النزول السريع يضر الجسم أهم شي القياسات تتغير والأهم مايترهل الجسم بعد النزول , انا الحمدلله خلال سنه نزلت 10 كيلو صحيح النزول بطيء بس راضيه جدا عن النتيجه اللهم لك الحمد ولازلت مستمره حاليا وزني 77 أبي أنزل بعد 10 كيلو أسأل الله أن يعينني.

__________________
الحمدلله حمدا جزيلا ...

صادقه الوفاء اهم شي لا يترهل الجسم
ولا تتعب البشره ولا الشعر
اخذ فيتامينات مع رياضه مع نزول معتدل والامور كلها بالسليم

حبيبتي مبتعثة انتوا دايما بالقلب ⚘⚘⚘⚘
والحمدلله والشكر لله انعم علينا بشوفة الأهل والأحباب
صحيح مرت الأيام بسرعة بس المهم انبسطت بشوفتهن
والله يرزقنا قريبا العودة الى لبنان لانو عنجد ما شبعت من شوفتهن 😓
















برافوووو حبيبتي مبتعثة بالعكس ٢ كيلو منيح وكتير حتى يعني كيلو بالاسبوع كتير منيح
اما تنزلي اربعة كيلو باسبوع فحرام لانو النزول السريع الو سلبياته ومنها الترهل واكتساب الوزن بسرعة متل خسارته
فكل ما كان وزنك نزوله بطيئ كل ما كان افضل وأدوم

بالتوفيق يا عسل
ان شاءالله توصلي للوزن المطلوب والجسم الرشيق والله يديم عليك الصحة الجيدة هيدي اهم شي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

السلام عليكم يا اهل الدايت
مبتعثة رائع واصلي 2kg رائع في الاسبوع اكثر من ذلك غير مستحبوما فقد بسرعة يسترجع بسرعة
الله يقويك
حبي ميمو نورتي المنتدى
ها خبرينا كيفك مع الدايت
انا خربتها هذه الايام بالايسكريم كم احبه عشقي الابدي
ولما يأنبني ضميري طبعا بعد ما آكله امشي اكثر واتحرك لحرق السعرات
تبا لهذا الدايت المزعج ههههههه
هذه صورة قبل البارح اموت في هذا المكان

وين ساكنه وفا

يسعدلي مساكن يا اصحاب الرشاقة والروح المتفائلة
طبعا وعدتكن خبركن شو صار معي بس نزلت علبنان
اول شي الكل بلبنان من تلات سنين وعشر اشهر شافوني بوزن ال٧٤ قبل ما سافر من بعد ما زدت ٢٤ كيلو اثناء تناولي ادوية الوسواس والاكتئاب
والاكثرية شافني بالصور من بعد ما نزل وزني بس وقفت الادوية وصار وزني ٦٥ و٦٤ بس الصور شي والواقع شي تاني
وقبل ما انزل على لبنان وصل وزني بسويسرا لل٥٩
وكنت متوقعة اني زيد بلبنان شي ٦ او ٧ كيلو عالاكل لانو قلت رح استمتع مع الاهل واكل كل شي بحبه وما احرم نفسي من الاشياء اللي ما موجودة بسويسرا وخاصة اني من محبي السندويشات على انواعها واجازتي قصيرة ورح ارجع اكل من اكلي الصحي وارجع لممارسة هوايتي المشي

وبلبنان ماا باكل من عند اي حدا الا من المطاعم اللي بضيعتي او بمحيطي عند ناس بنعرفهن وموثوقين وبنعرف نظافتهن وجودة الطعام عندهن

وهيدي بعض الاكلات اللي اكلتها وبعد في صور للترويقة ان كان لحم بعجين ومناقيش الخضرة والزعتر والكفتة والسودة وفول وحمص بس مش عارفة بأي تلفون مصورتهن لانو استعملت كذا تلفون من كتر الصور هههه
بعدين بس نزل تقرير عن لبنان بنزلهن اذا الله راد

أغلب اكلي كان سندويشات تويستر وزنجر ودجاج وشاورما ومشاوي وكباب تركي وهمبرغر وسجق مع جبنة عالصاج وطبعا اللحمة المدقوقة والفراكة يوم بعد يوم اعتبرهن تحلاية
وخبز المرقوق كل يوم الصبح اكل طازة قبل الترويقة واكلات كتير مع التحلاية من كيك وايس كريم وكنافة بالجبن وحلويات للاسف البعض ما صورتها













هيدول الصور نزلتهن لتشوفوا ئديش زدت مع هيدا الاكل وئديش إفادة المشي البطيئ لحرق الدهون عالبطيئ من الجسم على المدى البعيد


المهم بس نزلت الكل اتفاجأ فيني ويقولولي كتير نحفانة عن الصور اللي كنا نشوفهن
وابتدأ مشوار اكل كل شي بحبه من سندويشات وايس كريم وحلويات يشكل يومي
وبنفس الوقت اجازتي كانت كتير قصيرة ٢٠ يوم كانوا يركضوا ركض وانا اركض معهن وضل بحركة دائمة
ولقبل ما سافر مين ما يشوفني يقلي كتير نحفانة ويستغربوا اني ما زدت بالرغم من الاكل اللي عم آكله
وطبعا بس رجعت وزنت نفسي زدت بس تلاتة كيلو وما ظهر عليي اني زايدتهن

اللي استنتجته لو كاينة عاملي ريجيم قاسي مع حرمان جسمي من كتير اشياء بشكل نهائي ان كان من السكر او الحلويات او الاجبان وانواع الكريمة والصوصات والمعجنات
كنت من اول اسبوع رح اسمن بشكل مش طبيعي
بس لأني عودت جسمي ياخد من كل شي وبشكل صحي مع تمرير بعض الايام اكل اكلات مش صحية او فيها سعرات حرارية ولو بشكل معقول


والكل بيعرف اثناء تواجدي بسويسرا ما عملت ريجيم اكل قاسي ولا حرمت نفسي وحرقت اغلب الدهون من ورا المشي وتخفيف بعض الاشياء اللي فيها سعرات حرارية عالية متل الشوكولا والمايونيز بس ما وقفتها بس قللت منها وكنت مرر تارت وايس كريم وفواكه مع كريما وعسل
بالاضافة الى اغلب ايام الاسبوع كل اكلي صحي وكتير خضار مثلا خمس ايام اكل صحي
ويومين اكل مطاعم او اي شي من برا



وحبي وفا على سيرة الايس كريم مثلا البارحة اشتهيته رحت اشتريت واحد وفيه ٢٤٠ سعرة حرارة فرحت اتمشيت انا وعم اكل الايس كريم كنت مستمتعة بأكله وبنفس الوقت عم امشي
فمشيت ساعة ونص ورجعت عملت تمارين نص ساعة
وضميري مرتاح
فهون ما حرمت نفسي وبنفس الوقت حرقت اكتر من اللي اكلتهن
ومن تجربة اللي كل مرة عم اتعلم منها اكثر واكثر
انو ما ضل على نفس المستوى بالسعرات وكميات الاكل
لانو الجسم اذا اتعود على نفس الكمية بيقل الحرق عنده
يعني مرات باكل انواع فيها سعرات اكثر ومرات اقل
ومرات بعمل ساعات رياضة اكثر ومرات اقل
والشي الوحيد اللي ما وقفته هو شرب عصير الجريب فروت كوبين او تلاتة باليوم

بالتوفيق للجميع

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

وهيدا البارحة كان فطوري صحي فزودت جسمي بالكالسيوم والفيتامينات وحسيت بالشبع وما اخدت سعرارت حرارية عالية




وهيدا الايس كريم اللي البارحة اكلته

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

عوافي ميمو
بس افضى واقول لكم اخر مستجداتي
دعواتكم
ميمو ناطرين تقرير لبنان
وبنات بليز خليكون تشاركونا
وفا وميمو جد يعطوني بور قوي الله يجزاهم خير
وين البقيه

الي مضايقني النزول البطيء بالوزن
على اني ملتزمه بالاكل و الوجبات المققننه
ماتزيد عن الف و 200 سعره
ورياضه اكثر ايام الاسبوع
الا ان النزول بطيء

حبيبتي مبتعثة النزول البطيئ احسن من ولا شي
واعطي حالك مهلة سنة لتوصلي لهدفك ولو طالت المدة لسنة ونص كمان
المهم عم ينزل كل شهر ولو كيلو او اثنين
على مدار السنة اقل شي ١٢ كيلو ينزل من وزنك وكتير كتير منيح
مع اني بشوف ١٢٠٠ سعرة حرارية باليوم كتير قليل
وخاصة اذا عم تعملي رياضة كذا يوم بالأسبوع

انا حاليا بحاجة جسمي ل٢٠٠٠ سعرة حرارية عم آخد بحدود ١٨٠٠ او ١٦٠٠ ومرات بتوصل لل٢٠٠٠
بس وقت باخد ١٦٠٠ بيكون اكتر الاكل فيه خضار وباقي الاصناف فيهن سعرات حرارية اقل
وبكون شبعانة عالآخر



بس يجوع الجسم بيصير يحرق اقل لانو بيصير بدو يخزن الدهون للاحتياط وهيدا كلام دكتورنا الصحة

لانو اذا اتعود الجسم عالسعرات الحرارية القليلة بيبطل يحرق متل قبل

فشوفي حالك اذا عم تضلك جوعانة او مرتاحة مع هالنظام

وجربي شهر إلعبي بالنظام الغذائي والتمارين مثلا مرة اتدربي ساعة ونص وتاني يوم رياحة واللي بعده ساعة وهيك كل يوم شكل


وجربي عصير الجريب فروت في حال ما عم تاخدي ادوية


بس اهم شي ما تيأسي وحبي اللي عم تقومي فيه
ما تغصبي حالك على شي ولا تنتظري نزول سريع
بالتوفيق يا قمر

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه