تحليلاتكم معقولة اخواتي
لكن ما رأيك يا صاحب الموضوع
هل التحليلات فتحت لك أفق ثاني للتفكير

__________________

اللي اشوفه ان موضوع زواجك بهذه الفتاة من البداية غلط
وهم غشوك عندما لم يخبروك بانها تتعالج عن طبيب نفسي
وكمان لفت نظري.. ماادري ليش الاهمال ً...
معقولة بنت ابوها مرتاح ماديا ماتهتم في حالها
بالنسبة لاسنانها في الف طبيب وطبيب اسنان
واطباء الجلدية على قفا من يشيل....
بس واضح ان تصرفاتها فيها الكثير من الاهمال
بصراحه اشوف انت ماقصرت... البيت واسسته ع مزاجها... سفريات ووناسة
وزوج حليم معها.... بعض الازواج مايتقبلون التصرفات الغير لائقة في الاماكن العامة بس انت طنشت ..تصرف حلو
شايفين انفسهم عليكم
لو كانت واثقه من حالها كانت جلست مع وفسرت لك مايدور بالتسجيلات...شئ عادي..مايحتاج التصرف اللي عملته
والعقل يقول اكيد في شئ مادامت هربت من المواجهه وبعدين ليش الاصرار ع حكاية مسح التسجيلات..اذا هي بريئة اصلا ماراح تهتم بهالشئ

وانت ليش مصر ترجعها هل عشان ابنتكم او عشان سبب ثاني وبالمفتوح اقصد الحصول على الجنسية اللي تحملها زوجتها...اعتقد الامريكية او البريطانية
علاقتكم الزوجية غير مريحه كل واحد شايف حاله ع الثاني...الشك...العناد..غير مقتنعين ببعض
الله يعين ويلطف بحال بنوتتكم...راح تعيش بوضع غير مستقر نفسيا

بالنسبة لتقبيل اليد بالطريقة اللي ذكرت... فعلا هي طريقة تنرفز وتشعرك بنقص اللي قدامك.. مااحب احد يتصرف كذا ارثى على حالهم
جربت هذا الشئ فعندي موظفة بالعيادة لااحتاج لها بس وظفتها عشان ظروفها صعبه واذا ساعدتها بمبلغ مالي اضافي تعمل نفس الحركة مع اني نبتها بالا تعمل هذا الشئ... مو حلو ابد

السلام عليكم
حاولت اكمل موضوعك ماقدرت..من وصلت قصة انك مريض نفسي..باختصار
" رضينا بالهم والهم ما رضي بينا"
مااا افهم لييييش اذا البنت من البداية ماعجبتك لا شكلها ولا تفكيرها ليش يا اخي عشان دينها؟؟ اي دين ما احنا كلنا الحمد لله مسلمين ،أحسك كانك تعاقب نفسك على زواجك الاول اللي ما تم!
من فضلك انا مرأة بس والله صدري انقبض وما قدرت اكمل قراءة، فكيف انت عايش هالهبل؟؟
شغلت التسجيلات لا اعتقد انها تدخل رجال وإلا كنت سمعت اصواتهم يتكلمون.........
الحل واضح بس الله يعينك....

دليلك ضعيف جدا جدا

__________________

للأسف قراءة الموضوع أخذت من وقتي الكثير ويا ليتني خرجت بفائدة

اخوي الله يهديك واضح انك مريض بالشك

وبعدين لو زوجتك مسويه شي غلط كان لما عرفت بأمر التسجيلات انهارت وترجتك تستر عليها

ماكان سكتت عن الموضوع وخلتك تحتفظ بالتسجيلات

وبعدين لاحظ انت واجهتها بالتسجيلات واستمريت في التسجيل عليها بعد المواجهه وتقول انك مازلت تسمع صوت فتح الباب.. يعني لو انها تطلع من الشقه أو تدخل أحد كان أخذت حذرها بعد المواجهة

هذا دليل على انك تسمع الأصوات وتفسرها على كيفك

الصوت اللي تقول عنه صوت الباب يمكن مو باب الشقه يمكن باب أي غرفه أو الشباك أو الدولاب أو أو أو ...الخ

وصوت الصفق يمكن كانت تعجن المسكينة.. أو تصفق نفسها ندما على زواجها منك مثل ماضربت بطنها

عموما لا تستعجل اخوي في اطلاق الأحكام

وفكرة التجسس كلها على بعضها أخطأت فيها خصوصا ان ماكان فيه سبب واضح يدعو لذلك.. التصرفات اللي بدرت منها من الجلوس أمام الرجال وكشف وجهها لشرب الماء يمكن تكون صدرت عن حسن نية

سؤال أخير.. لما تقول ان والدك تغير عليك من بعد مازار أهل زوجتك وان اختك بعد تغيرت من بعد زيارتها لهم.. وش كنت تلمح له؟ وش الهدف من ذكرك لهذه النقطة؟!

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

أنصحك أخي بأن تقرأ عن التفكير الزوراني وعن الشخصية الزورانية.

__________________

طيب مع الشك هذا كله والاصوات الغريبه اللي سجلتها بأكثر من مرا
ليه م حطيت كآميرا مراقب !!!!!!!!!!!!!!!
بعدين انت تقول قصة وانتهت ولا تدور حل ؟
اذا حل اؤك م في مشكله بس إذا قصـة
لاتتكلم عن وحده بيوم من الايام كآنت زوجتك والأهم إنها للحين
أم بنتك

الله يشفيك وينور بصيرتك..
الله لا يبلانا ..

أخي الكريم ،، لربما كل ما سمعته او رصدته من ردود افعال ماهي الا اعراض لمرض زوجتك النفسي ! هي اشارت للامر سابقا ولكن انت ركزت على طريق آخر مختلف تماما ! ... كل ماذكرته من اصوات وحركات والخ ممكن تكون فعلا كأعراض لبعض الامراض النفسية وعلاجها ايضا وتلاقيها انحرجت من صراحتك معاها واصرارك لحد الآن !! لو عاملة شي على الاقل بعد الاصرار و المواجهه المتواصلة من قبلك كان انهارت واعترفت بكللل شي !! احنا نساء ونعرف هالنقطة تمام ،،، لكنها مصرة ان مافي شي ... اذن احتمال انها تسمع اصوات ، او كطريق لعلاج الامور بانها فعلا تتخيل وجود شخص تتكلم معه ! حتى الجرس انت متاكد انه لشخص ؟ يعني مو هي اللي نفسها تعمل الشي ؟؟ ...

انا مو جاية ابرر لك ولكن عشان تنظر للموضوع من منظور اخر ! .. مرت علينا هالحالة اخي الكريم ولا الكل خاف على بالهم تكلم جن !! بالنهاية المريضة مسكينة طلع تفضفض مع نفسها وتجيها ساعات حالات من الصرع اللاارادي والمكان يصلح بحالة فوضى وتجلس بعدها مو متذكره اللي حصل وكل هذا بسبب ( تجمع عده امراض نفسية بها ) ...

حاول الاصلاح بدل هدم بيتك ... اجلس معاها وافتحوا صفحة جديدة ،، ماعليك من احد غير زوجتك ! دام اهلها مو ضارينك بشي اذن طنش ! عليك من زوجتك فقط ... اجلس معاها بكل لطف و اوعدها بفتح صفحة جديدة واسألها هل اللي حاصل معاها هي اعراض لحالة تمر فيها ؟ واذا نعم اوعدها بالمساعدة بدون المن والمعيارة مستقبلا بالمقابل خلها توعدك بالمصارحة بكل شي يخصها ....

ونصيحة اخيرة ... اترك عنك حركات المحقق كونان لانها جد تكون مزعجة خصوصا بين الازواج و ماتخلي مجال للمصارحة ابدا ابدا ! ... الكثير يعرف بامور التكنلوجيا هذه ولكن يخليها بعيدة عن حياته الشخصية والا دخل بدوامة مايخلص منها ! ...