ابدا اخوي مافيه سبب على الاقل مافيه سبب يستاهل هذاالكره كله

بخصوص الكبره لاالحقيقه لا ماهي متكبره

تعاملها مع الاولاد برضو فيه اهمال وانا سبق واني ذكرت امثله في الموضوع السابق

شرعاً الزوجه مو واجب عليها الطبخ والغسيل والتنظيف الا اذا زوجها اشترط بالعقد

رح عند الفتاوى و تشوف ان كلامنا صحيح

الواجب على الزوجه الفراش وتربية الابناء

ما ادري ليش الرجال يشوف زوجاتهم طباخات لهم !!!!

تتوقعين انها راح تتخلى عن وظيفتها عشاني
مستحيل طبعا وخاصة انهم شارطين من البدايه

أكيد ما راح تتخلى الان في جمعات الحريم يقولون لبعض الوظيفه اهم من الزوج

يعني طول هالسنوات كانت تطبخ مايشفع لها الحين
الله يسخركم لبعض

اجل ملت وتعبت تبغى ترتاح اذا جت بيتها

ما فيها شي اذا الخدامه طبخت ليش جايبين الخدامه !!

ليش الأجانب ما عندهم خدم لانهم يساعدون زوجاتهم في شغل البيت و التربيه

لكن مجتمعنا كل شي على الزوجه وإذا طلبت خدامه الكل يلومها هي مو اله بشر تتعب وتمرض

حسب ما فهمت من كلامك , أنها لا تخرج بدون إذنك كما يُفهم من هذه الكلمة حرفيا
ولكنها تستأذن للخروج لمكان ما , ثم تتبع مشوارها بمشوار آخر
صح ام خطأ ما فهمته ؟

نعم اخوي تستأذن انها تروح امكان معين وتروح لاماكن ثانيه



هل رجوعها كالسابق .. كان فجأة هكذا بدون مقدمات ؟
أم بالتدرج ؟ أم بعد مشكلة معينه ؟

بدون مقدمات جسلت كم يوم كويسه وبعدها رجعت لنفس ماكانت
حتى اني رحت للحج ولله الحمد ووديتها لاهلها عشان تعيد عند اهلها تصدق اخوي انها ولا مره اتصلت علي تشوف كيف الوضع ايش مسوي يعني مثل باقي الحريم ولا حتى حتى اتصلت تعايدني
ولما كنت ابي ارجع من الحج اتصلت عليها وقلت اني راح ارجع اليوم وفعلا لما وصلت اتصلت عليها وينك ابي اجي اخذك قالت لا اليوم ماني جايه


هل حاولت تلطيف الجو معك قبل تجميع أغراضها ؟

الغريب انها كانت مستعجله !!
لدرجة اني كنت مداوم بشفت اخر الليل من الساعه 12 الى 8 الصباح وطبعا مافيه نوم ووصلت البيت على 8ونص ولما دخلت الغرفه لقيتها جاهزه وجيت ابي انام شوي قالت قوم عشان نمشي وفعلا قمت وانا مانمت ومشينا
ولاحتى حتى جابت سيرة عيالها انها تبيهم او اي شي يخص العيال ماتكلمت فيه
ولما وصلنا لبيت اهلها نزلت اغراضها وقلت لها في امان الله واستري ماوجهتي حسيت انها توها تصحى من نظراتها وحسيت ان فيه شي مخطط له مع اخوانها مدري وش هو


مثل ماذا هذه الأمور العاديه ؟

مافيه امثله الحين ببالي لكن ان شاءالله راح اذكرها فيما بعد

ونعم فيكم جميعاً وكلكم فيكم الخير والبركه الله يطول باعماركم

والله يجزاك الف خير

ابدا ماتواصلت مع احد والغريب ان ولا واحد من اخوانها اتصل علي الى الحين وهذا اللي خلاني انقول ان الموضوع مدبر والله اعلم بس ايش الهدف مدري


اخوي ابوحكيم انا قبل اوديها بالليله كنت مداوم فيها جت ببالي فكره مدري وش سببها بس سويتها
وهي اني كتبت لها رساله طويله وضحت فيها ايش الاخطاء اللي جالسه تسويها بالتفصيل واستعنت بالنت لاخذ الادله الشرعيه لكل خطأ واقصد بالاخطاء اللي صارت عاده عندها وحطيته بظرف واعطيتها لما وصلنا لبيت اهلها عشان تقراها


هدفي بصراحه اني اخليها فتره طويله حتى تعرف اني جاد واقدر استغنى عنها وعشان تعيش عند اهلها
وتحس بالنعمه اللي كانت عايشه فيها

اختي الدعوه ماهي فزعات الله يهديك

ابي اعرف الزوجه وش تسوي اذا الطبخ تقولون لا والشغاله هي اللي تربي والشغاله هي اللي تطبخ والشغاله هي اللي تغسل والشغاله هي اللي تنظف ايش دور الزوجه بالضبط؟
تحمل بس ويمكن لو بيدها بعد كان وكلت الشغاله بهالشي بعد استغفر الله العظيم
ويقولون ليه السمنه منتشره عند الحريم من هالجلوس وقلة الحركه وقلت بركه بعد

اما عن موضوع الاجانب الاجانب الزوج مو مسؤل عن مصروف الزوجه يعني اما تشتغل وتصرف على نفسها والا تشحد

لكن حنا لنا دين ولنا عرف هو اللي يوجهنا