها لأنه رقمي مفقود واحتمال اللي حصله ازعج الناس برسائل والإتصالات ولا تستبعدين انه انتي تكوني من ضمن هالناس بالنسبة لصديقتك تأكدي منها زين ومن اخلاقها مو كل ملتزم شكليا معناته إنه مايخطئ ولا يغلط انا اتفق مع كلام الأخت الفاضلة مفارق في كلامها يمكن وراء الأكمة ما ورائها وسكوتك عليه هو اللي خلاه يتمادى ويتجرئ ويرسل لك سخافاته وأفضل حل إنك ترفعين عليه دعوة او شكوى بأنه يتحرش فيك وتقدمين الأدلة اللي تدينه وهي الرسائل بس لازم تتأكدين إن الرقم اللي يراسلك منه هو رقمه وبإسمه ولا شيلي جوالك اللي فيه الرسائل وخذي معاك إمرأة تثقين بها وروحي لزوجته عندكم في مقر عملها وخليها تشوف رسائل زوجها وقولي لها بالحرف الواحد خلي زوجك يبعد عن طريقي احسن له ولايحاول يضرني او يأذيني في عملي ودراستي ولا راح ادمر حياته ومستقبله وسمعته بين الناس وارفع علية دعوة تحرش وابتزاز وأخلي الأمور تاخذ مجراها والأدله كلها عندي اللي تدينه وتدمر كل شئ بناه في حياته وانا جيتك الحين ونصحتك لأنك زوجته وتقدرين تنصحينه وتخلينه يترك عنه شغلة المراهقين وقولي له عيب ويستحي على وجهه من فعايله والسلام عليكم واتركيها وروحي لبيتكم وخذي لك جهاز غير جهازك اللي فيه رسايله وجهازك اللي فيه الرسائل خبيه بمكان ما احد يدري عنه علشان مايتسبب لك بمشاكل ومتاعب وهو يبغى يخفي الأدلة اللي عليه ومثل ماقلت لك لو حاول يضرك بشئ على طول اشتكيه والأدله معاك وربنا ماراح يتركك لوحدك واتمنى إنه تكون شخصيتك قوية حتى مع ابوك مو كل مرة هو يفرض عليك الزواج بالقوة من الشخص اللي يعجبه لا تكونين ضعيفة لدرجة هاذي ترى حياتك انتي ابخص بها ابوي على عيني وراسي زواج ما بتزوج إلا من اللي يناسبني خلاص كفاية انتي مو حقل تجارب كل مرة يختار لك واحد اردى من الثاني لازم يكون لك كلمة وموقف وترى إذا ثبت إن ابوك يغصبك على الزواج ويعنفك بالضرب ترى لك حق تشتكينه وتاخذين حقك منه مو كل بنت يضربها ابوها زوجها اخوها ضرب عنيف ويهينها ويتحكم في مصير حياتها وتسكت له هذا السكوت هو سبب وصول النساء للمراحل هاذي وسبب الأمراض النفسية والإنتحار والهروب من المنزل هناك انظمة وقوانين تكفل لكل مواطنه حقوقها بس هي تتكلم وتنطق لاتسكت على كل مايمارس ضدها سوى من اهلها او من اي طرف كان لو الأهل معقدين وعندهم مشاكل نفسية وعندهم العنف سائد في تعاملهم مع العنصر النسائي ويبغون يفرضون كلمتهم وقوانينهم البائدة على الضعوف ويظلمونهم هناك جهات خاصة ترعى مثل تلك الحالات وتهتم فيها كل إمرأة تتعرض لظلم والعنف تطالب بحقوقها عبر الجهات المختصة وحقها ماراح يضيع إن شاء الله لا بد أن ربنا يسخر لها من ينصفها في الحقيقة شئ محزن للغاية عندما المرأة يتنكر لها ابوها ويذلها ويغصبها على شئ هي لا تريده الأب اللي المفروض يكون لها سند وعون بعد الله عز وجل يكون هو سببا لتعاستها وشقائها وتعبها في الدنيا نعوذ بالله من تلك العينات من الأباء الظالمين ونسأل الله أن لا يكثر من أمثالهم ومن امثال هالرجل الفاسد الحقير اللي صاير عبد لشهواته نسي الرسالة العلمية اللي هو مؤتمن عليها وإنه المفروض يكون قدوة صالحه في مجتمعه وكمان هناك نقطة اخيرة اريد ان اعرف ايش الفائدة من تعليم الرجال لطالباتنا في الجامعات ايش هي الفائدة يعني الحريم المتعلمات انقرضوا من بلدنا والبلدان العربية ما حصلوا دكاترة وأساتذة من النساء يعلمون ويدرسون بنات البلد مانقول إلا حسبنا الله ونعم الوكيل في كل فاسد وكل من يسهل الطرق للفساد المشكلة إنه هناك مدرسين بجامعاتنا كل توجهاتهم وتفكيرهم غربي متشبعين بالأفكار الغربية والتحرر نسأل الله العفو والعافية في ديننا ودنيانا يارب

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

انصحك نصيحه لوجه الله بلغي الهئيه
ويسون له كمين ويقبضون عليه
لاتخافين والله العظيم الهئية تستر على صاحب البلاغ
او ضحية الابتزاز الله يجزاهم الجنة
والله الهئية شغلها جبار بلغي وماراح تخسرين شي
وربي يشهد زوجي حقق في قضية مستشار اسري بالجامعة صاحب علاقات بنات
يقول للزوجي انه ضعفت نفسي عند فتنة الحريم من اتصالاتهن عليه
وحقق زوجي مع شيخ وراقي كذلك اضعف عند فتنة الحريم وعنده علاقات بنات
بلغي سوي خير فيه وفي نفسك
ترا النفس امارة بالسوء

__________________
علـق القَلب بـ الخالق وأجعل الحُب اﻷ‌عظم له
أما البشر فـَ غداً ربما تبغض من أحببت وتحب من أبغضت
فﻶ‌ تبالغ بـ مشاعرك وﻵ‌ تعلق قلبك بهم | ♥"

صح كلام الاخوات وكمان ياليت تخلي جوالك اللي فيه الرسائل اللي تدينه في البيت عشان مايتفق مع واحده من صحباتك انها تمسحها من جوالك عشان يبقى عندك دليل الإدانة... وفقك الله