اعتقد ان امها اكيد راح تكلمك ثاني واذا كلمتك قول لها على الرسايل وصورها لها وارسلها خلها تعرف انو بنتها هي الغلطانه وقول لامها ان بنتها هي اللي ماتبي تصلح امور حياتها وهي اللي تسعى ورا خرابها
وانك رجال مقتدر وتقدر على الزواج
وامها هي اللي بتعقل بنتها
اعتقد ان زوجتك في احد معبي راسها ومقوي شوكتها ومتاكدة بعد ما تولد راح تتغير الامور محد بيستحمل طفله صغيرة وصوت بكاها واللي بيساعدها وواقف جنبها راح ينسحب بالتدريج وتعرف ان مافي احسن من بيتها وزوجها

اختي ..

امها حاليا مسافره وراح تجي ع ولادتها .. وسط الشهر الجاي راح تكون في شهرها التاسع ! وبصراحه ماادري .. اذا ابادر واتكلم مع امها ثاني مره او اترك امها الى ان هي تبادر وتفتح موضوعنا .. !!!!!

امها قالت لي راح اجيبكم مع بعض ونحط النقاط على الحروف !! متى ناويه تسوي هالنقطه .. لا أعلم .. قبل او بعد الولاده وغالبا راح تكون بعد ولادتها !!!

الواضح انه في احد معبي راسها وبقوه .. شله بنات من صحباتها او طليقات خوالها !!

في وحده منهم ابدا ماارتحت لها .. احسها راعيه مشاكل وحتى خالها اتضرر منها كثير ع موضوع الحضانه !!!

الله يسهل الأمور ويجيب العواقب سليمه ..

آخي استمر على ماأنت عليه
آنت في الطريق الصحيح
هي الآن تتعلم آنك شخص آخر مختلف عن ما اعتادت عليه
اتق شر الحليم إذا غضب
الآن هي تعيش فترة انتقالية في المشاعر والرؤية والفكر
تستوعب ببطء شديد من موقفك هذا وحزمك وصدودك أفضل من عشرات الدروس والنقاشات التي دارت بينكما
قد يأتي يوم تآتيك معتذرة خائفة وهذا ما نرجوه إن كان في داخلها بذرة صلاح
وقد تستمر في غيها وعنادها فيأتي دورك في الاصلاح لكنك حتما ستجني ثمرة حزمك وتجاهلك الحالي لها.. نصيحتي وأنا امرأة أن تطيل فترة التجاهل لمصلحتها وتصبر لتستقيم حياتك القادمة بإذن الله

نتمنى ذالك لما فيه من الصلاح لها ولبيتها ..

الله يسهل الامور ..

وجدت اتصال من اختها الكبيره ..

وش رايكم ارد ولا ماارد عليها !!!

ماودي ادخل الحريم بالموضوع !

أشوف أنك ترد و سوي روحك ما تعرف شئ قولها واحد ما طلعها من بيتها هي الي راحت بروحها
اسمع منها فقط و لا تعطيها ما يدور في بالك
أكد أن ما حد قلها اطلعي من بيتك هي الي طلعت لحالها و لا تجيب سيرة العزا أو بيتكم أصلا هدا الكلام ما ينعاد من بساطته لانها حبت فقط توري عضلات و تعمل من الحبة قبة

ياليتك ترد ..وتبين لها اخطاء زوجتك على شكل نقاط

ماتدري يمكن هالاخت محضر خير
وتقدر تقنع اختها وتعلمها اخطائها وتنصحها
يمكن هالاخت تقدر تقنعها اكثر من اي شخص اخر

حنا نقتنع باخواتنا اكثر من اي احد
حتى اكثر من والدينا ( امهاتنا وابائنا)

عن نفسي الكلام اللي يجي من اختي اتقبله اكثر من زوجي ..مادري يمكن الاخت تكون محايده وحاسه باحساسي كامراه فاتقبل رايها اكثر

اتصال اختها في حالتين له ...

- احتمال انها تستإذن لي اختها زوجتي المصون انها تجي عندها بالرياض .. عشان عندها عقيقه ابنها !! رغم ان زوجتي حامل بالشهر الثامن فامااتوقع انها تقدر تسافر .. مدري انتم اذا حمتلوا وفي الشهور الاخيره الدكتور يمنع من ركوب الطائره ام لا ..

- انها تبي تسمع منى .. او انها بتوصل كلام اختها لي ..

مشكله اختها انها .. ماتمسك سالفه ع طوول تعلم العالم .. انه قال وقال ونبداء في موضوع قال وقالنا !! وهالشي يزيد الطين بله

برأيي .. تكلم امها ..
و تجلس تتفاهم مع الام ..

لا تدخل الأخت و لا اخوها و لا عمها و لا خالها