الله يخليكم لبعض ويحميكم..
في نقطة ماعجبتني بالمرة من زوجك، وهي انو بخبي عنك اموره المادية..

سيدة الموقف

ايوة عنده الحركات هذه، مثلاً بشعبان سافرنا برة بس 10 ايام و كان يقول ماعندي فلوس اسفرك ..
و حجزت أنا التذاكر و كذا و قلتله حساب الاكل و الشرب عليك و برضو يقول ماعندي
و كنت حزنانة عليه و راحمته

وقت سافرنا و وصلنا البلدة و نام .. كنت بأدور عن الجوال بجيبه و لقيت 4000 ريال كااااااش
طيب ليه مايقول لي انه معاه و لا اشيل همه ؟؟؟

كان ناوي يخبيها عني و مايقول لي و اجلس أنا اصرف ..
و اللي يقهر .. انه يقول ( احمدي ربك صرفت عليك هناك )
و مع اني أنا اللي دافعة التذاكر و الفنادق و اغلب الاشياء و الفيزة ..
و هو ما عمره بحياته خرج برة السعودية سياحة ..

ايش اللي يضمن انه نفس الشي دحين ؟؟؟
يكون مثلا معاه فلوس بس يبين لي انه ماعنده عشان أنا اصرف و اوفر له ؟؟؟

.
.

زوجي عموماً اذا براسه شي، يقدر يدبر عمره باي طريقة ..

يا روح انتي كتبتي المشكلة والحل ...

ما عندي غير الدعاء بتيسير امورك وشفاء الوالده وكل مريض يارب

نورة

حكاية اني استأجر شقة لنفسي، شلتها خلاص من راسي .. بس اذا ماجاب شقة بعد شهر
ايش الحل ؟

يا اروح عند اهلي، و وقتها راح ادخل اخوي بالموضوع .. لانه لحد هنا و احس كفاية ..
خليه يخجل على حاله .. بس عشان شايف ماحد بيتكلم من اهلي ..

( هذا الطبع موجود فيه من زمان .. يعني مثلا يشوف شي عندك و عجبه .. خلاص ياخده و يعتبره ملك له ..
و لو مثلا سكتي له .. يرجع كم مرة و ياخد منك و يستحل لنفسه أغراضك ،، و لو تكلمتي، قال عنك ماتستحي )

.
.

و أميل الصراحة لرأيك كثير و محتاجة بس تشجيييييع و تقوية قلب ..
أنا عارفة انه يمثل علي عشان يكسب تعاطفي، لانه شاف كم عندي بحسابي بالبنك .. و عرف راتبي وصل لكم ..

تأكدت امس انه مستني مني اني ادفع ..

قالي امس .. خلاص لقيت واحد اتدين منه إيجار شقة جديدة، و خلاص اصبري كم يوم و بننقل للشقة الجديدة ..
( عارف اني ضد انه يتدين من احد .. بس ماعاد يهمني .. و يبغاني أحزن عليه )
قلتله كم اصبر ؟ قالي خلاص اليوم قلتلك باتدين منه ..
قلتله أوكي كم اصبر لحد ما الشقة الجديدة تجي ؟
قالي يعني كمان كم يوم ..
قلتله باروح الشقة بكرة قلتلك و ماني جالسة عند اهلي ..
( بيضحك علي زي كل مرة، عشان نجلس كمان عند اهلي )

( وقت يشوفني جاااااااادة .. يبدأ يتحرك .. و امس كنت جادة مرة معه )
بعد شوي جالس يدور عن عقارات بالنت و يتصل عليهم و يسالهم ..
بعدين قالي فيه شقة ب19 الف و قريبة مرة من بيت اهلك و 3 غرف ..
قلتله طيب خذها ..

طالع فيا و قال شايفتني جالس على مال قارون ؟
ضحكت و قلتله ( مزح طبعا .. لانه هذا هو اسلوبه )
خلاص و لا يهمك .. خمسة من عندي ..

لو تشوفي الابتسامة اللي اترسمت بوجهه .. و جلس يقلب بعيونه و يحسب
قلتله: ايش بك ؟ جالس تحسب ؟
قام ضحك لانه عرف اني فاهمته ..

بعد شوي قالي فيه شقة طيب 4 غرف بعشرين الف .. قلتله 4 غرف كثيرة
قالي طيب بس الفرق الف ريال .. يالله انت ادفعي 10000 و أنا ادفع 10000
و نتعادل كذا ..

قلت له طيب و كيف يعني ؟
قالي ادفعي انت بالبداية 10000 حقة اول ست اشهر و بعدين الست اشهر الجاية أنا ادفعها
قلتله .. ايوة عشان تضحك علي و بعد ست اشهر تقول و الله ما معايا .. عارفتك ..

قالي .. طيب خلاص انت ادفعي دحين 5 الاف و أنا ادفع 5000 ..
و بعد ستة اشهر ،، انت تدفعي 5 الاف و أنا كمان ادفع 5 الاف ( و نتعادل كذا )

طنشته و مارديت عليه ..
خليه يحلم

مو قاهرني غير كلمة ( و نتعادل كذا )
الفترة الاخيرة صائر يكررها كثير، كأنه شايف انه وقت يصرف علينا .. فهذا كرم منه ؟؟؟

الله يسعدك أبغى اقسي حالي و استغل الفرصة هذه عشان يتعلم و يعرف اني ماني ملزمة باني أساعده ..

أية حل الله يسعدك ؟

اني اتركه يدبر حاله ؟
صدقتيييييييييه انتي يا ذكريات ؟؟؟

هذا بس كلام اذا ما شاف مني ردة فعل ( فعلية ) ..
طيب كيف أخد ردة فعل ؟

كان قدامي خيارين ..

يا اروح لأهلي و اقول لاخوي الموضوع .. و هو يتفاهم معاه
و يقول له ماتبغى زوجتك و اولادك و ثقيلين عليك، بيت اهلها موجود
و يحط النقط عالحروف معاه و يقوله تصرف عليها و على اولادك

او اني ما ادخل أحد و اخدلي شقة و اقفل جوالاتي و اغير رقمي
و ما اقول له فين نقلت و ارتب الموضوع مع اخوي ..

أنا قلت لأخوي بشكل عام الموضوع، بس اخوي ماراح يتدخل الا اذا طلبت منه
*

يا روح مستحيل أهلك بيخلونك تاخذين شقة وتجلسين لوحدك هذا من جهه
من جهه ثانيه زوجك ما راح يتركك وما راح يسمح لك انك تجلسين بالشقة لوحدك
وممكن يجي بكلمتين وترضين ويسكن ولا راح يدفع
شيلي من بالك هالفكرة لأن حتى معناها عنده انك تدبرين امورك
والفكرة صعبة بالشكل العملي من بيوديك ويجيبك ويجيب أغراضكم
ومين بينتبه للولد وانتي بدوامك لو لا سمح الله احتاج لشيء
صعبة طلعتك ببيت لوحدك بالمنطق والعقل
إلا إن كانت شقة بجانب والدتك او اخوك

شوفي يا روح ..
لا تناقشيه ابدا كيف بياخذ الشقة ولا من وين بيجيب
اتركيه ولا تخافين على الرجال يدبرون أنفسهم

اما إذا ناوية تحطين حد وبتكبرين الموضوع فلا تطلعين من بيت أهلك
اعرف ظروف الوالده الله يشفيها بس هو الخيار الاسلم

لوفي

زوجي كان شايف كمان انه ولدي الاول من مسؤولية اخواني، مو من مسؤولياته ..
كان يقول ( ولد أختهم .. غصبا عنهم يربوه )
ما يشوف انه تكرم منهم و انه هو اللي غصبا عنه يهتم باولاده ..

و إجابة الأسئلة تبع الراتب، كتبته فووووق بالردود اللي قبل
و انت قلتيها بنفسك.. يبغى يعيش طول عمره مراهق و عزابي ..
لانه انحرم من مراهقته قبل لا يتزوج .. بس يكفي لحد هنا ..

و الشغالات اللي بالساعة اسعارهم غالية مرة ..

و أنا احتاج شغالة لانه عندي 3 أطفال بالبيت، زوجي يغار من أولاده وقت اهتم فيهم ..
يبغاني بس اهتم فيه .. يبغاني اكون الماما و البابا له هو و بسسس .. و اترك شغل البيت عالشغالة
و عادي عنده لو الشغالة تربي أولاده، عكس بقية الرجال ..
*بس راح أأجل فكرة الشغالة دحين..

كنت محتاجتها عشان اذا رجعت سافرت برة، اخدها معاي ..
بس ما باسافر غير بس ما أتطمن على امي و بعد ما اضمن شقة تمليك ..

(كل ما زودتي و بالغتي في العطاء .. كل ما راحت قيمته و اصبح وااااااجب )
بالفعل .. هذا شكله اللي راح يصير ..

لانه ببريطانيا كنا ندفع إيجار البيت كل شهر بالنص و لانه الراتب ماكان يكفي هناك
بس قلتله وقتها بالسعودية ترى الوضع مختلف و ما ارضى بكذا و قالي اكييييد طبعا.. فشكله دحين
مستثقل انه يدفع الإيجار ..

شكلي بدل ما أنا اللي احطه امام الامر الواقع، هو شكله اللي بيتعامل معاي مع هذه السياسة
انه طننننننننش موضوع الإيجار لحد دحين، عشان يحطني امام الامر الواقع و اقوم ادفع له ..

تائه القلب ..

أول كائن ذكوري يرد ..
ماني بنت الحكمي.. لكن من عاشر قوم ..

كلامك نفس كلام امي، و هذا اللي أنا باعمله بشكل عام بحياتي و ما اقصر على أولادي اهم شي ..

بس مرة اخدت رأي امي بالإيجار تبع البيت باني أساعده و قالتلي هذا مو شغلك .. زوجك هو اللي يدفعه ..
و هذه مسؤوليته هو ..

سيدة الموقف ..

لو باكفله مو احتمال يورطني، مليون بالمييية .. بس لا تخافي علي ..
ادقدقت على راسي كثيييييير منه و من اهله بداية الزواج و تعلمت

و هو بالفعل، فيه خير بس يبغاله صقل مثل ماقلتي ..
قبل كم يوم عامل حاله زعلان عشان قلتله لو بأقدم على شغالة، ابغى
ورقة إثبات من المكتب باستلام المبلغ، زعل مني و يقول مو لازم إثبات
تبغي إثبات .. خلي اخوانك يجيبوا لك

قلتله كلامي ما يزعل، و أنا طلبت إثبات و من حقي ..
هذه عشرة الاف مو ألفين ..