مريم .. والله ما العب عليكم .. والله اني ماعرف المحارم بالتحديد ..بس اي نتستر عندهم ومغطيه شعري اكيد شعري افتحه عند اخواني فقط ..
وانا مالي بال ولا قوه اني ادور عن احكام شرعيه
انا تعبانه وابي ارجع لزوجي

انا تعبانه في بيتنا الكل ينظر لي نظره اني انا اللي فيني عيب او شي غلط .. صرت بروحي في غرفتي وانقطعت عن الاجتماعات العائليه مالي خاطر اطلع من البيت ماعندي غير النت افضفض فيه ..
انا ابي اكلم عمتي ( ام زوجي ) بس ماني عارفه شو اقول لها .. وامي من الناحيه الثاني مادري اشلون اقنعها .. لانها رافضه فكره انه تكلمهم او حتى اني ارد له .. تقولي ادور لك اللي احسن منه

يا عاشقه تلعبون اونو وضحك وسوالف وتقولين متسترين !

الستر ليس في اللبس حتى في التعامل في حدود الشرع

انا بس ابي اعرف 6 شهور ملكه شو كنتم تسون فيها ؟ تلعبون اونو

ما تعرفتوا على بعض وعرفتوا طباع بعض وشو يصير وما يصير .. ماخذين الملكه حب وغرام

أمش يا عاشقه لا تقولين لها معقد الغي هالكلمه من قاموسش قولي يغار

هو تسرع وانتي ابديتي عدم المبالاه لشعوره كزوج ورجل .. حاولي تسعين وتصلحين الامور

__________________
وهل من مصير اخر ؟

لو رجعتي لزوجك ..
كيف راح تكون اعللاقة بينك وبين زوج أختك ؟؟
متى وكيف راح توصلين له إن لازم تكون فيه حدود ؟

" والمحرم للمرأة هو من لا يجوز له مناكحتها على التأبيد بقرابة ( كالأب وإن علا والابن وإن نزل والأعمام والأخوال والأخ وابن الأخ وابن الأخت ) أو رضاع ( كأخي المرأة من الرضاعة وزوج المرضعة ) أو صهرية ( كزوج الأم وأبي الزوج وإن علا وولد الزوج وإن نزل ) "

بحثت وهذا اللي حصلته .. بس السؤال كان الي يجوز للمرأه تكشف شعرها عندهم

فترة الخطوبه والملكه مع بعض 6 شهور .. ومره وحده فقط لعبنا وزوجي ما عجبه الوضع وما كمل للاخر معنا .. بس قال انه يستحي يجلس مع حريم ولا هو متعود .. بس ماقالي انه رافض الفكره نهائيا .. وكنا نطلع مع بعض احيانا بس مو كثير .. لانه امي كانت تمنعني ولا ادري شو السبب .. مع انه مع اختي المخطوبه الان يطلعون على راحتهم ومو شرط وحده من خواتي معهم .. امي تفرق بينا .. بس انا ما حطيت في بالي انه زوجي رافض الفكره نهائيا والا كان تفاهمت معه قبل العرس بفتره طويله

وأخواتك كيف علاقتهم مع أزواج أخوات أزواجهن

هل يسمحون لهن بالكلام معهم ولا بس هم ماخذين راحتهم معكم لأنكم عائلة كوول وهم عاجبهم الوضع

الحقيقة أن موقف زوج أختك يتصل عليكي في ثلاث يوم و أنتي عروس فعلاً شي يقهر

الناس أخواتهم العرائس ما يتكلمون معهم في أول أيام الزواج من كثر خصوصية هذي الأيام بين العروس و عريسها

و أنت زوج أختك يريد يطمن عليكي ؟؟؟؟؟؟؟؟؟؟؟؟؟

لا ألوم زوجك أبداً فهو رجل ومن حقه يغار يشوف عروسه في أول أسبوع تسولف بالنص ساعة مع رجل و في نص الليل

أيش يريد يطمن عليه الملقوف هذا زوج الأخت

يعني هو مهتم فيكي أكثر من أبوك و أخوانك و أخواتك!!!!

مثل ما قالوا الأعضاء أول شيء لازم تعرفين أن اللي عملتيه خطأ ووضعكم أيضاً خطأ

ثم تبدين بالخطوات العملية للحلول

اختي لما حجز وقال انكم ترجعوا عبلدكم وطلقك
ايش كانت ردة فعلك؟
يعني اعتذرتي ..اعترفتي انك اخطات... ترجتيه..؟
ماذا حصل بالضبط؟

__________________
ربنا هب لنا من ازواجنا وذرياتنا قرة اعين واجعلنا للمتقين اماما

وأخواتك كيف علاقتهم مع أزواج أخوات أزواجهن

مافمت الصراحه منو تقصد .. علاقة خواتي مع مين .. تقصد علاقتهم مع نسايبهم .. ؟
زوج اختي اخوانه كباااااااااار اختي لا ما تكلمهم .. وهم لهم سوالف مع زوج اختي بالميراث فعلاقتهم شبه مقطوعه .. هو الوحيد اللي قاعد مع امه واختي معاه في بيت امه ..

وانا قلت لمن اكلمه اختي اللي تتصل .. مو قاعده اكلمه اهو نص ساعه ... لا شو اهو واشوي اهي .. زوجي زعل لما قال عني لها وحشه في البيت فاضي بدونها .. يمكن هذا اللي زعله وانا بتفهم هاي النقطه بس ما اعطاني مجال قطعنا سفرتنا وطلقني