13-11-2012, 09:26 AM
|
المشاركة الأصلية كتبت بواسطة بنت الحكمي
هلا غاليتي صباح العود والورود
كلامك جميل والكثير منه مقنع لاكن يا اختي يمكن ان البنت هي ادرى بتعامل اهلها وتعامل زوجها وتدري بتصرفاتهم لأنها هي الأقرب لهم وماعملت كذا إلا لأسباب هي تعلمها وكمان احتمال ان ابوها عكس السالفة علشان مصلحة بنته او لإمتصاص غضبها وبتصرفة رايد لها الخير ويبغاها تكون لها شخصية وتعتمد على نفسها في المستقبل لمواجهة اي زوابع في حياتها وماتجيه كل يوم صياحة نياحة تشتكي عليه بمشاكلها فحب يسوي كذا علشان يقطع عليها الطريق وعلشان تحافظ على بيتها وتتمسك فيه اكثر عاد الله اعلم بنية ابوها في هالموضوع هل هو الإصلاح او غير ذلك واذكر قصة رجل كان زوجته مأذيته بمشاكلها وكانت على الطالعة والنازلة تطلب من زوجها انه يوديها لأهلها على اخلاف بسيط بينهم وتطول في الجلسة عند اهلها واهلها يسكنون في البادية وهم في المدينة ويبعدون عن اهلها مسافة طويلة زوجها تعب منها ومن تصرفاتها واخر شئ شالها وداها لبيت اهلها بسبب خلاف بينهم وكلم ابو زوجته بالسالفة كلها قال له ياعمي ابغاك تشوف لي حل معاها انا تعبت من تصرفاتها قال له عمه طيب ابشر انت روح ولو اتصلت عليك لاترد عليها حتى انا اعطيك خبر المهم زوجها تركها وراح وهي عندها منه طفلين وش عمل ابوها اول شئ قال لراعي الغنم اللي يرعى الغنم والإبل اللي يملكها روح انا معطيك من عندي اجازة ومتى ما ارسلت لك تجيني المهم من اليوم الثاني قال لبنته فلانه راعي الحلال طردته صارت بيني وبينه مشكلة وسرحته ومن اليوم ابغاك انتي تسرحي بالحلال وتجلبين له الماء وتجيبين لنا الحطب للبيت وعيالك خليهم بالبيت قالت تم ابشر يابوي المهم ابوها كرفها بالشغل كرف داخل البيت وخارج البيت كل الشغل على راسها وهي تعبت كل ما تسأل ابوها حصلت راعي قال لها لا وباقي مافكرت اجيب راعي وهي هلكت ترعى وتجيب الماء والحطب وتطبخ وتغسل وتنظف البيت ماعاد قدرت تستحمل اللي يصير فيها كانت تنتظر زوجها يتصل او يجي يصالحها وياخذها مافيه فايدة كل مايتصل زوجها على ابوها يقول له ياعمي اجي اخذ فلانه والعيال بردهم للبيت يقول له صبر باقي الأمور ما استوت زين وكانت تسأل ابوها يتبوي فلان ماجاء ولا اتصل ولاسئل عنا قال لها لا ما اتصل ولا سأل عنكم خير فيه شئ ناقصك شئ قالت لا ابد سلامتك يابوي وهي من الداخل تبغى تغلي تبغى تنفجرمن شدة الضغط والكرف اللي ابوها حاطه على ظهرها ويوم شافها ابوها استوت وصارت تلح وتسأل عن زوجها بقوة وشاف حيلها مهدود اتصل على زوجها وقال له تعال زوجتك ان شاء الله انها استوت وراح لبنته وقال لها يافلانة زوجك اتصل وقال جاي بيحل المشكلة اللي بينكم صايرة هي ماصدقت خبر وقالت لا يابوي الله يسلمك اها وفلان مابيننا مشاكل كلها امور بسيطة نحلها بيننا ان شاء الله ولا تقلق بس هو متى قال لك بيوصل بروح اتجهز واودعكم بنروح عيالي اشتاقوا لأبوهم بنروح لبيتنا وان شاء الله نرجع لكم زيارة وهي ماصدقت ترجع لبيتها هلكانه حالتها حالة لما وصل زوجها استقبلته وعلى السريع يفلان خلنا نعجل نمشي للمدينة الطريق بعيدة علينا وهي تبغى الهجة قال لها ابوها اجلسوا بعد كم يوم عندنا قالت لا لا نجيكم ان شاء الله بالعطل يابوي وفي امان الله ودعتهم وهي مو مصدقة حالها انها انفكت من الكرف والشغل اللي في بيت ابوها وعقبها انصلحت امورها وزانت مع زوجها صارت ماتروح لأهلها إلا وقت المناسبات زيارة كم يوم وترجع مع زوجها وابوها ارتاح من مشاكلهم وفكرته جابت نتيجة معاها وعالجت عنادها وانصلح حالها هي وزوجها طبعا هذا لحكمت ابوها ومعالجته للأمور بطرق اكثر عقلانية خلاها تعرف قد ايش هي كانت مرتاحة وكانت عايشة ملكة في بيتها بدون كرف وبدون شغل وتعب مثل الشغل اللي حصلته في بيت ابوها هناك اباء لهم طرق مختلفة في حل مشاكل بناتهم مع ازواجهم والله اعلم ان يمكن ابو زوجة الأخ له رأي او حكمة في تصرفة عاد الله اعلم بذلك ونحن هنا ندعو الله ان يصلح حالها مع اهلها ومع زوجها وان شاء الله ان زوجها يكون حريص على اصلاح الشرخ اللي حدث بين زوجته واهلها ويبشرنا بالصلح بينهم عن قريب ولكرم اخلاقة وطيبته ومحبته للخير ماراح يرتاح او يرضى بزعل اهل زوجته على بنتهم او مقاطعتها لهم لأن هذا من شيم الكرام والله يعينه مثل ماكان الخلاف علشانه يصلح الأمر بنفسة ويرجع المياه لمجاريها لأنه اذا ماسوى كذا ماراح تزين له امور حياته وزوجته اهلها ماخذين في خاطرهم عليها لازم ابوها وامها يرضون عنها علشان ربنا يسعدها في حياتها مع زوجها وسعادتها من سعادة زوجها وربنا يوفقهم ويسهل امورهم ويكتب لهم الخير والصلاح في سائر امور حياتهم يارب وشاكرة لك تعقيبك ومروك الطيب غاليتي صباح العود بارك الله فيك وجزاك الله خير . |
13-11-2012, 10:33 AM
13-11-2012, 11:31 AM
13-11-2012, 12:13 PM
13-11-2012, 01:09 PM
13-11-2012, 01:13 PM
|
المشاركة الأصلية كتبت بواسطة حلم الواقع
اذكر انك منذ اربعه اشهر ذكرت انك متزوج من اخرى
وذكرت بعض القصص وشكواك بين زوجتيك والان تقول انك تزوجت بعد العيد !!!!! ثم ظهرت زوجتك الاولى وردت على موضوعك من معرفك على العموم الله يرزقك العدل بينهم ويصلحك ويصلح ما اعطاك واقول لزوجتك الله يربط على قلبك ويعوضك بالاخره |
14-11-2012, 12:35 AM
|
المشاركة الأصلية كتبت بواسطة رجل اهبل
اعتذر
الموضوع حذفووه قالو مافيه فايه وقالو ازعجتهظ بزوجتي |
14-11-2012, 01:27 AM
|
المشاركة الأصلية كتبت بواسطة صباح العود
اهلا بأختي الفاضله بنت الحكمي
بالتأكيد اختلاف الرأي لايفسد للود قضيه بما ان زوجها ملاك ليش تروح لاهلها زعلانه من الاساس اليس كريم وشهم وخلوق و..و..الخ.. ؟؟ ابوها ماراح سحبهامن بيتها وهي لم تشتكي كما تقول ولو هذا الكلام بينها وبين ابوها واهلها فقط نقول ممكن تكلمه بانها تبي ترجع لزوجها لكن زوجها موجود ويتفرج وهي تعابط في ابوها وتقول لا ابرجع وتخلي موقفه سخيف قدام زوجها بعض الازواج يستغلوا المشكله بينها وبين اهلها ويضغط عليها وربما يظلمها* فرضا صارت مشكله كبيره بينهم بالله كيف تقدر تشتكي لابوها ؟؟* الزوج هو اللي عرض زوجته وابنائه للتشتيت بسبب فرض هذا الامر جبرا وعيب والله عيب اكسر كلمة ابوي بعد هذا العمر والله لو اعرف اني بتطلق* هو ان كان بايع ومحنا هامينه بيطلق وبيشتت وان كان حريص على ابنائه من التشتيت فلن يطلق* وحتى لو غلط يظل ابوي واظل تحت شوره وامره وادعي الله بالتوفيق واذا بنتكلم بلغة المصالح وأن ابنائي هم من سينفعوني اما الاب فماهمه الا نفسه ولن ينفعني بشيئ اذا الاب كما تقولين ماهمه الا نفسه فماذا سنقول عن الزوج اذا* مو أمامك الان تزوج عليها* اين ذهبت تربيته وتعبه وكده طوال السنوات صعب جدا نقول عنه ماهمه الا نفسه حتى وان كان غير حكيم ينفعني ابي في رضاه عني * فسيرضى الله عز وجل عني ايضا فالتوفيق لايكون الا برضى والدي علي ودعائهم لي بسبب بري لهم في الدنيا والآخره واذا نزع التوفيق والعياذ بالله سيفعل بي أبنائي ماأفعله في والدي * والقرآن والسنه مليئه بفضل برهما اما الابناء فهم على مااعتقد معها يعني شهرين زياده ماراح تضرهم واذا ابوهم بيشتتهم عشان مصطلح (كلمتي ماتطيح بالارض )فهو السبب وليس الوالد *يعني متزوج علي وكمان يهدد بالطلاق الاب يمكن انه بيحط لبنته مكانه *مو اي يوم يتذكر فيه الزوج ان عنده زوجه يروح ياخذها من بيت اهلها في نفس اليوم *وغصبا عن ابوها بعد اما الخط الاحمر فاذا انا بنفسي رحت اشتكي من زوجي *وازعل واشرد بيت ابوي وادخلهم في مشاكلي من الاساس فانا اول من سمحت *بتعدي هذا الخط* مع ان والدي لايتمنان لي الا كل خير ولا يريدان مني شيئ غير الستر والصلاح والتوفيق فبالتأكيد هم أحرص مني على بقائي معززه مكرمه في بيت زوجي* الزبده ماراح يكون لها وجه تشتكي لابوها لوصار لاسمح الله مشكله وربما ستتجرع الظلم والمراره اذا أخطأ الزوج في حقها بسبب هذا التصرف !! اما الوالدين فقولك بيسامحون بعد كم يوم يمكن ويمكن لا بس الاهم مابينسون* |
14-11-2012, 06:54 PM
|
المشاركة الأصلية كتبت بواسطة rosettelibre
زوجتك اخطات خطأ كبير بعصيان والديها لاجلك ولاجل من لاجل رجل تخلى عني والله ما انزل كلمة ابوي الارض من اجل رجل حتى لو كان طلاقي للاسف النساء اليوم يشترون الرجل ويبيعون الوالدين وادا جار عليها الزمن لمن ترجع لولديها اللي كسرتهم امامك الله يلطف بها
|
14-11-2012, 07:29 PM
:*
زوجتك...((ستندم))
لأنها :لم تدع لها ظهراً بعد اليوم تستند عليه
:*
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
