😑😕 آخ منكم.. اشحقه يعني تخلون فضولي يشتغل

__________________

حاجة الناس إليكم من نعم الله عليكم ، فـ لا تملوا النِعم ☁✨

بونسواركن يا ئمامير😙😙😙😙😙
بعد شوي بدي اشوي ذرة وكستنا وكمان اتحلى بالرطب اللي ما عارفة شوكتي تنزل صورتو
🌽🌽🌽🌽🌰🌴🌴🌴🌴🌴🌴🌽🌽🌽


برجع بوافيكن بالصور

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

بونسوار يا سكاكر.




اليوم كان حافل .. أمي مسوية غدا وكلنا كنا مجتمعين،

الله يديم لمّتنا يا رب.

__________________


اللهم طِيبَ الأثر .. وحُسْنَ الرحيل.

م ادري اذا مريوم تقصديني بتعقيبك


انا م جبت طاري للقصور بالتربية بالعكس يبي لهم جهد مضاعف


هو مش كره وعداوة للاسف اتوقع غيييرة

__________________




ربِ هب لي من لدنك ذرية طيبة أنك سميع الدعاء

مهرة غيورة كثير يا شوك .. لما كانت أصغر كانت تغار حتى من سلطان مع إنه هو الأكبر .. لكن غيرتها منه خفّت كثير مقابل زيادة غيرتها من شما!

أنا حريصة جداً على الأحضان والقبلات والمزاح والضحك معاهم كلهم .. ومع ذلك مستحيل مهرة تطوّف موقف ألعب فيه مع شما أو أضحك معاها .. وعلى طول تقولي: ماما ليش ما تلعبين معاي مثلها؟ .. ليش ما تبوسيني مثلها .. ولو عملت مع شما حركة فيها مزح أو عاطفة على طول مهرة تطلب مني نفس الحركة وبنفس الطريقة.


أحياناً تكون عدوانية معاها .. وأحياناً تقولها صراحةً: ما أحب شما!

تقولها لي .. وتقولها لعماتها.

كلمتها وقلت لها: يا ماما هذي أختج .. ما ينفع ما تحبينها .. وإنتي أختها الكبيرة اللي لازم تديرين بالج عليها.

ومؤخراً كلمتها من الناحية الدينية .. لأنها مرات تكلمني عن رغبتها في الحسنات وإنها تخاف إن الله يزعل منها .. فاستغليت الفرصة وكلمتها عن أختها وقلت لها كل شي حلو تسوينه مع أختج الله يعطيج عليه حسنات أكثر من لو سويتيه مع حد ثاني .. لأن أختج أهم من أي حد.

تأثرت يومها كثير .. وقالت لي: خلاص ما راح ألعب مع فلانة وفلانة وفلان وفلان (عيال عماتها) .. وبس بالعب مع شما.

قلت لها: لا .. العبي مع شما والعبي معاهم .. بس ما يصير تلعبين معاهم وما تلعبين مع شما.


ومع ذلك راحت لعمتها من يومين وقالت لها: أنا ما أحب شما!


مع إن شما يا قلبي تمووووت في مهرة ويهمها كثير إنها تكون معاها.

مثلاً إذا أنا رايحة المطبخ والمفروض إنها بتيي معاي .. لازم مهرة تيي معانا أو تنتظر داخل لين مهرة تيي معاها .... إذا عطيتها كاكاو تقول لي: ومهرة؟ .... مرة قلت لها بروح المول وباخذج معاي إنتي بروحج (مقابل طلعتي مع مهرة لما وديتها السينما) .. شما ما رضت وصممت إن مهرة تروح معانا.

طبعاً في مواقف حلوة بينهن .. ومرات يكونن سمن على عسل ويلعبن مع بعض بكل تفاعل إيجابي .. لكن مع ذلك عندي قلق فعلاً من المستقبل.


أتذكر لما كنا صغار كيف كان أخوي عدواني معاي .. بس تعالي شوفيه الحين وشوفي حنّيته وقوة علاقتنا مع بعض.

خوات زوجي بعد يحكوني لي عن علاقتهم وهم صغار وكيف إن بعضهم كانوا حاطين دوبهم من دوب بعض .. والحين شوفيهم كلهم على قلب واحد.

لكن بعد قلبي ناغزني وأقول: شو يضمن لي إنها مشاعر مؤقتة وبتنتهي لما يكبرن؟

__________________


اللهم طِيبَ الأثر .. وحُسْنَ الرحيل.

🌷🌷
كل عام وانتم بخير يا حبايب ..كلاً بإسمه
الله يجعلني واياكم من الفائزين بعطاياه وكريم هداياه
واليه من العائدين اعواما عديدة ببركة عمر وصلاح عمل ..
وكل عام وانتن بعافية من الدين والدنيا ..

__________________

عيدج مبارك يا الشقردية.

وعساها أيامج كلها أعياد.

__________________


اللهم طِيبَ الأثر .. وحُسْنَ الرحيل.

مهره تبين نصيحتي ؟؟
وقفيها من الحين والله نصيحة محب وقفيها من الحين
آنه كنت نفس مهرة بالضبط
وبعدين لما كبرت تطور الامر صرت اي احد يعطي احد غيري شيء
على طول اقول اشمعنى آنه!
الحين تغيرت بس بجهاد وتعب تعب تعب تعب تعب

اذا قالت لج بوسيني بنفس طريقتها
ما اعرف شنو التصرف المناسب بس لا تطيعينها شوي شوي بتتطور مشاعر الغيرة
آنه واختي حاليا سمن على عسل وما بيننا غيرة
لكن صارت الغيرة في امور غير من حياتي وآنه تعبت بالتغيير
ومو تغير جذري لاني لازلت اجاهد

__________________

حاجة الناس إليكم من نعم الله عليكم ، فـ لا تملوا النِعم ☁✨

ما تقصدك
أنا اللي تكلمت وقلت هالكلام
وما زلت مصرة عليه
يتخانقون يتهاوشون عادي بس ما ينفرون من بعض
وإذا نفروا أقربهم
واللي ما تعرف تجمع عيالها على قلب واحد
للأسف قصرت في تربيتهم من هالناحية.

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

مساء الخير
اليوم كان الجزء الاول من الزيارات و بكرة نكمل
جيت لعد العشا على طول للمطبخ .
كان كارثة