انا راح اقوله بس اعرفه بيروح يشتكي على امي وتحصل مشاكل
بالنسبه اخواتي كلموه لكن قال انا مامنعتها تلبس اي لبس قدام زوجها وعادي
انا ماضايقتهم وانا ابغى اتوظف ويطلع الف عله عشان يسكن عندي ويقول عندي ربو مااقدر اعيش عند اهلي
بالرغم اني ساكنه في الرياض وتعرفون عواصف الرياض الرمليه وكيف يكون الجو والبرد ياسلام
يحاول يطلع مليون عله وانا ساكته عشان امي راح تسوي مشاكل مالها اول عشان فضلت زوجي على اخوي
بالنسبه لاخوالي اعمامي هذولا مستحيل اكلمهم في هذا الموضوع لانهم راح يتشمتون ويقولون ماتبغى اخوها واشكتكت علينا يارب يفرجها خوفي من المشاكل صار كبير
بالنسبة لأمك
تفهمي شعورها
لاتذكرين لها اي شيء عن زوجك وعن حياتك
ولا حتى سفراتكم
يمكن المسكينة تغار وهالشيء غصب عنها
فلا تثيرين غيرتها
أحيانا قولي لها أتمنى واحد فاهم وعارف مثل ابوي
ولو قالت ليش قولي خليها على الله
يعني لاتغتابي ولا تبالغي بالمدح
أما أخوك بكل صراحة لو كنت مكانك كان هيئت له المجلس مع حمامه-تكرمين- بالتي في والذي منه
وقلت له حياك ياغالي وجودك يسعدني
وبما انك توظفت وخلاص
فأبيك تستقر بالقسم اللي بيكون خاص لك
ولو حاول مايفهم
أقوله بصريح العبارة تخيل نفسك مكان زوجي
وأنت عزوتي وتسوي بحياتي كذا كيف الغريب؟!
يا اختي انا عارفه وضعك ماتبغين اهلك يزعلون عليك وهذا شي طبيعي كلنا كذا
فعشان كذا انا اقولك اسحبي نفسك من الموضوع وخلي زوجك يقوله ويواجهه وانتي مالك دخل في السالفه يمكن اخوك يستحي على وجهه ويطلع واذا ماطلع اعرفي انه هو قاصد مضايقتكم وتصرفي بعدها تصرف ثاني
بالطريقه هذي ماصار منك اي شي يزعل اهلك اذا زعلو بيزعلون على زوجك وانتي مثلي دور المسكينه الي مافي يدك شي تسوينه لهم لانه زوجك الي كلم اخوك وتدخل
وانتي امسكي امك وقولي لها ماترضين احد يخرب بيت بنتك
وخلي زوجك هو يتحمل كل شي وبيزعلون عليه بس اهم شي انتي يكون راضي عليك مو شرط يرضى على اهلك لانه متزوجك انتي ولا هو شرط يرضون عليه اهم شي انتي ماتخسرينهم وتكوني خارج الموضوع